બોલિવૂડ સુપરસ્ટાર સલમાન ખાન બાદ હવે શાહરૂખ ખાનને જાનથી મારી નાખવાની ધમકી મળી છે. જણાવવામાં આવી રહ્યું છે કે શાહરૂખને ધમકી મળ્યા બાદ મુંબઈના બાંદ્રા પોલીસ સ્ટેશનમાં કેસ નોંધવામાં આવ્યો છે. જ્યારે પોલીસે કોલ ટ્રેસ કર્યો તો તે રાયપુરનો હોવાનું બહાર આવ્યું, ત્યારબાદ પોલીસની ટીમ રાયપુર ગઈ. વધુ તપાસ હાથ ધરી છે.

મુંબઈ પોલીસ આ મામલાને ગંભીરતાથી લઈ રહી છે. શાહરૂખ ખાનને આ ધમકી આપવા પાછળનો હેતુ જાણવામાં આવી રહ્યો છે. મુંબઈ પોલીસની એક ટીમ રાયપુર પહોંચી ગઈ છે. ત્યાં આ ટીમ મામલાની તપાસ કરશે. 5 નવેમ્બરે બપોરે 1:21 વાગ્યે બાંદ્રા પોલીસને શાહરૂખ ખાન માટે ફોન આવ્યો હતો. ફોન કરનારે કહ્યું હતું – શાહરૂખ ખાન મન્નત બેન્ડ સ્ટેન્ડનો માલિક છે, જો તે મને 50 લાખ રૂપિયા નહીં આપે તો હું તેને મારી નાખીશ. પોલીસે પૂછ્યું- તમે કોણ બોલો છો અને ક્યાંથી બોલી રહ્યા છો? ફોન કરનારે કહ્યું કે મારું નામ શું છે તેનાથી કોઈ ફરક પડતો નથી, જો તમારે લખવું જ હોય ​​તો મારું નામ હિન્દુસ્તાનીમાં લખો.

જેના ફોન પરથી ધમકીભર્યો કોલ આવ્યો હતો. ફૈઝાન ખાને દાવો કર્યો હતો કે તેનો ફોન 2 નવેમ્બરે ચોરાઈ ગયો હતો. રાયપુર પોલીસે તેને પોલીસ સ્ટેશન બોલાવીને પૂછપરછ કરી હતી.

મુંબઈ પોલીસે તરત જ આ કેસ નોંધ્યો હતો. આરોપીઓ પર ભારતીય ન્યાય સંહિતાની કલમ 308(4) અને 351(3)(4) લગાવવામાં આવી છે. મુંબઈ પોલીસના એક વરિષ્ઠ અધિકારીએ જણાવ્યું કે, આરોપીને જલ્દી જ પકડી લેવામાં આવશે. આ ધમકીભર્યા કોલ બાદ ઈન્ડસ્ટ્રીમાં ભયનો માહોલ છે. આ પહેલા સલમાન ખાનને જાનથી મારી નાખવાની ધમકી પણ મળી હતી. સલમાનને ગેંગસ્ટર લોરેન્સ બિશ્નોઈના નામે સતત ધમકીઓ મળી રહી છે. ગયા મહિને સલમાનના મિત્ર અને NCP નેતા બાબા સિદ્દીકીની હત્યા કરવામાં આવી હતી.

આ પછી શાહરૂખ ખાન પણ સલમાન ખાનને મળ્યો હતો. બંને સ્ટાર્સ નજીકમાં રહે છે. શાહરૂખના નામે ધમકીભર્યા કોલ બાદ માનવામાં આવી રહ્યું છે કે શાહરૂખ ખાનની સુરક્ષામાં પણ વધારો કરવામાં આવશે. મન્નતની સુરક્ષા વધારી દેવામાં આવી છે. થોડા દિવસો પહેલા પણ પોલીસે મન્નતની બહાર બેરિકેડ લગાવ્યા હતા. એવું પણ કહેવામાં આવી રહ્યું છે કે શાહરૂખ તરફથી હજુ સુધી વધારાની સુરક્ષાની કોઈ માંગ કરવામાં આવી નથી. સુપરસ્ટાર્સ કામ પર અને શહેરની બહાર જતી વખતે હંમેશા તેમના અંગરક્ષકોને સાથે લઈ જાય છે.

