ક્રાઇમ
રાજકોટમાં જુગારની મોસમ ખીલી : 11 સ્થળેથી 59 ઝડપાયા
પાટણવાવ, જેતપુર, ભાયાવદર, ગોંડલ, પડધરી, જામકંડોરણા, જસદણ અને લોધિકા પંથકમાં પોલીસના દરોડા : 6.64 લાખનો મુદ્દામાલ જપ્ત
તહેવારો નજીક આવતાં રાજકોટ પંથકમાં શ્રાવણીયા જુગારની મોસમ ખીલી હોય તેમ પોલીસે પાટણવાવ, જેતપુર, ભાયાવદર, ગોંડલ, પડધરી, જામકંડોરણા, જસદણ અને લોધિકા પંથકમાં જુદા જુદા 11 સ્થળોએ દરોડા પાડયા હતાં. દરોડા દરમિયાન જુગાર રમતી મહિલા સહિત 59 પત્તા પ્રેમીને પોલીસે ઝડપી લીધા હતાં. પોલીસની રેડ દરમ્યાન ચાર આરોપી નાસી છુટયા હતાં. પોલીસે જુગારના પટ્ટમાં રહેલ રૂા.6,64,130નો મુદ્દામાલ કબજે કરી જૂુગાર રમતા ઝડપાયેલા સકુનીઓ વિરૂધ્ધ ફરિયાદ દાખલ કરી છે.
આ બનાવ અંગે મળતી વિગત મુજબ પાટણવાવના ભાદાઝાળીયા ગામની સીમમાં જુગાર રમાતો હોવાની બાતમીના આધારે પાટણવાવ પોલીસે દરોડો પાડી જુગાર રમતાં દુદાભાઈ પુનાભાઈ ગજેરા, હિતેશ કરશનભાઈ ડાકી, સાગર પ્રભુભાઈ પાનસરા, રમેશ ઉર્ફે સંજય શંકરભાઈ હાંડા અને હરેશ શામત વાસણને ઝડપી લીધા હતાં. પોલીસે જુગારના પટ્ટમાંથી રૂા.18,880ની રોકડ કબજે કરી હતી.
પાટણવાવ પોલીસે બીજા દરોડામાં બાતમીના આધારે લાઠ ગામે દરોડો પાડયો હતો. જેમાં પત્તા ટીચતા નરેન્દ્રસિંહ ઉર્ફે લાલો હરૂભા વાઘેલા, વિરભદ્રસિંહ વિક્રમસિંહ વાઘેલા, રામજી લવજીભાઈ ડાભી, ભુપત બચુભાઈ ડાભી, મહેશ ધીરૂભાઈ ડાભી, બાવનજી ભગાભાઈ ડાભી અને ચંદ્રસિંહ પ્રવિણભાઈ જાડેજાને રૂા.4130ની રોકડ સાથે ઝડપી લીધા હતાં.
ત્રીજા દરોડામાં જેતપુર પોલીસે જેતપુરમાં આવેલ ભોજાધાર વિસ્તારમાં જુગાર રમતા મનીષ ઘોહાભાઈ ભાલીયા, અને પ્રિન્સ સુરેશભાઈ જેઠવાને ઝડપી લીધા હતાં. જ્યારે નિમુબેન કેશુભાઈ ભેડા, કુસુમબેન કાંતિભાઈ સિહોરા, મનીષાબેન રોહિતભાઈ ભેડા, અસ્મિતાબેન રોહિતભાઈ બાવાજીને ઝડપી લેવા તજવીજ હાથ ધરી છે.
જેતપુર પોલીસે નવાગઢ ગામે ચોથો દરોડો પાડી પત્તા ટીચતા ભુપત સીદીભાઈ ધોળકીયા, નિકુલ મુમાભાઈ અખીયાણી અને ભાવેશ રમેશભાઈ ગોવાણીને રૂા.5,250ની રોકડ સાથે ઝડપી લીધા હતાં. પાંચમાં દરોડામાં જેતપુર પોલીસે અમરનગર રોડ ઉપર જુગાર રમતા પ્રકાશભાઈ મહેશભાઈ પાંભર, ભાવેશ મુકેશભાઈ પીઠવા અને હાર્દિક રામજીભાઈ પાંભરને ઝડપી લીધા હતા અને જુગારના પટ્ટમાં રહેલી રોકડ સહિત 60,230નો મુદ્ધામાલ કબજે કર્યો હતો.
છઠ્ઠા દરોડામાં ભાયાવદર ગામે જાહેરમાં જુગાર રમાતો હોવાની બાતમીના આધારે પોલીસે રેડ પાડી હતી. રેડ દરમિયાન પત્તા ટીચતા સુરેશ મગનભાઈ પરમાર ખીમજી જીકાભાઈ ખાંભલા, અજય મનસુખભાઈ ગોહેલ અને કલ્પેશ રાજેશભાઈ સાથળીયાને ઝડપી લઈ રૂા.19820ની રોકડ કબજે કરી હતી.
