રવિવારનો દિવસ ટેલિવિઝન ચાહકો માટે ખૂબ જ દુ:ખદ રહ્યો. પ્રસિદ્ધ ટેલિવિઝન સ્ટાર વિકાસ સેઠીના નિધનને લઈને આવેલ સમાચારથી બધા જ શોકમાં આવી ગયા. વિકાસ ઊંઘી રહ્યા હતા, અને ઉંઘમાંજ તેમનું નિધન થઇ ગયું.

સૂત્રો મુજબ, વિકાસ છેલ્લા કેટલાક સમયથી આર્થિક તંગીને કારણે પરેશાન હતા. તેમને ઘણા સમયથી કોઈ કામ મળી રહ્યું નહોતું. તેઓ ઇન્ડસ્ટ્રીના ઘણા મિત્રો સાથે પણ સંપર્કમાં ન હતા. ટેલિવિઝન શોઝ ઉપરાંત વિકાસે કરણ જોહરની ફિલ્મ કભી ખુશી કભી ગમમાં પણ કામ કર્યુ હતું. ફિલ્મમાં તેમનું કામ ખૂબ પસંદ કરવામાં આવ્યું હતું.
વિકાસ સેઠી 90ના દાયકાના પ્રસિદ્ધ અભિનેતાઓમાંના એક રહ્યા છે. તેમણે કહીં તો હોગા, સસુરાલ સિમર કા, ગુસ્તાખ દિલ અને ઉતરન જેવા ઘણા પ્રખ્યાત શોઝમાં કામ કર્યું હતું. તેઓ જ્યારે પણ કોઈ શોમાં દેખાયા, તેમનાં કિલર લુક્સ અને શાનદાર અભિનયથી દિલ જીતી લીધું.

11 ઓકટોબરના રિલીઝ થનાર ફિલ્મની આલિયા પ્રોડયુસર પણ છે

નિર્દેશક વાસન બાલાની નવી ક્રાઇમ થ્રિલર ‘જિગરા’નું ટીઝર રિલીઝ થઇ ગયું છે. આમાં એન્ગ્રી યંગ વુમન બનેલી આલિયા ભટ્ટ નજરે પડી રહી છે. આ ટીઝર જોઇને ફેન્સ ખુશ થઇ ગયા છે. ટીઝરની શરૂઆત એક ભાવુક સીનથી થાય છે જ્યાં આલિયાનું બેકગ્રાઉન્ડ બતાવવામાં આવ્યું છે કે કેવી રીતે એ માતાપિતા વગર મોટી થઇ. એ એનાં સંઘર્ષ વિશે વાત કરે છે. આલિયા આ જાણીને દુખી થઇ જાય છે કે એનો એકમાત્ર પરિવાર, એનો ભાઇ વેદાંગ રૈના જેલમાં બંધ છે. જેમ-જેમ ટીઝર આગળ આવે છે એમ આલિયા ભાઇને છોડાવવા માટે શું કરે છે તેની વાત છે.

ટીઝરમાં ફેમસ સોન્ગ ફૂલોં કા તારોં કા પણ સાંભળવામાં મળી રહ્યું છે. આમાં આલિયા વેદાંગ રૈનાને છોડાવવા માટેની કોશિશ કરી રહી છે. ટીઝરમાં અને હાઇ ઓક્ટેન એક્શન સીકવેન્સનું દ્રશ્ય છે જેમાં આલિયા ખૂબ સોલિડ લાગી રહી છે. એક સીનમાં આલિયા અમિતાભ બચ્ચનનો ઉલ્લેખ કરતા કહે છે કે આગામી એન્ગ્રી યંગ વુમન છે. ટીઝર સામે આવતાની સાથે લોકોનાં જાતજાતનાં રિએક્શન સામે આવી રહ્યાં છે. કેટલાંક ફેન્સ વસન બાલા અને આલિયા ભટ્ટને એક કિલર જોડી કહે છે. એક ફેન્સે કોમેન્ટ કરી છે કે આલિયા ભટ્ટનો ખતરનાક રૂપ છે. આ સાથે બીજા એક ફેન્સે લખ્યું છે કે, આલિયા માત્ર અભિનય નથી કરતી, એની ભૂમિકામાં જીવી પણ રહી છે.
11 ઓક્ટોબરનાં રોજ આ ફિલ્મ રિલીઝ થશે. આ ફિલ્મમાં આલિયા ભટ્ટની સાથે ધ આર્ચીજ ફેમ વેદાંગ રૈના લીડ રોલમાં છે. ભાઇ-બહેનની આ કહાનીને આલિયા ભટ્ટ કરણ જોહરની સાથે મળીને પ્રોડ્યુસ કરી રહી છે. આલિયાનાં પ્રોડક્શન હાઉસમાં બનેલી આ પહેલી ફિલ્મ છે.

સાપના ઝેર સપ્લાયથી નેટવર્થ સુધીની ચર્ચા

બિગ બોસ OTT 2 વિજેતા એલ્વિશ યાદવ દરરોજ કોઈને કોઈ કારણોસર સમાચારમાં રહે છે. એલ્વિશ યાદવનો વિવાદો સાથે ઊંડો સંબંધ છે. આ વર્ષે તેની સામે એફઆઈઆર નોંધવામાં આવી હતી. એલ્વિશ યાદવને રેવ પાર્ટીઓમાં સાપનું ઝેર સપ્લાય કરવા બદલ જેલ પણ જવું પડ્યું હતું. આ પછી જ EDએ મની લોન્ડરિંગનો કેસ પણ નોંધ્યો હતો. દરમિયાન ઊઉએ એલ્વિશ યાદવને પૂછપરછ માટે બોલાવ્યો હતો.

આઈએએનએસના અહેવાલ મુજબ એલ્વિશ યાદવની લગભગ 8 કલાક સુધી પૂછપરછ કરવામાં આવી હતી. આ દરમિયાન તેમને રેવ પાર્ટી, સાપના ઝેરની સપ્લાય અને અન્ય બાબતો વિશે પ્રશ્નો પૂછવામાં આવ્યા હતા. આ સિવાય એલ્વિશને પાર્ટી અને તેના આયોજક વિશે પૂછવામાં આવ્યું જેમાં કથિત રીતે સાપનું ઝેર સપ્લાય કરવામાં આવ્યું હતું. આ દરમિયાન તેમની નેટવર્થ, પ્રોપર્ટી અને લક્ઝરી વાહનોની પણ ચર્ચા થઈ હતી. મીડિયા રિપોર્ટ્સ અનુસાર, ઊઉ અધિકારીઓએ તસવીરો, વીડિયો અને ચેટ સેશનની સમીક્ષા કરવા માટે એલ્વિશનો ફોન જપ્ત કર્યો હતો.