પડી ભાંગેલો તમારો ધંધો બરાબર ચાલશે કહી વિશ્ર્વાસ કેળવ્યો, દાગીના પડાવી લઇ જતા ફરિયાદ

મોરબીના શનાળા ગામે એક શખ્સે યુવકને ધંધો રોજગાર બરોબર ચાલશે તે માટે વિધિ કરવાનું કહી વિધિના બહાને સોનાના દાગીના તથા રોકડ મળી કુલ રૂૂ. 3,30,000 પડાવી છેતરપિંડી કરી હોવાની ફરીયાદ નોંધાઈ છે.
મળતી માહિતી મુજબ મોરબી શક્ત શનાળા ગામે રહેતા ભરતભાઇ નરશીભાઈ સનારીયા (ઉ.વ.39) એ આરોપી નિલેશગીરી ઉર્ફે નવીનગરી ગોસાઈ રહે. શનાળા ગામ તા. મોરબીવાળા વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીએ ફરીયાદીને તેઓનો ધંધો રોજગાર બરાબર ચાલશે તેમ કહીને વિશ્વાસ કેળવી વિધી કરવાના બહાને સોનાની ચેન નંગ-1 આશરે અઢી તોલા કિ રૂૂ 1,50,000/-તથા સોના ના કાપ નંગ-2 આશરે અડધા તોલા કિ રૂૂ 30,000/-તથા સોનાની બુટી નંગ-6 આશરે એક તોલા કિ રૂૂ 70,000/-તથા સોનાની વિટી નંગ-2 આશરે અડધા તોલા કિ રૂૂ 30,000/-તેમજ રોકડા રૂૂ,50,000/-એમ કુલ રૂૂ 3,30,000/-ની છેતરપીડી કરી હોવાની ફરીયાદ નોંધાવતા પોલીસે કાયદેસરની કાર્યવાહી હાથ ધરી છે.

દ્વારકામાં જગત મંદિર નજીક પૂર્વ દરવાજા પાસે ટ્રાફિક નિયમન વ્યવસ્થામાં ફરજ પર રહેલા જાબાઝખાન સરફરાઝખાન પઠાણ નામના હોમગાર્ડના યુવાનને અહીંથી નીકળેલા ઉપેશ સુરેશભાઈ ગોહેલ નામના શખ્સ દ્વારા ત્યાંથી રીક્ષા અંદર જવા દેવાનું કહી, જાણી જોઈને ફરિયાદી સાથે બોલાચાલી કરી અને જાહેરમાં બિભત્સ ગાળો કાઢી હતી.આટલું જ નહીં, આરોપીએ તેમને ઢીકા-પાટુનો માર મારી, કાંઠલો પકડીને ઝપાઝપી કરી, યુનિફોર્મ ફાડી નાખ્યો હતો. આ રીતે આરોપી દ્વારા હોમગાર્ડના જવાની ફરજમાં રૂૂકાવટ કરતા આ અંગે દ્વારકા પોલીસે ઉપેશ સુરેશભાઈ ગોહેલ સામે સરકારી કર્મચારીની ફરજમાં રૂૂકાવટ કરવા સબબ જુદી જુદી કલમ હેઠળ ગુનો નોંધી, કાયદેસરની કાર્યવાહી કરી હતી.

બીમારી સબબ મોત
ખંભાળિયા તાલુકાના વિંઝલપર ગામે રહેતા રાણાભાઈ આલાભાઈ બાંભવા નામના 39 વર્ષના યુવાનને છેલ્લા આશરે બે વર્ષથી લીવરની બીમારી હોય, દરમ્યાન શુક્રવારે સવારે તેમનું આ બીમારી સબબ મૃત્યુ નિપજ્યું હોવા અંગેની જાણ મૃતકના ભાઈ રમેશભાઈ આલાભાઈ બાંભવાએ અહીંની પોલીસને કરી છે.

મહિલાને સાસરિયાંઓનો ત્રાસ
દ્વારકામાં હાલ નરસંગ ટેકરી વિસ્તારમાં રહેતી અને દાઉદભાઈ હાજીભાઈ ચૌહાણ ની 22 વર્ષની પરિણીત પુત્રી ફરાનાબેન નિઝામુદ્દીન ખુરેશીને તેણીના લગ્ન જીવન દરમિયાન કરિયાવર બાબતે મેણા ટોણા મારી, મારકૂટ કરવા પતિ નિઝામુદ્દીન, સાસુ જુલુબેન સસરા સુલતાન મામદ ખુરેશી અને નણંદ અનિશાબેન ઈમ્તિયાઝ ઓસમાણ ગજણ સામે દ્વારકા પોલીસ મથકમાં જુદી જુદી કલમ હેઠળ ગુનો નોંધાયો છે.

ગાંધીધામ મામલતદાર કચેરીએ રાશનકાર્ડમા બદલાવ કરવા માટે રાજકોટથી આવતી પરિણીતા સાથે મામલતદાર કચેરી બહાર બેસતા આરોપીએ કાર્ગો ઝુપડાના બાવળમાં લઈ જઈને દુષ્કર્મ આચર્યાની ગંભીર ઘટના સામે આવવા પામી હતી. પોલીસે આરોપી સામે ગુનો નોંધીને તપાસ હાથ ધરી છે.

ફરિયાદી મહીલા કે જે છુટક ઘરોનું કામ કરીને પોતાનું ગુજરાન ચલાવે છે, તેણે આરોપી સંજય કચરાભાઈ રાઠોડ (અ.જાતી) (રહે. મચ્છુનગર, ગાંધીધામ) સામે ફરિયાદ નોંધાવતા જણાવ્યું કે ભોગબનારની માતાનું રાશનકાર્ડનું સરનામું બદલાવાનું હોવાથી અને આરોપી મામલતદાર ઓફિસ આગળ અન્ય લોકોનું રાશનકાર્ડનું કામ કરી આપતા હોવાથી ભોગબનનાર ફરિયાદી આરોપીના સંપર્કમાં આવતા તેણીનો પોતાના કામ અર્થે પોતાનો સંપર્ક નંબર આપ્યો હતો, જે મોબાઈલ નંબર પર આરોપી અવાર નવાર વોટ્સઅપ મેસેજની વાતચીત કરતો અને રાશનકાર્ડનું કામ કરી આપવા ભોગબનનારને વિશ્વાસમાં લઈને આરોપીએ પોતાની મોટરસાઈકલમાં પાછળ બેસાડી ચા નાસ્તો કરાવી કાર્ગો ઝુપડપટ્ટી પાસે આવેલા બાવળની ઝાડીમાં લઈ જાઈ ભોગ બનનાર સાથે બળજબરી પુર્વક તેની મરજી વિરુદ્ધ શરીર સબંધ બાંધી બળાત્કાર કરી જાનથી મારી નાખવાની ધમકી આપી ગુનો કર્યો હતો. પોલીસે આરોપી સામે ગુનો દાખલ કરીને તપાસનો દોર હાથ ધર્યો છે.