ક્રાઇમ
ટેલીગ્રામમાં ટાસ્કના બહાને નાણાં કમાવાની લાલચે રાજકોટના યુવાને રૂા.19 લાખ ગુમાવ્યા
સાયબર ક્રાઇમની ટીમે ચાર અરજદારોએ ફ્રોડમાં ગુમાવેલા 9.29 લાખ પરત અપાવ્યા
ટેકનોલોજીના પગલે કેટલાક દુર ઉપયોગ થઇ રહ્યા છે જેના કારણે સાયબર ફોડના ગુના વધી રહ્યા છે. પોલીસે અનેક વાર માર્ગદર્શન તેમજ જાગૃતા અંગેના એનક સેમીનાર પણ કરવામાં આવે છે. તેમ છતા સાયબર ફોડના બનાવ વધતા જઇ રહ્યા છે. ત્યારે રાજકોટ શહેરના ચાર અરજદારોએ ઓનલાઇન ફ્રોડમાં ગુમાવેલા રૂા.9.29 લાખ સાયબર ક્રાઇમની ટીમે અરજદારોને પરત અપાવ્યા હતા.
ત્યારે રાજકોટમાં રહેતા ધમિષ્ટભાઇ દિનકરરાય ઓઝાએ ટેલીગ્રામ એપ્લિકેશન પર ટાસ્ક પૂરા કરવાની સાથે વધુ નાણા કમાવવાની લાલચે રૂા.19.82 લાખ ગુમાવ્યા હતા. ત્યાર બાદ ધમિષ્ટભાઇએ તુરંત 1930 પર સાયબર ક્રાઇમમાં કોલ કરી વિગતો આપી હતી. ત્યાર બાદ રાજકોટ સાયબર ક્રાઇમ પોલીસે ગઠીયાનું ખાતુ સીઝ કરી રૂા.3.67 લાખ પરત અપાવ્યા હતા. બીજા બનાવમાં યુનિવર્સિટી રોડ પર જય રેસીડેન્સી પાસે રહેતા મૂળ ઉત્તરપ્રદેશના વતની સચીનભાઇ સુરેશલાલ શ્રીવાસ્તવને અજાણ્યા નંબર પરથી કોલ આવ્યો હતો અને તેમાં જણાવ્યું હતુ કે, મુંબઇ પોર્ટ પર એક એસાઇમેન્ટ આવ્યુ છે. અને મુંબઇ પોર્ટ પર પકડાયું છે તેમાંથી પાસપોર્ટ, લેપટોપ અને એમડીએમએ મળી આવ્યું છે. ત્યાર બાદ સચીનભાઇને ફરિયાદ કરવા ક્રાઇમ બ્રાંચના નામે ક્રોન્ફરન્સ કોલમાં લઇ સ્કાઇપ નામની કોલીંગ મેસેજીંગ એપ્લિકેશન ડાઉનલોડ કરાવડાવી હતી.
ત્યાર બાદ આરોપીએ ફરિયાદી સચીનભાઇની બેન્ક એકાઉન્ટ સર્વેલન્સ પર રાખ્યું કહી રૂા.3 લાખ ટ્રાન્સફર કરાવી લીધા હતા. આમ સચીનભાઇ સાથે સીબીઆઇ અને સાયબર ક્રાઇમના નામે ફ્રોડ થયું હોવાનું જણાતા રાજકોટ સાયબર ક્રાઇમે રૂા.2.70 લાખ પરત અપાવ્યા હતા. જ્યારે ત્રીજા અરજદાર સંજયભાઇ માકડને એક્સીસ બેન્કના રીર્વોડ પોઇન્ટને રૂપિયામાં ક્ધવર્ટ કરવાની લીંક મેસેજમાં મોકલી માહિતી ભરવાનું કહીં ગઠીયાએ ઓટીપી મેળવી રૂા.2.01 લાખ ટ્રાન્સફર કરાવી લીધા હતા. જે તમામ રકમ રાજકોટ સાયબર ક્રાઇમ પોલીસે તેઓને પરત અપાવી હતી.
