ગુજરાત

દેવભૂમિ દ્વારકાના ઇન્કમટેક્સ ઇન્સ્પેક્ટર રૂા.3,000ની લાંચ લેતા ઝડપાયા

Published

1 month ago

September 25, 2024

admin

ડબલ પાનકાર્ડ કઢાવતા આસામી પાસેથી માગી હતી લાંચ

દેવભૂમિ દ્વારકા જિલ્લામાં રહેતા એક આસામી દ્વારા પોતાનું ડબલ થયેલું પાનકાર્ડ રદ કરાવવા જતા આ અંગે દ્વારકાના વર્ગ 3ના કર્મચારી એવા ઇન્કમટેક્સ ઇન્સ્પેક્ટર દ્વારા રૂૂ. 10,000ની માંગણી કર્યા બાદ લેતી-દેતીમાં રૂૂપિયા 3,000ની રોકડ રકમની લાંચ લેતા એ.સી.બી. પોલીસે આ અધિકારીને ઝડપી લઇ, ગુનો નોંધ્યો છે.
સૂત્રો દ્વારા જાણવા મળતી વિગત મુજબ દ્વારકા જિલ્લામાં રહેતા એક આસામીએ અગાઉ કઢાવેલું પાનકાર્ડ ખોવાઈ જતા તેમણે ઓનલાઈન માધ્યમથી બીજું પાનકાર્ડ કઢાવ્યું હતું. આ પછી તેમને પોતાનું જૂનું પાનકાર્ડ મળી આવ્યું હતું.

તેમની પાસે થઈ ગયેલા બે પાનકાર્ડ પૈકી પોતાનું નવું પાનકાર્ડ રદ કરવા માટે તેમણે દ્વારકા ખાતે આવેલી ઇન્કમટેક્સ કચેરીનો સંપર્ક કર્યો હતો. અહીં ઇન્કમટેક્સ ઇન્સ્પેક્ટર તરીકે ફરજ બજાવતા સુનિલકુમાર અરવિંદકુમાર મીના (ઉ.વ. 30) એ તેમની પાસે આવેલા આસામીને ડબલ પાનકાર્ડ ધરાવવા બદલ પેનલ્ટી તેમજ જેલની સજા થઈ શકે તેમ જણાવ્યું હતું. સામા પક્ષે ફરિયાદી આસામીએ પોતાને આવી કોઈ નોટિસ મળેલ નથી અને પોતે સામેથી બીજું પાનકાર્ડ રદ કરાવવા આવ્યા છે તેમ જણાવ્યું હતું.

તેમ છતાં પણ ઇન્કમટેક્સ ઇન્સ્પેક્ટર સુનિલકુમાર મીનાએ રૂૂ. 10,000 ની પેનલ્ટી થશે તે ભરવીન હોય તો અડધા રૂૂપિયા 5,000 વહીવટ પેટે આપી દેવા જણાવ્યું હતું. આથી ફરિયાદીએ આનાકાની કર્યા બાદ રૂૂ. 3,000માં લેતી-દેતી કરવાનું નક્કી થયું હતું. આ પછી ફરિયાદી આસામીએ એન્ટી કરપ્શન બ્યુરો કચેરીનો સંપર્ક કર્યો હતો. જેને અનુલક્ષીને રાજકોટ એ.સી.બી. વિભાગના મદદનીશ નિયામક કે.એચ. ગોહિલના માર્ગદર્શન હેઠળ જામનગર – દ્વારકા જિલ્લાના ઇન્ચાર્જ અધિકારી પી.આઈ. આર.એન. વિરાણી દ્વારા ગઈકાલે દ્વારકાની ઇન્કમટેક્સ કચેરી ખાતે લાંચનું છટકું ગોઠવીને ફરિયાદી અને આરોપી વચ્ચે લાંચ બાબતેની ચર્ચા પછી રૂૂ. 3,000 ની રોકડ રકમ સાથે ઇન્કમટેક્સ ઇન્સ્પેક્ટર સુનિલકુમાર મીનાને રૂૂ. 3,000 ની રોકડ રકમ સાથે ઝડપી લીધો હતો. આમ, રાજ્ય સેવક તરીકે પોતાના હોદ્દાનો દુરુપયોગ કરી, ગુનાહિત ગેરવર્તણુક કરવા સબબ એ.સી.બી. પોલીસે મંગળવારે ધોરણસર કાર્યવાહી કરી હતી.

Related Topics:crime dwarkanews gujarat gujarat news

Up Next

બગસરા સ્વામિનારાયણ મંદિરમાં ગુરુવારે સભામાં ઘર્ષણ થવાના એંધાણ

Don't Miss

જસદણના રાજાવડલામાં પરિણીતાનો ઝેરી દવા પી આપઘાતનો પ્રયાસ

Click to comment

ગુજરાત

રામેશ્વરનગરમાં પાણી ઢોળવાના પ્રશ્ને બે મહિલાઓ વચ્ચે બબાલ

Published

2 mins ago

November 7, 2024

Bhumika

એક મહિલાએ બીજી મહિલાનું માથું ફોડ્યું

જામનગરના રામેશ્વર નગર વિસ્તારમાં પાણી ઢોળવા બાબતે બે પાડોશી મહિલાઓ બાખડી પડી હતી, અને એક મહિલાએ પાડોશી મહિલાનું માંથી ફોડી નાખ્યા ની ફરિયાદ પોલીસમાં નોંધાવાઇ છે. જામનગરના રામેશ્વર નગર નજીક જલારામ પાર્ક શેરી નંબર -2 માં રહેતી સુરજબા સંજય સિંહ જાડેજા નામની મહિલાએ પોતાના ઉપર હુમલો કરી માથું ફોડી નાખી લોહીલુહાણ કરી નાખવા અંગે પાડોશમાં રહેતી પ્રફુલાબા ચાવડા નામની મહિલા સામે ફરિયાદ નોંધાવી છે. ફરિયાદી અને આરોપી મહિલાને પોતાનું આંગણું ધોઈ પાણી ઢોળવા બાબતે બોલાચાલી થઈ હતી.

જેમાં ઉશ્કેરાયેલી પાડોશી મહિલાએ પોતાના ઘરમાંથી હથોડી લઈ આવી સુરજબા ના માથામાં હુમલો કરી દેતાં માથામાંથી લોહીની ધાર થઈ હતી, અને જામનગરની જી.જી. હોસ્પિટલમાં ટાંકા લેવા પડ્યા હતા. સમગ્ર મામલે સીટી બી. ડિવિઝન ના પોલીસ હેડ કોન્સ્ટેબલ પી.કે. વાઘેલા વધુ તપાસ ચલાવે છે.

ક્રાઇમ

મયૂરનગરમાં બે યુવાનો પર જૂની અદાવતના કારણે હુમલો

Published

7 mins ago

November 7, 2024

Bhumika

3 શખ્સ સામે નોંધાયો ગુનો

જામનગરમાં મયુર નગર વિસ્તારમાં રહેતા એક યુવાને જુની અદાવત ના કારણે પોતાના ઉપર તેમજ પોતાના મિત્ર ઉપર છરી વડે હુમલો કરી ઇજા પહોંચાડવા અંગે સ્થાનિક ત્રણ શખ્સો સામે ફરિયાદ નોંધાવી છે.જામનગરમાં મયુર નગર વામ્બે આવાસ રોડ પર રહેતો સિરાજ ભીખુભાઈ સંઘાર નામનો 20 વર્ષનો સંધિ યુવાન કે જે ગઈકાલે પોતાના મિત્ર રૂૂસ્તમ સાથે બાઈકમાં જઈ રહ્યો હતો, જે દરમિયાન રસ્તામાં તેઓને ઈરફાન જુણેજા સહિતના ત્રણ શખ્સોએ રોક્યા હતા, અને જુની અદાવત નું મન દુ:ખ રાખીને છરી અને ધોકા વડે હુમલો કરી ઇજા પહોંચાડી હતી.જેથી ઇજાગ્રસ્ત બંને યુવાનોને જામનગરની જી.જી. હોસ્પિટલમાં સારવાર અપાઈ હતી. આ હુમલાના બનાવ અંગે સિરાજ ભીખુભાઈ સંધિ એ જામનગરના ઈરફાન ઇસુબ જુણેજા, યસ સુરેશભાઈ વરણ તેમજ અમન બોદુભાઈ મલેક સામે ફરિયાદ નોંધાવતાં પોલીસ દ્વારા ત્રણેય આરોપી સામે ગુનો નોંધી તેઓની શોધખોળ ચલાવવામાં આવી રહી છે.

ક્રાઇમ

ખાવડાના મોટા બાંધા ગામની સીમમાં સગીર સાથે બે શખ્સોનું સૃષ્ટિવિરુદ્ધનું કૃત્ય

Published

8 mins ago

November 7, 2024

Bhumika

પરિવારને જાણ કર્યા બાદ પોલીસમાં ફરિયાદ નોંધાવી

તાલુકાના ખાવડા વિસ્તારમાં આવેલા મોટા બાંધા ગામની સીમમાં બે શખ્સોએ સગીર સાથે સૃષ્ટિ વિરૂૂદ્ધનું કૃત્ય ગુજાર્યું હોવાની ઘટના સામે આવતા ચકચાર ફેલાઈ ગઈ હતી. બનાવ બાબતે ખાવડા પોલીસ સ્ટેશનેથી મળેલી વિગતો મુજબ આરોપીઓ મોટા દિનારામાં રહેતા અકરમ તાલબ સમા અને જાવેદ હસન સમાએ 11 વર્ષિય કિશોરને મોટા બાંધા ગામની સીમમાં બાઈકથી લઈ ગયા હતા. આ સગીરને માર મારી કપડા ઉતારી તેની સાથે વારા ફરતી સૃષ્ટી વિરૂૂદ્ધનું કૃત્ય કરવામાં આવ્યું હતું. આ વાત કોઈને કહે તો જાનથી મારી નાખવાની ધમકી આપી હતી. સમગ્ર બાબતે ભોગ બનનારે પરિવારને કહ્યા બાદ પરિવારે પોલીસ ફરિયાદ નોંધાવવા માટે હિંમત કરતા પોલીસે ગુનો દાખલ કરી આરોપીને ઝડપી લેવા માટે ચક્રો ગતિમાન કર્યા છે. મહત્વનું છે કે, અગાઉ પણ ખાવડા વિસ્તારમાં આ પ્રમાણેની ઘટના સામે આવી ચુકી છે.