સ્લોગન ગ્રૂપના 5, થીમ બેઈઝ ગ્રૂપના 2 અને વ્યક્તિગત રંગોળીના બાર કલાકારોનું રોકડ પુરસ્કારથી કરાયું સન્માન]

રાજકોટ મહાનગરપાલિકા દ્વારા અગાઉના વર્ષોની માફક આ વર્ષે પણ તા.27/10/2024 થી તા.31/10/2024 દરમ્યાન રેસકોર્સ રિંગ રોડ ખાતે રંગીલુરાજકોટ દિવાળી ઉત્સવનું ભવ્યઆયોજન કરવામાં આવેલ હતું. રંગીલું રાજકોટ દરેક ઉત્સવ અને દરેક અવસરની ઉત્સાહપૂર્વક ઉજવણી કરવા માટે ખુબ જ જાણીતું છે. મકરસંક્રાંતિ, ધુળેટી, જન્માષ્ટમી, ગણપતિ ઉત્સવ, નવરાત્રિકે પછી દિવાળી જેવા આપણા મહાપર્વ હોય કે પછી સામાજિક કે સાંસ્કૃતિક પ્રસંગ હોય, રાજકોટવાસીઓનો તહેવારોની ઉજવણી પ્રત્યેનો પ્રેમ અને ઉત્સાહ ખરેખર નોંધપાત્ર બની રહે છે. આ જ કારણ રાજકોટને રંગીલું અને અન્ય શહેરો કરતા અલગ બનાવે છે.

રાજકોટ મહાનગરપાલિકાના મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીન ઠાકર, મ્યુનિસિપલ કમિશનર ડી.પી.દેસાઈ, શાસક પક્ષના નેતા લીલુબેન જાદવ, દંડક મનિષભાઈ રાડીયાઅને સમાજ કલ્યાણ સમિતિ ચેરમેન સુરેન્દ્રસિંહ વાળાજણાવે છે કે, રંગીલુરાજકોટ દિવાળી ઉત્સવ અનુસંધાને તા.29/10/2024ના રોજ રેસકોર્ષ રિંગ રોડ ખાતે રંગોળી સ્પર્ધા અંતર્ગત સ્પર્ધકો રંગોળી તૈયાર કરવામાં આવી હતી. જે અન્વયે રંગોળી સ્પર્ધામાં વિજેતા થયેલ સ્પર્ધકોના આજ રોજ નામ જાહેર કરવામાં આવેલ છે. વિજેતા થયેલ તમામ સ્પર્ધકોને રાજકોટ મહાનગરપાલિકાના આગામી કાર્યક્રમ દરમ્યાન રોકડ પુરસ્કાર આપવામાં આવશે.

સ્પર્ધાના નિર્ણાયકો તરીકે જાણીતા લેખક જય વસાવડા, શૈલેષભાઈ સગપરીયા, જયશ્રીબેન રાવલ, મુકેશભાઇ ડોડીયા, ચૈતન્યભાઈવ્યાસ, નલીનભાઈ સૂચક, મુકેશભાઇ વ્યાસ, વલ્લભભાઈ પરમાર, ડો.પ્રદીપભાઈ દવે, કિશોરભાઇ કમાણી, રૂપલબેન સોલંકી, એમ. યુ. ચૌહાણ, ડો.અસિત ભટ્ટએ સેવા આપેલ. રંગોળી સ્પર્ધાની ખાસ વાત કરવામાં આવે તો ત્રણ કલાકાર દ્વારા પદ્મશ્રી હેમંત ચૌહાણની રંગોળી બનાવવામાં આવેલ જે રંગોળી નિહાળવા પરિવાર સાથે આવેલ અને કલાકારોને અભિનંદન આપી ઘરે આવવાનું આમંત્રણ આપવામાં આવેલ. આજ રીતે ત્રણ કલાકારો દ્વારા હેલ્લારો ફિલ્મની રંગોળી તથા તેની હીરોઇન શ્રદ્ધા ડાંગરની અદભૂત રંગોળી બનાવવામાં આવેલ, જેને નિહાળવા ખુદ શ્રદ્ધા ડાંગરએ અમદાવાદ થી રાજકોટ આવીને કલાકારોને રૂૂબરૂૂ મળીને અભિનંદન પાઠવેલ.

સ્લોગન ગૃપ રંગોળી 515ની 26 બનાવવામાં આવેલ જે પૈકી પાંચ રંગોળીના વિજેતાવૈભવ રાણપરિયા, હીર સાકરીયા, રીતુ સાવલિયા, હિતાર્થી સખિયા તથા મૈત્રી વેકરીયાને પ્રત્યેકને રૂૂ.5000નુંરોકડ ઈનામ આપવામાં આવનાર છે. આ ઉપરાંત ગૃપ રંગોળીમાં સ્પેશ્યલ થીમ બેઇઝ્ડ રંગોળી બનાવનાર બે કલાકારશિવમ અગ્રવાલ અને માહી અકબરી પ્રત્યેકને રૂૂ.2000 રોકડ ઇનામ આપવામાં આવનાર છે. વ્યક્તિગત રંગોળી 5ડ્ઢ5 ની પાંચસો બનાવવામાં આવેલ જેમાં બાર કલાકારોદિવ્યેશ પરમાર, ડો.રિદ્ધિ કાલરીયા,પૃષ્ટી વિરમગામા,ધન્વી પાનસુરિયા,દર્પણ ધોળકિયા, જીજ્ઞેશભાઈ ધોળકિયા,તુલસી દફતરી,અંજના વીંછી, ધારા ખંભાયતા,બ્રિજ પરમાર,નિતાંશુ પારેખ તથા નિકિતા પટેલપ્રત્યેકને રૂૂ.5000 રોકડ ઈનામ આપવામાં આવનાર છે. આ ઉપરાંત 61 રંગોળી કલાકારોનેઆશ્વાસનરૂૂપે પ્રત્યેકને રૂૂ.1000 રોકડ ઈનામ આપવામાં આવનાર છે.

આ રંગોળી સ્પર્ધામાં રાજકોટ મહાનગરપાલિકાના મેયર શ્રીમતી નયનાબેન પેઢડીયા, ડેપ્યુટી મેયર શ્રી નરેન્દ્રસિંહ જાડેજા, સ્ટેન્ડિંગ કમિટી ચેરમેન શ્રી જયમીન ઠાકર, મ્યુનિસિપલ કમિશનર ડી.પી.દેસાઈ, શાસક પક્ષના નેતા લીલુબેન જાદવ, દંડક મનિષભાઈ રાડીયાઅને સમાજ કલ્યાણ સમિતિ ચેરમેન સુરેન્દ્રસિંહ વાળાએ જરૂૂરી માર્ગદર્શન પુરું પાડેલ તથા ચિત્રનગરીના જીતુભાઈ ગોટેચા, મુકેશભાઇ વ્યાસ, હેમાબેન વ્યાસ, જયશ્રીબેન રાવલ, સુરેશભાઇ રાવલ, રશેષભાઈ વ્યાસ, શિવમ અગ્રવાલ, સીમાબેન અગ્રવાલ, દિગીશ વડોદરિયા, ભૂષણ સંપત ,વિશાલભાઈ જોશી,હરદેવસિંહ વાઘેલા, ગૌરવ ખીરૈયા,પરેશભાઈ ધોરાજીયા,સાવન ધોરાજીયા, શ્રેયશભાઈ તન્ના,દિનેશભાઇ પટેલ,રશ્મિ ગોટેચા તથા મૌલિક ગોટેચા વગેરેએ જહેમત ઉઠાવેલ હતી.

ગુજરાતના રેપ કેસમાં સોગંદનામાના આધારે ફોજદારી રદ કરવાના હાઇકોર્ટના ચુકાદા સામે સુપ્રીમ કોર્ટનો સવાલ

