ગુજરાત
વાવડીમાં એકાઉન્ટન્ટની ઓફિસમાં બે શખ્સોની ધમાલ: બે મિત્રો પર હુમલો કરી લૂંટ ચલાવી
એકાઉન્ટન્ટના ઘરે જઇ પત્નીના મોબાઇલમાંથી કોલ કરી કહ્યું કે, તારી પત્ની અને મોબાઇલ મારી પાસે છે લઇ જજે
શહેરમાં પૈસાની લેતીદેતીના ડખ્ખામાં વાવડી રોડ મટુકી ચોકમાં ઓફિસ ધરાવતાં એકાઉન્ટ યુવાનની ગેરહાજરીમાં તેના અગાઉના પરિચીત શખ્સ સહિત બે જણાએ ઓફિસમાં આવી ચીજવસ્તુઓ વેરવિખેર કરી આ યુવાનના બે મિત્રોને ગાળો દઇ માર મારી કાતરથી ઇજા પહોંચાડી બે લેપટોપ લૂંટી લીધા બાદ આ યુવાનના ઘરે પહોંચી તેની પત્નિને ધમકાવી તેના ફોનમાંથી તેણીના પતિને ફોન કરી મોબાઇલ પણ લૂંટની ભાગી જતાં તાલુકા પોલીસે કાર્યવાહી કરી છે.મળતી વિગતો મુજબ,150 રીંગ રોડ પર ગોવર્ધન ચોક માવધ ગેઇટ અંદર સુખસાગર સોસાયટી-1માં રહેતાં અને વાવડી રોડ મટુકી ચોકમાં આસોપાલવ ટ્રાએંગલ બિલ્ડીંગમાં બીજા માળે 224 નંબરની ઓફિસમાં પત્નિ સાથે શિવ એસોસિએટ નામે એકાઉન્ટીંગ અને તમામ પ્રકારની મકાનની લોન અપાવવાનું કામ કરતાં પરાગ પ્રવિણભાઇ ધંધુકીયા (ઉ.વ.37)ની ફરિયાદ પરથી સાગર રમેશભાઇ રાદડીયા તથા અજાણ્યા વિરૂૂધ્ધ ગુનો નોંધ્યો છે.
પરાગ ધંધુકીયાએ જણાવ્યું હતું કે,પોતે અને પત્નિ ઓફિસમાં એકાઉન્ટીંગ અને હોમ લોન અપાવવાનું કામ એક વર્ષથી કામ કરે છે.અમે બે મહિલાને પણ કામ પર રાખી છે.તા. 5/9ના સાંજે સાડા ચારેક વાગ્યે બધા ઓફિસે હતાં અને મિત્ર અફઝલ ભટ્ટી તથા વસીમ ખલીફા મકાનની લોનના કામ માટે આવ્યા હોઇ તે પણ હાજર હતાં. તેમનુ઼ કામ પતાવી પરાગભાઈ સાડા પાંચેક વાગ્યે ક્લાયન્ટ કેવીનભાઇના જીએસટીના કામ માટે વાવડી ગયો હતો.સાંજે ઓફિસમાંથી મહિલા કર્મચારીનો ફોન આવ્યો હતો કે આપણી ઓફિસમાં સાગર રાદડીયા અને તેની સાથે એક અજાણ્યો શખ્સ આવ્યા છે અને બેફામ ગાળો બોલે છે, દેકારો કરે છે.
આથી પરાગભાઈ તુરંત ઓફિસે જતાં બધો સામાન વેરવિખેર હાલતમાં જોવા મળ્યો હતો.બંને મહિલા કર્મચારી ઓફિસથી નીકળી ગયા હતાં.બાદમાં 100 નંબરમાં ફોન કરી દીધો હતો.પરાગભાઈ મિત્રો અફઝલ અને વસીમને પણ ફોન કરી ઓફિસે પાછા બોલાવ્યા હતાં.બનાવ વિશે પુછતાં અફઝલે કહ્યું હતું કે તેઓ ઓફિસમાં હતાં ત્યારે બે શખ્સોએ આવીને અહિ શું કામ બેઠા છો? હું સાગર રાદડીયા, આ ઓફિસ મારી છે તેમ કહી ગાળો દેવા માંડયો હતો.તેને ગાળો દેવાની ના પાડતાં તેણે ઉંચો અવાજ ન કર તેમ કહી સાથેના વસીમને ફડાકા મારી દીધા હતાં.
સાગર સાથેના શખ્સે કાતર ઉપાડી અફઝલને ગળા પાસે મારતાં તે દુર ખસી જતાં તેમને થોડી ઇજા થઇ હતી.ત્યારબાદ આ સાગર અને અજાણ્યાએ ઢીકાપાટુનો માર માર્યો હતો.વસીમને કાન પાસે જોરથી ઝાપટ મારી હતી.આ પછી સાગર ઓફિસમાંથી બે લેપટોપ લઇને જતો રહ્યો હતો.પરાગભાઈ અફઝલ સાથે આ વાત કરતો હતો ત્યાં પોલીસ આવી ગઇ હતી.પોલીસને ઘટનાની વિગતો જણાવતો હતો ત્યાં પત્નિના ફોનમાંથી ફોન આવતાં તે રિસીવ કરતાં તેમાં સાગર વાત કરતો હતો. તેણે મને તું ક્યાં છો? તારી પત્નિ તથા મોબાઇલ મારી પાસેથી લઇ જજે તેમ કહી ફોન કાપી નાખ્યો હતો.
ત્યારબાદ પરાગભાઈના પત્નિનો મોબાઇલ ફોન સ્વીચઓફ થઇ ગયો હતો.એ પછી પોલીસ સ્ટેશને પહોંચ્યા હતાં.ત્યાં પરાગભાઈના પત્નિ પણ ડાયરેક્ટ પોલીસ સ્ટેશને આવ્યા હતાં.ત્યાં જાણવા મળ્યું હતું કે સાગર પરાગભાઈની પત્નીનો મોબાઈલ લૂંટી જતો રહ્યો હતો.આમ તે બે લેપટોપ અને એક મોબાઈલ મળી કુલ રૂૂા. 81 હજારની મત્તા લૂંટી ગયા હતાં.આ અંગે હેડકોન્સ. બી.જે. ખેરે ગુનો દાખલ કરાવતાં પીઆઇ ડી. એમ. હરિપરાની રાહબરીમાં પીએસઆઇ કે. એચ. કારેણાએ તપાસ હાથ ધરી છે.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