વૈશ્ર્વિક બજારોમાં ભારે ઘટાડાના પગલે ભારતીય રોકાણકારોના રૂા.5 લાખ કરોડ સ્વાહા

સપ્તાહના છેલ્લા દિવસે સેન્સેકસમાં 1000 થી વધુ અને નિફટીમાં 300થી વધુ પોઇન્ટનો ઘટાડો થતા રોકાણકારોના 5 લાખ કરોડ ધોવાઇ ગયા હતા. આજે શેરબજારમાં સાર્વત્રીક વેચવાલી જોવા મળી હતી. તમામ સેકટરમાં ઘટાડો થવા મળ્યો હતો. કોંગ્રેસ પાર્ટી દ્વારા વોકહાર્ટ કંપની અને સેબીના વડા વચ્ચે સાંઠગાંઠના સમાચારથી વોકહાર્ટ કંપનીમાં 5 ટકાની લોઅર સરકીટ લાગી ગઇ હતી.

ગઇકાલે 82201ના લેવલે બંધ થયેલ સેન્સેકસ આજે સામાન્ય ઘટાડા સાથે ખુલ્યા બાદ 1220 પોઇન્ટ ઘટીને 80981 સુધી પહોંચી ગયો હતો. જયારે નિફટીએ પણ આજે મહત્વની 25000ની સપાટી ગુમાવી દીધી છે. આજે નિફટી ગઇકાલના 25145ના બંધ સામે 344 પોઇન્ટ સુધી તુટી હતી.

નિફ્ટી 50 ખાતે સાર્વત્રિક વેચવાલી જોવા મળી હતી. માત્ર 5 સ્ક્રિપ્સ જ પોઝિટિવ ટ્રેન્ડમાં ટ્રેડ થઈ રહી હતી, અન્યમાં 3 ટકા સુધીનો ઘટાડો જોવા મળ્યો હતો. પીએસયુ શેર્સમાં આજે મોટાપાયે પ્રોફિટ બુકિંગ જોવા મળ્યું છે. બીએસઈ પીએસયુ ઈન્ડેક્સમાં ટ્રેડેડ કુલ 59 શેર્સમાંથી માત્ર 3 શેર્સ જીએમડીસી (2.38 ટકા), એનએલસી ઈન્ડિયા (0.41 ટકા), રાઈટ્સ (0.31 ટકા) ઉછાળે ટ્રેડ થઈ રહ્યા હતા. અન્ય તમામમાં મોટા ગાબડા જોવા મળ્યા હતા. ક્રૂડ ઓઈલના ભાવમાં ઘટાડો થતાં ઓઈલ કંપનીઓના શેર્સ તૂટ્યા છે. મઝગાંવ ડોક 3.33 ટકા, ઓઈલ 3.50 ટકા, આઈઓસી 3.28 ટકા ઘટાડે ટ્રેડ થઈ રહ્યા છે.

ટેલિકોમ ઈન્ડેક્સ આજે સમાચાર લખાયા ત્યાં સુધીમાં 3.43 ટકાના કડાકા સાથે ટોપ લૂઝર રહ્યો હતો. જેમાં સૌથી મોટુ ગાબડું દેશની ટોચની બીજા નંબરની ટેલિકોમ કંપની વોડાઆઈડિયાના શેર્સમાં (13 ટકા) નોંધાયું છે. આ સિવાય ઈન્ડસ ટાવર 5.80 ટકા, એમટીએનએલ 3.16 ટકા ઘટાડે ટ્રેડ થઈ રહ્યા છે. ઉલ્લેખનીય છે, છેલ્લા કેટલાક દિવસથી ટેલિકોમ ઈન્ડેક્સ સતત નવી રેકોર્ડ ટોચ નોંધાવી રહ્યું હતું.

વૈશ્વિક શેરબજારોના સથવારે માર્કેટમાં મોટો કડાકો નોંધાયો છે. અમેરિકાના જોબ ડેટા નબળા રહેવાના અંદાજ સાથે આર્થિક મંદી વધવાની વકી નિષ્ણાતો આપી રહ્યા છે. જેના લીધે રોકાણકારો હાલ થોભો અને રાહ જુઓની નીતિ અપનાવી રહ્યા છે. જેથી વિદેશી રોકાણકારો પણ વેચવાલી નોંધાવી રહ્યા છે. બીજી તરફ સ્થાનિક સ્તરે આર્થિક સ્થિતિ મજબૂત છે. માર્કેટ છેલ્લા કેટલાક સમયથી સતત તેજી તરફ આગેકૂચ કરી રહ્યું હતું. જેના લીધે ઘણા શેર્સ ઓવર વેલ્યૂએશન ધરાવી રહ્યા છે. વોલ્યૂમ પણ વધ્યા છે. પરિણામે પ્રોફિટ બુકિંગના કારણે કરેક્શન જોવા મળી રહ્યુ છે.

વૈશ્વિક બજારોના નબળા સંકેતો વચ્ચે ભારતીય શેરબજાર આજે ઘટાડા સાથે ખુલ્યું હતું. આજે વેપારની શરૂઆત થતાં જ સેન્સેક્સ અને નિફ્ટીમાં મોટો કડાકો બોલાઈ ગયો. BSE સેન્સેક્સ 709.94 પોઈન્ટ ઘટીને 81,845.50 પર ખુલ્યો હતો. તે જ સમયે, NSE નિફ્ટી 189.90 (-0.75%) ઘટીને 189.90 પોઈન્ટ પર ખુલ્યો હતો. આ સાથે જ બેન્ક નિફ્ટીમાં લગભગ 250 પોઈન્ટનો ઘટાડો જોવા મળ્યો હતો. નિફ્ટી મિડકેપમાં લગભગ 500 પોઈન્ટનું નુકસાન જોવા મળ્યું છે.
જીક હતો.

લગભગ તમામ મોટા શેરો ખોટમાં છે
સેન્સેક્સ પરના મોટાભાગના શેર શરૂઆતના વેપારમાં ખોટમાં છે. માત્ર 3 શેરો એશિયન પેઈન્ટ્સ, સન ફાર્મા અને બજાજ ફિનસર્વ ગ્રીન ઝોનમાં ટ્રેડ થઈ રહ્યા હતા. ટેક મહિન્દ્રા, ઈન્ફોસિસ, એચસીએલ ટેક અને ટીસીએસ જેવા આઈટી શેર 1.25 ટકા સુધી તૂટ્યા હતા. જેએસડબલ્યુ સ્ટીલ સૌથી વધુ 2 ટકા ડાઉન હતો. એલએન્ડટી, ટાટા સ્ટીલ, એનટીપીસી, ભારતી એરટેલ, મહિન્દ્રા એન્ડ મહિન્દ્રા, ટાઇટન, એક્સિસ બેંક, એસબીઆઈ જેવા શેરોમાં 1 ટકાથી વધુનો ઘટાડો થયો હતો.

મંગળવારે સ્થાનિક બજાર મર્યાદિત રેન્જમાં કારોબાર કર્યા પછી લગભગ સપાટ બંધ થઈ ગયું. ગઈકાલના કારોબારમાં સેન્સેક્સ 4.41 પોઈન્ટ (0.0053 ટકા)ના મામૂલી ઘટાડા સાથે 82,555.44 પોઈન્ટ પર બંધ થયો હતો. ટ્રેડિંગના અંતે નિફ્ટી 1.15 પોઈન્ટ (0.0046 ટકા)ના મામૂલી વધારા સાથે 25,279.85 પોઈન્ટ પર બંધ થયો હતો. તે પહેલા સપ્તાહના પ્રથમ દિવસે બજાર નવી ટોચે પહોંચી ગયું હતું. સેન્સેક્સ 82,725.28 પોઈન્ટના નવા ઓલ ટાઈમ હાઈ લેવલે અને નિફ્ટીએ 25,333.65 પોઈન્ટના નવા ઓલ ટાઈમ હાઈ લેવલને સ્પર્શ કર્યો હતો.

આજે સ્થાનિક શેરબજારમાં જોરદાર તેજી જોવા મળી રહી છે. આજે આજે સપ્તાહના છેલ્લા ટ્રેડિંગ દિવસે સેન્સેક્સ-નિફ્ટીએ અગાઉના તમામ રેકોર્ડ તોડી નાખ્યા છે. આજે પ્રથમ વખત સેન્સેક્સ 502 પોઈન્ટના બમ્પર જમ્પ સાથે 82637ના સ્તર પર ખુલ્યો હતો. ત્યાં જ નિફ્ટીએ પણ ઈતિહાસ રચ્યો હતો અને દિવસની શરૂઆત 25249ની સર્વકાલીન ઉચ્ચ સપાટીથી 97 પોઈન્ટના વધારા સાથે કરી હતી.

આજે સ્થાનિક શેરબજાર ફરી એક નવો ઈતિહાસ રચી શકે છે. એશિયન માર્કેટ અને ગિફ્ટી નિફ્ટી સમાન સંકેતો આપી રહ્યા છે. આજે જે શેરો તેમના વિવિધ અપડેટ્સને કારણે ફોકસમાં રહેશે તેમાં રિલાયન્સ ઇન્ડસ્ટ્રીઝ, ટાટા સ્ટીલ, ટાટા પાવર, LIC, NTPC, ITI, લેમન ટ્રી હોટેલ્સ, સ્પાઇસજેટ, રેલ વિકાસ નિગમ સામેલ છે.