ગુજરાત
ભાવનગર નજીક દારૂ-બીયર ભરેલી કારનો અકસ્માત થતા રોડ પર રેલમછેલ
ભાવનગર -અમદાવાદ હાઈવે પર ગણેશગઢ ગામ પાસે ઇનોવા કાર ડિવાઇડર સાથે અથડાતા કારમાં રહેલા બે વ્યક્તિઓને ગંભીર ઈજા થઈ હતી. જ્યારે કારમાં દારૂ બિયરનો જથ્થો હોય રસ્તા ઉપર દારૂની બોટલો અને બિયરના ટીનો ઉડ્તા રસ્તા પર દારૂની બોટલો ની રેલમ છેલ થઈ હતી.
આ બનાવ અંગે પ્રાપ્ત થતી માહિતી મુજબ ભાવનગર અમદાવાદ હાઈવે પર ગણેશગઢ ગામ પાસે આજે સવારે વિદેશી દારૂ અને બિયરના જથ્થા સાથે પૂર ઝડપે આવી રહેલ ઇનોવા કાર ડિવાઇડર સાથે અથડાતા સર્જાયેલા અકસ્માતમાં કારમાં રહેલ વિદેશી દારૂ અને બિયરનો જથ્થો રોડ ઉપર પડ્યો હતો અને દારૂની રેલમછેલ થઈ હતી. જ્યારે કારમાં બેઠેલા રાજસ્થાન ના સાંચોર જિલ્લાના મેઘવા ગામના જયકિશન એરાજરામ અને વિનોદકુમાર પ્રકાશ શાહુને ઈજા પહોંચતા સારવાર માટે ભાવનગરની સર. ટી .હોસ્પિટલમાં ખસેડાયેલ છે. આ બનાવવાની જાણ થતા જ વેળાવદર પોલીસનો સ્ટાફ ઘટના સ્થળે દોડી ગયો હતો. પોલીસે વિદેશી દારૂની 827 બોટલો અને બીયરની 15 પેટી કબજે કરી વધુ તપાસ હાથ ધરી છે. બનાવ માં ઈજા પામનાર બંને શખ્સો હાલ હોસ્પિટલમાં હોય તે ભાનમાં આવ્યા બાદ દારૂનો જથ્થો ક્યાંથી આવતો હતો અને કોને પહોંચાડવાનો હતો તે અંગે પોલીસ તપાસ કરશે. આ બનાવવાની તપાસ પી .એસ. આઈ. એમ. સી. ચુડાસમા ચલાવી રહ્યા છે.
(તસવીર : વિપુલ હિરાણી)
ક્રાઇમ
રાજકોટના સિક્યુરિટી ગાર્ડ અને ભાવનગરના રિક્ષા ચાલકને નામે 246 બોગસ કંપનીઓ ખોલી રૂ. 8000 કરોડ ના GST ચોરી કૌભાંડનો પર્દાફાશ.
રાજકોટમાં સિક્યુરિટી ગાર્ડ અને ભાવનગરના ઓટો રિક્ષા ડ્રાઇવરના નામે નોંધાયેલ નકલી કંપનીની તપાસ કરીને GST ઇન્ટેલિજન્સ ડિરેક્ટોરેટ (DGGI) ના અધિકારીઓએ રૂ. 5,000 કરોડથી રૂ. 8,000 કરોડના મોટા નકલી GST ફર્મ કૌભાંડનો પર્દાફાશ કર્યો છે.
આ કૌભાંડ નો મુખ્ય આરોપી અશરફભાઈ ઈબ્રાહીમભાઈ કાલાવડિયા (50) છે. જે સુરતનો રહેવાસી છે. તેણે 246 જેટલી નકલી GST કંપનીઓ ખોલી હતી, જેનો ઉપયોગ કરીને તેણે કરોડોની છેતરપિંડી કરી હતી. કાલવડિયાની સાથે પોલીસે નીતિન બર્જ, ફૈઝલ મેવાલાલ, નિઝામુદ્દીન ખાન, ઉલ્હાસ નગરના અમિત તેજબહાદુર સિંહ, રાહુલ બારૈયા, કૌશિક મકવાણા, જીતેન્દ્ર ગોહેલ અને અન્યો સામે પણ આ કેસમાં ભારતીય દંડ સંહિતા (આઈપીસી)ની કલમ 420, 465, 467, 471, 120 (b), 34 અને ઇન્ફોર્મેશન ટેક્નોલોજી એક્ટની કલમો હેઠળ ગુનો નોંધ્યો છે.
