અમરેલી
અમરેલીની સગીરા પર કૌટુંબિક ભાઈનું દુષ્કર્મ
અમરેલીમા કુંકાવાવ રોડ પર ભારતનગર વિસ્તારમા રહેતી એક સગીરા પોતાના ઘરે એકલી હતી ત્યારે કૌટુંબિક ભાઇએ જ એકલતાનો લાભ લઇ છરી બતાવી નદીના પટમા લઇ જઇ દુષ્કર્મ ગુજારી મારી નાખવાની ધમકી આપતા આ બારામા તેની સામે અમરેલી તાલુકા પોલીસ મથકમા ફરિયાદ નોંધાવાઇ છે.
સગીરા પર દુષ્કર્મની આ ઘટના અમરેલીમા કુંકાવાવ રોડ પર ભારતનગર વિસ્તારમા નદીના પટમા બની હતી. અહી રહેતી એક સગીરાએ અમરેલી તાલુકા પોલીસ મથકમા નોંધાવેલી ફરિયાદમા જણાવ્યુ઼ હતુ કે તે બિમાર હોય મજુરીકામે ગઇ ન હતી અને ઘરે એકલી હતી ત્યારે તેના મોટાબાપુના દીકરા ભાઇ અબ્દુલ દિનમહમદ ઝુણેજા તેના ઘરે આવ્યો હતો.આ શખ્સે તેને છરી બતાવી બળજબરીપુર્વક સાથે લઇ ગયો હતો. આ શખ્સે નદીના પટમા તેના પર દુષ્કર્મ ગુજાર્યુ હતુ અને છરી બતાવી મારી નાખવાની ધમકી પણ આપી હતી. બનાવની વધુ તપાસ પીઆઇ કે.બી.જાડેજા ચલાવી રહ્યાં છે.
અમરેલી
જાફરાબાદના ટીંબી ગામે રૂા. 1.30 લાખનો શંકાસ્પદ ઘઉંના જથ્થા સાથે બે પકડાયા
જાફરાબાદ તાલુકાના ટીંબીમાથી પોલીસે વાહનમાથી ઘઉંની 40 બોરીનો શંકાસ્પદ જથ્થો કબજે લઇ બે શખ્સોની અટકાયત કરી 1.30 લાખનો મુદામાલ કબજે લઇ ધોરણસરની કાર્યવાહી હાથ ધરી હતી. નાગેશ્રી પોલીસ મથકના પીએસઆઇ પી.વી.પલાસ અને ટીમે ગત રાત્રીના પેટ્રોલીંગ દરમિયાન ટીંબીમાથી એક ટેમ્પો નંબર જીજે 08 વાય 5668ને અટકાવી તલાશી લીધી હતી.
ટેમ્પોમા ઘઉંની 40 બોરી કુલ બે હજાર કિલો ઘઉંનો જથ્થો મળી આવ્યો હતો. આ અંગે પોલીસે પુછપરછ કરતા કોઇ આધાર પુરાવા વગરનો હોય પોલીસે ટીંબીમા રહેતા મુસ્તાક ઉર્ફે બાપુ જુમાશા પઠાણ અને આરીફશા સુલેમાનશા કનોજીયા નામના શખ્સોની અટકાયત કરી હતી. પોલીસે ઘઉંનો જથ્થો તેમજ વાહન મળી કુલ રૂૂપિયા 1.30 લાખનો જથ્થો કબજે લીધો હતો અને બીએનએસએસ કલમ 35(1) ઇ 106 મુજબ કાર્યવાહી કરી હતી.
અમરેલી
ધારીમાં પાંચ વર્ષની બાળા સાથે અડપલાં કરનાર આધેડ ઝડપાયો
લોકોએ પકડી લમધારી પોલીસને હવાલે કર્યો
ધારીમાં એક પાંચ વર્ષની બાળાને મોબાઇલ બતાવવાના બહાને એકાંતમા લઇ જઇ અહીના જ શખ્સે અડપલા કર્યાના કેસમાં પોલીસે આ શખ્સની ધરપકડ કરી છે. ધારી પોલીસે આ પ્રકરણમા ધારીમાં રહેતા અને શાકભાજીનો વેપાર કરતા હિમત હસમુખ બોસમીયા (ઉ.વ.45) નામના શખ્સની પોકસો એકટ અને ભારતીય ન્યાય સંહિતાની જુદીજુદી કલમો હેઠળ તેની ધરપકડ કરી છે. ગત 13મી તારીખની બપોરે હિમત બોસમીયા પાંચ વર્ષની એક બાળાને રમાડવાના બહાને તથા મોબાઇલ બતાવવાના બહાને અહીની લક્ષ્મી લોજની અંદરના ભાગે લઇ ગયો હતો. બાળકીના મા-બાપ કામમા વ્યસ્ત હતા તેનો લાભ લઇ આ શખ્સે બાળકીના શરીરે અડપલા કરી નિર્લજજ વર્તન કર્યુ હતુ. જેને પગલે લોકોએ તેને મેથીપાક ચખાડી પોલીસને જાણ કરી હતી.