ત્યાર બાદ ચોથા અરજદાર કૃપાલભાઇ માંડવીયાને ટેલીગ્રામમાંથી સ્ટોકમાર્કેટમાં રોકાણ કરી વધુ નફો કમાવવાની લાલચ આપી સાયબર ગઠીયાઓએ તેમની પાસેથી રૂા.90,508 પડાવી લીધા હતા. ત્યાર બાદ કૃપાલભાઇએ સાયબર ક્રાઇમનો સંપર્ક કરતા તેઓએ તમામ રક્મ અરજદાર કૃપાલભાઇને પરત અપાવી હતી. આ કામગીરીમાં સાયબર ક્રાઇમ પોલીસ મથકના પી.આઇ.કે.જે.મકવાણા, એમ.એ.ઝણકાટ, પીએસઆઇ આર.જે.કામડીયા, એએસઆઇ ડી.બી.કાકડીયા અને ધરતીબેન ગઢીયા સહિતનાઓએ કામગીરી કરી હતી.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ક્રાઇમ
સાયન્સ સિટી હિટ એન્ડ રન કેસમાં રાજકોટનો શખ્સ પોલીસમાં હાજર થયો
અમદાવાદ શહેર ટ્રાફિક પોલીસે બુધવારે 15 સપ્ટેમ્બરે શહેરના સાયન્સ સિટી રોડ પર બનેલા હિટ એન્ડ રન કેસના સંદર્ભમાં રાજકોટના કોટડા સાંગાણીના 28 વર્ષીય યુવકની ધરપકડ કરી હતી.
આરોપી જયદીપ વઘાસિયાએ બુધવારે પોલીસ સમક્ષ આત્મસમર્પણ કર્યું હતું. પોલીસના જણાવ્યા મુજબ, પૂછપરછ દરમિયાન વઘાસિયાએ જણાવ્યું હતું કે તે તેના સાળા કે જે કેન્સર સામે ઝઝૂમી રહ્યો છે તેને રાજકોટથી સોલાની ખાનગી હોસ્પિટલમાં લાવ્યો હતો. તેણે ખુલાસો કર્યો કે જ્યારે અકસ્માત થયો ત્યારે તે ઉંઘથી વંચિત હતો અને હોટલ તરફ જઈ રહ્યો હતો.
તે વ્હીલ પર સૂઈ ગયો હતો અને ગભરાટમાં, ભૂલથી બ્રેકને બદલે એક્સિલરેટરને અથડાયો હતો જ્યારે તેને ખબર પડી કે તે રાહદારીઓ સાથે અથડાઈ રહ્યો છે, તેમ ઈન્સ્પેક્ટર પી.બી. ઝાલા. આત્મસમર્પણ કરતા પહેલા વઘાસિયાએ તેમના સાળાને રજા આપી હતી અને તેમને અને તેમની બહેનને રાજકોટ પરત મોકલી દીધા હતા.રણજીતસિંહ ભલગરિયા દ્વારા દાખલ કરવામાં આવેલી ઋઈંછમાં ભારતીય ન્યાય સંહિતા અને મોટર વ્હીકલ એક્ટ હેઠળ આરોપી સામે ગુનો નોંધવામાં આવ્યો છે, જેમનો પરિવાર અકસ્માતમાં સામેલ હતો. રણજીતસિંહની પત્ની જીવુને માથા અને પીઠના ભાગે ઈજાઓ થઈ હતી, જ્યારે પુત્ર પ્રિતરાજને માથા, પેટ, છાતી અને હાથપગના ભાગે ઈજાઓ થઈ હતી. પોલીસે નોંધ્યું છે કે પીડિતો તબીબી સંભાળ હેઠળ સારી રીતે સ્વસ્થ થઈ રહ્યા છે. ઘટનાના સીસીટીવી ફૂટેજ સામે આવ્યા છે, જેમાં સ્પીડમાં આવતી કાર માતા-પુત્રને ટક્કર મારતી જોવા મળી રહી છે.
ક્રાઇમ
શહેરમાં બે સ્થળે પીસીબીના બીજા દિવસે દરોડા : 62 હજારના દેશી દારૂ સાથે પકડાયા
શહેરમાં દેશી અને વિદેશી દારૂના ધંધાર્થીઓ ઉપર પીસીબી ધોંષ બોલાવી રહી છે સતત બીજા દિવસે પીસીબીએ રાજકોટ શહેરની ભાગોળે સાતળા ગામ અને લોઠડા ગામમાં દરોડા પાડીને 62 હજારની કિંમતના દેશી દારૂના જથ્થા સાથે ત્રણ શખ્સોને ઝડપી લીધા છે. જ્યારે બે સપ્લાયરોના નામ ખોલ્યા છે.
પોલીસ કમિશ્નર બ્રજેશકુમાર ઝાના સીધા માર્ગદર્શન હેઠળ સક્રિય થયેલી પીસીબી બ્રાંચ દારૂ અને જુગારના હાટડાઓ બંધ કરાવવા માટે સતત કાર્યશીલ બની રહી છે. ગઈકાલે દેશી અને વિદેશી દારૂના ધંધાર્થીઓ ઉપર ધોંષ બોલાવ્યા બાદ બીજા દિવસે દેશી દારૂના ધંધાર્થીઓ ઉપર દરોડા પાડયા હતાં. જેમાં સાતળા ગામની સીમમાં મારૂતિ સ્વીફટ કાર નં.જીજે.10.એપી.353માં દેશી દારૂનો જથ્થો લઈને નીકળેલા ખોખડદળ પાસે મફતીયાપરામાં રહેતા અનકુ ભીખુભાઈ ચાવડાને 30 હજારની કિંમતના 150 લીટર દેશી દારૂ અને કાર સહિત રૂા.2.35 લાખના મુદ્ધામાલ સાથે ઝડપી લઈ પુછપરછમાં સપ્લાયર ખાટડી ગામના શિવરાજ બહાદુર ખાચરનું નામ ખોલ્યું છે. બીજા દરોડામાં લોઠડા જીઆઈડીસી વિસ્તારમાં દરોડો પાડીને રૂા.32 હજારની કિંમતના 160 લીટર દેશી દારૂ સાથે રસુલપરામાં બબલુ રસુલ શેખ અને હુસેન ગુલમહમદ અંસારીની ધરપકડ કરી રૂા.32000ની કિંમતનો 160 લીટર દેશી દારૂ કબજે કર્યો હતો. આ દારૂનો જથ્થો કોઠારીયા સોલવન્ટ પાસે રહેૈતા ઈમરાન જુસબ હાલાએ સપ્લાય કર્યાનું ખુલ્યું હતું.
પોલીસ કમિશ્નર બ્રજેશકુમાર ઝાના સીધા માર્ગદર્શન હેઠળ પીસીબીના ઈન્ચાર્જ પીઆઈ એમ.આર.ગોંડલીયા સાથે પીએસઆઈ એમ.જે.હુંણ તથા પીએસઆઈ પી.બી.ત્રાજીયા અને તેમની ટીમે આ સતત બીજા દિવસે દરોડાની કામગીરી કરી હતી.
-
રાષ્ટ્રીય2 days ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય2 days ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ2 days ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
રાષ્ટ્રીય11 hours ago
ઓફિસના વર્કલોડે લીધો CAનો જીવ! માતાનો ભાવુક પત્ર વાંચીને કેન્દ્ર સરકારે લીધો મોટો નિર્ણય
-
કચ્છ2 days ago
કચ્છના ફેમસ જોકીનો મુંબઇમાં આપઘાત
-
ગુજરાત2 days ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
આંતરરાષ્ટ્રીય2 days ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો