ગુજરાત
કોઠારિયા ડ્રાફ્ટ TP 30-31માં મોટી ગોલમાલ, 9 મી.ના રોડ પર આવાસ યોજના
રોડ-રસ્તાના કબજામાં 22 સોસાયટીઓના સેંકડો મકાનો કપાતમાં આવતા સ્થાનિકોના મનપામાં મૌન ધરણાં, ટીપી સ્કીમ નવેસરથી બનાવવા રજૂઆત
મહાનગરપાલિકા દ્વારા તાજેતરમાં ટીપીસ્કીમ નં. 30-31નો ડ્રાફ્ટ તૈયાર કરી વાંધા સુચનો મગાવવામાં આવ્યા છે. જેમાં ટીપી સ્કીમ નં. 30માં અધિકારીઓ દ્વારા મનફાવે તેમ રોડ રસ્તાઓ કાઢી તેમજ હાઈટ્સ મુજબનો રોડ ન હોવા છતાં આવાસ યોજના સહિતના પ્લોટની આ પ્રકારના રોડ ઉપર ફાળવણી કરી દીધાની ગોલમાલો કરાતા આજે કોઠારિયામાં આવેલ રામેશ્ર્વર સોસાયટી સહિતની 22 સોસાયટીઓના રહેવાસીઓએ રોડ રસ્તા નિકળતા મકાનો કપાતમાં આવી રહ્યા છે. તેમ જણાવી ટીપી સ્કીમ નવેસરથી બનાવવા સહિતના મુદ્દે ટાઉન પ્લાનીંગ ઓફિસરને રજૂઆત કરી હતી.
રાજકોટ મહાનગરપાલિકા દ્વારા વર્ષોથી બાકી રહી ગયેલ કોઠારિયા ટીપી સ્કીમ નં. 30-31નો ડ્રાફ્ટ તૈયાર કરી મુતસદો જાહેર કર્યો હતો. અને રોડ-રસ્તા તેમજ કોમન પ્લોટ સહિતના કબજા માટે લોકોના સુચનો જાણવા માટે વાંધા વચકાઓ રજૂ કરવાનો એક માસનો સમય આપવામાં આવ્યો છે. આથી ટીપી સ્કીમ નં. 30 જેમાં કોઠારિયા સર્વે નં. 1, 126, 127, 173, 177, 181, 184, 192, 197થી 202 તથા 352ની જમીનોની કામચલાઉ દરખાસ્તો તૈયાર કરવામા આવી છે. જેમાં 201311 ચો.મી. જમીન 9 મીટર, 12, મીટર, 15 મીટર, 18 મીટર, 20 મીટર, 24 મીટરના ટીપી રોડ માટે ફાળવવામાં આવી છે. પરંતુ આ વિસ્તારમાં 20 વર્ષ પહેલા બિનખેતી થયેલ સોસાયટીઓ હયાત હોય તેમજ કમ્પ્લીશન મુજબનું બાંધકામ કરેલ છે. છતાં 9થી લઈને 24 મીટરના રોડ માટે અનેક મકાનો કપાતમાં આવી રહ્યા છે. આથી રામેશ્ર્વર સોસાયટી સહિતના 22 સોસાયટીઓના રહીસોએ આજે ટાઉન પ્લાનીંગ ઓફિસરને રજૂઆત કરી જણાવેલ કે,
કોઠારીયા વોર્ડ નં. 18 ડ્રાકટ ટી.પી. સ્કીમ નં. 30 અંદર આવેલ સર્વે નંબરોની સોસાયટીના કોમન પ્લોટમાં ટી.પી. ડ્રાફ્ટ મુજબ આશરે 27 (સત્યાવીરા) આવાસ યોજના અન્વયે કાળવણી કરેલ છે જે રદ કરી અને સોસાયટીમાં વસવાટ કરતા લોકોના જાહેર ઉપયોગ માટે કોમન પ્લોટની ફાળવણી કરવા વિનંતી. કોઠારીયા વોર્ડ નં. 18 ડ્રાફ્ટ ટી.પી. સ્કીમ નં. 30 માં આવેલ વિસ્તાર આશરે 20 વર્ષથી બિનખેતી થયેલ સોસાયટીઓમાં રા.મ્યુ.કો. ના નિયમ મુજબના પ્લાન પાસ અને કંમ્પલીશન નિયમ મુજબનું બાંધકામ કરેલ તમામ સોસાયટીમાં 100 % બાંધકામ હયાત હોય તે વિસ્તારમાં બિનખેતી લે-આઉટ મુજબ 9 મી. તેમજ 12 મી. તેમજ 18 મી. તેમજ 24 મી. રોડ આવેલા હોય હાલના ટી. પી. ડ્રાફટ 30 માં 7.50 મી. ના રોડ પહોળા કરવાની યોજના મુકેલ હોય તે પહોળા કરવાની કોઈ જરૂૂરીયાત સ્થળ પર નથી તો આ અંગે યોગ્ય સુધારા કરવા વિનંતી છે.
કોઠારીયા વોર્ડ નં. 18 ડ્રાફટ ટી.પી. સ્કીમ નં. 30 તા. 20/06/2024થી ટી.પી. ડ્રાફટ ઓપન કરેલ છે તે ડ્રાફટમાં આવતી તમામ સોસાયટીનાં કોમન પ્લોટ રદ કરીને ટી.પી. ડ્રાકટમાં અન્ય હેતુ માટે જાહેર કરેલ હોય તો આ વિસ્તારમાં ડ્રાકટ ટી.પી. મુજબ હવે પછીથી આ વિસ્તારના લોકો માટે કોઈપણ પ્રકારની ખુલ્લી જગ્યા જનતાના વપરાશ માટે ઉપલબ્ધ નથી તેની ખાસ નોંધ લઈને પ્રજાના જાહેર હેતુ માટે જરૂૂરીયાત મુજબ ગાર્ડન, પુસ્તકાય, આંગણવાડી, પાર્કિંગ, ધાર્મિક જગ્યા માટે ખુલ્લા પ્લોટ, સત્સંગ હોલ, રમત ગમત મેદાન માટે ખુલ્લી જગ્યા રાખવા વિનંતી છે. હાલના તબકકે આ કોઠારીવા વોર્ડ નં. 18 ડ્રાકટ ટી.પી. સ્કીમ નં. 30 તા. 20/06/2024 ના રોજ જાહેર કરેલ છે તે રદ કરીને નિયમો અને જરૂૂરીયાત મુજબ વિસ્તારની સ્થળ તપાસ કરીને પ્રજાના હિતે નવેસરથી ટી.પી. સ્કીમ નં. 30 બનાવવા વિનંતી છે.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
રાષ્ટ્રીય2 days ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય2 days ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ2 days ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
રાષ્ટ્રીય9 hours ago
ઓફિસના વર્કલોડે લીધો CAનો જીવ! માતાનો ભાવુક પત્ર વાંચીને કેન્દ્ર સરકારે લીધો મોટો નિર્ણય
-
કચ્છ1 day ago
કચ્છના ફેમસ જોકીનો મુંબઇમાં આપઘાત
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો