નિફ્ટીમાં 300થી વધુ પોઇન્ટનો ઉછાળો

અમેરિકાના ચૂંટણી પરિણામમાં ડોનાલ્ડ ટ્રમ્પની લીડને ધ્યાનમાં લેતાં ભારતીય શેરબજારમાં આકર્ષક ઉછાળો જોવા મળ્યો છે. સેન્સેક્સ અને નિફ્ટી છેલ્લા કેટલાક દિવસની વોલેટિલિટીના અંતે આજે સુધારા તરફી ટ્રેડ થઈ રહ્યા છે. રોકાણકારોની મૂડીમાં પણ ચાર લાખ કરોડ રૂૂપિયાનો વધારો થયો છે. રૂપિયો ડોલર સામે 15 પૈસા તૂટીને 84.25ના નવા તળીયે પહોંચ્યો હતો.

સેન્સેક્સ 200 પોઈન્ટથી વધુના ઉછાળા સાથે ખૂલ્યા બાદ બપોરે 2:30 કલાકે 1100 પોઈન્ટ ઉછળી 80,559ના સ્તરે પહોંચ્યો હતો. જે 11.04 વાગ્યે 469.98 પોઈન્ટના ઉછાળે 79945.41 પર ટ્રેડ થઈ રહ્યો હતો.
સેન્સેક્સ પેકની 30 સ્ક્રિપ્સ પૈકી 13 શેર્સ ઘટાડા તરફી અને 17 શેર્સ સુધારા તરફી ટ્રેડ થઈ રહ્યા છે. નિફ્ટી 50 324 પોઈન્ટ ઉછાળે 24,537ના સ્તરે ટ્રેડ થઈ રહ્યો હતો. નિફ્ટી50 ખાતે 30 શેર્સ ગ્રીન ઝોનમાં અને 20 શેર્સ રેડ ઝોનમાં ટ્રેડ થઈ રહ્યા છે. ઇજઊ ખાતે ટ્રેડેડ 3839 સ્ક્રિપ્સ પૈકી 2693 શેર્સમાં સુધારે અને 998 શેર્સ ઘટાડે ટ્રેડ થઈ રહ્યા છે. 185 શેર્સ વર્ષની નવી ટોચે, જ્યારે 309 શેર્સમાં અપર સર્કિટ વાગી છે. આ સિવાય 137 શેર્સમાં લોઅર સર્કિટ અને 11 શેર્સમાં વાર્ષિક તળિયું જોવા મળ્યું છે.

ડોનાલ્ડ ટ્રમ્પની જીતના સંકેત સાથે આઈટી અને ટેક્નોલોજી શેર્સમાં આકર્ષક તેજી જોવા મળી છે. આઈટી ઈન્ડેક્સ 3.30 ટકા ઉછાળે જ્યારે ટેક્નોલોજી ઈન્ડેક્સ 2.61 ટકા ઉછાળે ટ્રેડ થઈ રહ્યો છે. ટેક્નોલોજી શેર્સમાં ઈન્ડસ ટાવર સિવાય તમામ 24 સ્ટોક્સમાં 5 ટકા સુધીનો ઉછાળો જોવા મળ્યો છે. મેટલ ઈન્ડેક્સ 0.22 ટકા ઘટાડે ટ્રેડ થઈ રહ્યો છે. આ સિવાયના તમામ સેક્ટોરલ ઈન્ડેક્સ સુધારા તરફી ટ્રેડ થઈ રહ્યા છે. એનર્જી, પીએસયુ, રિયાલ્ટી, ક્ધઝ્યુમર ડ્યુરેબલ્સ ઈન્ડેક્સ 1 ટકાથી વધુ ઉછળ્યા છે.

વડા પ્રધાન નરેન્દ્ર મોદીએ અમેરિકી રાષ્ટ્રપતિની ચૂંટણી જીતવા બદલ ડોનાલ્ડ ટ્રમ્પને અભિનંદન પાઠવ્યા છે. ઈન્સ્ટાગ્રામ પર ડોનાલ્ડ ટ્રમ્પ સાથેનો ફોટો શેર કરતા પીએમ મોદીએ લખ્યું, ઐતિહાસિક ચૂંટણી જીત પર મારા મિત્રને હાર્દિક અભિનંદન. ચાલો આપણે આપણા લોકોની સુખાકારી માટે અને વૈશ્વિક શાંતિ, સ્થિરતા અને સમૃદ્ધિને પ્રોત્સાહન આપવા માટે સાથે મળીને કામ કરીએ.

પીએમ મોદીએ લખ્યું, ઐતિહાસિક ચૂંટણી જીત પર મારા મિત્રને હાર્દિક અભિનંદન જેમ જેમ તમે તમારા પાછલા કાર્યકાળની સફળતાઓ પર બિલ્ડ કરો છો હું ભારત-યુએસ વ્યાપક વૈશ્વિક અને વ્યૂહાત્મક ભાગીદારીને વધુ મજબૂત કરવા માટે અમારા સહકારને નવીકરણ કરવા આતુર છું. ચાલો આપણે આપણા લોકોની સુખાકારી માટે અને વૈશ્વિક શાંતિ, સ્થિરતા અને સમૃદ્ધિને પ્રોત્સાહન આપવા માટે સાથે મળીને કામ કરીએ.

યુએસ પ્રમુખપદની ચૂંટણીમાં, ટ્રમ્પ પ્રારંભિક મત ગણતરીમાં ડેમોક્રેટિક પાર્ટીના ઉમેદવાર કમલા હેરિસ કરતાં આગળ છે. રિપબ્લિકન ઉમેદવાર ટ્રમ્પે 277 ચૂંટણી બેઠકો જીતી છે જ્યારે હેરિસે 226 ચૂંટણી બેઠકો જીતી છે.બહુમતીનો આંકડો 270 છે.

ચૂંટણી પરિણામોમાં સ્વિંગ સ્ટેટ્સ મહત્વપૂર્ણ છે
વ્હાઇટ હાઉસની રેસ કોણ જીતે છે તે આ સાત સ્વિંગ રાજ્યોના પરિણામો પર આધાર રાખે છે, જેમાં એરિઝોના, જ્યોર્જિયા, મિશિગન, નેવાડા, નોર્થ કેરોલિના, પેન્સિલવેનિયા અને વિસ્કોન્સિનનો સમાવેશ થાય છે. કમલા હેરિસ ડિસ્ટ્રિક્ટ ઓફ કોલંબિયા, વર્જિનિયા, કોલોરાડો અને મિનેસોટાથી ચૂંટણી જીત્યા છે જ્યારે ડોનાલ્ડ ટ્રમ્પ નોર્થ કેરોલિના, આયોવા, મોન્ટાના, મિઝોરી અને ઉટાહથી જીત્યા છે.

કમલા હેરિસે મૈનેમાં 1લી કોંગ્રેસનલ ડિસ્ટ્રિક્ટ જીતી અને એક ઇલેક્ટોરલ કૉલેજ મત મેળવ્યો. તેણે કેલિફોર્નિયા, ઓરેગોન અને વોશિંગ્ટનમાં પણ જીત મેળવી છે. ડેમોક્રેટ સુહાસ સુબ્રમણ્યમે ઉત્તરીય વર્જિનિયાનું પ્રતિનિધિત્વ કરતી યુએસ હાઉસની સીટ માટે ચૂંટણી જીતી છે.

અમેરિકામાં 50 રાજ્યો છે અને તેમાંથી મોટાભાગના રાજ્યો સ્વિંગ સ્ટેટ્સ સિવાય દરેક ચૂંટણીમાં એક જ પાર્ટીને વોટ આપતા આવ્યા છે. એવું કહેવાય છે કે આ સ્વિંગ રાજ્યોમાં મતદારોનો ઝોક બદલાતો રહે છે જે ચૂંટણીની દૃષ્ટિએ મહત્વપૂર્ણ માનવામાં આવે છે.ઈલેક્ટોરલ કોલેજ વોટ રાજ્યોને વસ્તીના આધારે આપવામાં આવે છે. કુલ 538 ઈલેક્ટોરલ કોલેજ મતો માટે મતદાન થાય છે. જે ઉમેદવારને 270 કે તેથી વધુ ઈલેક્ટોરલ કોલેજ વોટ મળે છે તેને ચૂંટણીનો વિજેતા જાહેર કરવામાં આવે છે.

ન્યૂઝીલેન્ડ સામે કારમી હાર બાદ બીસીસીઆઈની ચેતવણી

ન્યૂઝીલેન્ડ સામે ટીમ ઈન્ડિયાની હાર બાદ હવે સિનિયર ખેલાડીઓની સાથે સાથે ટીમના મુખ્ય કોચ ગૌતમ ગંભીર પર પણ તલવાર લટકી રહી છે. આ અંગે બીસીસીઆઈએ બોર્ડર ગાવસ્કર ટ્રોફીના પ્રથમ મુખ્ય કોચ સહિત વરિષ્ઠ ખેલાડીઓને અલ્ટીમેટમ જાહેર કર્યું છે. બોર્ડર ગાવસ્કર ટ્રોફી પહેલા જ બીસીસીઆઈએ ગંભીરને ચેતવણી આપી દીધી છે.

શ્રીલંકા અને ન્યુઝીલેન્ડ સામેની હાર બાદ તેના કોચિંગની સમીક્ષા કરવામાં આવશે. એટલું જ નહીં બોર્ડર ગાવસ્કર ટ્રોફી પહેલા ગંભીર પર ઘણું દબાણ છે. જો બોર્ડર ગાવસ્કર ટ્રોફીમાં ટીમ ઈન્ડિયાને કારમી હારનો સામનો કરવો પડે છે તો બીસીસીઆઈ તેમના ભવિષ્ય અંગે નિર્ણય લઈ શકે છે.

ટીમ ઈન્ડિયાને 27 વર્ષ બાદ શ્રીલંકા સામેની વનડે સીરીઝમાં હારનો સામનો કરવો પડ્યો હતો. શ્રીલંકાએ ત્રણ મેચની વનડે શ્રેણીમાં ભારતને 2-0થી હરાવ્યું હતું, જ્યારે પ્રથમ મેચ ટાઈ રહી હતી. જ્યાં ન્યુઝીલેન્ડ સામે ટીમ ઈન્ડિયાની હાલત ખરાબ હતી ત્યાં ન્યુઝીલેન્ડે ટીમ ઈન્ડિયાને ત્રણ મેચની ટેસ્ટ શ્રેણીમાં 3-0થી હરાવ્યું હતું. ન્યૂઝીલેન્ડ ટીમ ઈન્ડિયાના ટેસ્ટ ઈતિહાસમાં ત્રણ મેચની શ્રેણીમાં ક્લીન સ્વીપ કરનાર પ્રથમ ટીમ બની ગઈ છે.
રાહુલ દ્રવિડનો કાર્યકાળ પૂરો થયા બાદ ગંભીરને આ વર્ષે કોચ બનાવવામાં આવ્યો હતો.

રાહુલ દ્રવિડનો કાર્યકાળ ટી20 વર્લ્ડ કપ 2024 સુધીનો હતો. ત્યાર બાદ જ ગૌતમ ગંભીરને ટીમ ઈન્ડિયાનો મુખ્ય કોચ બનાવવામાં આવ્યો હતો. ગંભીરની કોચિંગ કારકિર્દીની શરૂૂઆત શ્રીલંકા સામેની ટી20 શ્રેણીથી થઈ હતી, જેને ટીમ ઈન્ડિયાએ 3-0થી ક્લીન સ્વિપ કરી હતી.

જો કે ત્યાર બાદ તેઓ બાંગ્લાદેશ સામે માત્ર ટી-20 અને ટેસ્ટ શ્રેણી જીતવામાં સફળ રહ્યા છે. જ્યારે ન્યુઝીલેન્ડના હાથે હારનો સામનો કરવો પડ્યો હતો. ગંભીરનો કોચિંગ કાર્યકાળ હમણાં જ શરૂૂ થયો છે અને તેના પર દબાણ શરૂૂ થઈ ગયું છે.