ક્રાઇમ
વિરાણી સ્કૂલ ગ્રાઉન્ડમાં રોયલ રજવાડી ગરબામાં લથડિયા ખાતો પીધેલો ઝડપાયો
નવરાત્રી દરમિયાન પોલીસ દ્વારા આ વખતે કડક ચેકીંગ શરૂૂ કરવામાં આવી રહ્યું છે.નવરાત્રી દરમિયાન છાકટા બનીને નીકળતા લુખ્ખા તત્વોને સીધા દૌર કરવા પોલીસની અલગ અલગ ટીમો સાંજથી જ શહેરના રાજમાર્ગો ઉપર ચેકીંગ માટે તૈનાત થઈ રહી છે.તેઓ મોડી રાત સુધી વાહન ચેકીંગ કરી રહી છે.શહેરના અલગ અલગ સ્થાનિક પોલીસનું મુખ્ય માર્ગો પર વાહન ચેકીંગ કરવામાં આવી રહ્યું છે.તેમજ પ્રાચીન અને અર્વાચીન ગરબામાં પણ પોલીસની અલગ અલગ ટીમો દ્વારા ટ્રેડીશનલ ડ્રેસમાં ચેકિંગ કરવામાં આવી રહ્યું છે.ત્યારે શી ટીમ દ્વારા પણ કામગીરી કરવામાં આવી રહી છે.ત્યારે ગઈકાલે એ ડિવિઝન પોલીસના પીઆઇ આર.જી.બારોટની રાહબરીમાં સ્ટાફ વિરાણી સ્કૂલના ગ્રાઉન્ડમાં યોજવામાં આવેલા રોયલ રજવાડી દાંડીયારાસમાં સી ટીમના સંગીતાબેન ઓતરાદી તેમજ સ્ટાફ ત્યાં હતો ત્યારે એક શખ્સ ત્યાં લથડીયા ખાતો હોય આ મામલે પીએસઆઈ એચ.એન.ગઢવી અને સ્ટાફે પહોંચી જઇ આરોપીને પકડતા પોતે પોતાનું નામ તેજપાલસિંહ ગુલાબસિંહ જાડેજા(રહે.નાના ઇંટાળા,પડધરી)હોવાનું તેમજ વેપારી હોવાનું જણાવ્યું હતું.
તેજપાલસિંહને પીધેલી હાલતમાં પકડી પ્રોહી.એકટ હેઠળ ગુનો નોંધી લોક અપ હવાલે કર્યો હતો.અત્રે ઉલ્લેખનીય છે કે,શી દ્વારા નવરાત્રીની શરૂૂઆતથી જ પ્રાચીન અને અર્વાચીન ગરબામાં ટ્રેડિશનલ ડ્રેસમાં ટપોરીઓ અને પીધેલાઓને પકડવા વોચ રાખી રહી છે.
ક્રાઇમ
લ્યો બોલો , હવે ફાકી ખવડાવવા મામલે માથાકૂટ થઇ, ગારીડાના યુવાન પર ત્રણ શખ્સોની ધોલધપાટ
રાજકોટ શહેરમાં અવાર નવાર નજીવી બાબતે મારામારીની ઘટનાઓ પોલીસે ચોપડે નોંધાય છે. ત્યારે ગઇકાલે રાજકોટ-કુવાડવા હાઇવે પર આવેલા ગરીડા ગામે પાનની કેબીને ફાકી ચોળતા યુવાન પાસેથી ફાકી ખાવા માંગતા યુવાને ફાકી આપવાનીના પાડતા ત્રણ શખ્સોએ મારમારતા એરપોર્ટ પોીલસમાં ફરિયાદ નોંધવામાં આવી છે.
બનાવની મળતી વિગતો અનુસાર, ગારીડા ગામે રહેતા દિનેશભાઇ ધરમશીભાઇ ધરજીયા નામના યુવાનની ફરિયાદ પરથી અરવિંદ ચના કુંજાણી, ગોરધન લીંબાભાઇ અને શીવી લીંબાભાઇ ઝાપડીયાનું નામ આપતા તેમની સામે એરપોર્ટ પોલીસ મથકમાં ફરિયાદ નોંધવામાં આવી છે. દિનેશે ફરિયાદમાં જણાવ્યું હતુ કે, પોતે છુટક મજુરી કામ કરે છે.
તા.15ના ગઇકાલે દિનેશભાઇ કામ પર જવા નીકળાત્યારેે ગામમાં આવેલી વિજયભાઇની પાનની દુકાને ફાકી ખાવા માટે ઉભો હતો ત્યારે ત્યાં ફાકી ચોળતી વખતે અરવિંદ ત્યાં આવ્યો અને કીધુ કે મને ફાકી ખવડાવ જેથી દિનેશ ફાકી આપવાની ના પાડી દીધી હતી. આ મામલે અરવિંદ ઉશ્કેરાય ગયો હતો અને દિનેશને માર માર્યો હતો અને આ જોઇ ગામના ગોરધનભાઇ અને શીવાભાઇ પણ ત્યાં આવી પહોચ્યા હતા.
તેમણે પણ દિનેશને માર મારતા ત્યાંના લોકોએ દિનેશને બચાવ્યો હતો. આ મામલે દિનેશને આરોગ્ય કેન્દ્રમાં સારવાર અર્થે ખસેડવામાં આવ્યો હતો.
ક્રાઇમ
બૂટલેગરની પુત્રીનું દારૂ સપ્લાયનું નવું નેટવર્ક, પાણીની બોટલમાં 200 એમએલ દારૂનો વેપલો
શહેરના આંબેડકર નગરમાં નામચીન બુટલેગરની રિસામણે આવેલી પુત્રીએ દારૂનો નવતર કિમીયો અજમાવી વેપલો શરૂ કર્યો હોય જેની બાતમી પીસીબીને મળતા પીસીબીની ટીમે દરોડો પાડી દારૂની 6 મોટી બોટલ તેમજ પ્લાસ્ટિકની પાણીની બોટલમાં 200 એમએનલની દારૂ ભરેલી 19 બોટલ કબ્જે કરી હતી. મોટાભાગે બુટલેગરો 750 એમએલ કે, 180 એમએલની બોટલ વહેંચતા હોય છે. પરંતુ બુટલેગરની પુત્રીએ પ્યાસીઓને જરૂર મુજબ નાની બોટલોમાં દારૂ સપ્લાયનું નેટવર્ક શરૂ કર્યુ હતું.
પીસીબીના પીએસઆઈ એમ.જે. હુણની ટીમના વાલજીભાઈ જાડાને મળેલી બાતમીના આધારે આંબેડકનર નગર શેરી નં. 5 માં એસટી વર્કશોપ પાછળ રહેતી કાજલબેન જિતેન્દ્રભાઈ મુછડિયાના ઘરે દરોડો પાડવામાં આવ્યો હતો. નામચીન બુટલેગર વિઠ્ઠલની પુત્રી કાજલ હાલ રિસામણે આવી હોય અને તેણે પોતાના પિતાના પગલે પગલે જ દારૂનો વેપલો શરૂ કર્યો હતો. પરંતુ અન્ય બુટલેગરો કરતા અલગ નોટવર્કથી દારૂનો વેપલો કાજલે શરૂ કર્યો હતો. કાજલે પ્યાસીઓ માટે પ્લાસ્ટિકની 200 એમએલની પાણીની બોટલમાં દારૂ ભરીને વહેંચવાનું શરૂ કર્યુ હતું. પોલીસ દરોડા વખતે આવી નાની 19 બોટલમાં દારૂનો જથ્થો તેમજ 750 એમએલની મોટી 16 બોટલ દારૂ મળી આવ્યો હતો. પોલીસે આ દારૂમાં મીલાવટ થતી હતી કે કેમ તે બાબતે પણ તપાસ શરૂ કરી છે. પ્યાસીઓ માટે નાની 200 એમએલની બોટલમાં જરૂરિયાત મુજબનો દારૂ વહેંચતી હતી.