FIR માં જણાવવામાં મુજબ, ઓક્ટોબર 2023 માં, DGGI ટીમને પૂણેમાં પૂણે સોલાપુર હાઇવે પર ગિર્ની શેવાલવાડી ખાતે સ્થિત ‘પઠાણ એન્ટરપ્રાઇઝિસ’ના ઑનલાઇન એકાઉન્ટ્સના શંકાસ્પદ વ્યવહારો મળ્યા હતા.
તપાસ દરમિયાન ડીજીજીઆઈને જાણવા મળ્યું કે પઠાણ એન્ટરપ્રાઈઝ આ સ્થળ પર અથવા બીજે ક્યાંય અસ્તિત્વમાં નથી. જો કે, તે ગુજરાતના ભાવનગરના રહેવાસી પઠાણ શબ્બીરખાન અનવર ખાનના નામે નોંધાયેલું હતું. જ્યારે DGGI ટીમે ખાનને શોધી કાઢ્યો, ત્યારે તે એક ઓટો રિક્ષા ડ્રાઈવર હોવાનું બહાર આવ્યું, જે તેના નામે નોંધાયેલી કંપની વિશે સંપૂર્ણપણે અજાણ હતો. આ અંગે વધુ તપાસમાં બહાર આવ્યું છે કે ઘણી નકલી GST કંપનીઓ ચોક્કસ મોબાઈલ નંબર અને પઠાણ એન્ટરપ્રાઈઝ કંપનીના ઈમેલ એડ્રેસ સાથે રજીસ્ટર કરવામાં આવી હતી. શંકાસ્પદ રેકોર્ડની તપાસ કરતી વખતે, તપાસ ટીમને રાજકોટ, ગુજરાતમાં એક ICICI બેંક એકાઉન્ટ મળ્યું, જે જીત કુકડિયાના નામે નોંધાયેલ છે. જોકે, GST અધિકારીઓએ કુકડિયા પાસે તપાસ કરતાં તે ખાનગી સિક્યોરિટી ગાર્ડ તરીકે કામ કરતો હોવાનું અને આરોપી કૌશિક મકવાણા અને જીતેન્દ્ર ગોહેલનું આ બેંક એકાઉન્ટ ખોલાવ્યું હોવાનું જાણવા મળ્યું હતું. કુકડિયાએ પોતે આ બેંક ખાતામાંથી ક્યારેય કોઈ નાણાકીય વ્યવહાર કર્યો નથી.
વધુ તપાસ દરમિયાન મળેલ લીડના આધારે, DGGI ટીમોએ પુણે, મુંબઈ, રાજકોટ અને ભાવનગર શહેરોમાં દરોડા પાડ્યા હતા અને તપાસમાં બહાર આવ્યું છે કે આરોપી કાલવાડિયા પઠાણ એન્ટરપ્રાઈઝ અને અન્ય ઘણી નકલી કંપનીઓ ચલાવતો હતો.
ત્યારબાદ, 12 માર્ચ, 2024 ના રોજ મુંબઈમાં મીરા ભાયંદરની એક હોટલમાંથી તેની ધરપકડ કરવામાં આવી હતી.સર્ચ દરમિયાન તેના કબજામાંથી 21 જેટલા સેલ ફોન, બે લેપટોપ, 11 સિમ કાર્ડ, વિવિધ વ્યક્તિઓના નામે બેંક ડેબિટ કાર્ડ, ચેકબુક અને અલગ-અલગ કંપનીઓના નામના રબર સ્ટેમ્પ જપ્ત કરવામાં આવ્યા હતા.
તપાસમાં જાણવા મળ્યું છે કે તેણે કથિત રીતે જપ્ત કરેલી સામગ્રીનો નકલી GST ફર્મ્સ બનાવવા અને છેતરપિંડીભર્યા GST અને બેંક વ્યવહારો માટે ઉપયોગ કર્યો હતો. તપાસમાં એ પણ બહાર આવ્યું છે કે કાલાવડિયા નકલી GST બીલ બનાવવા માટે નકલી GST કંપનીઓ, બેંક ખાતા અને સિમ કાર્ડની ખરીદી કરી હતી. પરંતુ તેણે ક્યારેય કોઈ પ્રોડક્ટનો કોઈ વાસ્તવિક બિઝનેસ કર્યો નથી અને સરકારને ક્યારેય કોઈ માલ અને સેવા કર ચૂકવ્યો નથી.
ડીજીજીઆઈના અધિકારીઓએ તેની ગુડ્સ એન્ડ સર્વિસ ટેક્સ એક્ટની કલમો હેઠળ ધરપકડ કરી હતી. તેને 13 માર્ચ, 2024ના રોજ પુણેની કોર્ટમાં રજૂ કરવામાં આવ્યો હતો અને હાલમાં તે યરવડા જેલમાં ન્યાયિક કસ્ટડી હેઠળ છે.
દરમિયાન, વધુ તપાસમાં બહાર આવ્યું છે કે મુંબઈનો આરોપી નીતિન બાર્જ કથિત રીતે કાલાવડિયા દ્વારા સંચાલિત બનાવટી કંપનીઓના તમામ બેંક ખાતાઓ અને બનાવટી GST બિલોની દેખરેખ કરતો હતો. મેવાલાલે કથિત રીતે કાલાવડિયા માટે રોકડ વ્યવહારો હાથ ધર્યા હતા.
આરોપી નિઝામુદ્દીન ખાન, જે મુંબઈનો પણ છે, કથિત રીતે તેને સામાન્ય લોકોના KYC દસ્તાવેજોનો ઉપયોગ કરીને છેતરપિંડી કરીને ખોલવામાં આવેલા સિમ કાર્ડ અને બેંક ખાતા પૂરા પાડતો હતો. અમિત સિંહે કથિત રીતે કાલાવડિયાને નકલી GST કંપનીઓ ખોલવામાં મદદ કરી હતી. એફઆઈઆરમાં ઉલ્લેખ કરવામાં આવ્યો છે કે અન્ય રાહુલ બારૈયા કથિત રીતે લોકોને નકલી GST ફર્મ્સ અને બેંક ખાતાઓ વેચતો હતો.
અત્યાર સુધીની તપાસમાં બહાર આવ્યું છે કે કાલાવડિયાએ પઠાણ એન્ટરપ્રાઇઝ સહિત 246 નકલી GST કંપનીઓ ખોલી છે. FIR મુજબ, તેણે કથિત રીતે પઠાણ એન્ટરપ્રાઈઝ દ્વારા રૂ. 20.75 કરોડની છેતરપિંડી કરી હતી અને સપ્ટેમ્બર 2018 થી માર્ચ 2024 વચ્ચે ટેક્સની ચોરી કરીને તમામ 246 નકલી GST કંપનીઓ દ્વારા સરકારને રૂ. 5,000 કરોડથી રૂ. 8000 કરોડની છેતરપિંડી કરી હતી. આ અંગે DGGI , પુણે ઝોનલ યુનિટના અધિકારી રૂષિ પ્રકાશ (39)એ શુક્રવારે પુણે શહેરના કોરેગાંવ પાર્ક પોલીસ સ્ટેશનમાં આ કેસમાં FIR નોંધાવી હતી.
