મગફળીની રૂા. 1250 અને કપાસમાં રૂા.1100 સુધીની જ હરાજી થતાં ખેડૂતો નારાજ: મગફળી એક લાખથી વધુ ગુણી અને કપાસની 20 હજાર ભારી સહિતની જણસીથી યાર્ડ છલકાયું

નવા વર્ષના તહેવાર બાદ લાભપાંચમથી યાર્ડમાં જણસીની આવક થઈ હતી. મગફળી અને કપાસથી રાજકોટનું બેડી યાર્ડ છલકાયુ હતું. યાર્ડમાં મુહુર્તના સોદામાં જ મગફળી અને કપાસના ભાવ નબળા મળ્યા હતા. યાર્ડમાં મગફળીની રૂા. 1250 અને કપાસની રૂા. 1100 સુધીમાં જ હરરાજી થતાં પુરતા ભાવ નહીં મળતા ખેડુતો નારાજ થયા હતાં. અને આર્થિક ભારણ વધી ગયું હોવાની વ્યથા ટાલવી હતી. યાર્ડમાં એક લાખતી વધુ મગફળીની આવક થતાં હાલ પુરતી મગફળીની આવક બંધ કરાઈ છે.

આજે વહેલી સવારે જ રાજકોટ બેડી માર્કેટ યાર્ડ ખાતે ચેરમેન જયેશ બોઘરાએ શ્રીફળ વધારીને એને વેપારીઓના મીઠા મોઢા કરાવી મગફળીની હરાજીના શ્રી ગણેશ કરાવ્યા હતા. મુહૂર્તમાં જ નિકાવાના ખેડૂત કૃપાલસિંહને 1250ના ભાવ મળ્યા હતા. સરેરાશ 1250 થી 1100 સુધીના મગફળીના ભાવ બોલાયા હતા. પરંતુ રાજ્ય સરકાર દ્વારા ટેકાના ભાવે 1350 રૂૂપિયાનો ભાવ જાહેર કર્યો છે. ત્યારે ટેકાના ભાવ કરતા બજાર ભાવ આ વખતે ઓછો જોવા મળ્યા હતાં.

પરંતુ વેપારીઓનું માનવું છે કે આગામી દિવસોમાં ભાવ વધે તેવી શક્યતાઓ જોવાઈ રહી છે. સામાન્ય વર્ષો કરતા આ વર્ષે ભાવ થોડો ઓછો જોવા મળી રહ્યો છે. પરંતુ આગામી અઠવાડિયા 15 દિવસમાં ભાવ વધે તેવી શક્યતાઓ જોવાઈ રહી છે. તેમજ મગફળી સાથે સાથે અન્ય જળસીઓની પણ મોટા પ્રમાણમાં આવક નોંધાઈ હતી માર્કેટિંગ યાર્ડમાં કપાસની પણ ₹25,000 મળ જેટલી આવક નોંધાઈ હતી.

લાભ પાંચમની શરૂૂઆતમાં જ ખેડૂતોને ઓછા ભાવ મળતા ક્યાંક ખેડૂતો પણ નિરાશ જોવા મળ્યા હતા. રાજકોટ બેડી યાર્ડમાં આવેલ જામનગરના ખેડૂતે ખ જણાવ્યું હતું કે આ વખતે એક બાજુ ખેડૂતો રાહત પેકેજ જાહેર કર્યું પરંતુ તેમના રૂૂપિયા આપતી નથી બીજી બાજુ બજારમાં પણ ભાવ ઓછા મળી રહ્યા છે. સામાન્ય રીતે ખેડૂતોને 1500 રૂૂપિયાની આસપાસ મગફળીના ભાવ મળવા જોઈએ પરંતુ તે પણ મળતા નથી હાલ અમારે રૂૂપિયા ની જરૂૂર હોવાના કારણે મગફળી નું વેચાણ કરવું પડી રહ્યું છે. ગમે તે ભાવ હોય તે ભાવમાં રૂૂપિયાની જરૂૂરિયાત હોવાના કારણે મગફળી વેચવા અમે મજબુર બન્યા છે.

ઢેબર કોલોનીમાં યુવતી અને રણછોડનગરમાં યુવાને કર્યો આપઘાતનો પ્રયાસ

શહેરમાં રામનાથપરા વિસ્તારમાં આવેલા ભવાનીનગરમાં રહેતા વૃદ્ધાનું હૃદયરોગના હુમલાથી મોત નીપજયુ હતું વૃદ્ધાના મોતથી પરિવાર શોકમા ગરકાવ થઈ ગયો હતો.

આ બનાવ અંગે પોલીસમાંથી જાણવા મળતી વિગત મુજબ રામનાથપરા વિસ્તારમાં આવેલા ભવાનીનગરમાં રહેતા ગંગાબેન ભીમજીભાઇ ગોહેલ નામના 65 વર્ષના વૃદ્ધા સાંજના છએક વાગ્યાના અરસામાં પોતાના ઘર પાસે ચાલીને જતા હતા ત્યારે હદયરોગનો હુમલો આવતા વૃદ્ધા બેભાન હાલતમાં ઢળી પડ્યા હતા. વૃદ્ધાને તાત્કાલિક સારવાર માટે સિવિલ હોસ્પિટલમાં ખસેડવામાં આવ્યા હતા. જ્યાં તેમની સારવાર કારગત નીવડે તે પૂર્વે જ વૃદ્ધાનું મોત નિપજતા પરિવાર શોકમાં ગરકાવ થઈ ગયો હતો.

આ ઉપરાંત અન્ય બીજા બનાવમાં ઢેબર કોલોની ક્વાર્ટરમાં રહેતી નિકિતાબેન દીપકભાઈ ચૌહાણ નામની 22 વર્ષની યુવતીએ કોઈ અગમ્ય કારણસર પોતાના ઘરે ફીનાઈલ પી લીધું હતું. જ્યારે બીજા બનાવમાં રણછોડનગરમાં રહેતા અરુણ બચુભાઈ પાસવાન નામના 30 વર્ષના યુવાને પોતાના ઘરે ઝેરી દવા પી આપઘાતનો પ્રયાસ કર્યો હતો. આપઘાતનો પ્રયાસ કરનાર યુવતી અને યુવકને સારવાર માટે સિવિલ હોસ્પિટલમાં દાખલ કરાયા હતા ઉપરોક્ત બનાવ અંગે પોલીસે નોંધ કરી વધુ તપાસ હાથ ધરી છે.

શહેરના અલગ અલગ શો રૂમમાંથી 542 કાર અને 2579 ટુ વ્હિલર સહિતના વાહનો વેચાયા

ઈલેક્ટ્રિક વાહનો ટેક્સ ફી હોવાથી લોકોની ખરીદી વધી: મનપાની આવકમાં પડ્યું ગાબડું

દિવાળીના તહેવારો દરમિયાન સુભ દિવસો એન સુભ મુહુર્તમાં નવા વાહનો છોડાવવાનો ક્રેઝ લોકોમાં આજે પણ જોવા મળ્યો છે. ધન તેરસ, બેસતુ વર્ષ અને લાભ પાંચમના દિવસે નવા વાહનની ડિલિવરી મોટાભાના શોરૂમમાંથી કરવામાં આવે છે. આગઉ બુક કરાવેલ હોય તહેવારોના પાવન દિવસે લોકો નવુ વાહન ખરીદે છે. જે અંતર્ગત આ વર્ષે પણ દિવાળીના તહેવારોમાં ત્રણ દિવસમાં 514 કાર સહિત 3206 અલગ અલગ પકારના નવા વાહનોનું વેચાણ થયું હતું. જેના લીધે ટેક્સ પેટે મહાનગગરપાલિકાને 1.56 કરોડની આવક થઈ છે.

ચાલુ વર્ષ દરમિયાન મંદીનો માહોલ હોવાની ચર્ચા વચ્ચે પણ દિવાળીના તહેવારો દરમિયાન વિક્રમીજનક નવા વાહનોનું વેચાણ જોવા મળ્યું છે. જેમાં સૌથી વધુ 2579 મોટર સાયકલનું વેચાણ થયું છે. અલગ અલગ શોરૂમમાંથી થયેલા વાહનોના વેચાણના આંકડા મુજબ ટુ વ્હીલરમાં સીએનજી સહિતના વાહનોનું સૌથી વધુ વેચાણ થયું છે. જ્યારે થ્રી વ્હીલરમાં પણ પેસેન્જર વાહનોમાં પણ પેટ્રોલ, ડિઝલ અને સૌથી વધુ સીએનજી વ્હીલકનું વેચાણ વધુ જોવા મળ્યું છે. જ્યારે ફોર વ્હીલમાં સૌથી વધુ પેટોલ કારનું વેચાણ આ વખતે વધુ થયાનું જાણવા મળેલ છે. જ્યારે 6 વ્હીલમાં મોટા વ્હીકલમાં ડિઝલ ગાડીનું વેચાણ પાંચ વાહનોનું થયું છે.

મહાનગરપાલિકા દ્વારા નવા વાહનો પૈેટે વ્હીકલ ટેક્સ લેવામાં આવે છે. જેના આંકડા મુજબ ગત વર્ષની તુલનાએ આ વર્ષે ઓછા વાહનોનું વેચાણ થયું છે. છતાં એવરેજ કહી શકાય તે રીતે મહાનગરપાલિકાને 3206 વાહનના વેચાણ થકી રૂા. 15656326ની આવક થઈ છે.

મહાનગરપાલિકા દ્વારા વાહનના ટેક્સમાં દર વર્ષે વધારો કરવામાં આવી રહ્યો છે. ડિઝલ સંચાલીત વાહનોમાં દિવસેને દિવસે ઘટાડો જોવા મળી રહ્યો છે. જેની સામે સીએનજી અને પેટ્રોલના વાહનોનું વેચાણ વધવા લાગ્યું છે. મહાનગરપાલિકાના ટેક્સ વિભાગના જણાવ્યા મુજબ હવે ઈલેક્ટ્રીકલ્સ વાહનનો ક્રેઝ પણ વધવા લાગતા ટુ વ્હીલરમાં વધુમાં વધુ ઈલોક્ટ્રીક વેચાણ થઈ રહ્યું છે. સરકારના નિયમ મુજબ ઈલેક્ટ્રીક વાહન ઉપર ટેક્સ ન હોવાથી તેનું વેચાણ વધતા મહાનગર પાલિકાની વાહન વેરાની આવકમાં દિવસે દિવસે વધુ ગાબડુ થતું જાય છે. છતાં ફોર વ્હીલ વાહનો લેવામાં હવે મધ્યમ વર્ગીય પરિવાર પણ આગળ આવતા આ વર્ષે 500થી વધુ કારનું વેચાણ જોવા મળ્યું છે.