મેયર, મ્યુનિ.કમિશનર સહિતના પદાધિકારીઓ સ્નેહમિલનમાં જોડાયા

રાજકોટ મહાનગરપાલિકા ખાતે તા.04/11/2024ના રોજ મેયર શ્રીમતી નયનાબેન પેઢડીયાના અધ્યક્ષ સ્થાને નુતન વર્ષ સ્નેહ મિલન યોજાયું હતું. આ પ્રસંગે ધારાસભ્ય ડો.દર્શિતા શાહ, ડે.મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીનભાઈ ઠાકર, મ્યુનિસિપલ કમિશનર દેવાંગ દેસાઈ, શાસક પક્ષ નેતાશ્રી લીલુબેન જાદવ, શાસક પક્ષ દંડક મનીષભાઈ રાડીયા, કોર્પોરેટર નરેન્દ્રસિંહ વાઘેલા, કંચનબેન સિધ્ધપુરા, કેતનભાઈ પટેલ, નાયબ મ્યુનિસિપલ કમિશનર સ્વપ્નિલ ખરે તેમજ રાજકોટ મહાનગરપાલિકાના અધિકારીઓ-કર્મચારીઓ ઉપસ્થિત રહ્યા હતા. આ અવસરે મેયર, સ્ટેન્ડિંગ કમિટી ચેરમેન અને મ્યુનિસિપલ કમિશનરએ તમામ પદાધિકારીઓ અને અધિકારીઓને નવા વર્ષની શુભકામના પાઠવી હતી.

રાજસ્થાનના મંડાર પાસે પૂરપાટ ઝડપે આવેલા ટ્રેલરે બાઈકને ઠોકરે લેતા અક્સ્માત સર્જાયો

લગ્નના સપ્તાહ પૂર્વે વરરાજાના મોતથી ઘરમાં લગ્નનો આનંદ આક્રંદમાં ફેરવાયો

રાજસ્થાનના સિરોહી જિલ્લાના કંડલા હાઈવે પર મંડાર નજીક રાજકોટના બે પિતરાઈ ભાઈઓના અક્સમાતમાં મોત થયા છે. રાજકોટના બે યુવકો રાજસ્થાનમાં મંડાર હાઇવે મોટરસાયકલ લઇને જતા હતા ત્યારે ટ્રેલરની અડફેટે આવતા બન્ને મિત્રોના મોત થયા હતા. રાજકોટથી લગ્નની કંકોત્રી આપવા રાજસ્થાન ગયેલા વરરાજા અને તેના મિત્રનુંં અકસ્માતમાં મોત થતા પરિવાર જનોમાં શોક વ્યાપી ગયો હતો.

બંને યુવકોના મૃતદેહને પોસ્ટમોર્ટમ માટે ખસેડાયા છે. પોલીસે અકસ્માત ગુનો નોંધી તપાસ આદરી છે.રાજસ્થાનના સિરોહી જિલ્લાના કંડલા હાઈવે પર મંડાર નજીક પેટ્રોલ પંપ પાસે સોમવારે રાત્રે થયેલા એક ભયાનક માર્ગ અકસ્માતમાં રાજકોટના બે યુવકોના મોત થયા હતા. પૂરપાર ઝડપે આવેલ ટ્રેલરે મોટરસાયકલ લઇને જતા બન્ને યુવકોને હડફેટે લેતા રાજકોટના પરેશ સહદેવ કોળી (ઉવ20) અને તેના મિત્ર ભાવેશ કરસન કોળી (ઉવ22)નું ઘટના સ્થળે જ મોત થયું હતું. બનાવ અંગે પોલીસે બન્ને મૃતકોના પરિવારજનોને જાણ કરી હતી. ઘટનાની જાણ થતાં રાજકોટથી મૃતકના પરિવારજનો રાજસ્થાન દોડી ગયા હતા.

પોલીસ તપાસમાં જાણવા મળતી વિગતો મુજબ મૃતક પરેશના સપ્તાહ પછી 15મી નવેમ્બરના રોજ લગ્ન હતા. મૃતકના પરિવારજનોએ જણાવ્યું કે પરેશના એક સપ્તાહ પછી પછી 15મી નવેમ્બરના રોજ થવાના હતા. લગ્નની કંકોત્રી આપવા તે રાજકોટથી રાજસ્થાનના સિરોહી જીલ્લાના મડાર ગામે ગયો હતો. સગા સંબંધીને લગ્નની કંકોત્રી આપી પરેશ અને ભાવેશ બન્ને રાજસ્થાનના સિરોહી જિલ્લાના કંડલા હાઈવે પર મંડાર પાસે હતા ત્યારે પરત ફરતી વખતે અકસ્માત થયો હતો. પરેશના લગ્નને લઈને ઘરમાં ખુશીનો માહોલ હતો, પરંતુ લગ્નના 10 દિવસ પહેલા જ તેના મૃત્યુના સમાચાર આવતા ઘરની ખુશીઓ માતમમાં ફેરવાઈ ગઈ હતી. આ ઘટનાની જાણ થતાં પરિવારના દરેક લોકો આઘાતમાં છે.

પુત્રની લાશ જોઈ માતા બેભાન થઈ ગઈ
રાજકોટ રહેતા પરેશ કોળીના 15 નવેમ્બર ના લગ્ન હોય તેના ઘરમાં લગ્નની તૈયારીઓ ચાલી રહી હતી. દરમિયાન, અચાનક અકસ્માતમાં પરેશનું મોત થયાનો એક ફોન આવતા વરરાજા બનનાર પુત્રના મૃત્યુના સમાચાર ખુશીના માહોલ શોકમાં ફેરવાઈ ગયો હતો. સપ્તાહ બાદ વરરાજા બનવા જઈ રહેલા પુત્રની લાશ જોઈને માતા આઘાતથી બેભાન થઈ ગઈ.

સૌથી વધારે ડિસેમ્બર, ફેબ્રુઆરી અને મે મહિનામાં મુહૂર્તો

કારતક સુદ અગિયારશને મંગળવાર તા. 12ના દિવસે દેવ દિવાળી છે. દેવદિવાળીના દિવસે દેવતા જાગે છે. એટલે લગ્નના શુભ મુહુર્તોની શરૂઆત થાય છે. આ વર્ષે લગ્નનું પહેલુ મુહુર્ત 16 નવેમ્બર ના દિવસે છે.
નવેમ્બર મહિનાના લગ્નના મુહુર્તો તા. 16, 17, 22, 23, 25, 27, ડિસેમ્બર મહિનાના લગ્નના મુહુર્તો 2, 3,4,5,6,7,11,12,14 તારીખ 15 થી તા. 14/1/25 સુધી ધનારક કમુહુર્તા રહેશે આથી એક મહિના સુધી લગ્નના મુહુર્તોને બ્રેક લાગશે.

જાન્યુઆરી મહિનાના લગ્નના મુહુર્તો તા. 16, 17, 19, 21, 22, 24, 26, 30, 2 ફેબ્રુઆરી અને રવિવાર વસંત પંચમી છે. પરંતુ આ વર્ષે પાંચમ તિથિ ક્ષય તિથિ હોતા વસંત પંચમીના દિવસે લગ્નનુ મુહુર્ત નથી.
ફેબ્રુઆરી મહિનાના લગ્નના મુહુર્તો તા. 3, 4, 7, 12, 13, 14, 15, 16, 17, 20, 21, 22, 23, 25, માર્ચ મહિના ના લગ્નના મુહુર્ત તા. 23 હોળાષ્ટકનો પ્રારંભ તા. 6//2025થી તા. 14/4/2025ના વહેલી રાત્રે પુરા થશે આથી 14 એપ્રીલના લગ્નનું મુહુર્ત છે.

એપ્રિલ મહિનાના લગ્નના મુહુર્તો તા. 14, 16, 18, 19, 21, 22, 25, 29, 30
મે મહિનાના લગ્નના મુહુર્તો તા.1,5,6,8,10, 13,14,15,16, 17,20, 23, 24 જૂન મહિનાના લગ્નના મુહુર્તો તા. 1, 2, 5, 6 તા. 12/6/25થી તા. 7/7/25 સુધી ગુરુગ્રહ ગ્રહનો અસ્ત છે. ગુરુગ્રહના અસ્તમાં લગગ્ન થઈ શકતા નથી. 6 જૂલાઈ 2025ના દિવસે દેવપોઢી એકાદશી છે. આમ દેવ પોઢી જાય એટલે લગ્નના મુહુર્તો હોતા નથી. 30 એપ્રીલના દિવસે અખાત્રીજનું વણજોયુ મુહુર્ત છે.