ગુજરાતના દુષ્કર્મ કેસની ફરિયાદ રદ્દ કરવાના હાઇકોર્ટના નિર્ણયને સુપ્રીમ કોર્ટમાં પડકારવામાં આવ્યો છે. દુષ્કર્મ કેસ મામલે પીડિતાને રૂૂબરૂૂમાં સાંભળ્યા વિના જ હાઈકોર્ટે માત્ર સોગંદનામાના આધારે હુકમ કર્યો હોવાનો અરજદારે આરોપ લગાવ્યો હતો.આ ઉપરાંત સોગંદનામાની વિગતો સમજાવ્યા વિના જ પીડિતા પાસે સહાય આપવાનું કહી અંગૂઠાની છાપ લેવડાવીને સમાધાન થયું હોવાનો પણ અરજદારે આરોપ લગાવ્યો છે. આ મામલે સુપ્રીમ કોર્ટે ગુજરાત હાઈકોર્ટનો ઉધડો લેતા સવાલ ઉઠાવ્યા છે કે, હાઈકોર્ટ આ પ્રકારના આદેશ કેમ કરી શકે?
સોગંદનામાની વિગતો સમજાવ્યા વિના જ પીડિતા પાસે અંગૂઠાની છાપ લેવડાવી સમાધાન થયું હોવાનો અરજદારે આરોપ લગાવ્યો છે. હાઈકોર્ટે અપીલકર્તાને વ્યક્તિગત હાજરી માટે બોલાવ્યા વિના અને સમાધાન થયું છે કે કેમ તેની ખાતરી કર્યા વિના ફોજદારી કાર્યવાહી રદ કરવી જોઈએ નહીં તેવું અરજદાર વકીલે કહ્યું હતું. સુપ્રીમ કોર્ટે કહ્યું કે, ચકાસણી કર્યા વિના જ અસ્પષ્ટ ચુકાદો અને આદેશ પસાર કર્યો છે.

જે ટકી શકે નહીં. આ સાથે જ હાઈકોર્ટને આદેશ આપ્યો છે કે, એટ્રોસિટી એક્ટ હેઠળ કથિત ગુના સિવાય ઈંઙઈની કલમ 376 હેઠળ, કથિત ગુનો ખૂબ જ ગંભીર હતો.જેનું સમાધાન થયું છે કે નહીં. તે બાબતે હાઈકોર્ટે ચકાસણી કરવી જોઈએ અને અપીલકર્તાને વ્યક્તિગત રૂૂપે કોર્ટમાં હાજર રાખી સોગંદનામાની સત્યતા ચકાસવી જોઈએ. આ સાથે જ અરજદાર પીડિતાને નિર્ધારિત તારીખે હાઈકોર્ટમાં હાજર થવા જણાવ્યું છે. વધુમાં સુપ્રીમ કોર્ટે કહ્યું કે, હાઈકોર્ટે અસલી સમાધાન હતું કે કેમ તેની ચકાસણી કર્યા વિના અસ્પષ્ટ ચુકાદો અને આદેશ પસાર કર્યો છે, જે ટકી શકે નહીં. અરજદારને સાંભળ્યા બાદ હાઈકોર્ટને એફિડેવિટ કઈ રીતે ચલાવવામાં આવી છે અને એફિડેવિટની વિગતો સમજાવ્યા વિના અંગૂઠાની છાપ લેવામાં આવી છે કે કેમ તે અંગે ન્યાયિક અધિકારી મારફત તપાસ કરવાનો આદેશ આપવાની સત્તા છે.

એટલું જ નહીં પરંતુ સુપ્રીમ કોર્ટે કહ્યું કે, હાઇકોર્ટને લાગે છે કે ખરેખર સમાધાન થયું છે તો તેણે એ પ્રશ્ન પર વિચાર કરવો પડશે કે શુ ઈઙિઈ 482 હેઠળની સત્તાનો ઉપયોગ સમાધાનના આધારે ફોજદારી કાર્યવાહીને રદ કરવા માટે કરી શકાય.

ભાઇબીજ જમવાના દિવસે વાહન અકસ્માતમાં 400 ગણો વધારો, તહેવારો દરમિયાન મારામારીના 1197 કેસ, રાજકોટમાં દાઝવાના 8 કેસ નોંધાયા

દિવાળીના તહેવારોના ચાર દિવસમાં વાહન અકસ્માતથી 3625 વ્યક્તિને ઈજા થઈ છે. આમ, પ્રતિ દિવસે સરેરાશ 906 જ્યારે પ્રતિ કલાકે 38 વ્યક્તિને વાહન અકસ્માતમાં ઈજા થઈ હતી. જેની સરખામણીએ સામાન્ય દિવસોમાં સરેરાશ 481 વ્યક્તિને વાહન અકસ્માતમાં ઈજા થાય છે. આમ, સામાન્ય દિવસો કરતાં દિવાળીના તહેવારોમાં વાહન અકસ્માતથી ઈજાના કેસમાં 91.48 ટકા જેટલો વધારો થયો હતો. ઈમરજન્સી સેવા 108 પાસેથી પ્રાપ્ત માહિતી અનુસાર 31 ઓક્ટોબરથી 3 નવેમ્બર દરમિયાન ટુ વ્હિલરમાં સૌથી વધુ 2821, ફોર વ્હિલરમાં 396, રિક્શામાં 200, અન્ય વાહનમાં 183 લોકોને વાહન અકસ્માતમાં ઈજા થઈ હતી.

સામાન્ય દિવસોમાં ટુ વ્હિલરમાં સરેરાશ 395, ફોર વ્હિલરમાં 61, થ્રી વ્હિલરમાં 31 જેટલાને વાહન અકસ્માતમાં ઈજા થતી હોય છે. આમ, ટુ વ્હિલરથી થતાં અકસ્માતની ઈજામાં સામાન્ય દિવસો કરતાં 93 ટકાનો વધારો થયો હતો. શ્વાસને લગતી સમસ્યાની ઈમરજન્સીમાં સામાન્ય દિવસો કરતાં સાધારણ વધ-ઘટ જોવા મળી હતી. સામાન્ય દિવસોમાં રોજની સરેરાશ 412 ઈમરજન્સી સામે 31મીએ 379, 1 નવેમ્બરે 417, બીજીએ 391, ત્રીજીએ 421 ઈમરજન્સીનો સમાવેશ થાય છે. દાઝવાની ઈમરજન્સીના કેસમાં 850 ટકાનો વધારો થયો હતો.
સામાન્ય દિવસોમાં દાઝવાના રોજના સરેરાશ ચાર કેસ સામે 31મીએ 38, 1 નવેમ્બરે 40, બીજીએ 24 અને ત્રીજીએ 11 કેસનો સમાવેશ થાય છે.

રાજકોટ જિલ્લામાં મારામારીના કેસમાં અધધ…128 ટકાનો વધારો નોંધાયો
રાજકોટ જિલ્લાની વાત કરીએ તો દિવાળી અને નવા વર્ષ ના કુલ ત્રણ દિવસ દરમ્યાન સરેરાશ 269 કેસ સાથે કુલ 808 ઇમરજન્સી કેસમાં 7.30 % ના વધારાના કેસમાં 108 સતત દોડતી રહી હતી. આ દિવસો દરમ્યાન ખાસ કરીને ઝગડાઓને કારણે મારામારીમાં લોકો ઘાયલ થતા હોવાથી તેઓને સારવાર માટે હોસ્પિટલાઇઝ કરવાના કેસ સૌથી વધુ જોવા મળે છે. જેમાં 128 % નો વધારો આ વર્ષે જોવા મળ્યો છે. જયારે વાહન અકસ્માતમાં લગભગ બમણા કેસ જોવા મળે છે. જયારે આગથી દાઝી જવાના કેસમાં રાજકોટમાં ત્રીજા ક્રમે 8 કેસ નોંધાયા છે. રાજકોટમાં આ ત્રણ દિવસો દરમ્યાન મારામારીના કારણે 51 લોકોને સારવાર માટે 180 નો સહારો પૂરો પાડવામાં આવ્યો હતો, જે લગભગ ત્રણ ગણો વધારે જોવા મળ્યો છે. જયારે વાહન અકસ્માતમાં એવરેજ 25 ની સામે સરેરાશ 47 જેટલા અકસ્માત સાથે બમણો વધારો થયો હતો.

દિવાળીના તહેવારોમાં ગુજરાતમાં ઇમર્જન્સીના કેસ
ઇમરર્જસી 31 ઓકટો. 1 નવે. 2 નવે. 3 નવે.
વાહન અકસ્માત 1096 1037 1144 4424
પેટમાં દુ:ખાવો 531 552 569 548
શ્ર્વાસમાં સમસ્યા 379 417 391 421
હૃદયમાં સમસ્યા 206 257 237 255
ઝેરની અસર 120 122 128 110
ડાયાબિટિસ 69 81 80 90
મારામારાથી ઇજા 323 381 284 209 પડી જવાથી ઇજા 255 229 234 204
દાઝવું 38 40 24 11