કચ્છ
ભૂજમાં રૂા.29.21 કરોડના ખર્ચે બનેલા બસ સ્ટોપનું લોકાર્પણ કરતા મુખ્યમંત્રી
![](https://gujaratmirror.in/wp-content/uploads/2023/12/kc-5.jpg)
આજરોજ મુખ્યમંત્રી ભૂપેન્દ્રભાઈ પટેલે રૂૂ. 29.21 કરોડના ખર્ચે પીપીપી ધોરણે નવનિર્મિત આઇકોનિક ભુજ બસપોર્ટનું લોકાર્પણ કરીને નાગરિકોને ભેટ આપી હતી. મુખ્યમંત્રીશ્રીએ કચ્છ જિલ્લાના વિવિધ 18 વિકાસકાર્યોનું ઈ-લોકાર્પણ અને ઈ-ખાતમુહૂર્ત કર્યું હતું.
ભુજ ખાતે પધારેલા મુખ્યમંત્રી ભૂપેન્દ્રભાઈ પટેલે કચ્છીમાડુઓને રૂૂ. 266 કરોડથી વધારેના કુલ 18 વિકાસકાર્યોની ભેટ આપતા જણાવ્યું હતું કે, વડાપ્રધાન નરેન્દ્રભાઈ મોદીની દીર્ધદ્રષ્ટિ અને મક્કમ નેતૃત્વના લીધે ગુજરાત દરેક ક્ષેત્રમાં અગ્રેસર બનીને ઊભરી આવ્યું છે. સામાન્ય નાગરિકોના કલ્યાણ માટેની યોજના હોય કે પછી વિશ્વકક્ષાના વિકાસના પ્રોજેક્ટ હોય તે વડાપ્રધાનના બે દાયકાના સુશાસના વિકાસનું પરિણામ છે. મુખ્યમંત્રીએ ઉમેર્યું હતું કે આજનો કાર્યક્રમ પરિવહન, પ્રવાસન, પ્રકાશ અને પાણીના સમન્વયનો વિકાસ ઉત્સવ બન્યો છે.
મુખ્યમંત્રીએ ભુજને આધુનિક બસપોર્ટ મળ્યું તે વાતની ખુશી સાથે જણાવ્યું હતું કે, વડાપ્રધાનએ એરપોર્ટ જેવી સુવિધાઓ ધરાવતા બસપોર્ટ બનાવવાનો વિચાર આપ્યો હતો. ગુજરાત સરકારે રાજ્યમાં 15 આઈકોનિક બસપોર્ટ બનાવવાનું નક્કી કર્યું છે. હાલમાં રાજ્યમાં 10 બસપોર્ટ કાર્યરત હતા આજે ભુજ ખાતે 11મું બસપોર્ટ કાર્યરત થયું છે. ભુજ બસપોર્ટના લોકાર્પણ થવાથી માત્ર કચ્છ જ નહીં સમગ્ર રાજ્યના પ્રવાસીઓને ઉત્તમ સુવિધા પ્રાપ્ત થશે.
આ પ્રસંગે નાણાંમંત્રી કનુભાઇ દેસાઇએ કચ્છની ભૂમિ પર આકાર લેતા ઊર્જા પ્રકલ્પોનો ઉલ્લેખ કરીને તેને વડાપ્રધાનશ્રીના વિઝનનું પરીણામ ગણાવ્યું હતું. ટૂરીઝમનો વિકાસ, નર્મદા નીરની પધારમણી, ઊર્જા પ્રકલ્પો તેમજ ઓદ્યોગિક દ્રષ્ટિએ કચ્છના વિકાસનો શ્રેય વડાપ્રધાનને આપતા તેમણે વર્તમાન સમયને કચ્છનો સુર્વણકાળ ગણાવ્યો હતો. નાણાંમંત્રીએ રાજ્ય તથા કચ્છમાં વીજ વિભાગ હેઠળ થનારા વિકાસકામોનો ઉલ્લેખ કરીને તેના માટે ફાળવાયેલા કરોડો રૂૂપિયા માટે કેન્દ્ર સરકારનો આભાર વ્યક્ત કર્યો હતો. નાણાંમંત્રીએ બિપરજોયમાં ઝીરો કેઝ્આલટીના લક્ષ્યને સાકાર કરવા માટે રાજ્ય સરકારને અભિનંદન પાઠવ્યા હતા.