પીસીબીનીટીમે અન્ય પાડેલા દરોડામાં થોરાળા પોલીસ મથક વિસ્તારમાંથી દેશીદારૂની ભઠ્ઠી જડપી પાડી હતી. આ ભઠ્ઠી ચલાવતી મહિલા બુટલેગર દિવાળીબેન જતીનભાઈ સોલંકીની ધરપકડ કરી હતી. કુબલિયાપરાની દિવાળીબેનને ત્યાંથી રૂા. 20000ની કિંમતનો 800 લિટર આથો અને 75 લિટર દેશી દારૂ સહિતનો મુદ્દામાલ કબ્જે કર્યો હતો. અન્ય દરોડામાં માલવિયાનગર પોલીસે મવડી પ્લોટ આનંદ બંગલા ચોકમાંથી જયદિપસિંહ ઉર્ફે રમજુભા સજુભા જાડેજા અને ભરત રમેશ ડાભીને મોટરસાયકલ નં. જીજે 3 એચએફ 5775માં 180 એમએલના 23 ચપલા સાથે ઝડપી લીધા હતાં.
ક્રાઇમ
કારખાનેદાર વ્યાજખોરોની ચુંગાલમાં ફસાયો, વ્યાજખોરોએ કહ્યું, પૈસા નહીં આપ તો તારી જિંદગી બગાડી નાખીશ
ધંધામાં મંદી આવતા કારખાનેદાર પૈસા ભરી ન શક્યો, નાણાં ચૂકવવા સમય માગ્યો’તો ધમકી મળી
વ્યાજખોરોએ ઇમિટેશનના કારખાનાની મશીનરીનું નોટરાઇઝ લખાણ કરાવી લીધું, બે આરોપી સામે ગુનો દાખલ
મોરબી રોડ પર સેટેલાઇટ ચોકમાં આવેલી રાજમોતી રેસીડેન્સીમાં રહેતા અને માર્કેટિંગ યાર્ડની સામે શક્તિ સોસાયટી શેરી નં. 2માં ઇમીટેશનનું કારખાનુ ધરાવતા વિશાલ કાંતિભાઈ પટેલ (ઉ.વ.30) વ્યાજખોરોની ચુંગાલમાં ફસાતા આખરે બી ડીવીઝન પોલીસ મથકમાં ધીરૂૂભાઈ ટોળીયા (રહે. આર્યનગર) અને પ્રદીપ ચૌહાણ (રહે. સંત કબીર રોડ) વિરૂૂધ્ધ ફરિયાદ નોંધાવી હતી. પોલીસે બંને આરોપીઓ વિરૂૂધ્ધ મની લેન્ડ સહિતની કલમો હેઠળ ગુનો દાખલ કરી તપાસ આગળ ધપાવી છે.
વિશાલે જણાવ્યું છે કે 2018માં તેને ધંધા માટે પૈસાની જરૂૂર પડતાં પિતાના જૂના મિત્ર ધીરૂૂભાઈ ટોળીયાને વાત કરતાં તેણે તેના ભાઈ પોપટભાઈ કે જે કુવાડવા રોડ પર ચાની હોટલ ધરાવે છે, તેની પાસેથી 5 લાખ 3 ટકા વ્યાજે લઇ આપ્યા હતા. જેનું તે દર મહિને 15 હજાર વ્યાજ આપતો હતો.જુલાઇ-2022માં તેને વધુ રૂૂપિયા એક લાખની જરૂૂર પડતાં ધીરૂૂભાઈએ મિત્ર તેજારામ પ્રજાપતિ પાસેથી 4 ટકા વ્યાજે રકમ અપાવી હતી. જેનું દર મહિને 4 હજાર વ્યાજ ચૂકવતો હતો. તેણે ધીરૂૂભાઈ હસ્તક કુલ રૂૂા. 6 લાખ વ્યાજે લીધા હતા. જેની સામે તેણે 12.50 લાખ કરતાં પણ વધુ રકમ ચૂકવી દીધી હતી.ધંધો સરખો ચાલશે તો તમારા પૈસા કટકે-કટેક આપી દઇશ.તેમ કહેતા વખતે ધીરૂૂભાઈએ કહ્યું કે તને આપેલા તમામ પૈસા મારા છે, બીજા કોઇના નથી, એટલે તારે મને વ્યાજ તો આપવું પડશે. અત્યારે નહીં તો પછી પણ વ્યાજ તો આપવું જ પડશે. બાદમાં તેને ગાળો ભાંડી ઝગડો કર્યો હતો.
એટલું જ નહીં ગઇ તા. 2 સપ્ટેમ્બરના રોજ ફોન કરી ગાળો ભાંડી કહ્યું કે વ્યાજ નહીં આપતો અસલીયત ઉપર આવી જઇશ, તારી જિંદગી બગાડી નાખીશ તેવી ધમકી પણ આપી હતી. ઓગસ્ટ-2021માં તેણે મિત્ર પ્રદીપ ચૌહાણ પાસેથી રૂૂા. 5 લાખ 5 ટકા વ્યાજે લીધા હતા.જેનું દર મહિને 25 હજાર વ્યાજ ચૂકવતો હતો.પૈસાના બદલામાં પ્રદીપે તેના કારખાનાની મશીનરીનું નોટરાઇઝ લખાણ તેના કાકા લાલજીભાઈ પાસે કરાવી લીધું હતું. તેના ધંધાના કામનું કેમીકલ પ્રદીપ વેચતો હતો.જેથી તેની પાસેથી ઉધારમાં કેમિકલ લીધું હતું. આ રીતે કુલ આઠેક લાખનો માલ ઉધારમાં લીધો હતો.જે માટે છ લાખ રૂૂપિયાનું 5 ટકા વ્યાજ ચડાવી તેની ઉઘરાણી કરી હતી.થોડા સમય બાદ પ્રદીપને રૂૂા. 5 લાખ આપી દીધા હતા.બાકીના 6 લાખનું વ્યાજ રેગ્યુલર ચૂકવતો હતો.ધંધામાં મંદી આવતા તેને કારખાને બોલાવી વ્યાજ નહીં આપી શકું તેવી આજીજી કરી હતી. તે વખતે પ્રદીપે પણ કહ્યું કે વ્યાજ તો મારે વ્હેલા મોડુ જોઇશે જ, હું વ્યાજ કે મુદલ છોડીશ નહીં. બાદમાં તેને ગાળો ભાંડી, ઝગડો કરી જતો રહ્યો હતો. આ ઉપરાંત ફોન કરી વ્યાજ માટે અવારનવાર ધાક ધમકી આપતો હોવાથી આખરે બંને વિરૂૂધ્ધ ફરિયાદ નોંધાવી હતી.
-
ક્રાઇમ1 day ago
ક્ષત્રિય મહિલા અગ્રણી પદ્મિનીબા વાળાનો પુત્ર સાથે મળી પતિ ઉપર પાઇપ વડે હુમલો
-
આંતરરાષ્ટ્રીય1 day ago
SCO સમિટ માટે વિદેશ મંત્રી એસ. જયશંકર ઇસ્લામાબાદ પહોંચ્યા, 9 વર્ષ બાદ પાકિસ્તાન પહોંચનાર પ્રથમ નેતા
-
ગુજરાત2 days ago
પ્રકૃતિના વિકાસમાં સહકાર પણ ખેડૂતોના ભોગે નહીં: કિસાન સંઘ
-
ગુજરાત2 days ago
આનંદનગર કોલોનીની તરૂણી બે દિવસથી તાવમાં પટકાયા બાદ મોત
-
ગુજરાત2 days ago
વીજચોરી અંગે તપાસમાં ગયેલા પીજીવીસીએલના કર્મચારી ઉપર છેડતીનો આરોપ મૂકી હુમલો
-
આંતરરાષ્ટ્રીય1 day ago
પાકિસ્તાન: પૂર્વ ISI ચીફ ફૈઝ હમીદની ધરપકડ
-
આંતરરાષ્ટ્રીય1 day ago
ચૈન્નઇ-તમિલનાડુ ફરી જળબંબાકાર, શાળા-કોલેજોમાં રજા
-
ગુજરાત2 days ago
ત્રણેય ઝોનમાં 84 આસામી પાસેથી 12.74 કિલો પ્રતિબંધિત પ્લાસ્ટિક જપ્ત કરાયું