ગુજરાત
ગોંડલમાં ચેકિંગમાં ઊભેલા કોન્સ્ટેબલને કાર નીચે કચડવાનો બૂટલેગરનો પ્રયાસ
દારૂ ભરેલી કાર લઈ બૂટલેગર ફરાર, સીસીટીવી ફૂટેજના આધારે શોધખોળ
ગોંડલમાં પાંજરાપોળ પાસે વિદેશી દારૂ ભરેલી કારને રોકવા જતાં બુટલેગરે પોલીસ કોન્સ્ટેબલ અને અન્ય એક કારને ઠોકરે ચડાવી નાસી છુટ્યો હતો આ સમગ્ર ઘટના અંગે ગોંડલ પોલીસે કોન્સ્ટેબલને ઠોકરે ચડાવનાર કાર ચાલક સામે ગુનો નોંધી વધુ તપાસ શરૂ કરી છે. ઘટનામાં સીસીટીવી ફૂટેજના આધારે બુટલેગરની કારને ઝડપી લેવા ચક્રોગતિમાન કર્યા છે.
ગત રાત્રે ગોંડલમાં પાંજરાપોળના પુલ પર દારૂૂ ભરેલી કારે ગોંડલ શહેર અ-ડિવિઝન પોલીસના કોન્સ્ટેબલને અડફેટે લીધા હોવાની ઘટના સામે આવી છે. પુલ પરથી પસાર થતી અન્ય કારને પણ નુકશાન થવા પામ્યું છે. દારૂૂ ભરેલી કાર જસદણ તરફથી આવતી હતી જેમાં એક કારે ધારેશ્વર ચોકડી નજીકથી કોઈ એક અજાણ્યા ઇસમને કારમાં બેસાડ્યો હોવાનું સૂત્રો અનુસાર જાણવા મળી રહ્યું છે.
ગોંડલ શહેરમાં ગોંડલી નદી પર આવેલા પાંજરાપોળના પુલ પર બાતમીના આધારે ગોંડલ શહેર અ-ડિવિઝન પોલીસ તપાસ માટે ઉભી હતી. તે દરમિયાન ફોર્ચ્યુનર કાર ચાલક જે જસદણ તરફથી ગોંડલ શહેરમાં પ્રવેશી રહ્યો હતો. ત્યારે કારચાલક પોલીસે કરેલી નાકાબંધીને જોઈ જતા પાંજરાપોળના પુલ પરથી જ ફોર્ચ્યુનર કારને ફિલ્મી ઢબે વળાંક વાળતાં કોન્સ્ટેબલને અડફેટે લીધા હતા. જે બાદ પુલ પર અન્ય એક કારમાં અથડાવી નુકસાન કરી ફરી જસદણ તરફ કારચાલક નાસી છૂટ્યા હતા.
પોલીસ કોન્સ્ટેબલને સામાન્ય ઇજા થતાં ક્રિષ્ના હોસ્પિટલમાં ખસેડવામાં આવ્યા હતા. સમગ્ર ઘટનાને લઈને અ-ડિવિઝન શહેર પોલીસના પીઆઈ એ.સી.ડામોર ઘટના સ્થળે આવી પહોંચ્યા હતા અને કારચાલકની અલગ અલગ સીસીટીવી ફૂટેજ આધારીત શોધખોળ શરૂૂ કરી હતી. ગોંડલ-જસદણ રોડ પર ધારેશ્વર ચોકડી નજીકથી જસદણ તરફથી આવતી ફોર્ચ્યુનર કારે કોઈ અજાણ્યાં ઇસમને રોડ પરથી બેસાડ્યો હોવાનું સૂત્રો દ્વારા જાણવા મળી રહ્યું છે. હાલ દારૂૂનો જથ્થો કોનો હતો? કાર ચાલક કોણ હતો? તેને લઈને પોલીસ દ્વારા તપાસ હાથ ધરવામાં આવી છે.
ગુજરાત
રેલનગરમાં માસીના ઘરે દિવાળી કરવા આવેલા 14 વર્ષીય તરૂણનું ડેન્ગ્યુથી મોત
રાજકોટમાં તહેવારો ટાંણે જ રોગચાળાએ માથુ ઉચક્યું હોય તેમ મચ્છરજન્ય અને પાણીજન્ય રોગચાળાના કેસમાં વધારો થઈ રહ્યો છે. શહેરમાં અગાઉ ડેંગ્યુથી વિદ્યાર્થી સહિત બે લોકોના મોત થયા હતા. ત્યારે વધુ એક બનાવમાં રેલનગરમાં માસીના ઘરે દિવાળી કરવા આવેલા પરપ્રંતિય 14 વર્ષીય તરૂણનું ડેંગ્યુથી મોત નિપજતા પરિવારજનોમાં ગમગીની છવાઈ જવા પામી છે.
