Connect with us

ગુજરાત

RTOની ગ્રામ્ય કચેરીઓમાં પોર્ટલ બંધ રહેતા અરજદારોને ધક્કા

Published

on

છઝઘની ગ્રામ્ય કચેરીઓમાં પોર્ટલ બંધ રહેતા અરજદારોને ધક્કાબે-બે કલાક બેસાડયા બાદ સર્વર ઠપ હોવાનું જણાવતા આખો દિવસ બગડતો હોવાની હૈયાવરાળ ઠાલવતા અરજદારો


રાજકોટની આરટીઓ કચેરીમાં સર્વર વારંવાર બંધ થતા લર્નિંગ લાયસન્સ કઢાવવા માટે ઓનલાઇન પરીક્ષા આપી નહીં શકતા અરજદારોને હાલાકીનો સામનો કરવો પડી રહ્યો છે. મોટા ભાગના અરજદારો ગ્રામ્ય વિસ્તારમાંથી આવતા હોય ધરમના ધક્કા થઇ રહ્યાની ફરીયાદ કરતા હોય છે. ધક્કા થતા પોતાની વ્યથા ઠાલવતા અરજદારોએ બળાપો કાઢતા કહ્યું હતું કે જો પોર્ટલ આવી રીતે જ ધાંધીયા કરતું હોય તો આવા ધાંધીયાવાળા સેન્ટરો જ બંધ કરી દેવા જોઇએ.


અરજદારે કહ્યું હતું કે દીકરાનું લર્નિંગ લાઇસન્સ કઢાવવા માટે લોધિકા આઇટીઆઇમાં કોમ્પ્યુટર ટેસ્ટ આપવા આવ્યા હતા. ગત એપ્રિલ માસમાં લર્નિંગ લાઇસન્સ કઢાવવા માટે એપોઇન્ટમેન્ટ લીધી હતી. બાદમાં ખીરસરામાં સ્થિત લોધિકા આઇટીઆઇમાં 3 વખત અપોઈન્ટમેન્ટ લીધી હતી. ત્રણથી ચાર વખત અહીં ધક્કા ખાઈએ છીએ. પરંતુ સર્વર કોઈ દિવસ ચાલુ હોતા જ નથી. મારા જેવા અનેક લોકો અહીં આવે છે અને સર્વર બંધ હોવાથી કોમ્પ્યુટર ટેસ્ટ આપ્યા વિના પરત ફરે છે. અહીં કોઈ જવાબદાર વ્યક્તિ હાજર નથી. આરટીઓમાં ફોન કર્યો તો તેઓએ આઇટીઆઇના પ્રિન્સિપાલની જવાબદારી ગણાવી અને અહીં પૂછ્યું તો આરટીઓને જવાબદાર ગણાવી જવાબદારીની ફેંકાફેંકી કરવામા આવી રહી છે. અહીં લાઇસન્સ મળતું નથી અને છોકરાઓ વાહન લઈને જાય તો પોલીસવાળા રોકે છે.


જ્યારે અન્ય એક અરજદારે કહ્યું કે, હું અહીં મારી પત્નીના લર્નિંગ લાઇસન્સ માટે કોમ્પ્યુટર ટેસ્ટ અપાવવા આવ્યો છું. બીજી વખત અપોઇન્ટમેન્ટ લીધેલી છે. બપોરે 3.30 વાગ્યાનો સમય હોવાથી 3 વાગ્યાથી અહીં આવી ગયા પરંતુ બાદમાં સર્વર બંધ થઈ જતાં 5 વાગ્યા સુધી રાહ જોઈ અને અહીંથી કહેવામાં આવ્યું કે, હવે ફરી એપોઇન્ટમેન્ટ લઈ લેજો. દૂરથી અહીં આવ્યા બાદ કહેવામાં આવે છે કે, સર્વર બંધ છે અને તેની અગાઉથી જાણ પણ કરવામાં આવતી નથી.


વધુમાં જણાવ્યું હતું કે, આ સમસ્યાનું કાયમી સોલ્યુશન જરૂૂરી છે. કારણ કે બબ્બે કલાક સુધી બેસાડ્યા બાદ લર્નિંગ લાઇસન્સ માટે કોમ્પ્યુટર ટેસ્ટ આપવાની ના પાડવામાં આવે તે વ્યાજબી નથી. જો કનેક્ટીવીટી ન હોય તો આવા સેન્ટર બંધ કરી દેવા જોઈએ અન્યથા જ્યારે કનેક્ટિવિટી હોય ત્યારે જ અપોઈન્ટમેન્ટ આપવી જોઈએ. આ બાબતે રાજકોટ ઇન્ચાર્જ આરટીઓ અધિકારી કેતન ખપેડે જણાવ્યું હતું કે, સારથી પરિવહન પોર્ટલ રાજ્ય કક્ષાએથી સંચાલીત થાય છે. જેથી અહીંથી આ સમસ્યાનું નિરાકરણ ન થઈ શકે. જોકે હાલ આરટીઓની મુખ્ય કચેરી ખાતે સર્વર ચાલુ છે.

ગુજરાત

દ્વારકા: પાનેલી ગામે નદીમાં ફસાયેલા 3 લોકોની વ્હારે આવ્યા સૈનિકો, હેલિકોપ્ટરથી કરાયું દિલધડક રેસક્યૂ, જુઓ વિડીયો

Published

on

By

સૌરાષ્ટ્રમાં મેઘરાજા ઓળઘોળ થઈને વરસી રહ્યા છે. ત્યારે દ્વારકામાં આજે ફરી જળબંબાકાર થયો છે. કલ્યાણપુરમાં પણ અભ ફાટ્યા જેવી સ્થિતિ સર્જાય હતી. કલ્યાણપુર તાલુકાના વાડી વિસ્તારમાં ભારે વરસાદી પાણી ભરાઈ ગયા હતાં. જેના પગલે અનેક લોકો પાણીના પ્રવાહ વચ્ચે ફસાઈ ગયા હતા. જેઓનું હેલિકોપ્ટરથી દિલધડક રેસ્ક્યૂ કરાયું હતું.

https://www.facebook.com/watch/?v=889506663014072

દ્વારકાના પાનેલી ગામની નદીમાં ત્રણ લોકો ફસાયા હતા. સ્થાનિક નદીમાં ઘોડા પૂર આવવાને લઈ આ લોકો ફસાયા હતા. જેમને બચાવવા માટે એનડીઆરએફની પણ મદદ લેવામાં આવી હતી. પરંતુ આ ત્રણ લોકોને બચાવવા મુશ્કેલ થતા આખરે જામનગરના સાંસદ પૂનમ માડમ દ્વારા તંત્ર સાથે વાત કરવામાં આવી હતી. ત્યારબાદ હેલિકોપ્ટરની વ્યવસ્થા કરવામાં આવી હતી. જેની મદદથી રેસક્યૂ કરીને તે ત્રણેય લોકોને બચાવી લેવામાં આવ્યા હતા. ક્લેકટર પણ જણાવ્યું હતુ, કે હવે કોઈ વ્યક્તિ ફસાયેલ નથી. 11 લોકો ફસાયેલા હોવાનું જણાતા તે તમામને રેસક્યૂ કરી લેવામાં આવ્યું હતુ.

Continue Reading

ગુજરાત

પતિના મિત્રએ પ્રેમજાળમાં ફસાવતા પરિણીતાનો આપઘાતનો પ્રયાસ

Published

on

By

પ્રેમલગ્ન કરનાર મહિલાને પતિ સાથે છૂટાછેડા લેવડાવી બે વર્ષ સબંધ રાખી બદનામ કરતો હોવાનો આક્ષેપ

શહેરમાં કાલાવડ રોડ ઉપર પ્રેમ લગ્ન કરનાર પરિણીતાને પતિના પ્રેમીઓ પ્રેમજાળમાં ફસાવી છુટાછેડા લેવડાવી બે વર્ષ સુધી હવસનો શિકાર બનાવી ત્રાસ આપતો હોવાના આક્ષેપ સાથે પરિણીતાએ ફીનાલ પી આપઘાતનો પ્રયાસ કર્યો હતો. પરિણીતાને ઝેરી અસર થતા તાત્કાલિક સારવાર માટે સિવિલમાં દાખલ કરવામાં આવી હતી.
આ બનાવ અંગે પોલીસમાંથી જાણવા મળતી વિગત મુજબ શહેરમાં કાલાવડ રોડ ઉપર રહેતી 27 વર્ષની પરિણીતા પોતાના ઘર ઘરે હતી. ત્યારે રાત્રિના સાડા બારેક વાગ્યાના અરસામાં ફીનાલ પી લીધું હતું. પરિણીતાને ઝેરી અસર થતા હોસ્પિટલમાં ખસેડવામાં આવી હતી.

આ અંગે સિવિલ હોસ્પિટલ પોલીસ ચોકીના સ્ટાફે રાજકોટ તાલુકા પોલીસને જાણ કરતા તાલુકા પોલીસ મથકનો સ્ટાફ તાત્કાલિક સિવિલ હોસ્પિટલ ખાતે દોડી ગયો હતો. પ્રાથમિક પૂછપરછમાં ફીનાઇલ પી લેનાર 27 વર્ષની પરિણીતાએ જણાવ્યું હતું કે તેણીએ પાંચ વર્ષ પહેલા પ્રેમ લગ્ન કર્યા હતા અને પ્રેમ લગ્ન બાદ પતિના મિત્રએ તેણીને પ્રેમ જાળમાં ફસાવી ત્રણ માસ પહેલા જ છુટાછેડા લેવડાવી લીધા હતા અને છેલ્લા બે વર્ષથી પ્રેમજાળમાં ફસાવી પતિના મિત્રએ હવસનો શિકાર બનાવી હતી. છેલ્લા એક માસથી સબંધ ટૂંકાવી લીધા હોવા છતાં ત્રાસ ગુજરતો હોવાનો આક્ષેપ કરવામાં આવ્યો છે. આ બનાવ અંગે તાલુકા પોલીસે નોંધ કરી પરિણીતાના આક્ષેપોને પગલે વધુ તપાસ હાથ ધરી છે.

Continue Reading

ગુજરાત

ભારે વાહનોને પ્રવેશબંધી મામલે હાઈકોર્ટ લાલઘૂમ, માત્ર કાગળ પર નહીં નક્કર કામ કરો

Published

on

By

ડીજીપી અને આરટીઓ સહિતના અધિકારીઓને હાઈકોર્ટનું તેડું: શહેરમાં બેરોકટોક ઘૂસી જતી ખાનગી બસો સામે કાર્યવાહી કરવા આદેશ

ગુજરાતમાં વધતાં જતાં અકસ્માતના બનાવોમાં બે વાહનો વચ્ચે થયેલા અકસ્માત કેસમાં વળતર મુદ્દે જવાબદારી અંગેના કેસમાં હાઈકોર્ટે સરકારની જાટકણી કાઢી છે અને ભારે વાહનોના પ્રવેશબંધી મામલે હાઈકોર્ટ લાલઘુમ થઈ હતી અને પોલીસને માત્ર કાગળ ઉપર જ નહીં પણ નક્કર કાર્યવાહી કરવા આદેશ કરી ગૃહવિભાગનાં ડીજીપી તથા આરટીઓ સહિતના જવાબદાર અધિકારીઓને આગામી કોર્ટ મુદતમાં હાજર રહેવા ફરમાન જાહેર કર્યું છે.
હાઈકોર્ટે કરેલી હુકમમાં ભારે વાહનોની પ્રવેશબંધી છતાં બે રોકટોક આવા વાહનો શહેરમાં ઘુસી જતાં હોય જેને લઈને કોર્ટે જવાબદાર અધિકારીઓને કડક સુચના આપી છે તેમજ હાઈકોર્ટે પોલીસને વેધક સવાલ પણ કર્યો છે જેમાં શું પોલીસને માત્ર ખાનગી વાહનોને દંડવા માટે છે ?

નિયમો શું બધા માટે અલગ હોય છે ? તેવું જણાવી હાઈકોર્ટે એક વાહનને રોકી 10 પોલીસ કર્મચારીઓ તેને ઘેરીને ઉભા હોય છે તે બાબતને લઈને હાઈકોર્ટે આવી કામગીરીનો ઉદ્દેશ શું ? તેવો પણ સવાલ કર્યો હતો. વધતાં જતાં અકસ્માતો અને ભારે વાહનો બેફામ ગતિએ દોડી રહ્યાં છે ત્યારે આ મામલે હાઈકોર્ટે જવાબદાર અધિકારીઓને ટકોર કરી 15 દિવસમાં કામગીરી બતાવવા સુચના આપી છે અને કાયદો અને વ્યવસ્થા સાચવવા માટેની પણ ટકોર કરી છે.


હાઈકોર્ટના ન્યાયાધીશે ભારે વાહનોની શહેરમાં બેરોકટોક ઘુસણખોરી બાબતે જણાવ્યું કે, લકઝરી બસ શહેરમાં બેરોકટોક આંટા મારે છે તેનું શું કરવા માંગો છો ? જ્યારે એક ટુ વ્હીલર પટ્ટાની બહાર હોય તો તુરંત જ ઉપડી જાય છે. જ્યારે મોટી લકઝરી બસ તમને કેમ દેખાતી નથી. જીપ અને રીક્ષા ઉપરાંત સ્કૂલે બાળકોને લઈ જતાં વાહનો બાબતે પણ હાઈકોર્ટે ટકોર કરી હતી જેમાં સીએનજીની ટાંકી ઉપર બેસેલા માસુમ ભુલકાઓ અને રીક્ષાની બહાર લટકતા બાળકોને જોયેલા છે ત્યારે આવા સ્કૂલ વાહન ચાલકો સામે શા માટે કાર્યવાહી ન કરી શકાય ? 500 વાહનોમાંથી તમે કોઈ પાંચ વાહનો કે જે કાયદેસર નિયમનો ભંગ કરતાં હોય તેને પકડો તે બાબત યોગ્ય છે.


હાઈકોર્ટે ભારે વાહનોની પ્રવેશબંધીને લઈને ખુબ ગંભીરતા દાખવી આરટીઓ અને પોલીસ વિભાગને 24 કલાક માટે ચેકીંગની કામગીરી માટે સ્ટાફ ભરવો હોય તો તાત્કાલીક ભરતી કરો પરંતુ અમને કામગીરી કરીને આપો તેવું સ્પષ્ટ જણાવી દીધું છે. તેમજ સરકારને ત્રણ અઠવાડિયામાં આ મામલે સોંગદનામુ દાખલ કરીને નક્કર કાર્યવાહીની માહિતી આપવા પણ જણાવાયું છે. હાઈકોર્ટે વિમા વગરના વાહનો, ખાનગી લકઝરી બસો તેમજ રીક્ષા સહિતના વાહનો મામલે ખુલાસો કરવા પણ આદેશ કર્યો છે.

Continue Reading

Trending