ફોટોગ્રાફી સહિતના અહેવાલ સાથે શુક્રવારે આયોગ સમક્ષ હાજર રહેવા કોર્પોરેશનને આદેશ

રાજકોટ શહેરના ગાંધીગ્રામ વિસ્તારમાં ગટરના તુટેલા ઢાંકણાના કારણે બાઈક અકસ્માતમાં અખબાર વિતરકનું મોત નિપજતા આ ઘટનામાં પોલીસે પણ ભીનુ સંકેલી લેતા રાજ્યમાનવ અધિકાર આયોગે સુઓમોટો લઈ કેસ ચલાવ્યો હતો. જેમાં મનપાની બેદરકારી સ્પષ્ટ થતાં આ મુદદ્દતે પગલા લેવા માટે ખાસ ટીમ બનાવી મ્યુનિસિપલ કમિશનરને આદેશ આપી આગામી તા. 8ને શુક્રવારે ફોટોગ્રાફી સહિતના અહેવાલ સાથે આયોગ સમક્ષ હાજર રહેવા આદેશ કરવામાં આવ્યો છે.

ગુજરાત રાજ્ય માનવ અધિકાર આયોગે રાજકોટમાં તૂટેલા ગટરના ઢાંકણા તેમજ સંબંધિત પ્રશ્નો મુદ્દે ખાસ ટીમ બનાવીને તે અંગે પગલાં લેવા માટે રાજકોટ મ્યુનિસિપલ કમિશનરને હુકમ કર્યો છે. આ સાથે 8મી નવેમ્બરે આયોગ સમક્ષની સુનાવણીમાં આ પગલાંની વિગતોના અહેવાલ સાથે સંબંધિત અધિકારીને હાજર રહેવા ફરમાવ્યું છે. ગુજરાત રાજ્ય માનવ અધિકાર આયોગે 18મી ઓક્ટોબર, 2024ના રોજ સુનાવણી હાથ ધરી હતી. આયોગના સમન્સ મુજબ રાજકોટ મ્યુનિસિપલ કોર્પોરેશનના પશ્ચિમ ઝોનના ચીફ એન્જિનિયર કે. કે. મહેતા સુનાવણીમાં હાજર રહ્યા હતા. આ તકે રાજકોટ મહાનગર પાલિકા પ્રશાસન તરફથી ગટરના તૂટેલા ઢાંકણા બાબતે રજૂ કરાયેલો બચાવ આયોગે માન્ય રાખ્યો ન હતો.

આયોગે હુકમમાં તેને કોર્પોરેશનના અધિકારીઓની બેદરકારી ગણાવી હતી. આ સાથે આયોગ દ્વારા આવા બનાવો ભવિષ્યમાંના બને, તે માટેના ખુલાસા તેમજ આ મામલે સીટની રચના કેમ ના કરવી તેની જરૂૂરી સ્પષ્ટતાઓ સાથેનો અહેવાલ રાજકોટ મ્યુનિસિપલ કોર્પોરેશનના કમિશનરને તા. 8 નવેમ્બર 2024 પહેલાં રજૂ કરવા સૂચના આપવામાં આવી હતી.આયોગે સુનાવણીમાં હાજર રહેલા આર.એમ.સી.ના શ્રી મહેતાને આ હુકમની જાણ સંબંધિતોને કરવા સૂચના આપી હતી.

આ સાથે ગટર તેમજ અન્ય સમસ્યાઓ માટે તેઓના વડપણ હેઠળની ટીમ બનાવીને આ બાબતે શા પગલાં લીધાં, તેની જાણકારી ફોટોગ્રાફ સહિતના અહેવાલ સાથે તા. 8મી નવેમ્બર 2024ના રોજ બપોરે 13 કલાકે આયોગ સમક્ષ રૂૂબરૂૂ અથવા વીડિયો કોન્ફરન્સથી હાજર રહેવા જણાવ્યું હતું. કાબુ બહારના વાજબી કારણો સિવાય તેમજ તે કારણોની વહેલામાં વહેલી તકે આયોગને જાણ કર્યા વગર નિયત સમયે હાજર રહેવામાં ચૂક બદલ સિવિલ પ્રોસિજર કોડ, 1908ના ઓર્ડર-16ના નિયમ10 અને 12 હેઠળ પગલાં લેવા પણ જણાવાયું હતું.

રાજકોટ ડિવિઝનને 36 લાખની આવક: એડવાન્સ બુકિંગથી રેકોર્ડબ્રેક આવક: તા.29થી4 સુધીમાં 6.44 લાખ મુસાફરોએ યાત્રા કરી

દિવાળીના તહેવારમાં મુસાયરોએ એસટીની સેવાનો સૌથી વધારે લાભ લીભો હતો. તહેવારના દિવસોમાં એક જ અઠવાડીયામાં એસટી નિગમને રૂા.14.55 કરોડની આવક થઇ હતી. જેમા સૌથી વધારે દિવાળી અને ભાઇબીજના દિવસે થઇ હતી. સપ્તાહમાં 6.44 લાખ ટિકિટનું વેંચાણ કરવામા આવ્યુ હતુ.

આ અંગે રાજકોટ ડિવિઝનના નિયામક કલોતરાએ કહ્યુ હતુ કે, િેદવાળી તહેવારને લઇને મુસાફરોની સુવિધા માટે રાજકોટ ડિવિઝન દ્વારા 100 બસોનું એકસ્ટ્રા સંચાલન કરી 454 જેટલી ટ્રીપ દોડાવવામાં આવી હતી.
જેમાં રાજકોટ ડિવિઝનને રૂા.36 લાખની આવક થઇ હતી. જયારે 21,000 થી વધુ મુસાફરોએ એસટીની સેવાનો લાભ લીધો હતો. આ સંચાલન ડિવિઝન દ્વારા તા.27થી 31 ઓકટોબર અને તા.4 નવેમ્બર સુધી કરવામા આવ્યુ હતુ.

વધુમાં જણાવ્યુ હતુ કે, રાજકોટ વિભાગ દ્વારા સૌથી વધારે અમદાવાદ, પંચમહાલ, દાહોદ, જામનગર, જૂનાગઢ રૂટ પર દોડાવવામાં આવી હતી. અને તે રૂટ ઉપર જ સૌથી વધારે મુસાફરો જોવા મળ્યા હતા. ઉપરાંત રાજકોટ ડેપોની વોલ્વો બસ આવકમાં બીજા સ્થાને રહી હતી. જેમાં રવિવારે ભાઇબીજના દિવસે રાજકોટ પ્રિમિયમ વોલ્વો ડેપો 60.03 ઇનકમ પર કિલોમીટર સાથે બીજા કમે રહ્યો હતો. વોલ્વોમાં ભાઇબીજના એક જ દિવસે 2569 મુસાફરોએ લાભ લેતા 8.83 લાખની આવક થઇ હતી.

એસટી નિગમમાં સાત દિવસમાં ઈ-બુકિંગ અને મોબાઇલ બુકિંગથી 6.44 લાખ ટિકિટનું વેચાણ થયું હતું. જેમાં ચોથી નવેમ્બરના સૌથી વધુ 1.27 લાખ ટિકિટના વેચાણ સાથે રૂૂપિયા 2.84 કરોડ રૂૂપિયાની આવક થઈ હતી. જે એક જ દિવસમાં થયેલી રેકોર્ડ આવક છે. આ ઉપરાંત ત્રીજી નવેમ્બરના ભાઈ બીજ હતી, ત્યારે નિગમે રૂૂપિયા 2.49 કરોડની આવક થઈ હતી.

દિવાળીના તહેવારો દરમિયાન તબક્કાવાર એસટીની આવકમાં વધારો થવા લાગ્યો હતો. જેમાં 29મી ઓક્ટોબરના 77,148, 30મી ઓક્ટોબરે 74, 989, 31મી ઓક્ટોબરે 73,497 ટિકિટ વેચાણનો સમાવેશ થાય છે. સૂત્રોના જણાવ્યાનુસાર, નિગમ દ્વારા મુસાફરોને 60 દિવસ અગાઉ એડવાન્સ બુકિંગ સુવિધા આપવામાં આવી રહી છે. અમદાવાદ ડિવિઝનની વાત કરવામાં આવે તો સાત દિવસમાં 44,262 ટિકિટના વેચાણથી રૂૂપિયા 96.43 લાખની આવક થઈ છે.

શહેરની ભક્તિનગર પોલીસે લલુડી વોકળી રામાપીર ચોક પાસે અને સહકાર મેઇન રોડ વિનાયક એવન્યુના ચોથા માળે જુગારના દરોડા પાડી 12 શખ્સોને ઝડપી કુલ 32 હજારનો મુદામાલ જપ્ત કર્યો છે.

મળતી વિગતો અનુસાર, લલુડી વોકળી પાસે ખુલ્લી જગ્યામાં જુગાર રમાતો હોવાની બાતમી મળતા ભક્તિનગર પોલીસનાં દિલીપભાઇ બોરીચા અને મનીષભાઇ ચાવડાએ દરોડો પાડી જુગાર રમતા જલીલ મુનીજ શેખ, શફીક સરીફ શેખ, રફીક બાબુ શેખ, ગુડુ યુસુફ શેખ, જાહીદ મોહમદ અજીજ સૈયદ અને રાજુ અલીરજા શેખને ઝડપી 10620નો મુદામાલ જપ્ત કર્યો હતો.

બીજા બનાવમાં સહકાર મેઇન રોડ શ્રીનગર સોસાયટી વિનાયક એપાર્ટમેન્ટમાં જુગાર રમતા સુરેશ વિઠલ મદાણી, પિયુષ જેન્તી મહેતા, જયેશ નટુ બગડાઇ, મહેશ વજુ દોશી, અલ્તાફ રહીમ પાધરસી અને સદરૂદીન કાસમ કારાણીને ઝડપી તેમની પાસેથી 22530નો મુદામાલ જપ્ત કર્યો હતો.