હજારો ભાવિકોએ શાણપણ બતાવી આખલાને ભીડમાંથી કર્યો દૂર

યાત્રાધામ દ્વારકામાં તહેવારો દરમિયાન લાખો લોકો ઉમટી પડે છે, આ સમયે ભાવિકોની સુરક્ષા અને સલામતી સૌથી મોટો મુદ્દો બની રહે છે, પરંતુ પાલિકા સહિતના તંત્રો કયારેય પણ ભીડને સુવિધાઓ પૂરી પાડવામાં સક્ષમ સાબિત થતાં નથી. ટ્રાફિક જામથી માંડીને પાર્કિંગની સમસ્યાઓ અને રખડતાં પશુઓના ત્રાસથી માંડીને ખિસ્સા કાપી લેનારાઓનો ઉપદ્રવ દ્વારકા યાત્રાધામમાં જાણીતો છે.

તાજેતરના તહેવારોમાં યાત્રાધામ દ્વારકામાં શહેરની કેપેસિટી કરતાં અનેકગણાં એટલે કે હજારો યાત્રાળુઓ અને સહેલાણીઓ દ્વારકા પહોંચ્યા. સર્વત્ર અંધાધૂંધી જેવી સ્થિતિઓ જોવા મળી. અધૂરામાં પૂરૂૂં અહીં સ્વર્ગ દ્વાર અને છપ્પન સિડી નજીક હજારો યાત્રાળુઓની ભીડ વચ્ચે એક આખલો ઘૂસી જતાં હજારો લોકોના શ્વાસ અધ્ધર થઈ ગયા હતાં. જેનો વીડિયો પણ વાયરલ થયો છે.

સૌ નસીબદાર એટલાં કે ભાગદોડ ન થઈ અને આખલાએ આ ભીડમાં પાંચ પચ્ચીસેક યાત્રાળુઓને કચડયા નહીં.જો આવું કાંઈ બન્યું હોત તો,મંગળ તહેવારો યાત્રાધામ માટે અમંગળ પૂરવાર થયા હોત.હજારો ભાવિકોએ શાણપણ દેખાડી આખલાને ભીડની બહાર જવાની જગ્યા આપી દીધી. સૌનો સંયમ કામ કરી ગયો.

પરંતુ વધુ એક વખત સાબિત થયું કે, આડે દિવસે રખડતાં પશુઓ મામલે ડફોળ પૂરવાર થતી દ્વારકા નગરપાલિકા ભારે ભીડના તહેવારો સમયે પણ સંપૂર્ણ બેદરકાર રહે છે. ભીડ અને સાંકડી જગ્યાઓ આસપાસ આખલા પહોંચી જાય ત્યાં સુધી સૌ જવાબદારો ક્યાં હોય છે, શું કરતાં હોય છે- એવા ગંભીર પ્રશ્નો ભાવિકો અને દ્વારકાના નગરજનો પૂછી રહ્યા છે.

અત્રે એ પણ ઉલ્લેખનિય છે કે, આ અગાઉ એક વખત ગૃહરાજ્યમંત્રીએ દ્વારકાની મુલાકાત લીધી ત્યારે પણ આ રીતે એક આખલો મોટી ભીડમાં ઘૂસી જતાં ત્યારે પણ હજારો લોકોના શ્વાસ અધ્ધર થઈ ગયા હતાં. ત્યારે પણ કોઈ અમંગળ ઘટના બની ન હતી. પરંતુ રખડતાં પશુઓ અને લાખોની ભીડ ગમે ત્યારે, દ્વારકામાં કલંકરૂૂપ દુર્ઘટના નિપજાવી શકે છે, આ બાબત સૌ સંબંધિતોએ કાયમ યાદ રાખવી પડે.

ગુજરાતના સુરત જિલ્લામાં એક મોટી દુર્ઘટના બની છે. સિટી લાઇટ વિસ્તારમાં આવેલા અમૃતયા સ્પા એન્ડ જીમમાં ગઈ કાલે સાંજે ભીષણ આગ લાગી હતી. થોડી જ વારમાં આગે વિકરાળ સ્વરૂપ ધારણ કર્યું હતું. આગ જીમની ઉપર બનેલા સ્પા સેન્ટરને પણ લપેટમાં લીધી હતી. આ દરમિયાન સ્પા સેન્ટરમાં કામ કરતી બે યુવતીના મોત થયા હતા. બંને યુવતીઓ નાગાલેન્ડની રહેવાસી હતી. ઘટનાની જાણ થતાં ફાયર બ્રિગેડની ટીમ ઘટના સ્થળે દોડી ગઈ હતી. ફાયરની ટીમે પાણીનો મારો ચલાવીને આગને કાબૂમાં લેવા પ્રયાસ હાથ ધર્યા હતાં.

મળતી માહિતી મુજબ, બુધવારે સાંજે અચાનક જિમમાંથી ધુમાડો નીકળવા લાગ્યો અને જીમ કરી રહેલા લોકો બહાર આવી ગયા. સનસિટી જીમની ઉપર એક સ્પા અને સલૂન સેન્ટર પણ હતું. ત્યાં કેટલીક યુવતીઓ કામ કરતી હતી. થોડી જ વારમાં આગ સ્પા સેન્ટર સુધી પહોંચી. આગ જોઈને ત્યાં કામ કરતી યુવતીઓ ડરી ગઈ અને ચીસો પાડવા લાગી.યુવતીનું શ્વાસ રૂંધાવાથી મોત થયું હતું.

આ દરમિયાન બે યુવતીઓએ પોતાને આગથી બચાવા માટે બાથરૂમમાં બંધ કરી દીધી હતી, જ્યારે ત્રણ યુવતીઓ કોઈક રીતે હિંમત એકઠી કરીને બહાર આવી હતી. બાથરૂમમાં બંધ બંને યુવતીઓનું શ્વાસ રૂંધાવાથી મોત થયું હતું. આ બંને યુવતીઓ નાગાલેન્ડની રહેવાસી હતી. અકસ્માતની માહિતી મળતાં જ સ્થાનિક પોલીસ અને ફાયર બ્રિગેડની ટીમ ઘટનાસ્થળે પહોંચી ગઈ હતી. ફાયર બ્રિગેડે ઝડપથી આગ પર કાબૂ મેળવી લીધો અને સ્પા સેન્ટરમાં પ્રવેશ કર્યો.

ફાયર બ્રિગેડ બાથરૂમમાં ગયા ત્યારે બંને યુવતીઓ બેભાન અવસ્થામાં પડી હતી. ટીમ તરત જ તેમને હોસ્પિટલ લઈ ગઈ, જ્યાં ડૉક્ટરોએ બંનેને મૃત જાહેર કર્યા. અકસ્માતની જાણ થતાં ડીસીપી સુરત વિજય ગુર્જર અને ડિવિઝનલ ફાયર ઓફિસર હરીશ ગઢવી પણ ઘટના સ્થળે પહોંચી તપાસ હાથ ધરી હતી. જો કે આગ કયા કારણોસર લાગી તે હજુ સ્પષ્ટ થયું નથી. પ્રાથમિક દ્રષ્ટિએ શોર્ટ સર્કિટ હોવાનું કહેવાય છે. જો કે ફાયર બ્રિગેડની ટીમ આગનું કારણ શોધવામાં વ્યસ્ત છે.

લોધિકા તાલુકાના મોટાવડા ગામે ધો. 11 કોમર્સના વિદ્યાર્થી ધ્રુવીલ વરૂૂએ 19 ઓક્ટોબરના 3 શિક્ષકોના ત્રાસથી સુસાઈડ નોટ લખી આપઘાત કરી લેતા ચકચાર મચી ગઈ હતી. જે ઘટનામાં વિદ્યાર્થીને મરવા મજબૂર કરનારા આચાર્ય સચિન વ્યાસ, કાયમી શિક્ષક મોસમી શાહ અને જ્ઞાન સહાયક વિભૂતિ જોષી સામે 20 ઓક્ટોબરના લોધિકા પોલિસે એફઆઇઆર દાખલ કરી હતી. જો કે, ત્યારથી એટલે કે, 17 દિવસથી ત્રણેય શિક્ષકો ફરાર છે. આ દરમિયાન આ ત્રણેય શિક્ષકોએ ગોંડલ કોર્ટમાં આગોતરા જામીન માટે અરજી કરી હતી. જો કે, તેમની અરજી કોર્ટમાં નામંજૂર થઈ છે. જેથી હવે પોલીસ દ્વારા ત્રણેયની ધરપકડ કરવામાં આવશે.

બીજી તરફ રાજકોટના જિલ્લા પ્રાથમિક શિક્ષણ અધિકારી અને ઇન્ચાર્જ જિલ્લા શિક્ષણ અધિકારી દીક્ષિત પટેલે ત્રણેય શિક્ષકને સસ્પેન્ડ કર્યા છે અને તેનો રિપોર્ટ રાજ્ય સરકારને મોકલી આપ્યો છે.રાજકોટ જિલ્લા શિક્ષણ અધિકારી દીક્ષિત પટેલે જણાવ્યું હતું કે, લોધિકાના મોટાવડાની સરકારી શાળામાં અભ્યાસ કરતા ધોરણ 11ના વિદ્યાર્થી ધ્રુવીલ વરૂૂએ આપઘાત કરી લીધાની ઘટનામાં સ્કૂલના આચાર્ય સહિત ત્રણેય શિક્ષકોનો લેખિત ખુલાસો પૂછવામાં આવ્યો હતો. પરંતુ તેમનો હજુ સુધી જવાબ આપ્યો નથી અને તેમની સામે પોલીસ કેસ પણ નોંધાયો છે. ત્યારે આ બંને બાબતને ધ્યાનમાં ત્રણેય શિક્ષકોને સસ્પેન્ડ કરવામાં આવ્યા છે અને તેનો રિપોર્ટ રાજ્ય કક્ષાએ મોકલી દેવામાં આવ્યો છે અને હવે ત્યાંથી જ આ શિક્ષકોને કઈ જગ્યાએ મૂકવા તેનો નિર્ણય થશે.

આ અંગે લોધિકા પોલીસ સ્ટેશનના પીઆઈ શર્માને પૂછતા તેમણે જણાવ્યું હતું કે, મોટાવડા ગામની સરકારી શાળાના વિદ્યાર્થીએ આપઘાત કરી લીધાની ઘટનામાં ત્રણેય શિક્ષકોએ ધરપકડથી બચવા માટે આગોતરા જામીન મૂક્યા હતા. પરંતુ તે કોર્ટ દ્વારા નામંજૂર થયેલા છે. ત્રણેય શિક્ષકો રાજકોટ રહે છે પરંતુ તેમના ફોન બંધ આવે છે અને તેમના ઘરે તપાસ કરવામાં આવતા ત્યાં પણ હાજર મળી આવ્યા નથી. તેમને ઝડપી લેવા માટે તપાસ ચાલુ છે. સુસાઈડ નોટમાં જેમનો ઉલ્લેખ કરાયો છે તે 3 શિક્ષક સામે વિદ્યાર્થીને મરવા મજબૂર કરવા બદલ બીએનએસ કલમ 108 તથા 54 મુજબ ગુનો નોંધી કાયદેસરની કાર્યવાહી હાથ ધરી હતી.