ગુજરાત
માતાના મઢથી પરત ફરતા ઈડરના પરિવારને નડેલો અકસ્માત, 3નાં મોત
ચાણસ્મા-હારીજ હાઈવે પર ઈકો કાર અને ટેન્કર અથડાયા, ઘરના મોભી, તેના પુત્ર અને સગર્ભા પુત્રવધૂનાં મોત, આઠને ઈજા
પાટણ જિલ્લાના હાઈવે માર્ગો પર બેફામ ગતિએ દોડતાં પ્રાઇવેટ વાહનો કારણે અવારનવાર નાના-મોટા માર્ગ અકસ્માતના બનાવો સર્જાતા હોય છે ત્યારે મંગળવારના રોજ ચાણસ્મા-હારીજ હાઇવે માર્ગ પરથી પસાર થઈ રહેલાં ટેન્કર અને ઇકો કાર વચ્ચે અકસ્માત થયો હતો. આશાપુરા માતાનાં દર્શન કરીને પરિવાર ઇક્કો કાર પરત ફરી રહ્યો હતો. એ દરમિયાન ઇક્કો કાર અને ટેન્કર વચ્ચે અગમ્ય કારણસર ગમખ્વાર અકસ્માત સર્જાતાં કારમાં બેઠેલા મુસાફરોની ચિચિયારીઓથી માર્ગ ગુંજી ઊઠ્યો હતો. ગમખ્વાર અકસ્માતમાં ઇક્કો કારમાં સવાર 2 પુરુષ અને એકક મહિલાનાં ઘટના સ્થળે મોત નીપજ્યાં હોવાની સાથે 8 જેટલા લોકો ઈજાગ્રસ્ત બન્યા હોવાનું જાણવા મળ્યું છે.
આ અકસ્માત ચાણસ્મા-હારીજ હાઈવે માર્ગ પર આવેલી ખોડલ હોટલ નજીક સર્જાતાં સ્થાનિક લોકો ઘટનસ્થળે દોડી આવ્યા અને ઈજાગ્રસ્તોને તાત્કાલિક સારવાર અર્થે 108 મારફત પાટણની ધારપુર હોસ્પિટલમાં ખસેડાયા હતાં. જ્યાારે ઘટનાસ્થળે મૃત્યુ પામેલી વ્યક્તિઓના મૃતદેહોને હારીજના સામૂહિક આરોગ્ય કેન્દ્ર ખાતે ખસેડવામાં આવ્યા હોવાનું જાણવા મળ્યું છે.
ઇજાગ્રસ્ત પૈકી ત્રણ બાળકની હાલત નાજુક હોવાનું પણ જાણવા મળ્યું છે. ધરાપુર હોસ્પિટલમાં છખઘ રમેશભાઈએ જણાવ્યું હતું કે અકસ્માતમાં ઇજાગ્રસ્ત ત્રણ બાળકને જનતા હોસ્પિટલમાં રિફર કરવામાં આવ્યાં છે અને અન્ય લોકોને હિંમતનગર લઈ જવામાં આવશે.
મળતી માહિતી મુજબ મૃતક નવલસિંહ કેસરીસિંહ રાઠોડ ભુજ પોલીસ સ્ટેશનમાં એએસઆઈ તરીકે ફરજ બજાવી છ વર્ષ અગાઉ રિટાયર્ડ થયા હોઈ, રવિવારે પોતાના પરિવાર સાથે ભુજ સહિત માતાના મઢ દર્શન કરવા માટે પોતાની ઈકો ગાડી લઈને નીકળ્યા હતા ને ભુજ તેમજ માતાના મઢનાં દર્શન કરી મંગળવારે પરત ફરી રહ્યા હતા. ત્યારે હારીજ-ચાણસ્મા હાઇવે માર્ગ પર ટેન્કર વચ્ચે તેમની ઇકો કારનો અકસ્માત સર્જાતાં પરિવારના મોભી સહિત પુત્ર અને પુત્રવધૂનાં મોત નીપજ્યાં હતાં, જ્યારે અન્ય 8 સભ્ય ઈજાગ્રસ્ત બનતાં તેમને સારવાર માટે ખસેડવામાં આવ્યા હતા, અકસ્માતમાં મૃત્યુ પામેલાં તોરલબા રવીન્દ્રસિંહ રાઠોડને પાંચ માસનો ગર્ભ હોવાનું પરિવારના સભ્યોએ જણાવ્યું હતું.
આ અંગે હારીજ પોલીસ સ્ટેશનના પીઆઇ નીરવ શાહના જણાવ્યા મુજબ, ટેન્કર મહેસાણા તરફ જઈ રહ્યું હતું ત્યારે માતાના મઢ તરફથી આવી રહેલી ઈકો ગાડીના ચાલકે પાછળથી ટેન્કરને ટક્કર મારતાં ઈકો ગાડી રોડ સાઈડની ચોકડીઓમાં પલટી જતાં આ ગોઝારી હોનારત સર્જાઇ હતી. અકસ્માતમાં મૃત્યુ પામેલા ત્રણ પૈકી બે લોકોની લાશનું પોસ્ટમોર્ટમ હારીજ હોસ્પિટલ ખાતે કરવામાં આવ્યું હતું, જ્યારે એકનું પોસ્ટમોર્ટમ ચાણસ્મા પોલીસ મથકે કરાયું હોઈ, અકસ્માતની ફરિયાદ નોંધવાની તજવીજ હાલમાં ચાલુ હોવાનું જણાવ્યું હતું.
ત્રણેય મૃતકોના નામ
નવલસિંહ કેશરસિંહ રાઠોડ (પિતા)
રવિન્દ્રસિંહ નવલસિંહ રાઠોડ (પતિ)
તોરલબા રવિન્દ્રસિંહ રાઠોડ (પત્ની)
ઇજાગ્રસ્તોનાં નામ
હીનાબા જયપાલસિંહ રાઠોડ (28 વર્ષ)
હિરલબેન રાજેન્દ્રસિંહ રાઠોડ (26 વર્ષ)
રાજેન્દ્રસિહ નવલસિંહ રાઠોડ (25 વર્ષ)
જિમ્મીરાજ ધર્મેન્દ્રસિહ રાઠોડ( 15 વર્ષ)
વિશ્વજિત રવિરાજ રાઠોડ (5 વર્ષ)
નિકુલસિંહ દશરથસિંહ પરમાર (35 વર્ષ)
ચંદ્રિકાબા નિકુલસિંહ પરમાર(27 વર્ષ)
સત્યજિત નિકુલસિંહ પરમાર (8 વર્ષ)
ગુજરાત
પુનિત સોસાયટીમાં વેપારીના પત્નીનો ગળેફાંસો ખાઈ આપઘાત
શહેરના કોઠારિયા રોડ ઉપર આવેલા સુતા હનુમાનની બાજુની ગલીમાં પુનિત સોસાયટી નજીક રહેતા મહિલાએ ગળે ફાંસો ખાઈ આપઘાત કરી લેતાં પરિવારમાં શોક છવાયો હતો. આપઘાતનું કારણ જાણવા પોલીસે વધુ તપાસ જારી રાખી છે.
મળતી વિગતો મુજબ કોઠારિયા રોડ ઉપર સુતા હનુમાનની બાજુની ગલીમાં રામેશ્ર્વર મંદિર પાસે રહેતી પુનમબેન આશિષભાઈ મહેતા નામના 32 વર્ષની પરિણીતાએ ગઈકાલે પોતાના ઘરે રૂમમાં ગળે ફાંસો ખાઈ લેતાં તેમના પરિવાર જોઈ ગયા હતાં અને 108ને ફોન કરતા ઈએમટી આરતીબેન સહિતના સ્ટાફે તેણીને નીચે ઉતારી મૃત જાહેર કરી હતી.
તેણીના મૃતદેહને પોસ્ટમોર્ટમ માટે સિવિલ હોસ્પિટલે ખસેડવામાં આવ્યો હતો અને ભક્તિનગર પોલીસના સ્ટાફને જાણ કરવામાં આવતા પીેએસઆઈ ગોહિલ સહિતનો સ્ટાફ સિવિલ હોસ્પિટલે દોડી જઈ કાગળો કર્યા હતાં અને બનાવનું કારણ જાણવા પરિવારની પુછપરછ કરવામાં આવી હતી.
પુનમબેન મહેતાના આપઘાતથી પરિવારમાં શોક છવાયો છે. મહિલાના મોતથી બન્ને સંતાનોએ માતાની છત્રછાયા ગુમાવી હતી. તેમજ તેમના પતિ વેપાર કરતા હોવાનું જાણવા મળી રહ્યું છે.
ગુજરાત
1000માંથી 600 ઓઇલ મિલરો ભેળસેળ કરે છે!
આવું જ ચાલુ રહેશે તો બધા ગોડાઉનને સીલ મરાવી દઇશ: ગુજરાત કોટન એસોસિએશનની બેઠકમાં નીતિન પટેલ બગડયા
રાજ્યમાં ઓઇલ મીલરો પર હવે તવાઇ આવી શકે છે. રાજ્યના પૂર્વ મુખ્યમંત્રી નીતિન પટેલ રાજ્યમાં ચાલી રહેલી ઓઇલ મીલો અને તેના માલિકો પર મોટો આરોપ લગાવ્યો છે. નીતિન પટેલનો આરોપ છે કે, રાજ્યમાં 1 હજારમાંથી 600 ઓઇલ મીલરો ભેળસેળ કરી રહ્યાં છે. જો આવુ જ ચાલુ રહેશે તો હું બધા ગોડાઉનને સીલ કરાવી દઇશ.
લાંબા સમય બાદ ગુજરાતના પૂર્વ મુખ્યમંત્રી નીતિન પટેલે મોટુ નિવેદન આપીને બધાને ચોંકાવ્યા છે, આ વખતે કોઇ રાજકીય નહીં પરંતુ ઓઇલ મીલરો પર નિશાન સાધ્યુ છે.
નીતિન પટેલેજ ઓઇલ મીલરો પર સીધો હુમલો કરતાં કહ્યું કે, રાજ્યમાં ઓઇલ મીલરો ભેળસેળ કરી રહ્યાં છે.
ગુજરાત કોટન એસો.ની 26મી સામાન્ય સભામાં નીતિન પટેલનું મોટુ નિવેદન સામે આવ્યુ છે. નીતિન પટેલે આરોપ લગાવતા કહ્યું કે, રાજ્યમાં 1 હજારમાંથી 600 ઓઈલ મીલરો ભેળસેળ કરી રહ્યાં છે. કપાસિયા ખોળમાં થતી ભેળસેળને નીતિન પટેલનું આ નિવેદન સામે આવ્યુ છે, તેમને ઓઇલ મીલરોની મીલિભગતનો પર્દાફાશ કર્યો છે. તેમને કહ્યું કે, જાહેરમાં નહીં બોલુ તમે બધા જ જાણો. ઐસે નેહીં ચલેગા, વરના મે ક્યા કરૂૂંગા સમજલો, સરકાર સે સીલ લગવા દુંગા સબ ગોડાઉન કો, ફીર ઈસમે કિસી કી નહીં ચલેંગી, કિસી કો ભી નુકસાન હો એસા ગલત નહીં કરના. લાંબા સમય બાદ નીતિન પટેલના નિવેદન બાદ ફરી એકવાર રાજ્યમાં રાજકીય ગરમાવો આવી શકે છે.
જો કે, તેલમાં ભેળસેળ એ કોઇ નવી વાત નથી. નીતિનભાઇ સતામાં હતા ત્યારે પણ તેલમાં ભેળસેળ થતી હતી. પરંતુ હવે તેઓ સતામાં નથી ત્યારે બોલવાનો અર્થે લોકો અલગ રીતે કાઢી રહ્યા છે.
ગુજરાત
રાજકોટમાં ગરબા ગ્રાઉન્ડમાં લાઇટ ફિટિંગ કરતો યુવાન 150 ફૂટની ઊંચાઇએથી પટકાતા મોત
મારવાડી યુનિવર્સિટી આયોજિત બે દિવસીય રાસોત્સવની તૈયારી દરમિયાન લાઇટના ઊભા કરાયેલા પીલોર પરથી પડી જતાં ઘટી ઘટના
રાજકોટમાં મોરબી રોડ ઉપર આવેલી મારવાડી યુનિવર્સિટી આયોજીત બે દિવસીય રાસોત્સવની તૈયારી ચાલતી હતી ત્યાં મારવાડી યુનિવર્સિટીના ગ્રાઉન્ડમાં લાઈટ ફીટીંગ કરતો યુવાન લાઇટના ઉભા કરાયેલા પીલોર પરથી અકસ્માતે નીચે પટકાયો હતો ગંભીર રીતે ઘવાયેલા યુવકનું મોત નિપજતા પરિવારમાં શોકની લાગણી પ્રસરી છે.
