અમદાવાદના સેન્ટ્રલ જીએસટીના સુપ્રીટેન્ડેન્ટ, ઈન્સ્પેક્ટર અને એક વચેટિયાને એસીબીએ રૂા. 1.25 લાખની લાંચ લેતા રંગેહાથ ઝડપીલીધા હતાં. સોની વેપારીની પેઢીમાં ઓડીટ બાદ રૂા. 35 લાખ દંડની નોટીસ કાઢવામાં આવી હતી. જે પેટે રૂા. 27000નું ચલણ દંડ પેટે ભરાવ્યા બાદ બાકીની રકમમાં સેટલમેન્ટ કરવા માટે રૂા. 1.25 લાખની લાંચ માંગી હતી. અમદાવાદના સી.જી. રોડ ઉપર ઈસ્કોન આર્કેડ પાસે રૂા. 1.25 લાખની લાંચ લેતા વચેટિયાને ઝડપીલીધા બાદ સેન્ટ્રલ જીએસટીના ઓડીટ વિભાગના સુપ્રીન્ટેન્ડન્ટ અને ઈન્સ્પેક્ટરની પણ ધરપકડ કરવામાં આવી હતી.

રૂા. 1.25 લાખની લાંચ લેતા ઝડપાયેલા અધિકારીઓમાં સેન્ટ્રલ જીએસટીના સુપ્રીટેન્ડન્ટ મોહમદ રિઝવાન શેખ, ઈન્સ્પેક્ટર કુલદિપ મુલચંદ કુશવાહ અને વચેટિયો ભૌમિક ભરત સોની ઝડપાઈ જતાં સોંપો પડી ગયો હતો. અંબીકા ટચના શોરૂૂમમાં, ગોલ્ડ સુક, ઇસ્કોન આર્કેડ પાસે, સી.જી.રોડ પર લાંચ લેવામાં આવી અને એસીબીએ અહીં જ ટ્રેપ કરી હતી.

ફરીયાદી તથા તેમના ભાઇ સોના ચાંદીની પેઢી ચલાવે છે. જે પેઢીના જુલાઇ-2017 થી માર્ચ-2023 નાં નાંણાકીય વર્ષના હિસાબનું ઓડીટ હાથ ધરવા બાબતે આરોપી શેખે નોટીસ આપેલી, જે અન્વયે આરોપી કુલદીપે ફરીયાદીની પેઢી ખાતે સ્થળ વિઝીટ કરેલી અને ઓડીટને લગતા જરૂૂરી કાગળો સાથે તેઓની કચેરીએ બોલાવેલા, જે કાગળો સાથે ફરીયાદી બંને અધિકારીઓને મળ્યાં હતા.

બંને બાબુઓએ હિસાબોમાં ક્ષતિ કાઢીને દંડ પેટે રૂૂપિયા 35 લાખ ભરવા પાત્ર થાય છે તેમ જણાવીને દમ માર્યો હતો. બાદમાં 27000 રૂૂપિયાનું ચલણ બનાવીને 1 લાખ 25 હજારની લાંચ માંગવામાં આવી હતી. ફરિયાદી લાંચ આપવા માંગતા ન હોવાથી તેમન એસીબીનો સંપર્ક કર્યો હતો, જેમાં ખાનગી વ્યક્તિ લાંચ લેતા એસીબીની ટીમના હાથે ઝડપાઇ ગયો છે.

પુત્રને આરોપી સાથે જવાની ના પાડતા ડખો: ફરિયાદ કરશો તો રહેવું ભારે પડશે કહી ધમકી આપી: રાયોટિંગનો ગુનો નોંધાયો

શહેરના રૂખડીયાપરા વિસ્તારમાં પુત્રના મિત્ર સહિત 7 શખ્સોએ આંતક મચાવી મકાન ઉપર કાચની બોટલના ઘા કરતા યુવતીને ઇજા પહોંચી હતી. પુત્રને આરોપી સાથે જવાની ના પાડ્યાનો ખાર રાખી તેના મિત્રો સહિતના શખ્સોએ મોડી રાત્રે ઘરે આવી ધમાલ મચાવી હતી અને પોલીસ ફરિયાદ કરશો તો રહેવું ભારે પડશે તેમ કહીં જાનથી મારી નાખવાની ધમકી આપી હતી. આ અંગે પોલીસે યુવતીની ફરિયાદ પરથી આરોપીઓ વિરુદ્ધ રાયોટીંગ સહિતની ક્લમો હેઠળ ગુનો નોંધી વધુ તપાસ હાથ ધરી છે.

