ગુજરાત
રાજકોટમાં 11 માસમાં 11493 લોકોને ડાઘિયાઓએ કરડી ખાધા
ચોમાસાના ચાર મહિના કૂતરાં વધુ બેફામ બને છે, કોર્પોરેશનના ચોપડે કૂતરાંની સંખ્યા માત્ર 20640
રાજકોટમાં કુતરા કરડવાની ઘટના રોજીંદી બની ગઈ છે. જે લોકોને કુતરું કરડ્યુ હોય તે લોકો જ આ દર્દ સમજી શકે છે. પરંતુ તંત્રને આ બનાવો પ્રત્યે કોઈ જાતની રૂચિ ન હોય તેવું લાગી રહ્યું છે. જેમાં ગઈકાલે જંગલેશ્ર્વર વિસ્તારમાં પાંચ વર્ષની બાળકીને કુતરાઓએ ફાડી ખાતા શહેરભરમાં હાહાકાર મચી ગયો છે. અને ચોરે ચોપાટે કુતરાઓનો ત્રાસ વધી ગયો હોવાની ચર્ચા જાગી છે. જેમાં તંત્રએ જણાવ્યા મુજબ જાન્યુઆરી માસથી નવેમ્બર માસ સુધીના 11 માસના ગાળામાં 11493 લોકોને કુતરાઓએ બચકા ભર્યા છે અને આ આંકડો હોસ્પિટલમાં સારવાર માટે ગયેલા લોકોને જ છે બાકી ઘરમેળાએ હુકી દબાવી સારવાર લીધી હોય તે પ્રકારના અસંખ્ય લોકો હશે. હાલની ગણતરી મુજબ શહેરમાં કુતરાની સંખ્યા 20640 હોવાની કોર્પોરેશને જણાવ્યું છે.
રાજકોટ શહેરમાં કુતરાઓનો ત્રાસ દિવસેને દિવસે વધવા લાગ્યો છે. અવાર નવાર કુતરાનો ભોગ બનેલા લોકો મહાનગરપાલિકાને ફરિયાદ કરતા હોય છે. તેવી જ રીતે સરકારી હોસ્પિટલમાં પણ કુતરું કરડ્યાની સારવાર માટે એકધારો પ્રવાહ ચાલુ રહ્યો છે. મહાનગર પાલિકા દ્વારા જાન્યુઆરી માસથી નવેમ્બર માસ સુધીના કુતરા કરડવાના આંકડાઓ જાહેર કરવામાં આવ્યા છે. જે મુજબ જાન્યુઆરીમાં 674, ફેબ્રુઆરીમાં 725, માર્ચમાં 676, એપ્રિલમાં 820, મે મહિનામાં 807, જૂન મહિનામાં 616 ત્યાર બાદ જુલાઈથી આંકડાઓ વધવા લાગ્યા છે. એટલે કે ચોમાસા દરમિયાન સૌથી વધુ ચાર મહિના કુતરાનો કહેર વધુ જોવા મળ્યો છે. જે મુજબ જુલાઈમાં 1656, ઓગસ્ટમાં 1402, સપ્ટેમ્બરમાં 1037, ઓક્ટોબરમાં 1508 અને નવેમ્બર માસમાં 1573 સહિત 11 માસમાં 11493 લોકોને કુતરાએ બચકા ભર્યા હોવાનું મહાનગર પાલિકાના ચોપડામાં નોંધાયેલ છે. આ વિગત ફક્ત પદ્મકુંવરબા હોસ્પિટલ અને સરકારી હોસ્પિટલમાં સારવાર લીધેલાના લીસ્ટ મુજબ છે. તેમજ સેન્ટ્રલઝોન વિસ્તારો એટલે કે શહેરના જૂના અને ભરચક વિસ્તારોમાં કુતરાઓ કરડવાના વધુ કેસ નોંધાયા હોવાનું પણ જાણવા મળેલ છે.
રખડતા કૂતરાં નહીં પકડાય, કોર્ટની મનાઈ છે, લોકો સાવચેતી રાખે : કોર્પોરેશન
રાજકોટ શહેરમાં કુતરાઓનો આતંક દિવસે દિવસે વધતો જાય છે. લોકો દ્વારા કોર્પોરેશન કુતરા પકડવાની કામગીરી હાથ ધરે તેવી માંગ ઉઠી રહી છે. જેમાં ગઈ કાલે કુતરાનો ભોગ એક બાળકી બનતા શહેરભરમાં આક્રોશ વ્યાપી ગયો છે. પરંતુ મહાનગરપાલિકાના પ્રાણી વિભાગના હેડ ડો. જાકાસણિયાના જણાવ્યા મુજબ કુતરા પકડવાની કામગીરી વર્ષોથી બંધ કરવામાં આવી છે. કોર્ટના આદેશ અનુસાર કુતરાને પકડી સકાતા નથી. તેમજ જો જરૂરિયાત ઉભી થાય અને કોઈ એકલ-દોકલ કુતરાના ત્રાસની ફરિયાદ આવે ત્યારે તેને પકડીને એનિમલ હોસ્ટેલમાં રાખવામાં આવેલ છે. ત્યાં તેની સારવાર કરી આ કુતરું ડાયુડમરુ થઈ જાય એટલે પરત જે જગ્યાએથી ઉપાડવામાં આવ્યું હોય તે જ જગ્યાએ મુકવુ પડે તેવો નિયમ અમલમાં છે. તમામ નગરપાલિકાઓ અને પાલિકાઓમાં હાલ કુતરાને પકડવાની કોઈ જાતની કામગીરી કરવામા આવતી નથી.
તેમણે વધુમાં જણાવેલ કે, કુતરાઓ ઉપર ક્રુરતા આચરવામાં આવી રહી છે. તે પ્રકારની રીટ કોર્ટમાં વર્ષો પહેલા કરવામાં આવેલ જેના આધારે કોર્ટે હુકમ કરેલ કે, જરૂરિયાત પડ્યે કુતરાને પકડ્યા બાદ તેને પરત તે સ્થળે છોડવામાં આવે અગાઉ કોર્પોરેશન દ્વારા જે વિસ્તારોમાં કુતરાનો ત્રાસ હોય ત્યાંથી પકડીને અલગ સ્થળે છોડવામાં આવતા હતા. જેના લીધે અન્ય વિસ્તારોમાં કુતરાઓનો ત્રાસ વધતો હોવાની ફરિયાદ ઉઠી હતી. આ તમામ કામગીરીમાં લોકોની પરેશાનીની સાથો સાથ કુતરાઓ પણ હેરાન થતા હોવાની નોંધ કરી કોર્ટ દ્વારા કુતરા ન પકડવાની સુચના આપવામાં આવી છે. જેનું પાલન ચુસ્ત પણે કરવામાં આવે છે. હાલ મહાનગરપાલિકાએ શહેરની બહાર સ્પેશિયલ શ્ર્વાન માટે એનિમલ હોસ્ટેલ શરૂ કરવામાં આવી છે. જ્યાં વધુ આક્રમકતા ધરાવતા અને ત્યાંથી પસાર થતી દરેક વ્યક્તિને બટકા ભરવા ટેવાયેલા હોય તે પ્રકારના કુતરાઓની સારવાર કરવામાં આવે છે. જે સ્વસ્થ થયા બાદ પરત એજ સ્થળે છોડી દેવામાં આવે છે.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