ભાવનગર
ઘરના જ બેદરકાર: કંટ્રોલ રૂમનો કોઇએ ફોન ન ઉપાડતા ભાવનગરના રેન્જ આઇજી રૂબરૂ દોડ્યા
![](https://gujaratmirror.in/wp-content/uploads/2023/12/960x0.webp)
ભાવનગર રેંજ આઇજી એ ભાવનગર પોલીસ કંન્ટ્રોલ રૂૂમમાં ફોન કરી મોડી રાત સુધી વાગી રહેલા લાઉડસ્પિકર અંગે કાર્યવાહી કરવા માટે ફોન કર્યો હતો પરંતુ કંન્ટ્રોલ રૂમમાં કોઇએ ફોન રિસીવ્ડ કર્યો ન હતો. વારંવાર ફોન કરવા છતાં કોઇ ફોન રિસીવ્ડ કરતાં ન હોવાના કારણએ ગુસ્સે ભરાયેલા રેંજ આઇજી પોતે તેમના ગાર્ડના સ્કુટર પર બેસી કંન્ટ્રોલ રૂમ પહોંચ્યા હતા અને તેમણે ફરજ પરના કર્મચારીઓને ઉધડો લેતા ભારે દોડધામ મચી જવા પામી હતી.
ભાવનગર રેંજ આઇજી ગૌતમ પરમારે મોડી રાત્રે ખુબ જ જોરથી લાઉડ સ્પિકર વાગતું હોવાના કારણે તેમણે પોલીસ કંન્ટ્રોલ રૂૂમને કાર્યવાહી કરવા માટે ફોન કર્યો હતો. જો કે, વારંવાર ફોન કરવા છતાં કોઇએ જવાબ આપ્યો ન હતો. આખરે તેઓ ગાર્ડના સ્કુટર પર બેસી કંન્ટ્રોલ રૂમ પહોંચ્યા હતા.
પીએસઆઇ જેબલીયાને બનાવની જાણ કરતા તે તેમની ખાનગી કાર લઇને આવ્યાં હતા અને ત્યાર બાદ તેમણે સમગ્ર શહેરમાં નાઇટમાં પોલીસ કેવી કામગીરી કરે છે ? તેનું નિરિક્ષણ કર્યું હતું અને રાત્રે પેટ્રોલિંગને વધુ ચૂસ્ત બનાવવાની સુચના આપી હતી. બનાવની જાણ ડીએસપી કરવામાં આવી હતી અને તેમણે તપાસનો આદેશ કર્યો છે.
પ્રાપ્ત થયેલી માહિતી પ્રમાણે કંન્ટ્રોલ રૂૂમમાં ફરજ બજાવતાં અને જવાબદાર પોલીસ અધિકારી કે, જવાનને શો-કોઝ નોટીસ આપી 25000થી લઇને બેઝીક સેલેરી પ્રમાણે દંડ કેમ વસુલ ન કરવો તેનો જવાબ રજૂ કરવા માટેની સુચના આપવામાં આવી છે. આમ, પોલીસ કંન્ટ્રોલ રૂૂમનો આઇજીને ખુબ જ ખરાબ અનુભવ થતાં આ બાબતે પોલીસ બેડામાં ભારે ચકચાર જાગી છે.
ગુજરાત
ભાવનગર રોડ ગ્રીન પાલક પંજાબીમાંથી વાસી સોસનો નાશ
![](https://gujaratmirror.in/wp-content/uploads/2024/09/261.jpeg)
ફૂડ વિભાગનું 38 દુકાનોમાં ચેકિંગ, 19ને ફૂડ લાયસન્સ અંગે અપાઇ નોટિસ, ચાર સ્થળેથી સેમ્પલ લેવાયા
મહાનગરપાલિકાના ફૂડ વિભાગ દ્વારા આજે 38 ખાણી-પીણીના ધંધાર્થીઓને ત્યાં ચેકીંગ હાથ ધરી ભાવનગર રોડ ઉપર પટેલવાળી સામે આવેલ ગ્રીન પાલક પંજાબી એન્ડ ચાઇનીસ પેઢીમાંથી સંગ્રહીત કરેલા વાસી મન્ચુરીયન સોસ સહિતના નવ કિલો જથ્થાનો નાશ કરી 19 ધંધાર્થીઓને ફૂડ લાયસન્સ અંગે નોટીસ ફટકારી ચાર સ્થળેથી દૂધ, દહીં, પનીર અને માવાના સેમ્પલ લઇ લેબમાં મોકલી આપ્યા હતા.
ફૂડ વિભાગની ટીમ દ્વારા કિસ્મત ભૂંગળા બટેટા -લાઇસન્સ મેળવવા બાબતે સૂચના (02)ભૂદેવ નાસ્તા સેન્ટર -લાઇસન્સ મેળવવા બાબતે સૂચના (03)ક્રિષ્ના ફેન્સી ઢોસા -લાઇસન્સ મેળવવા બાબતે સૂચના (04)ગુરૂૂનાનક પ્રોવિઝન સ્ટોર -લાઇસન્સ મેળવવા બાબતે સૂચના (05)બાપા સિતારામ કોલ્ડ્રિંક્સ -લાઇસન્સ મેળવવા બાબતે સૂચના (06)જય સિયારામ ફરસાણ -લાઇસન્સ મેળવવા બાબતે સૂચના (07)સદગુરૂૂ શીંગ -લાઇસન્સ મેળવવા બાબતે સૂચના (08)તનિશા પ્રોવિઝન સ્ટોર -લાઇસન્સ મેળવવા બાબતે સૂચના (9)જે માડી જોકર ગાંઠિયા -લાઇસન્સ મેળવવા બાબતે સૂચના (10)દિલ્લી વાલે છોલે ભટુરે -લાઇસન્સ મેળવવા બાબતે સૂચના (11)જય બાલાજી દાળ-પકવાન -લાઇસન્સ મેળવવા બાબતે સૂચના (12)શ્રીસાંઈ દાળપકવાન -લાઇસન્સ મેળવવા બાબતે સૂચના (13)શ્રીસાંઈ મદ્રાસ કાફે -લાઇસન્સ મેળવવા બાબતે સૂચના (14)મારૂૂતી દાળપકવાન -લાઇસન્સ મેળવવા બાબતે સૂચના (15)બાલાજી મદ્રાસ કાફે -લાઇસન્સ મેળવવા બાબતે સૂચના (16)તિરુપતિ મદ્રાસ કાફે -લાઇસન્સ મેળવવા બાબતે સૂચના (17)જય અંબિકા દાળપકવાન -લાઇસન્સ મેળવવા બાબતે સૂચના (18)જય અંબિકા મદ્રાસ કાફે -લાઇસન્સ મેળવવા બાબતે સૂચના (19)શ્રી યદુનંદન વડાપાઉં -લાઇસન્સ મેળવવા બાબતે સૂચના આપવામાં આવેલ. તથા (20)વિશાલ દાળપકવાન (21)ભાગ્યલક્ષ્મી રેસ્ટોરેન્ટ (22)શિવમ પ્રોવિઝન સ્ટોર (23)ક્રિષ્ના જાંબુ સેન્ટર (24)પટેલ બેકરી (25)સીતારામ વિજય ડેરી ફાર્મ (26)ભગવતી રેસ્ટોરેન્ટ (27)શિવમ ડેરી ફાર્મ (28)શ્રી તિરુપતિ ડેરી ફાર્મ (29)બાલાજી ફરસાણ (30)વિવેક આઇસક્રીમ – કોલ્ડ્રિંક્સ (31)બાલાજી દાળપકવાન (32)ભવાની દાળપકવાન (33)પટેલ ફરસાણ (34)પટેલ પૂરીશાક (35)રાજ મંદિર રેસ્ટોરેન્ટ (36)સંગીતા રેસ્ટોરેન્ટ (37)મહાવીર ફરસાણ (38)કેવલ ફરસાણની ચકાસણી કરવામાં આવેલ હતી.
ગુજરાત
ભાવનગરના નેસિયા ગામે કૂવામાં ઉતરેલા દીપડીના બચ્ચાનું કરાયું રેસ્ક્યું
![](https://gujaratmirror.in/wp-content/uploads/2024/09/130.jpg)
વનવિભાગે કૂવામાં પાંજરુ ઉતારી બચ્ચાને બચાવ્યું
ભાવનગર જિલ્લાના તળાજા ફોરેસ્ટએ આજે નેશિયા ગામે કુવામા પડેલ દીપડાના બચ્ચાને કૂવામાં પાંજરું ઉતારીને જીવ બચાવ્યો હતો.જોકે આ બચ્ચા એ કુવાની અંદર રહેલ પાઇપ લાઈન પકડી ન રાખી હોત તો તે સ્થિતિ જુદી નિર્માણથઈ હોત!
તળાજા પંથકમાં દીપડાઓની વસ્તી વધીરહી છે તેમ લોકોમાં જાગૃતતા પણ જરૂૂરી છે.નેશિયા ગામના ખેડૂત શક્તિસિંહ પોપટભા ગોહિલ ની વાડીના શ્રમિક આજે સવારે 9 વાગ્યાના અરસામાં વાડીએ હતા તે સમયે કૂવામાથી અવાજ આવતા નઝર કરતા દીપડો કુવામાંની પાઇપ પકડી ને જીવ બચાવી બેઠોહતો.
તેની જાણ તળાજા ફોરેસ્ટને થતા રાજુ ઝીંઝુવાડિયા એ સ્ટાફ ને તૈયાર કરી પાંજરું દોરડા લઈ કૂવામાં નાખીને દીપડાને પાંજરે લઈને જીવ બચાવ્યો હતો. સાતેક માસનું બચ્ચું રાત્રી દરમિયાન પડ્યું હોવાનું અનુમાન છે.પાંજરે પુરાયેલ બચ્ચું કુવામાંથી બહાર નીકળતા જ ઓરિજન રૂપમાં આવી ગયું હતું.ઘુરકિયું કરવા લાગેલ.
ગુજરાત
ભાવનગર DRI કચેરીમાં NOC ઇશ્યુ કરવા 15 હજારની લાંચ માંગતો રેલવે કર્મચારી ઝડપાયો
![](https://gujaratmirror.in/wp-content/uploads/2024/09/52.jpg)
ભાવનગર રેલવે કર્મચારીના ઓ.એસ. રૂ. 15 હજારની લાંચ લેતા અમદાવાદ એસીબીના છટકામાં ઝડપાઈ ગયા હતા. પ્રાપ્ત થતી માહિતી મુજબ કાળુભાઇ ઘીરૂભાઇ દુબલ, ઓ.એસ (વર્ગ -3), નિર્માણ શાખા, ડી.આર.એમ કચેરી, પશ્ચિમ રેલવે, ભાવનગરને રેલવે કોમ્યુનિટી હોલની સામે, ડી.આર.એમ ઓફીસની બાજુમાં, રેલવે કોલોની, ભાવનગરપરા ખાતેથી એસીબીના સ્ટાફે મળેલ ફરીયાદના આધારે રૂ.15,000ની લાંચ લેતા આ ઝડપી લીધો હતો.
આ કામનાં ફરીયાદી રેલવેનાં ઇલેકટ્રિક કોન્ટ્રાકટર અને રેલવે તરફથી આપવામાં આવતી એન.ઓ.સી મેળવી આપવાની કનસલ્ટનસીનું કામ કરે છે. તેઓ એ ગાામ- લીમડી જી. સુરેન્દ્રનગરની રેલવેની હદ નજીકની જમીનમાં બાંધકામ કરવા માટે એન.ઓ.સી મેળવવા તા.20/5/22નાં રોજ અરજી કરેલ હતી અને આશરે ચાર મહીના અગાઉ તે એન.ઓ.સી ભાવનગર ડી.આર.એમ ઓફીસે આવી ગયેલ હોવાનું જાણવા મળતા ફરીયાદી એન.ઓ.સી લેવા માટે ગયેલ હતા, પરંતુ ત્યાં એન.ઓ.સી ઇશ્યુ કરવાનું કામ કરતા આરોપી તેમની પાસે લાંચની માંગણી કરતા હતા, અને ધક્કા ખવડાવતા હતા, પરંતુ ફરીયાદી પાસે પૈસાની વ્યવસ્થાના હોઇ આગામી 15 દીવસમાં પૈસા આપી દેવાનું જણાવી એન.ઓ.સી આપેલ હતી.
બાદમાં આરોપી ફરીયાદી પાસે અવાર-નવાર લાંચનાં નાણાંની માંગણી કરતા હોઇ ફરીયાદી લાંચનાં નાણા ના આપે તો ફરીયાદીનાં અન્ય એન.ઓ.સીનાં કામો અટકાવી દેવાની ધમકી આપતા હોઇ ફરીયાદી લાંચનાં નાણાં આપવાના છુટકે સંમત થયેલ હતા , અને આજ રોજ આપી દેવાનો વાયદો કરેલ હતો.
પરંતુ ફરીયાદી લાંચનાં નાણાં આપવા માંગતાના હોઇ એસીબીનો સંપર્ક કરી ફરીયાદ આપતા , આજરોજ લાંચનાં છટકાનું આયોજન કરવામાં આવેલ, આ લાંચનાં છટકા દરમ્યાન આરોપી ફરીયાદી સાથે હેતુલક્ષી વાતચીત કરી લાંચની માંગણી કરી, સ્વીકારી રંગેહાથ પકડાઇ ગયેલ છે.દરોડાની આ કામગીરીમાં અમદાવાદ લાંચ-રુશ્વત ખાતાના એસ.એન.બારોટ (પો.ઇન્સ.)તથા સ્ટાફ જોડાયો હતો.
-
રાષ્ટ્રીય2 days ago
અનંત અંબાણીએ ‘લાલબાગ ચા રાજા’ને ભેટમાં આપ્યો સોનાનો મુગટ, કિંમત જાણીને હોંશ ઉડી જશે
-
ગુજરાત2 days ago
ગૌણ સેવા પસંદગી મંડળ દ્વારા લેવાયેલ CCE પરીક્ષાનું રાત્રે પરિણામ
-
રાષ્ટ્રીય21 hours ago
VIDEO: મધ્યપ્રદેશમાં ટ્રેન દુર્ઘટના, જબલપુર સોમનાથ એક્સપ્રેસ ટ્રેનના બે ડબા પાટા પરથી ઊતર્યા, રેલવે તંત્ર દોડતું થયું
-
રાષ્ટ્રીય1 day ago
પૂરગ્રસ્ત વિસ્તારનું નિરીક્ષણ કરતી વખતે માંડ-માંડ બચ્યા CM ચંદ્રબાબુ નાયડુ!! રેલવે ટ્રેકની પાસે ઊભા હતા અને અચાનક જ આવી ટ્રેન, જુઓ વિડીયો
-
રાષ્ટ્રીય2 days ago
સેન્સેક્સમાં 1220 પોઇન્ટનો કડાકો, નિફ્ટીએ 25000નું લેવલ તોડયું
-
રાષ્ટ્રીય2 days ago
‘યુદ્ધ માટે તૈયાર રહો…’, સંરક્ષણ મંત્રી રાજનાથે કમાન્ડરોને આપ્યો આદેશ
-
Sports2 days ago
પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ મેડલ
-
ગુજરાત2 days ago
ભાવનગર રોડ ગ્રીન પાલક પંજાબીમાંથી વાસી સોસનો નાશ