શાહરૂખ ખાન બુધવારે મોડી સાંજે બાંદ્રાના પર્પલ હેઝ સ્ટુડિયોમાં જોવા મળ્યો હતો. સુપરસ્ટાર અહીં ડબિંગ માટે આવ્યો હતો. શાહરૂખ સફેદ શર્ટ અને બ્લેક પેન્ટ સાથે બ્લેક કેપ પહેરેલ જોવા મળ્યો હતો. ચાહકોને તેનો કેઝ્યુઅલ લૂક ખૂબ પસંદ આવ્યો. પાપારાઝીથી બચવા માટે સુપરસ્ટાર છત્રી લઈને સ્ટુડિયોની બહાર આવ્યો. જોકે, ફોટોગ્રાફર્સે તેની તસવીરો લીધી હતી.

સિંઘમ અગેઇન આ શુક્રવારે રિલીઝ થઈ રહી છે. આ રિલીઝ પહેલાં હવે સેન્સર બોર્ડે ફિલ્મને ઞઅ સર્ટિફિકેટ આપીને ફિલ્મ ક્લીઅર કરી છે. તેમજ ફિલ્મમાં મિનિટ 12 સેક્ધડના કટ પણ સૂચવ્યા છે. એક 23 સેક્ધડનો કટ છે, જેમાં સિંઘમ, અવની અને સિમ્બાને ભગવાન રામ, સીતા અને ભગવાન હનુમાન તરીકે દર્શાવાયા છે. તે ઉપરાંત એક 23 સેક્ધડનો કટ છે, જેમાં સિંઘમ ભગવાન રામને ચરણ સ્પર્શ કરે છે, તેમાં સુધારા કરવાના છે.

આ ઉપરાંત રાવણ એક નાટકીય સીનમાં સીતાને ધક્કો મારે છે, પકડે છે અને ખેંચે છે તેવો 16 સેક્ધડનો એક સીન દૂર કરવા કહેવાયું છે. આ ઉપરાંત એક 29 સેક્ધડનો સીન જેમાં હનુમાન લંકા બાળે તેમજ સિમ્બા ફ્લર્ટ કરતો હોય છે એ સીન પણ ડિલીટ કરવા કહેવાયું છે.

આ ઉપરાંત ચાર જગ્યાએ ઝુબૈર એટલે કે અર્જુન કપૂરના ડાયલોગને ડિલીટ કરવા અને તેમાં થોડા ફેરફાર કરવા કહેવાયું છે. જ્યારે કેટલીક જગ્યાએ અર્જૂન કપૂર અને સિમ્બા વચ્ચેના ડાયલોગમાં પણ ફેરફાર સૂચવાયા છે. તે ઉપરાંત કોન્સ્ટિટ્યુશનલ હેડના દૃશ્યો ડિલીટ કરવાની સાથે તેના બે ડાયલોગમાં પણ ફેરફાર સૂચવાયા છે.
જાહેર ચેતવણી 1 મિનિટ અને 19 સેક્ધડની છે અને બધા થઇને કુલ 7 મિનિટ અને 12 સેક્ધડના કટ સૂચવાયા છે. આટલાં સુધારા-વધારા પછી સેન્સર બોર્ડે 28 ઓક્ટોબરે સિંઘમ અગેઇનને રિલીઝ માટે મંજૂરી આપી છે. આ ફિલ્મની હવેની લંબાઈ 144.12 મિનિટ એટલે કે 3 કલાક 24 મિનિટ અને 12 સેક્ધડની છે.

શ્રદ્ધા કપૂરની ‘સ્ત્રી 2’એ બોક્સ ઓફિસ પર જોરદાર ધૂમ મચાવી છે. આ ફિલ્મની સફળતા પછી, મેડૉકે હોરર કોમેડી યુનિવર્સમાં આગામી ફિલ્મની તૈયારી શરૂ કરી દીધી છે. દિનેશ વિજન તેના મેડડોક હોરર કોમેડી બ્રહ્માંડમાં વધુ એક ફિલ્મ ઉમેરવા જઈ રહ્યો છે, જેની જાહેરાત કરવામાં આવી છે. થમાની જાહેરાતનો વીડિયો આવી ગયો છે. આ ફિલ્મમાં આયુષ્માન ખુરાના સાથે રશ્મિકા મંદન્ના જોવા મળશે.

44 સેકન્ડનો આ ટીઝર વીડિયો દિનેશ વિજનના નામથી શરૂ થાય છે. સ્ત્રી, ભેડિયા અને મુંજ્યાના નિર્માતા હવે એક લવ સ્ટોરી લઈને આવી રહ્યા છે. પરંતુ આમાં એક ટ્વિસ્ટ છે. આ લવસ્ટોરીમાં રક્તપાત પણ થશે. આ વીડિયોના બેકગ્રાઉન્ડમાં એક ગીત પણ વાગી રહ્યું છે.

આ ફિલ્મમાં આયુષ્માન ખુરાના, રશ્મિકા મંદન્ના સાથે પરેશ રાવલ અને નવાઝુદ્દીન સિદ્દીકી પણ જોવા મળશે. દિનેશ વિજન અને અમર કૌશિક આ ફિલ્મનું નિર્માણ કરી રહ્યા છે. આદિત્ય સરપોતદાર ડિરેક્ટ કરી રહ્યા છે. આ ફિલ્મ 2025ની દિવાળી પર રિલીઝ થશે. પહેલા આ ફિલ્મનું નામ હતું ‘વૅમ્પાયર ઑફ વિજયનગર’. હવે તેનું નામ બદલીને થામા રાખવામાં આવ્યું છે. આ હોરર કોમેડી યુનિવર્સની છેલ્લી બે ફિલ્મો સુપરહિટ રહી છે. શ્રદ્ધા કપૂરની સ્ત્રી 2 ઉપરાંત, તેમાં શર્વરી વાઘની મુંજ્યાનો સમાવેશ થાય છે.

આ જાહેરાતથી ફેન્સ ખૂબ જ ખુશ છે. ચાહકોએ પણ પોતાની થિયરી આપવાનું શરૂ કરી દીધું છે. કેટલાક કહે છે કે આ એક વેમ્પાયર ફિલ્મ હશે, તો કેટલાક કહે છે કે ભેડિયા અને વેમ્પાયરની અથડામણ જોવા માટે તૈયાર થઈ જાઓ. ખરેખર, હોરર કોમેડી યુનિવર્સની ફિલ્મોએ લોકોએ ખૂબ પ્રભાવિત કર્યા છે. ખાસ કરીને ચાહકો આ ફિલ્મની કાસ્ટિંગથી ખૂબ જ ખુશ છે.

હકીકતમાં, જો આપણે હોરર કોમેડી યુનિવર્સની છેલ્લી ચાર ફિલ્મો પર નજર કરીએ તો જબરદસ્ત રહી છે. ‘સ્ત્રી’, ‘ભેડિયા’, ‘મુંજ્યા’ અને ‘સ્ત્રી 2’ એ અદભૂત કલેક્શન કર્યું છે. મેડૉક લોકો તેમની આગામી ફિલ્મો માટે પણ ઘણી તૈયારી કરી રહ્યા છે. હાલમાં થામા પર કામ ચાલી રહ્યું છે. આ પછી ‘સ્ત્રી 3’ અને ‘ભેડિયા 2’ પણ બનાવવામાં આવશે. આયુષ્માન ખુરાનાની ફિલ્મની વાર્તા શું હશે તે અંગે ચાહકો અંદાજ લગાવી રહ્યા છે.