પીઆઇ એ.એમ.દેસાઇ સ્ટાફના જીતેન્દ્રભાઇ ભેડા, કુમારસિંહ રાઠોડ, સંજયભાઇ સરધારા વિગેરેએ આ શખ્સની ધરપકડ કરી છે. અત્રે ઉલ્લેખનીય બની રહેશે કે, અમરેલી જિલ્લામાં નરાધમોએ હદ વટાવી છે. 43 વર્ષના આધેડે બાળાના માતા-પિતા કામમાં વ્યસ્ત હોવાનો ગેરલાભ ઉઠાવી લઇ જઇ અડપલા કરતા ભારે ચકચાર જાગી હતી.
અમરેલી
લાઠીના વૃદ્ધને ન્યૂડ કોલમાં ફસાવી ગઠિયાએ રૂા.5.77 લાખ પડાવ્યા
પોલીસ અધિકારીની ઓળખ આપી ન્યૂડ કોલમાં જે મહિલા છે તેણે આપઘાત કરી લીધાનું કહ્યું
લાઠી તાલુકાના અડતાળા ગામે રહેતા એક 65 વર્ષીય વૃદ્ધ ખેડૂત સાથે ચોંકાવનારી ઘટના બની હતી. વૃદ્ધને વોટસએપ નંબર પરથી ન્યૂડ કોલ કરીને રેકોડગ કરી સોશિયલ મીડિયામાં વાયરલ કરવાની ધમકી આપી બ્લેકમેઇલ કરી 5.77 લાખ પડાવી લેવાયા હતા. આ અંગે સાયબર ક્રાઇમ પોલીસ મથક ખાતે ફરિયાદ નોંધાઈ છે.
લાઠી તાલુકાના અડતાળા ગામે રહેતા 65 વર્ષીય વૃદ્ધ સોશિયલ મીડિયામાં સાયબર ક્રાઇમનો ભોગ બન્યા હતા જેમાં હીરાભાઈ ખોડાભાઇ પરમાર નામના ખેડૂતને કોઈ અજાણ્યા મોબાઈલ નંબર પરથી ન્યૂડ કોલ કરી પોલીસ અધિકારી અને યુટયુબ અધિકારીની ખોટી ઓળખ આપી આ ન્યૂડ વિડિયો કોલનું સ્ક્રીનીંગ કરી યુટયુબ તેમજ બીજા સોશિયલ મીડિયામાં વાયરલ કરવાની ધમકી આપો અને એફઆઈઆર થયેલ છે,ન્યૂડ કોલમાં જે મહિલા છે તે મહિલાએ આત્મહત્યા કરેલ છે તેવી ખોટી હકીકત જણાવી બ્લેક મેઇલ કરી અવાર – નવાર રૂૂપિયાની માંગણી કરી વિડિયો ડિલીટ કરાવવાના બહાને 5,77 લાખ પડાવી લઈને છેતરપીંડી આચરી હતી. આ બનાવને લઈને વૃદ્ધ દ્વારા અમરેલી સાયબર ક્રાઇમ પોલીસ મથક ખાતે ફરિયાદ નોંધાવતા બનાવને લઇને કાર્યવાહી હાથ ધરી હતી.
-
રાષ્ટ્રીય2 days ago
‘દિલ્હીના CM કેજરીવાલ જ રહેશે, ભાજપે ષડયંત્ર કરીને ફસાવ્યા…’, મુખ્યમંત્રી ચૂંટાયા બાદ આતિશીની પહેલી પ્રતિક્રિયા
-
ગુજરાત2 days ago
દ્વારકા નજીકના દરિયામાંથી વધુ એક વખત ચરસનો જથ્થો ઝડપાયો
-
આંતરરાષ્ટ્રીય2 days ago
બાંગ્લાદેશમાં હિંદુઓ પર હુમલા અંગે કેનેડાની સંસદમાં ચર્ચા
-
ગુજરાત16 hours ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
ગુજરાત2 days ago
PMના જન્મદિવસ પૂર્વે જવાહર ચાવડાએ ફોડ્યો લેટર બોંબ
-
આંતરરાષ્ટ્રીય2 days ago
અમેરિકા ઉઠી જશે: જેપી મોર્ગન ચેઝની આગાહી
-
રાષ્ટ્રીય19 hours ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
ગુજરાત2 days ago
મોદી@74: કુંડળી જ મંગળ તો અમંગળ કોણ કરી શકે?