આ બનાવ અંગે પોલીસમાંથી જાણવા મળતી વિગત મુજબ રાજકોટમાં રેલનગર વિસ્તારમાં આવેલ ચંદ્રશેખર આઝાદ ટાઉનશીપમાં રહેતા રોનક હિતેશભાઈ માકડીયા નામનો 27 વર્ષનો યુવાન રાત્રીના બે વાગ્યાના અરસામાં મારવાડી યુનિવર્સિટીના ક્રિકેટ ગ્રાઉન્ડમાં હતો ત્યારે લાઈટના ઉભા કરાયેલા પીલોર પરથી અકસ્માતે નીચે ફટકાયો હતો.
ગંભીર રીતે ઘવાયેલા યુવકને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો. જ્યાં યુવકની સારવાર કારગત નીવડે તે પૂર્વે જ મોત નિપજતા પરિવારમાં અરેરાટી સાથે ગમગીની છવાઈ જવા પામી છે. પ્રાથમિક પૂછપરછમાં મૃતક રોનક માકડીયા બે ભાઈમાં નાનો અને અપરણિત હતો.
રોનક માકડીયા મારવાડીએ યુનિવર્સિટી આયોજિત બે દિવસે રાસોત્સવની તૈયારીના ભાગરૂૂપે મારવાડી ક્રિકેટ ગ્રાઉન્ડમાં લાઈટ ફીટીંગનું કામ રાખ્યું હતું. અને રાત્રીના સમયે ગરબા ગ્રાઉન્ડમાં લાઈટ ફીટીંગ કરતો હતો. તે સમયે ઊભા કરાયેલા આશરે 15 ફૂટની ઊંચાઈના લાઈટના પીલોર પરથી અકસ્માતે નીચે પટકાતા મોત નીપજ્યું હોવાનું જાણવા મળ્યું છે. આ બનાવ અંગે કુવાડવા રોડ પોલીસે નોંધ કરી વધુ તપાસ હાથ ધરી છે.
-
ગુજરાત1 day ago
મોરબીમાં કારમાં આગ ભભૂકી: સિરામિક ઉદ્યોગપતિ ભડથું
-
ક્રાઇમ2 days ago
VIDEO: અમદાવાદમાં શિક્ષકે વિદ્યાર્થીના વાળ ખેંચી માથું દીવાલ પછાડ્યું, સેકન્ડોમાં 10 લાફા મારનાર શિક્ષક સસ્પેન્ડ
-
ગુજરાત12 hours ago
એઈમ્સમાં નવી રમત: મહિલા તબીબની માનસિક સંતાપની ફરિયાદમાં બિલાડીને જ દૂધના રખોપા
-
રાષ્ટ્રીય2 days ago
શેરબજારની ‘મંગળ’ શરૂઆત, સેન્સેક્સમાં 300 પોઈન્ટનો ઉછાળો તો નિફ્ટી 25,900ને પાર
-
રાષ્ટ્રીય2 days ago
‘મંદિર હોય કે મસ્જીદ, કોઈપણ ધાર્મિક સ્થળ અડચણ ન બની શકે..’ બુલડોઝરની કાર્યવાહી પર સુપ્રીમ કોર્ટેની ટીપ્પણી
-
ક્રાઇમ1 day ago
ફલેવરવાળો વિદેશી દારૂ બનાવવાનું કારખાનું પકડાયું
-
ગુજરાત1 day ago
રિંગ રોડ-2 ફોરલેન બનાવવા 80 કરોડના ખર્ચને મંજૂરી
-
ગુજરાત1 day ago
ગાંધી મ્યુઝિયમ ખાતે કાલે સ્વચ્છ ભારત દિવસ કાર્યક્રમ યોજાશે