ગુજરાત
સર્ટિફાઈડ સહી પ્રોજેક્ટ અધિકારીએ જ કરવી પડે, છતાં તપાસ થશે: મ્યુનિ.કમિશનર
નિવૃત્ત અધિકારી અલ્પના મિત્રાના ઘરેથી જપ્ત થયેલ ફાઈલ પ્રકરણમાં 10 દિવસમાં તપાસનો રિપોર્ટ આપવા વિજિલન્સને આદેશ
37 ફાઈલ, 52 રજિસ્ટર, 6 મેનેજમેન્ટ બુકમાં અલ્પના મિત્રાની સહી નથી, પ્રાથમિક તપાસનો રિપોર્ટ
મહાનગરપાલિકામાં તાજેતરમાં રાજીનામું આપેલ ચીફ સીટી ઈજનેર અલ્પના મિત્રાના ઘરેથી ગઈકાલે વીજીલન્સના દરોડામાં 95 ફાઈલ રજીસ્ટર તેમજ અમુક સાહિત્ય કબ્જે કરવામાં આવ્યું હતું. અને અલ્પના મિત્રાના ઘરે આ ફાઈલો કેવી રીતે આવી અથવા કોને મગાવી તેમજ કોણ મુકી ગયું તે સમગ્ર મુદ્દે ભારે સસ્પેન્સ સર્જાયુ છે. ત્યારે મ્યુનિસિપલ કમિશનરે આ મુદ્દે જણાવેલ કે, કોઈપણ અધિકારી નિવૃત થાય અથવા રાજીનામું આપે ત્યારે તેમના કાર્યકાળ દરમિયાન જે પ્રોજેક્ટ હાથ ધરાયા હોય તે પ્રોજેક્ટમાં સર્ટીફાઈડ સહી તેઓએ જ કરવાની હોય છે. આથી આ તમામ ફાઈલ સહી કરવા માટે તેમના ઘરે પહોંચાડવામાં આવી હતી. છતાં રાજીનામું મંજુર થયા બાદ તેઓ હોદ્દા ઉપર મન્ય રહેતા નથી. આથી આ ફાઈલો શા માટે તેઓએ મગાવી અથવા અધિકારીઓ શા માટે ફાઈલો લઈને તેમના ઘરે ગયા તે સહિતના મુદ્દે તપાસ કરી 10 દિવસમાં રિપોર્ટ આપવાની સુચના વિજિલન્સ વિભાગને આપવામાં આવી છે.
પૂર્વ ચીફ સીટી એન્જિનિયર અલ્પના મિત્રાના ઘરે ગઈકાલે મનપાના વીજીલન્સ વિભાગે દરોડો પાડી ફાઈલોના પોટલા કબ્જે કર્યા હતાં. અને આ ફાઈલો વોટરવર્કસ વિભાગ અને પ્રોજેક્ટ વિભાગની હોવાનું બહાર આવ્યું છે. આ ફાઈલો નવ કર્મચારીઓ દ્વારા અલ્પનામિત્રાના ઘરે લઈ જવામાં આવી હોવાનું બહાર આવ્યું છે. ત્યારે ઉપરોક્ત કર્મચારીઓએ પ્રાથમિક પુછપરછમાં જણાવ્યું હતું કે, સર્ટિફાઈટ સહિ માટે અલ્પના મિત્રાના કહેવાથી અમે લોકો ફાઈલ લઈને તેમના ઘરે ગયા હતાં. જેની સામે અલ્પના મિત્રાએ જણાવ્યું છે કે, ચારેક દિવસથી ડેપ્યુટી એન્જિનિયરના ફોન આવતા હતાં અને સર્ટિફાઈડ સહિ કરી આપવાનું કહેતા હતાં. છતાં મેં જણાવેલ કે, હું નિવૃત થઈ ગઈ છું તેથી આ કામ ન કરી શકું તમે કરન્ટ સીટી ઈજનેરનું માર્ગદર્શન લઈ શકો છો. તેમ કહેવા છતાં આ લોકો મારા ઘરે ફાઈલ લઈને પહોંચી ગયા હતાં. ત્યારે હું ઘરે હાજર ન હતી. એથી તેઓ ફાઈલ મુકીને નિકળી ગયા હતાં. આમા કોઈ જાતનું ખોટુ થયું નથી.ં છતાં તપાસના અંતે સાચી વિગતો બહાર આવી જશે.
સીટી ઈજનેરના ઘરેથી ફાઈલોના પોટલા મળવાના પ્રકરણમાં મ્યુનિસિપલ કમિશનર ડી.પી. દેસાઈએ જણાવેલ કે, રાત્રીના ફાઈલોનું રોજકામ કર્યા બાદ 37 ફાઈલ, 52 રજીસ્ટર અને 6 મેનેજમેન્ટ બુકનો અભ્યાસ કરવામાં આવેલ જેમાં એક પણ ડોક્યુમેન્ટ ઉપર અલ્પનામિત્રાએ સહી કરેલ નથી. આ તમામ ફાઈલ વોટરવર્કસ અને ડ્રેનેજ વિભાગની તેમજ કોન્ટ્રાક્ટને લગતા ખર્ચની મંજુરી માટેની છે. અને જુલાઈ માસ દરમિયાન જે પ્રોજેક્ટ અલ્પના મિત્રા હસ્તક કરવામાં આવેલ હોય તેમાં ટેક્નિકલ સિસ્ટમ વેરીફીકેશનની 10 ટકા કામગીરી મુખ્ય અધિકારીએ કરવાની હોય છે. અને તેમના દ્વારા સર્ટીફાઈ કરવામાં આવે છે. ત્યાર બાદ કામના બીલ મંજુર થતાં હોય છે. આથી પ્રાથમિક દ્રષ્ટિએ કોઈ જાતનું ખોટુ થયું નથી તેમ જાણવા મળેલ છે. છતાં અલ્પના મિત્રા પદ ઉપર ન હોવાથી તેમના ઘરે ફાઈલો સાથે અધિકારીને બોલાવવામાં આવ્યા જે નિયમ વિરુદ્ધ છે છતાં વીજીલન્સની તપાસના અંતે આગળના પગલા લેવામાં આવશે.
પોટલા લઈ જનાર 9 અધિકારીનું નિવેદન લેવાશે
મહાનગરપાલિકાની 95 ફાઈલ ચીફ સીટી ઈજનેર અલ્પના મિત્રાના ઘરેથી ગઈકાલે ઝડપવામાં આવી છે. આ ફાઈલો અલગ અલગ નવ અધિકારીઓ દ્વારા લઈ જવામાં આવી હોવાનું બહાર આવ્યું છે. પ્રાથમિક તપાસમાં ટેક્નિકલ સિસ્ટમના વેરિફીકેશન માટે સર્ટીફાઈ કરવા માટે આ ફાઈલો અધિકારી અલ્પના મિત્રાના કહેવાથી તેમના ઘરે લઈ ગયા હતાં. તેમ તેમને જણાવ્યું છે. છતાં અલ્પના મિત્રાએ આ બાબતે સ્પષ્ટ કરેલ કે, મે કોઈને ઘરે બોલાવ્યા નથી આથી બન્નેમાંથી કોણ સાચું છે તે જાણવા માટે 9 અધિકારીઓનું ક્રોસ વેરીફીકેશન કરી તેમના નિવેદનો રેકર્ડ કરવામાં આવશે.
સીસીટીવી ફૂટેજ મગાવતા મ્યુનિસિપલ કમિશનર
મનપાના ચીફ સીટી ઈજનેરના ઘરેથી ગઈકાલે 95 ફાઈલો જપ્ત કરવામાં આવી છે અને આ બનાવની તપાસ વીજીલન્સ દ્વારા શરૂ કરવામાં આવી છે. ત્યારે અલ્પના મિત્રાના ઘરે આ ફાઈલો કઈ રીતે પહોંચી તેમજ કોના દ્વારા પહોંચાડવામાં આવી જેમાં હાલ 9 અધિકારીઓના નામ બહાર આવ્યા છે. છતાં અલ્પના મિત્રાના ઘરે ફીટ કરવામાં આવેલા સીસીટીવી કેમેરાના ગઈકાલના આ બનાવના તમામ ફૂટેજ મ્યુનિસિપલ કમિશનર દ્વારા મગાવવામાં આવ્યા છે. કમિશનરના જણાવ્યા મુજબ તમામ અધિકારીઓ તેમજ સીસીટીવી ફૂટેજમાં દેખાતા તમામ લોકોના નિવેદનો લેવામાં આવશે. જરૂર પડ્યે 100 કોઝ નોટીસ પણ અપાશે. અને તથ્ય સુધી પહોંચી 10 દિવસમાં પ્રાથમિક તપાસ પુરી કરી રિપોર્ટ જાહેર કરવામાં આવશે.
છેલ્લી સહી કોણે કરી ? તપાસ કરાશે
સીટી ઈજનેર અલ્પના મિત્રાના ઘરેથી ફાઈલો પકડાવવાના પ્રકરણમાં મ્યુનિસિપલ કમિશનરે તપાસના આદેશ આપ્યા છે. જેમાં ખાસ કરીને તેમની પાસે કરેલા કામોની સુચી હોવા છતાં શા માટે નિવૃત્તિ પહેલા સહી કરવાની રહી ગઈ તેની તપાસ કરવામાં આવશે. તેમજ નિયમ મુજબ જે તે સમયે હવાલો હોય તે અધિકારીએ જ સહી કરવી પડે આથી તે સમયની જવાબદારી અલ્પના મિત્રાની બનતી હોય છે. છતા શા માટે સહી રહી ગઈ તે પણ ચેક કરાશે અને આ તમામ ફાઈલોમાં છેલ્લી સહી કોની છે તે સહિતની તપાસ હાથ ધરાશે.
આવાસ કૌભાંડનું ચાર્જશીટ તૈયાર
નિવૃત્ત ચીફ સીટી ઈજનેર અલ્પના મિત્રાના ઘરેથી ગઈકાલે 95થી વધુ ફાઈલો વીજીલન્સ દ્વારા પકડવામાં આવી છે. જેની તપાસ વીજીલન્સ બ્રાંચ કરી રહ્ુયં છે. પરંતુ અલ્પના મિત્રા દ્વારા અગાઉ આવાસ યોજના કૌભાંડમાં પણ નામ ઉછળ્યું હુતં. જેની તપાસમાં તેઓ દોષીત જાહેર થયા હતાં. આથી તેમના વિરુદ્ધ શિક્ષાત્મક કાર્યવાહી માટે ચાર્જશીટ તૈયાર કરવામાં આવી છે. અને અલ્પના મિત્રાએ રાજીનામું આપ્યું ત્યારે પણ ચાર્જશીટ ભોગવવાની શરતે રાજીનામું મંજુર કરવામાં આવ્યું છે. તેમજ ચાર્જશીટ થઈ જતાં તેમને મળવા પાત્ર તમામ લાભ રોકવામાં આવ્યા છે. આથી હવે બન્ને પક્ષનો જવાબ ખાતાકીય અધિકારી દ્વારા લેવામાં આવશે. જેનો અભ્યાસ કર્યા બાદ કોર્ટમાં કેસ દાખલ કરાશે તેમ મ્યુનિસિપલ કમિશનરે જણાવ્યું હતું.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
રાષ્ટ્રીય2 days ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય2 days ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ2 days ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
રાષ્ટ્રીય9 hours ago
ઓફિસના વર્કલોડે લીધો CAનો જીવ! માતાનો ભાવુક પત્ર વાંચીને કેન્દ્ર સરકારે લીધો મોટો નિર્ણય
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
કચ્છ1 day ago
કચ્છના ફેમસ જોકીનો મુંબઇમાં આપઘાત