જાણવા મળતી વિગત મુજબ રૂખડીયાપરામાં રહેતી આરજુ સલીમભાઇ જસરાયા (ઉ.વ.19) નામની યુવતીએ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે સમીર ઉર્ફે ધમો બસીરભાઇ શેખ, અસ્લમ ઉર્ફે સર્કીટ બસીરભાઇ શેખ, ઝહીર મહમદ ઉર્ફે રાજુ સંઘવાની, ઇસુભા ઉર્ફે ઇશોભા રીઝવાન દલ અને ત્રણ અજાણ્યા શખ્સો હોવાનું જણાવ્યું છે. ફરિયાદમાં જણાવ્યા મુજબ, ગઇકાલે સાંજે પાંચ વાગે તેઓ ઘર પાસે હતા ત્યારે આરોપી સમીર ઉર્ફે ધમો તેનું બાઇક લઇને આવેલો અને યુવતીનો નાનો ભાઇ સમીર અને ધમો બન્ને ઉભા હોય દરમિયાન તેનો ભાઇ સમીર ધમા સાથે બાઇક ઉપર બહાર જતો હતો ત્યારે તેના માતા ફરિદાબેને પુત્રને ધમા સાથે જવાની ના પડતા આરોપી ધમાએ ગાળો આપી ત્યાંથી જતો રહ્યો હતો.

બાદમાં ગત મોડી રાત્રે એક વાગ્યાના અરસામાં સમીર ઉર્ફે ધમો અન્ય આરોપીઓ સાથે તેના ઘર પાસે શેરીમાં ધસી આવ્યો હતો અને ગાળો બોલતો હતો. સમીરના હાથમાં છરી હતી તેણે પોલીસ ફરિયાદ કરશો તો રૂખડીયાપરામાં રહેવું ભારે પડશે તેમ કહીં જાનથી મારી નાખવાની ધમકી આપી હતી. દરમિયાન ફરિયાદી યુવતી અને તેના માતા ઘર બહાર નીકળતા આરોપીઓ કાચની બોટલોના છુટા ઘા કરતા હોય ફરીયાદી યુવતીને કપાળના ભાગે બોટલ વાગતા ઇજા થઇ હતી. જેથી તેને 108 મારફત સારવાર માટે સિવિલ હોસ્પિટલમાં ખસેડવામાં આવી હતી. આ અંગે પ્ર.નગર પોલીસે ઇજાગ્રસ્ત યુવતીની ફરિયાદ પરથી આરોપીઓ સામે રાયોટીંગ સહિતની ક્લમો હેઠળ ગુનો નોંધી વધુ તપાસ હાથ ધરી છે.

બામણબોર પાસે તેમજ કોઠારિયા સોલવન્ટ પાસે પીસીબીની ટીમે બે અલગ અલગ દરોડામાં દેશી અને વિદેશી દારૂનો જથ્થો ઝડપી પાડ્યો હતો. જેમાં 58 હજારના વિદેશી દારૂ સાથે બે શખ્સોને ઝડપી લીધા હતાં. જ્યારે દેશી દારૂ સાથે મહિલાની ધરપકડ કરવામાં આવી હતી.

મળતી વિગતો મુજબ પોલીસ કમિશનર બ્રજેશ કુમાર ઝાના સિધા માર્ગદર્શન હેઠળ કામ કરતી પીસીબીની ટીમે બાતમીના આધારે રાજકોટ અમદાવાદ હાઈવે પર બામણબોર ચેકપોસ્ટ પાસે શંકાસ્પદ રીતે નિકળેલી જીજે 3 ડબલ્યુ 631 નંબરની રિક્ષાને અટકાવી હતી. તલાશી લેતા તેમાંથી બે લીટરની અલગ અલગ વિદેશી દારૂની 32 બોટલ મળી આવી હતી. રૂા. 58,400નો દારૂ અને 40 હજારની રિક્ષા સહિત 98 હજારનો મુદ્દામાલ કબ્જે કરી ચૂનારાવાડમાં રહેતા જેનીસ રાયધન ચૌહાણ અને રામનાથ પરા મેઈન રોડ ઉપર બાપાસીતારામ મંદિર પાસે રહેતા રાહુલ દેવજી ચાવડાની ધરપકડ કરી હતી.

અન્ય દરોડામાં કોઠારિયા સોલવન્ટ પાસે પીસીબીની ટીમે હાઉસીંગ બોર્ડ ક્વાર્ટર નંબર 1031માં રહેતી સલમાબેન હનિફભાઈ જુનેજાની ત્યાં દરોડો પાડી રૂા. 15 હજારની કિંમતનો 75 લીટર દેશી દારૂ કબ્જે કર્યો હતો. પીસીબીના ઈન્ચાર્જ પીઆઈ એમઆર ગોંડલિયા સાથે પીએસઆઈ એમ.જે. હુણ અને તેમની ટીમે કામગીરી કરી હતી.