સાતમાં દરોડામાં પડધરીના મોવીયા ગામે રસીક થોભણભાઈ ભોરણીયાની વાડીમાં રાજકોટથી અનેક લોકો જુગાર રમવા આવ્યા હોવાની બાતમીના આધારે પોલીસ ત્રાટકી હતી અને પત્તા ટીચતા રસિક થોભણ ભોરણીયા, અનિલ ધનજી રંગપરીયા, કિશન વસંત ભોરણીયા, રજનીકાંત મગનભાઈ ઘેટીયા, સાવન હરેશભાઈ ચાપાણી, રાજ ચમનભાઈ ભોરણીયા, પ્રતેશ બાબુભાઈ ભોરણીયા અને કૃણાલ કરશનભાઈ બુટાણીને ઝડપી લીધા હતાં. પોલીસે રોકડ આઠ મોબાઈલ અને બે વાહન મળી રૂા.5,14,150નો મુદ્દામાલ કબજે કર્યો હતો.
આઠમાં દરોડામાં ગોંડલના ગોમટા ગામે બાંદરા ગામની વીડીમાં જુગાર રમાતો હોવાની બાતમીના આધારે ગોંડલ પોલીસે દરોડો પાડયો હતો. દરોડા દરમિયાન જુગાર રમતા કિશાન મોહનભાઈ માકડીયા, નિતીન હંસરાજભાઈ કાલરીયા, ચંદુ હરિભાઈ ભાલોડિયા, મસરૂભાઈ ઉર્ફે લાલો ઘુસાભાઈ ચાવડીયા, દિનેશ મનસુખભાઈ આસોડીયા, જેહા ભાણાભાઈ ભીલ અને કાળુ ઉર્ફે કાળીયા દલસિંગભાઈ હટીલા રૂા.14,230ની રોકડ સાથે ઝડપી લીધા હતાં. નવમાં દરોડામાં જામકંડોરણાના આચવડ ગામે જાહેરમાં જુગારનો પાટલો મંડાયો હોવાની બાતમીના આધારે પોલીસે દરોડો પાડી પીન્ટુ બાબુ કટારીયા, પ્રકાશ જીવા કટારીયા અને સિધ્ધાર્થ રસિકભાઈ કટારીયાને રૂા.5,410ની રોકડ સાથે દબોચી લીધા હતાં.
દસમાં દરોડામાં જસદણના કોઠી ગામે જાહેરમાં જુગાર રમાતો હોવાની બાતમીના આધારે જસદણ પોલીસે દરોડો પાડયો હતો. દરોડા દરમિયાન જુગાર રમતા નિલેશ દેવાયતભાઈ બાલાસરા, અરવિંદ ઘોહાભાઈ રાઠોડ, અનક પ્રાગજીભાઈ વાવડીયા, ભગવાન રૂપાભાઈ મકવાણા અને રાજુ શાંતુભાઈ ધાંધલને ઝડપી લીધા હતાં અને પોલીસે જુગારના પટ્ટમાં રહેલી રૂા.3340ની રોકડ કબજે કરી હતી.
અગિયારમાં દરોડામાં લોધિકા તાલુકાના ચીભડા ગામે જુગારનો અડ્ડો ચાલતો હોવાની માહિતી મળતાં લોધિકા પોલીસે રેડ કરી હતી. રેડ દરમિયાન જુગાર રમતા દામજી હિરાભાઈ વાઘેલા, દિલીપ દેવજીભાઈ દાફડા, ભાવેશ દામજીભાઈ વાઘેલા અને સંગીતાબેન ગોબરભાઈ પુરણીયાને ઝડપી લીધા હતાં અને પોલીસે જુગારના પટ્ટમાં રહેલી રહેલી રૂા.5,300ની રોકડ જપ્ત કરી હતી. રાજકોટ પંથકમાં જુદા જુદા અગિયાર સ્થળે ચાલતા જુગારના અખાડા પર પોલીસે ત્રાટકી મહિલા સહિત 59 પત્તા પ્રેમીઓની ધરપકડ કરી તમામ પત્તા પ્રેમીઓ સામે ફરિયાદ નોંધી વધુ તપાસ હાથ ધરી છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ક્રાઇમ
સાયન્સ સિટી હિટ એન્ડ રન કેસમાં રાજકોટનો શખ્સ પોલીસમાં હાજર થયો
અમદાવાદ શહેર ટ્રાફિક પોલીસે બુધવારે 15 સપ્ટેમ્બરે શહેરના સાયન્સ સિટી રોડ પર બનેલા હિટ એન્ડ રન કેસના સંદર્ભમાં રાજકોટના કોટડા સાંગાણીના 28 વર્ષીય યુવકની ધરપકડ કરી હતી.
આરોપી જયદીપ વઘાસિયાએ બુધવારે પોલીસ સમક્ષ આત્મસમર્પણ કર્યું હતું. પોલીસના જણાવ્યા મુજબ, પૂછપરછ દરમિયાન વઘાસિયાએ જણાવ્યું હતું કે તે તેના સાળા કે જે કેન્સર સામે ઝઝૂમી રહ્યો છે તેને રાજકોટથી સોલાની ખાનગી હોસ્પિટલમાં લાવ્યો હતો. તેણે ખુલાસો કર્યો કે જ્યારે અકસ્માત થયો ત્યારે તે ઉંઘથી વંચિત હતો અને હોટલ તરફ જઈ રહ્યો હતો.