જાણવા મળતી વિગત મુજબ મુળ ઉત્તરપ્રદેશની વતની દિપક આમીદભાઈ સરૂજ (ઉ.વ.14) નામનો તરૂણ રેલનગરમાં લાલ બહાદૂર શાસ્ત્રી ટાઉનશીપમાં રહેતા તેના માસી રસીદાબેન યુનુસભાઈના ઘરે આવ્યો હતો. દરમિયાન ગત રાત્રે છાતીમાં દુખાવો ઉપડતા તેને સારવાર માટે સિવિલ હોસ્પિટલમાં ખસેડાયો હતો. જ્યાં તબીબો દ્વારા ઈસીજી કરી ત્રણ દિવસની દવા આપી હતી. બાદમાં આજે સવારે તે ઘરે બેભાન થઈ જતાં ફરી સિવિલ હોસ્પિટલમાં ખસેડાતા ફરજ પરના તબીબે જોઈતપાસી મરણ ગયાનું જાહેર કર્યુ હતું.
આ અંગે પ્રનગર પોલીસે જરૂરી કાર્યવાહી કરી તરૂણના મૃતદેહનું પીએમ કરાવ્યું હતું. પીએમ રીપોર્ટમાં મૃતક તરૂણને ડેંગ્યુની અસર હોવાનું સામે આવ્યું હતું. જેથી ડેંગ્યુથી મોત થતાં આરોગ્ય તંત્રમાં દોડધામ મચી જવા પામી હતી.
પ્રાથમિક તપાસમાં મૃતક દિપક ચાર ભાઈ એક બહેનમાં વચેટ અને તેના પિતા મજુરી કામ કરે છે.
તે પાંચેક દિવસથી રાજકોટમાં માસીના ઘરે દિવાળી કરવા માટે આવ્યો હતો. દરમિયાન ડેંગ્યુથી મોત નિપજતા પરિવારમાં શોકની લાગણી છવાઈ જવા પામી છે.
-
ક્રાઇમ1 day ago
રાજકોટના સિક્યુરિટી ગાર્ડ અને ભાવનગરના રિક્ષા ચાલકને નામે 246 બોગસ કંપનીઓ ખોલી રૂ. 8000 કરોડ ના GST ચોરી કૌભાંડનો પર્દાફાશ.
-
આંતરરાષ્ટ્રીય2 days ago
મુકેશ અંબાણીએ Jio યુઝર્સને આપી દિવાળીની ભેટ, મળી રહ્યો છે 3350 રૂપિયાનો મફત લાભ
-
ક્રાઇમ1 day ago
નકલી EDની રેડ દરમિયાન અસલી ED પહોંચી, જાણો 5 કરોડ રૂપિયાનું શું થયું?
-
ગુજરાત1 day ago
દિવાળીના તહેવારોમાં PGVCL સ્ટેન્ડ બાય, ફોલ્ટ સેન્ટરોના નંબર જાહેર
-
ગુજરાત1 day ago
રેલનગરમાં માસીના ઘરે દિવાળી કરવા આવેલા 14 વર્ષીય તરૂણનું ડેન્ગ્યુથી મોત
-
ગુજરાત1 day ago
રાજકોટના ગારીડા ગામની વાડીમાં અજગરનું રેસ્કયુ
-
ગુજરાત1 day ago
ડોક્ટર, ઇજનેર સહિત 37 નવયુવાન પાર્ષદોએ લીધી ભાગવતી દીક્ષા
-
Sports1 day ago
ટીમ ઈન્ડિયાનું શાસન ખતમ!! 12 વર્ષ બાદ ઘરઆંગણે ટેસ્ટ સીરિઝ હાર્યું ભારત, ન્યુઝીલેન્ડે પુણે ટેસ્ટ 3 દિવસમાં જીતી