ગુજરાત
રાજકોટમાં 53 સ્થળોએ મટકી ફોડ સ્પર્ધા યોજાશે
મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીનભાઈ ઠાકર, મ્યુનિસિપલ કમિશનર દેવાંગ દેસાઈ, શાસક પક્ષ નેતા લીલુબેન જાદવ, શાસક પક્ષ દંડક મનીષભાઈ રાડીયા અને સમાજ કલ્યાણ સમિતિ ચેરમેન સુરેન્દ્રસિંહ વાળા એક સંયુક્ત યાદીમાં જણાવે છે કે, રાજકોટ મહાનગરપાલિકા દ્વારા જન્માષ્ટમી તહેવાર તેમજ શ્રાવણ માસ નિમિતે રાજકોટ શહેરમાં જુદાજુદા કાર્યક્રમોનું આયોજન કરેલ છે. જેમાં તા.26/08/2024ના રોજ મટકી ફોડ સ્પર્ધા યોજાશે. સ્પર્ધામાં ભાગ લેનાર સ્પર્ધકોમાંથી 1 થી 5 વિજેતાઓને રાજકોટ મહાનગરપાલિકા દ્વારા રોકડ પુરષ્કાર આપવામાં આવશે.
રાજકોટ મહાનગરપાલિકા દ્વારા તા.26/08/2024, સોમવારના રોજ રાજકોટ શહેરના વિવિધ વિસ્તારમાં મટકી ફોડ સ્પર્ધા યોજાશે જેમાં જય મચ્છો યુવા ગૃપ નાણાવટી ચોક, જાસલ કોમ્પ્લેક્ષની સામે, મુરલીધર યુવા ગૃપ મુરલીધર ચોક-નાણાવટી ચોકથી અંદર, માલધારી યુવા ગૃપ રામદેવ પીર ચોક 150 ફુટ રીંગ રોડ , કૃષ્ણ ચંદ્ર યુવા ગૃપ શીતલ પાર્ક, 150 ફુટ રીંગ રોડ, જય ઠાકર યુવા ગૃપ શહીદ સુખદેવ ટાઉનશીપ, કોમન પ્લોટ, રાણીમાં રૂૂડીમાં યુવા ગૃપ રાણીમાં રૂૂડીમાં ચોક, રૈયાધાર મેઇન રોડ, જય ઠાકર યુવા ગૃપ રાધેશ્યામ ગૌશાળા ચોક, પાણીના ટાંકાની બાજુમાં, રૈયાધાર, જય દ્વારકાધીશ ગૃપ મારૂૂતિ હોલની સામે, લાખના બંગલાવાલો રોડ, ખોડિયાર પાનની બાજુમાં, બંસરી કોમ્પ્લેક્ષ, શ્રી જય મહાવીર હનુમાન 80 ફુટ રોદ લાખના બંગલા વાળો રોડ, માધવ હોલ, ગાંધીગ્રામ ચક્રધારી વાસુદેવ યુવા ગૃપ જીવંતિકા નગર મેઇન રોડ, ગાંધીગ્રામ, રાજકોટ, મચ્છો માં ગ્રૂપ રૈયા ગામ ચોક-મચ્છો માં ચોક, બાપાસીતારામ ગૃપ (ભોમેશ્વર પ્લોટ) ભોમેશ્વર મહાદેવ મંદિર પાસે, ભોમેશ્વર પ્લોટ રાજકોટ, બાપાસીતારામ ગૃપ (બજરંગવાડી) બજરંગવાડી સર્કલ, જામનગર રોડ, રાજકોટ, જય દ્વારકાધીશ ગૃપ આમ્રપાલી અંડરબ્રીજ ઉપર ભોમેશ્વર મહાદેવ મંદિર, ચુડાસમા પ્લોટ, રાજકોટ, ગોપનાથ મિત્ર મંડળ ગોપનાથ મંદિરની સામે, અમરજીત નગર શેરી નં.04ના ખુણે, એરપોર્ટ રોડ, નંદકિશોર ગૃપ પોપટપરા શેરી નં.16, ખોડીયાર ચોક, જય ઠાકર ગૃપ ઠાકર ચોક, રેલ નગર, જય ગોપાલ મિત્રમંડળ પોપટપરા શેરી નં.9/13 ખુણો, જય મૉં મોગલ ગૃપ જય માં મોગલ ચોક, મોરબી રોડ જકાતનાકા પાસે કાર્યક્રમ યોજાશે.