આ પ્રસંગે ગૃહરાજ્યમંત્રી તથા વાહનવ્યવહાર રાજ્યમંત્રી હર્ષ સંઘવીએ કચ્છના નાગરિકોને નવા આઇકોનિક બસપોર્ટના લોકાર્પણ અંગે અભિનંદન પાઠવતા જણાવ્યું હતું કે, ભુજનું આ બસપોર્ટ રાજ્યમાં દ્ર્ષ્ટાંતરૂૂપ છે. 25 હજાર મુસાફર નવા બસપોર્ટથી લાભાન્વિત થશે ત્યારે આ આધુનિક સુવિધાસભર બસપોર્ટ હંમેશા આવું જ બની રહે તે માટે સ્વચ્છતા જાળવવા ગૃહરાજ્યમંત્રીશ્રીએ અનુરોધ કર્યો હતો.
આ તકે બંદરો અને વાહન વ્યવહાર વિભાગના અધિક મુખ્ય સચિવશ્રી એમ.કે.દાસે સ્વાગત પ્રવચન કરીને રાજ્ય સરકાર દ્વારા સામાન્ય નાગરિકને પણ બસપોર્ટ ઉપર એરપોર્ટ જેવી સુવિધા મળી રહે તે માટે રાજ્યમાં પ્રથમ 15 આઇકોનિક બસપોર્ટ મંજૂર કર્યા હોવાનું જણાવીને ઉપસ્થિત મહાનુભાવોને અને નાગરિકોને આવકાર્યા હતા.
ઉલ્લેખનીય છે કે, ભુજ બસપોર્ટનો શિલાન્યાસ વડાપ્રધાનએ કર્યો હતો. ભુજ ખાતે પધારેલા મુખ્યમંત્રીએ ભુજ બસપોર્ટ ખાતેથી રૂૂ. 59.07 કરોડના કુલ 08 કામોનું ઈ-લોકાર્પણ કર્યું હતું. જેમાં ગેટકોના સાત 66 કેવી સબસ્ટેશન અને રામપર બ્રિજના નિર્માણનો સમાવેશ થાય છે. જ્યારે મુખ્યમંત્રીએ ભુજ બસપોર્ટ ખાતેથી રૂૂ. 178.56 કરોડના કુલ 10 વિકાસકાર્યોનું ઈ- ખાતમુહૂર્ત કર્યું હતું. જેમાં ગાંધીધામ ખાતે મેજર બ્રિજ અને માઈનોર બ્રિજ, ગાંધીધામ રેલ્વે સ્ટેશનથી આદિપુર રોડ, મુંદ્રાથી મુંદ્રા બંદર રોડ, હિલ ગાર્ડન ખાતે સ્પોર્ટસ સેન્ટર, કુરન ગામે ખાતે રિચાર્જ ટેન્ક, સામખીયાળી આધોઈ કંથકોટ રોડનું કામ, દયાપર મામલતદાર અને સબ રજિસ્ટ્રાર ઓફિસ, દયાપર રેસ્ટ હાઉસનું નિર્માણ અને આડેસર લાખાગઢ રોડનું સ્ટ્રેન્ધનિંગના કામોનો સમાવેશ થાય છે.
કચ્છ
રાજ્યમાં પ્રથમવાર વ્યાજખોર ત્રિપુટી ભાઈ-બહેન સામે ગુજસીટોક
![](https://gujaratmirror.in/wp-content/uploads/2024/09/39.jpg)
આપઘાત માટે મજબૂર કરવા, રાયોટિંગ, જાનથી મારી નાખવાની ધમકી અને વ્યાજખોરીના ગુનામાં ત્રણેય સંડોવાઈ ચૂકયા છે
અંજાર વિસ્તારમાં નાણાં ધીરધારનો ગેરકાયદે વેપલો ચલાવી લોકોને શારીરિક માનસિક પરેશાન કરવા સાથે મરવા સુધી મજબુર કરવાની પોલીસ ફરિયાદો બાદ પણ નિરંકુશ રહી સતત કાયદાનો ઉલ્લંઘન કરતી લેડી ડોન રિયા ગોસ્વામી અને તેના ભાઈ બહેન આરતી અને તેજસ ગોસ્વામી સામે આખરે પૂર્વ કચ્છ પોલીસે ગંભીર અપરાધીની વ્યાખ્યામાં આવતા ઈસમો સામે ગુજસીટોકનું શસ્ત્ર ઉગામી ત્રણેયને ઝડપી પાડ્યા છે. ત્રણેયને સળિયા પાછળ ધકેલી દેવામાં આવ્યા છે. જિલ્લામાં વર્ષ 2015 બાદ અત્યાર સુધીમાં ગણ્યા ગાંઠ્યા અપરાધિઓ સામે જ આ કલમ હેઠળ પોલીસ કાર્યવાહી થઈ છે, ત્યારે ગેરકાયદે વ્યાજે નાણાં ધીરનાર આરોપી સામે સંભવિત આ પ્રથમ કેસ નોંધાયો છે.
આ અંગે પ્રાપ્ત વિગતો મુજબ પોલીસ વડા સાગર બાગમાર દ્વારા ઓર્ગેનાઈઝડ ક્રાઈમ ક2તી ટોળકી વિરૂૂધ્ધ જરૂૂરી કાયદાકીય પગલા લઈ કાયદેસરની કાર્યવાહી કરવા મળેલી સૂચના અંતર્ગત અંજાર નાયબ પોલીસ અધિક્ષક મુકેશ ચૌધરીના માર્ગદર્શન હેઠળ પીઆઇ એઆર ગોહિલે અંજાર પોલીસ સ્ટેશન વિસ્તારમાં ગુનાહિત ઇતિહાસ ધરવાતા અને સીન્ડીકેટ બનાવી ઓર્ગેનાઈઝ્ડ ક્રાઈમ કરવાની મોડસ ઓપરેન્ડી વાળા તેમજ ગુનાહિત ટોળકી બનાવી એકબીજા સાથે મેળાપીપણુ કરી ઓર્ગેનાઇઝડ ક્રાઇમ સિન્ડિકેટ મુજબના ગુનાઓ આચરતા ઇસમો રિયા ગોસ્વામી, આરતી ગોસ્વામી અને તેજસ ગોસ્વામી સામે ધી ગુજરાત ડંટ્રોલ ઓફ ટેરીરીઝમ એન્ડ ઓર્ગેનાઈઝ ક્રાઈમ એક્ટ -2015 મુજબના શિક્ષાને પાત્ર ગુનાની વ્યાખ્યામાં આવતા સંગઠીત ટોળકીના સભ્યો વિરૂૂધ્ધ કાર્યવાહી કરવામાં આવી હતી. કુખ્યાત ગુનેગારો સામે અંજાર પોલીસ મથકે ગુજરાત નાણાની ધીરધાર કરવા બાબત અધિનિયમ 2011 ની કલમ 5, 40, 42 મુજબનો ગુનો બનવા પામેલો.
સદર ગુના કામેના આરોપીઓ રીયા ઈશ્વરગર ગૌસ્વામી, આરતી ઈશ્વરગર ગૌસ્વામી તથા તેજસ ઈશ્વરગર ગૌસ્વામી રહે. તમામ મંડલેશ્વર અંજાર વાળાઓએ શહેરમાં આવા પ્રકા2ના અવાર નવાર ગુનાઓ આચરેલા હોઈ ત્રણેય આરોપીઓએ એકબીજા સાથે મળીને મરવા મજબુર કરવા, એકસ્ટ્રોજન, મારામારી જેવા શરીર સબંધી ગુનાઓ તેમજ રાયોટીંગ અને જાનથી મારી નાખવાની ધમકી, બળજબરીથી કઢાવી લેવુ જેવા ગંભીર પ્રકારના અને સતત ગુનાઓ આચરતી ટોળકી દ્વારા વ્યાજખોરીના ધંધામાં પોતાના આર્થિક ફાયદાસારૂૂ એકબીજાના સાથે સંકલનમાં રહી મિલાપીપણુ કરી, ટોળકી બનાવી, એકબીજાના સાગરીતો બની, પોતાનો સમાન ઈરાદો પાર પાડવાની નિયત બદલના ગંભીર ગુનાઓને ધ્યાને લઇ પોલીસે ગુજસીટોકની ગંભીર કલમ હેઠળ કાયદેસરની કાર્યવાહી હાથ ધરી છે. ત્રણેય આરોપીને ઝડપી લેવામાં આવ્યાં છે. પોલીસના પગલાંથી અસામાજિક તત્વોમાં ભયનો માહોલ સર્જાયો છે.
કચ્છ
રણોત્સવનું ટેન્ડર હાઇકોર્ટે કર્યું રદ, આયોજન જોખમમાં
![](https://gujaratmirror.in/wp-content/uploads/2024/09/The-Rann-Utsav-at-Rann-of-Kutch.jpg)
ટેન્ટસિટી માટે પ્રવેગ કંપનીએ ફાળવેલુ ટેન્ડર અયોગ્ય ઠર્યુ: કોર્ટ સરકાર અને ટરિઝમ ડિપાર્ટમેન્ટને ઝાટકયા
કચ્છમાં રણોત્સવમાં ટેન્ટ સિટી માટે પ્રવેગ નામની કંપનીને ફાળવેલું ટેન્ડર અયોગ્ય ઠરાવી હાઇકોર્ટે રદબાતલ ઠરાવ્યું છે. આ મામલે મેસર્સ લલ્લુજી એન્ડ સન્સ દ્વારા ટેન્ડરની પ્રક્રિયાને પડકારતી રિટ પિટિશન કરવામાં આવી હતી. જે રિટને હાઇકોર્ટના જસ્ટિસ એ. એસ. સુપૈયા અને જસ્ટિસ મૌનાબહેન ભટ્ટની ખંડપીઠે સંપૂર્ણપણે ગ્રાહ્ય રાખતાં ગુરુવારે ખુલ્લી અદાલતમાં ઉક્ત ચુકાદો આપ્યો હતો.
આ ચુકાદા બાદ પ્રતિવાદીઓ તરફથી સ્ટેની માગ કરવામાં આવી હતી, જેને પણ રદ કરી દેવાઇ હતી. પ્રસ્તુત મામલે જૂના કોન્ટ્રાક્ટર મેસર્સ લલ્લુજી દ્વારા ગુજરાત ટુરિઝમ દ્વારા અમદાવાદની પ્રવેગ કંપનીની ભૂલ હોવા છતાં ટેન્ટ સિટીનું ટેન્ડર આપવાના નિર્ણયને પડકાર્યો હતો.
આ કેસની હકીકત મુજબ કચ્છ ખાતે રણોત્સવની સાઈટ ઉપર ઊભી કરવામાં આવેલી કાયમી ટેન્ટ સિટીના ટેન્ડરનો મામલો હાઇકોર્ટમાં પહોંચ્યો હતો. આ વખતે વર્ષો જૂના કોન્ટ્રાક્ટર મેસર્સ લલ્લુજી એન્ડ સન્સને બદલે ટેન્ડર અમદાવાદની પ્રવેગ નામની કંપનીને મળ્યું હતું. બંને કંપની વચ્ચે રૂપિયા 17 કરોડની રકમનો તફાવત હોવાના કારણે ક-1 તરીકે પ્રવેગ કંપની હતી, જ્યારે ક-2માં જૂના કોન્ટ્રાક્ટર લલ્લુજી એન્ડ સન્સ હતા. દરમિયાન કોન્ટ્રાક્ટર લલ્લુજી એન્ડ સન્સને ટેન્ડર પ્રક્રિયા દરમિયાન ફાઈનાન્શિયલ બીડ અંગે રજૂ કરાયેલા બે બિડાણોમાં તફાવત હોવાનું જાણવા મળ્યું હતું. તેથી લલ્લુજી એન્ડ સન્સ દ્વારા આ અંગે ગુજરાત સરકારની પ્રવાસન વિભાગ અંતગર્ત આવતી અને ટેન્ડર પ્રક્રિયા સંભાળતા ટુરિઝમ કોર્પોરેશન ઓફ ગુજરાત લિમિટેડ (ટીસીજીએલ) ને 14મી ઓગસ્ટના રોજ રજૂઆત કરવામાં આવી હતી. જેના પગલે ઓથોરિટીને મળેલી રજૂઆતને પગલે તે જ દિવસે ગણતરીના કલાકોમાં ટીસીજીએલ દ્વારા પ્રવેગને જરૂૂરી સુધારો કરીને બંને બિડાણો ફરીથી રજૂ કરવા માટે એ રાત્રે જ ઈ મેઇલ કરવામાં આવ્યો હતો.
ઉક્ત સંજોગોને ધ્યાનમાં લઇ ટેન્ટ સિટીના જૂના કોન્ટ્રાક્ટર મેસર્સ લલ્લુજી દ્વારા ટુરિઝમ કોર્પોરેશન ઓફ ગુજરાત લિમિટેડ (ટીસીજીએલ)એ ટેન્ડરમાં વિસંગતતા હોવા છતાં અમદાવાદની પ્રવેગ નામની કંપનીને ટેન્ડર આપવાના નિર્ણયને ગુજરાત હાઇકોર્ટમાં પડકાર્યો હતો. જેમાં ગુરુવારે હાઇકોર્ટ દ્વારા નોંધવામાં આવ્યું હતું કે, પ્રવેગ દ્વારા નિષ્પક્ષ અને પારદર્શી ટેન્ડર પ્રક્રિયા કરવામાં આવી હોય એવું જણાતું નથી. ઊલટાનું ફાઈનાન્શિયલ બીડ ફરીથી સબમિટ કરવાનું જે વલણ અપનાવ્યું હતું એ પારદર્શિતાનો ભંગ હતો. ઉક્ત સંજોગોને ધ્યાનમાં લેતાં અરજદારની દલીલોમાં મેરિટ જણાય છે અને પ્રવેગ કંપનીને આપવામાં આવેલા ટેન્ડરને અયોગ્ય ઠરાવવામાં આવે છે.
કચ્છ
રાપરના સુજાવાંઢમાં સગીરાને અપહરણકારના હાથમાંથી બચાવવા વચ્ચે પડેલી માતાની હત્યા
![](https://gujaratmirror.in/wp-content/uploads/2024/09/112.png)
પરિણીત આરોપીને સગીરા સાથે પ્રેમસંબંધ હોવાનું પ્રાથમિક કારણ બહાર આવ્યું: આરોપીઓની શોધખોળ
રાપર તાલુકાના ફતેગઢ નજીક આવેલી સુજાવાંઢમાં પોતાની સગીર વયની દીકરીને અપહરણકારના હાથમાંથી બચાવવા વચ્ચે પડેલી તેની માતાનું આરોપીઓએ છરીના ઘા ઝીંકી ઢીમ ઢાળી દીધું હોવાની સમી સાંજે બનેલી ઘટનાથી ચકચાર મચી જવા પામી છે. મૂળ લોદ્રાણીના રહેવાસી અને છેલ્લા કેટલાક વર્ષોથી તાલુકાના ફતેગઢ નજીક આવેલી સુજાવાંઢમાં વાડી કરીને મજૂરી કરતા જમણીબેન બાબુભાઇ કોલી (પારકરા) ઉ.વ.50 આજે તેમની સગીર વયની દીકરી સાથે ફતેગઢથી વાડીએ જતા હતા ત્યારે આરોપીઓ દ્વારા સગીર વયની દીકરીનું અપહરણ કરતા તેમાં વચ્ચે પડેલી તેની માતા જમણીબેન બાબુભાઇ કોલી ઉપર ખૂની હુમલો કર્યો હતો જેમાં જમણીબેન કોલીનું ઘટના સ્થળે જ કમકમાટી ભર્યું મોત નીપજ્યું હતું. હુમલો કર્યા બાદ આરોપીઓ સગીરાનું અપહરણ કરીને નાસી ગયા હતા.
જે બાદ ઘટનાની જાણ થતા રાપર પોલીસ દ્વારા મૃતદેહને રાપર સરકારી હોસ્પિટલ લઈ આવીને પંચનામા અને પીએમ સહિતની કાર્યવાહી હાથ ધરી હતી. સગીરા સાથે પરણિત આરોપીને પ્રેમ સબંધ હોવાનું કારણ પ્રાથમિક દ્રષ્ટિ જાણવા મળ્યું હતું. આરોપીઓ પણ (પારકરા) કોલી સમાજનાં અને ફતેગઢ, લોદ્રાણીનાં રહીશ હોવાનું મૃતકના પરિવારજનોએ જણાવ્યું હતું.
-
રાષ્ટ્રીય2 days ago
અનંત અંબાણીએ ‘લાલબાગ ચા રાજા’ને ભેટમાં આપ્યો સોનાનો મુગટ, કિંમત જાણીને હોંશ ઉડી જશે
-
ગુજરાત2 days ago
ગૌણ સેવા પસંદગી મંડળ દ્વારા લેવાયેલ CCE પરીક્ષાનું રાત્રે પરિણામ
-
રાષ્ટ્રીય21 hours ago
VIDEO: મધ્યપ્રદેશમાં ટ્રેન દુર્ઘટના, જબલપુર સોમનાથ એક્સપ્રેસ ટ્રેનના બે ડબા પાટા પરથી ઊતર્યા, રેલવે તંત્ર દોડતું થયું
-
રાષ્ટ્રીય1 day ago
પૂરગ્રસ્ત વિસ્તારનું નિરીક્ષણ કરતી વખતે માંડ-માંડ બચ્યા CM ચંદ્રબાબુ નાયડુ!! રેલવે ટ્રેકની પાસે ઊભા હતા અને અચાનક જ આવી ટ્રેન, જુઓ વિડીયો
-
રાષ્ટ્રીય2 days ago
સેન્સેક્સમાં 1220 પોઇન્ટનો કડાકો, નિફ્ટીએ 25000નું લેવલ તોડયું
-
રાષ્ટ્રીય2 days ago
‘યુદ્ધ માટે તૈયાર રહો…’, સંરક્ષણ મંત્રી રાજનાથે કમાન્ડરોને આપ્યો આદેશ
-
Sports2 days ago
પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ મેડલ
-
ગુજરાત2 days ago
ભાવનગર રોડ ગ્રીન પાલક પંજાબીમાંથી વાસી સોસનો નાશ