તે વ્હીલ પર સૂઈ ગયો હતો અને ગભરાટમાં, ભૂલથી બ્રેકને બદલે એક્સિલરેટરને અથડાયો હતો જ્યારે તેને ખબર પડી કે તે રાહદારીઓ સાથે અથડાઈ રહ્યો છે, તેમ ઈન્સ્પેક્ટર પી.બી. ઝાલા. આત્મસમર્પણ કરતા પહેલા વઘાસિયાએ તેમના સાળાને રજા આપી હતી અને તેમને અને તેમની બહેનને રાજકોટ પરત મોકલી દીધા હતા.રણજીતસિંહ ભલગરિયા દ્વારા દાખલ કરવામાં આવેલી ઋઈંછમાં ભારતીય ન્યાય સંહિતા અને મોટર વ્હીકલ એક્ટ હેઠળ આરોપી સામે ગુનો નોંધવામાં આવ્યો છે, જેમનો પરિવાર અકસ્માતમાં સામેલ હતો. રણજીતસિંહની પત્ની જીવુને માથા અને પીઠના ભાગે ઈજાઓ થઈ હતી, જ્યારે પુત્ર પ્રિતરાજને માથા, પેટ, છાતી અને હાથપગના ભાગે ઈજાઓ થઈ હતી. પોલીસે નોંધ્યું છે કે પીડિતો તબીબી સંભાળ હેઠળ સારી રીતે સ્વસ્થ થઈ રહ્યા છે. ઘટનાના સીસીટીવી ફૂટેજ સામે આવ્યા છે, જેમાં સ્પીડમાં આવતી કાર માતા-પુત્રને ટક્કર મારતી જોવા મળી રહી છે.
ક્રાઇમ
શહેરમાં બે સ્થળે પીસીબીના બીજા દિવસે દરોડા : 62 હજારના દેશી દારૂ સાથે પકડાયા
શહેરમાં દેશી અને વિદેશી દારૂના ધંધાર્થીઓ ઉપર પીસીબી ધોંષ બોલાવી રહી છે સતત બીજા દિવસે પીસીબીએ રાજકોટ શહેરની ભાગોળે સાતળા ગામ અને લોઠડા ગામમાં દરોડા પાડીને 62 હજારની કિંમતના દેશી દારૂના જથ્થા સાથે ત્રણ શખ્સોને ઝડપી લીધા છે. જ્યારે બે સપ્લાયરોના નામ ખોલ્યા છે.
પોલીસ કમિશ્નર બ્રજેશકુમાર ઝાના સીધા માર્ગદર્શન હેઠળ સક્રિય થયેલી પીસીબી બ્રાંચ દારૂ અને જુગારના હાટડાઓ બંધ કરાવવા માટે સતત કાર્યશીલ બની રહી છે. ગઈકાલે દેશી અને વિદેશી દારૂના ધંધાર્થીઓ ઉપર ધોંષ બોલાવ્યા બાદ બીજા દિવસે દેશી દારૂના ધંધાર્થીઓ ઉપર દરોડા પાડયા હતાં. જેમાં સાતળા ગામની સીમમાં મારૂતિ સ્વીફટ કાર નં.જીજે.10.એપી.353માં દેશી દારૂનો જથ્થો લઈને નીકળેલા ખોખડદળ પાસે મફતીયાપરામાં રહેતા અનકુ ભીખુભાઈ ચાવડાને 30 હજારની કિંમતના 150 લીટર દેશી દારૂ અને કાર સહિત રૂા.2.35 લાખના મુદ્ધામાલ સાથે ઝડપી લઈ પુછપરછમાં સપ્લાયર ખાટડી ગામના શિવરાજ બહાદુર ખાચરનું નામ ખોલ્યું છે. બીજા દરોડામાં લોઠડા જીઆઈડીસી વિસ્તારમાં દરોડો પાડીને રૂા.32 હજારની કિંમતના 160 લીટર દેશી દારૂ સાથે રસુલપરામાં બબલુ રસુલ શેખ અને હુસેન ગુલમહમદ અંસારીની ધરપકડ કરી રૂા.32000ની કિંમતનો 160 લીટર દેશી દારૂ કબજે કર્યો હતો. આ દારૂનો જથ્થો કોઠારીયા સોલવન્ટ પાસે રહેૈતા ઈમરાન જુસબ હાલાએ સપ્લાય કર્યાનું ખુલ્યું હતું.
પોલીસ કમિશ્નર બ્રજેશકુમાર ઝાના સીધા માર્ગદર્શન હેઠળ પીસીબીના ઈન્ચાર્જ પીઆઈ એમ.આર.ગોંડલીયા સાથે પીએસઆઈ એમ.જે.હુંણ તથા પીએસઆઈ પી.બી.ત્રાજીયા અને તેમની ટીમે આ સતત બીજા દિવસે દરોડાની કામગીરી કરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