રાજકોટ, શ્રી રામ ગૃપ સેટેલાઇટ ચોક, ઓમકારેશ્વર મંદિર સામે, સેટેલાઇટ ચોક, મોરબી રોડ, મુરલીધર યુવા ગૃપ ન્યુ આશ્રમ રોડ, પારૂૂલ ગાર્ડન, કુવાડવા રોડ, રાજકોટ, બાલક હનુમાન ચેરીટેબલ ટ્રસ્ટ બાલક હનુમાન મંદિર ચોક, પેડક રોડ, પાણીના ઘોડા પાસે, રાજારામ સોસાયટી 5/6 કોર્નર સંતકબીર રોડ, ભોજલરામ યુવા ગૃપ કનક નગર બગીચા પાસે, ચોક ,સંતકબીર રોડ, દુર્ગેશ ગૃપ સંતકબીર રોડ, ગોકુલ નગર આવાસ નાલા પાસે, શક્તિ યુવા ગૂ્રપ શ્રી શક્તિ સોસાયટી શેરી નં.04,વરીયાવાડીની આગલની શેરી, ઇમીટેશન માર્કેટ પાસે, કનૈયા ગૃપ પાંજરાપોળ નદીકાંઠે સાંઇ મંદિર પાસે, શ્રી આનંદી એજ્યુ. એન્ડ ચેરી. ટ્રસ્ટ લક્ષ્મીનગર શેરી નં. 02, આમ્બેવ ચોક, નાના મવા મેઇન રોડ, બાપાસિતારમ ગૃપ ત્રીશુલ ચોક, લક્ષ્મીનગર -7, નાના મવા મેઇન રોડ, સહયોગ ગૃપ લક્ષ્મીનગર શેરી નં-8/4 કોર્નર, નાના મવા મેઇન રોડ, ક્રિષ્ના ગૃપ આમ્બેડકર ભવન, અક્ષર માર્ગ કોર્નર, ઉત્કર્શ સ્કુલની બાજુમા, રામેશ્વર મહાદેવ ખોડીયાર યુવા મંડળ ટ્રસ્ટ લક્ષ્મીનગર શેરી નં.2/7 કોર્નર, રામેશ્વર મહાદેવ ખોડીયાર યુવા મંડળ, ગોપી મંડળ સેવા ટ્રસ્ટ સોમનાથ મહાદેવ મંદીર, મોહનનગર શેરી નં.01, સોજીત્રા નગર પાણી ટાંકાની સામે, નાગરાજ યુવા ગ્રૂપ મહીલા કોલેજ અંડરબ્રીજ ઉપર, મહીલા કોલેજપાસે, કાલાવડ રોડ, જય ઠાકર ગ્રુપ હિંગળાજ નગર શેરી નંબર-1, અમીન માર્ગ પાસે, કનૈયા સોશ્યલ ગૃપ ઇન્દીરા સર્કલ, 150 ફુટ રીંગ રોડ, રાજકોટ ખાતે સ્પર્ધાકો દ્વારા કાર્યક્રમ યોજાશે.
તા.26/08/2024, સોમવારના રોજ રાજકોટ શહેરના વિવિધ વિસ્તારમાં આયોજિત મટકી ફોડ સ્પર્ધામાં ભાગ લેનાર સ્પર્ધકોમાંથી 1થી 5 વિજેતાઓને રાજકોટ મહાનગરપાલિકા દ્વારા રોકડ પુરષ્કાર આપવામાં આવશે. આ મટકી ફોડ સ્પર્ધામાં સ્પર્ધકો દ્વારા સુશોભન, ગ્રુપ ડ્રેસ કોડ, સાઉન્ડ, પરંપરાગત સાંસ્કૃતિક કાર્યક્રમો કરવામાં આવશે.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
રાષ્ટ્રીય2 days ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
ગુજરાત2 days ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય2 days ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ2 days ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
રાષ્ટ્રીય12 hours ago
ઓફિસના વર્કલોડે લીધો CAનો જીવ! માતાનો ભાવુક પત્ર વાંચીને કેન્દ્ર સરકારે લીધો મોટો નિર્ણય
-
કચ્છ2 days ago
કચ્છના ફેમસ જોકીનો મુંબઇમાં આપઘાત
-
ગુજરાત2 days ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
આંતરરાષ્ટ્રીય2 days ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો