60થી વધુ પોલીસ અધિકારીઓને પ્રમોશન આપવા તૈયારી

દિવાળી બાદ નવા વર્ષની શરુઆત થઈ ગઈ છે અને આ નવા વર્ષમાં પોલીસ વિભાગમા કેટલાક ફેરફાર જોવા મળી શકે છે. આ નવું વર્ષ કેટલાક પોલીસ અધિકારીઓ માટે ખુશીના સમાચાર લાવી શકે છે. આ અંગે વિગતે વાત કરીએ તો, પોલીસ વિભાગના અધિકારીઓને પ્રમોશન મળી શકે છે.

જાણવા મળતી વિગતો અનુસાર આ માટે મુખ્યમંત્રી ભુપેન્દ્ર પટેલની અધ્યક્ષતામાં ગૃહ વિભાગની બેઠક મળી હતી. જેમાં પોલીસ વિભાગના અધિકારીઓને પ્રમોશન આપવા મુદ્દે ચર્ચા કરવામાં આવી હતી. આ બેઠકમાં ગૃહ રાજ્યમંત્રી હર્ષ સંઘવી, ઉૠઙ વિકાસ સહાય સહિતના અધિકારીઓ હાજર રહ્યા હતા.

રાજ્યમાં નવા 36 જેટલા જઉઙઘ કાર્યરત કરવા સંદર્ભે ચર્ચા કરવામાં આવી હતી. ચર્ચામાં મુજબ 36 જઉઙઘમા નવા મુતા મુકવામાં આવશે. આ ઉપરાંત પીઆઇ કક્ષાના અધિકારીને પ્રમોશન આપવાની મંજૂરી મામલે ચર્ચા કરવામાં આવી હોવાની માહિતી સામે આવી છે. આગમી દિવસોમાં ગૃહવિભાગ દ્રારા 60થી વધુ પોલીસ અધિકારીને પ્રમોશન આપવામાં આવશે.

તો બીજી તરફ હાલમાં તહેવારોની સિઝનમાં અકસ્માતના કિસ્સામાં નોંધપાત્ર વધારો થયો છે. તો બીજી તરફ રાજ્યના એક જિલ્લામાં અકસ્માતમાં નોંધપાત્ર ઘટાડો જોવા મળ્યો છે. જેની નોંધ ગૃહ વિભાગે પણ લીધી છે. દાહોદ જિલ્લા પોલીસે માર્ગ અકસ્માતના બનાવો સંદર્ભે ગંભીરતાપૂર્વક મલ્ટી ડાયમેન્શનલ એનાલિસીસ કરી માર્ગ અકસ્માતમાં ઘટાડો કરવા માટે સંવેદનશીલ કામગીરી કરી છે. જેને પરિણામે દાહોદ જીલ્લામાં ગત વર્ષની સરખામણીમાં આ વર્ષે 85 વાહન અકસ્માતોમાં ઘટાડો થયો છે, એટલુ જ નહિ, 69 માનવ જીવન બચાવવામાં સફળતા મળી છે.

ટ્રાફિક અવેરનેસ, ડ્રંક એન્ડ ડ્રાઇવ, હેલ્મેટ-સીટ બેલ્ટ સહિતની ખાસ ડ્રાઇવ ઉપરાંત ડ્રોન કેમેરાના ઉપયોગથી અસરકારક ટ્રાફિક મેનેજમેન્ટની પ્રશંસનીય કામગીરી માટે દાહોદ જિલ્લા પોલીસ વડા રાજદિપસિંહ ઝાલા અને તેમની સમગ્ર ટીમને ગૃહ રાજ્ય મંત્રી હર્ષ સંઘવીએ અભિનંદન પાઠવ્યા હતાં.
લોકોમાં ટ્રાફિક આવેરનેસ લાવવાની સાથોસાથ રોડ એન્જીનીયરિંગ અને પોલીસ એન્ફોર્સમેન્ટ કામગીરી પર વિશેષ ભાર મુકવામાં આવ્યો. જેમાં અગાઉના 10 વર્ષમાં સર્જાયેલા માર્ગ અકસ્માતોનું મેપિંગ કરીને સુધારા યોગ્ય રોડ એન્જિનિયરિંગના ટુંકા ગાળાના અને લાંબા ગાળાના સુધારાઓ સૂચવવામાં આવ્યા હતા.

ગુજરાતની હિસ્ટ્રી બદલી નાખનાર ઘટના આધારિત બહુચર્ચિત ફિલ્મ 15મીએ થશે રિલીઝ

વિક્રાંત મેસી અને રિદ્ધિ ડોગરા પત્રકારોની ભૂમિકામાં, વૈચારિક તફાવતની લડાઇનું ફિલ્માંકન

ગુજરાતમાં વર્ષ 2002માં સર્જાયેલ કલંકિત ગોધરાકાંડને લઇને બનેલી વિક્રાંત મેસીની ફિલ્મ ‘ધ સાબરમતી રિપોર્ટ’ આગામી તા.15 નવેમ્બરના રોજ સિનેમાગૃહમાં રિલિઝ થાય તે પહેલા આ ફિલ્મનું ટ્રેલર રિલિઝ થઇ ગયુ છે.
લોકો લાંબા સમયથી આ ચર્ચાસ્પદ ફિલ્મની રાહ જોઇ રહ્યા છે. ત્યારે ફિલ્મના ટ્રેલર અંગે પણ લોકો અલગ-અલગ પ્રતિક્રિયા આપી રહ્યા છે.

ગુજરાતની સામાજિક હિસ્ટ્રીને બદલી નાખનાર ગોધરાકાંડ અને ત્યારબાદ ફાટી નિકળેલા રમખાણો દશાવેલી ‘ધ સાબરમતી રિપોર્ટ’ ફિલ્મની અત્યારથી જ ભારે ચર્ચા છે. ત્યારે ફિલ્મ રિલિઝ થયા બાદ કેવા પ્રત્યાધાત પડે છે તે જોવાનું રહ્યું

12મું ફેલ ફિલ્મથી ફેમસ થયેલા એક્ટર વિક્રાંત મેસી તેમાં લીડ રોલમાં જોવા મળશે. આ ઘટનાના ઘણા પાસાઓ છે. પરંતુ આ ઘટના તેના કવરેજના આધારે બતાવવામાં આવી છે. આ ફિલ્મનો પાયો પત્રકારના દૃષ્ટિકોણ અને તે ઘટના દરમિયાન પત્રકારોના અભિગમ પર નાખવામાં આવ્યો છે. 2 મિનિટ 52 સેક્ધડના આ ટ્રેલરમાં ઘણા સંવેદનશીલ દ્રશ્યો જોવા મળે છે. વિક્રાંત મેસી, રિદ્ધિ ડોગરા અને રાશિ ખન્ના જેવા કલાકારો તેમાં પત્રકારની ભૂમિકામાં જોવા મળે છે. ફિલ્મના ટ્રેલર પરથી સ્પષ્ટ થાય છે કે તેને કેવી રીતે બનાવવાનો પ્રયાસ કરવામાં આવ્યો છે.

મીડિયાના દૃષ્ટિકોણથી ફિલ્મ જોવા અને બતાવવાનો પ્રયાસ કરવામાં આવ્યો છે. તાજેતરમાં ફિલ્મના ટ્રેલર લોન્ચ દરમિયાન ફિલ્મના નિર્માતા એકતા કપૂરે કહ્યું હતું કે આ ફિલ્મ બનાવતી વખતે કોઈ કોન્સપિરેસી થિયરી લેવામાં આવી નથી પરંતુ તે સંપૂર્ણ રીતે સંશોધન અને તથ્યોના આધારે બનાવવામાં આવી છે.

વિક્રાંત મેસીની ફિલ્મ ધ સાબરમતી રિપોર્ટ વિશે વાત કરીએ તો તે 15 નવેમ્બર 2024ના રોજ સિનેમાઘરોમાં રિલીઝ થવા માટે તૈયાર છે. ફિલ્મમાં વિક્રાંત મેસી ઉપરાંત રાશિ ખન્ના અને રિદ્ધિ ડોગરા જોવા મળશે.
આ ફિલ્મ 2002માં થયેલી ગોધરા કાંડના સત્ય પર આધારિત છે. હવે એ કડવું સત્ય દર્શાવતી ફિલ્મનું દમદાર ટ્રેલર રિલીઝ કરવામાં આવ્યું છે.

27 ફેબ્રુઆરી 2002 ની સવારે સાબરમતી એક્સપ્રેસમાં જે બન્યું હતું તે સત્યને ઉજાગર ધ સાબરમતી રિપોર્ટમાં કરવમાં આવ્યુ છે.વિક્રાંત મેસી, રાશિ ખન્ના અને રિદ્ધિ ડોગરા પત્રકારોની ભૂમિકામાં શાનદાર એક્ટિંગ કરી રહ્યાં છે.

ટ્રેલર પરથી સ્પષ્ટ થાય છે કે આ ફિલ્મ એક ઊંડી છાપ છોડશે, જે આ હૃદયદ્રાવક ઘટનાની સત્યતાને ઉજાગર કરશે અને દર્શકોને વાકેફ કરશે.

આ ટ્રેલરમાં, હિન્દી ભાષી અને અંગ્રેજી પત્રકારો વચ્ચેના વૈચારિક તફાવતને સામે લાવવામાં આવ્યો છે, જેઓ વેસ્ટર્ન પ્રભાવથી પ્રેરિત હોવા છતાં, રાજકારણ અને દુ:ખદ ઘટનાઓના કવરેજને પ્રભાવિત કરે છે.

એક બાળક ગંભીર

રાજ્યના મહેસાણાના વિજાપુર તાલુકાના કોલવડા ગામે 33 લોકોને ફૂડ પોઈઝનિંગની અસર થઈ હતી. કોલવડા ગામમાં ટોપરાપાક ખાવાથી 33 લોકોને ઝાડા ઉલ્ટી થયા હતા. કોલવડા ગામમાં હાઈસ્કૂલમાં ઉજવણી પ્રસંગે જમણવાર રાખવામાં આવ્યો હતો, જેમાં ટોપરાપાક બનાવવામાં આવ્યો હતો. આ ટોપરાપાકને દેવીપુજક સમાજના લોકોને પણ વહેંચવામાં આવ્યો હતો.

ટોપરાપાક ખાધા પછી 33 લોકોને ફૂડ પોઈઝનીંગની અસર થઈ હતી. 33માંથી 16 લોકોની તબિયત વધુ લથડતા સ્થાનિક સામુહિક આરોગ્ય કેન્દ્રમાં સારવાર આપવામાં આવી હતી. 4 વર્ષના બાળકની વધુ તબિયત બગડતા તેને વડનગર સિવિલ ખાતે સારવાર માટે રિફર કરવામાં આવ્યો હતો. ઘટનાની જાણ થતાં ફુડ વિભાગ એક્શનમાં આવ્યું હતું અને ટોપરાપાકનું સેમ્પલ લઇને પરીક્ષણમાં મોકલવામાં આવ્યું હતું.