દિવાળીના તહેવારોમાં પત્ની સાથે રાજકોટ આંટો મારવા આવેલા યુવાનને યુવતી જોઇ જતા ભાંડો ફૂટયો, ધરપકડ

શહેરના રેલનગર વિસ્તારમાં રહેતી યુવતી સાથે લગ્નની લાલચે પ્રેમ સંબંધ બાંધી ગૌતમ સોલંકી નામના શખ્સે અનેકવાર દુષ્કર્મ ગુજારી બાદ અમદાવાદ સ્થાયી થઈ ગયો હતો અને ત્યાં ત્યકતા સાથે લગ્ન કરી લીધાં હતાં.બાદમાં રાજકોટ પત્ની આંટો મારવા આવેલા યુવાનને અન્ય મહિલા સાથે યુવતી જોઈ જતાં ભાંડો ફૂટ્યો હતો અને યુવતી પોલીસ મથકે ફરીયાદ નોંધાવવા પહોંચી હતી.મળતી વિગતો મુજબ,રેલનગરમાં આવેલ એક ટાઉનશીપમાં રહેતી 24 વર્ષીય યુવતીએ નોંધાવેલ ફરીયાદમાં આરોપી તરીકે ગૌતમ ઘનશ્યામભાઈ સોલંકી (ઉ.વ.28, રહે. રેલનગર, હાલ અમદાવાદ) નું નામ આપતાં પ્ર. નગર પોલીસે દુષ્કર્મ સહિતની કલમ હેઠળ ગુનો દાખલ કરી તેની ધરપકડ કરી હતી.

પોલીસ સૂત્રોના જણાવ્યા મુજબ, યુવતીને રેલનગર વિસ્તારમાં રહેતા આરોપી ગૌતમ સાથે આંખો મળી જતા પ્રેમ થયો હતો. બંને છેલ્લા સાત વર્ષથી પ્રેમમાં હોય જેથી બંને ફોનમાં નિયમિત વાત કરતાં હતાં. આરોપી ગૌતમ યુવતીને લગ્નની લાલચ આપી તેને શહેરની અલગ-અલગ હોટલમાં અવારનવાર હવસનો શિકાર બનાવતો હતો.એક વર્ષ પહેલા આરોપી કામ ધંધા અર્થે અમદાવાદ જતો રહ્યો હતો. જયાં તેણે એક સંતાનની માતા સાથે લગ્ન કરી લીધા હતા. દરમિયાન દિવાળીના તહેવાર પર આરોપી તેની પત્નીને લઈને રાજકોટ આવ્યો હતો. ત્યારે યુવતીને તે બાબતની જાણ થતાં યુવતી આરોપીના ઘરે પહોંચતા આરોપીએ લગ્ન કરી લીધા હોવાની જાણ થઈ હતી. જે બાદ બંને વચ્ચે ઝપાઝપી પણ થઈ હતી. બાદમાં યુવતીએ ફરિયાદ નોંધાવતા પ્ર.નગર પોલીસના પીઆઈ ઝણકાટ અને રાઇટર મન્સુરશાએ આરોપી ગૌતમ સામે ગુનો દાખલ કરી તેની ધરપકડ કરી કાર્યવાહી હાથ ધરી હતી.

રાજકોટના રેલવે સ્ટેશન પર આવેલ રેલવેની પાર્સલ ઓફિસમાં ખુલ્લી તલવાર સાથે આતંક મચાવનાર રેલવે કર્મચારીને મજુરે ઢીબી નાખ્યો હતો. ઈજાગ્રસ્ત રેલવે કર્મીને સારવાર માટે હોસ્પિટલેખસેડવામાં આવ્યો હતો. જૂના મનદુખના કારણે અન્ય વ્યક્તિ ઉપર હુમલો કરવા આવેલો રેલવે કર્મચારી પાર્સલ ઓફિસના મજુર સાથે ભીડાઈ ગયો હતો અને હુમલાખોરને જ હોસ્પિટલમાં સારવાર લેવી પડી હતી.

મળતી વિગતો મુજબ શહેરના રુખડિયાપરામાં રહેતા અને રેલવેની પાર્સલ ઓફિસમાં મજુરી કામ કરતા ઈબ્રાહીમ હુસેન પારા ઉ.વ.58 નામના રેલવેના મજુર પાર્સલ ઓફિસે હતો ત્યારે જામનગરનો રેલવો કર્મચારી અને હાલ રજા ઉપર રહેલા હિતેશ મુલિયાણા તલવાર સાથે પાર્સલ ઓફિસમાં ધસી આવ્યો હતો. ખુલ્લી તલવાર સાથે ધસી આવેલા હિતેશ મુલિયાણાએ પાર્સલ ઓફિસના મજુર ઈબ્રાહીમને અજગર ક્યાં છે તેમ કહી ગાળો આપતા ઈબ્રાહીમને હિતેશને ગાળો નહીં આપવા સમજાવ્યો હતો. જે બાબતે બન્ને વચ્ચે માથાકુટ થતાં તલવાર લઈને આવેલા હિતેશ મુલિયાણાને ઈબ્રાહીમ હુશેન પારાએ ઢીબી નાખ્યો હતો. અને તેને સારવાર અર્થે સિવિલ હોસ્પિટલમાં ખસેડવામાં આવ્યો છે.

રેલવે પોલીસને બનાવની જાણ થતાં સિવિલ હોસ્પિટલેદોડી આવી હતી અને આ મામલે જરૂરી કાર્યવાહી કરી હતી. ઈબ્રાહીમ હુસેન પારા છેલ્લા 40 વર્ષથી રેલવેના પાર્સલ વિભાગમાં મજુરી કામ કરે છે. જ્યારે હિતેશ જામનગરમાં રેલવે વિભાગમાં ફરજ બજાવે છે. અગાઉ તેને અજગર નામના શખ્સ સાથે માથાકુટ થઈ હોય જેથી તે તેના પર હુમલો કરવા આવ્યો હોય અને પાર્સલ ઓફિસના મજુર સાથે ભીડાઈ જતાં હોસ્પિટલના બિછાને પહોંચી ગયો હતો.

જુનાગઢમાં પવિત્ર પાવનકારી લીલી પરિક્રમાનો પ્રારંભ થઇ ચુકયો છે. ત્યારે આ પરિક્રમામાં દારૂ કે અન્ય વ્યસન કરવુ એ પ્રતિબંધીત હોવા છતા રાજકોટનો અને ચોરવાડનો બુટલેગર યાત્રીકોના રૂપમાં લીલી પરિક્રમામાં દારૂની બોટલો લઇ પહોંચ્યા હતા અને ત્યા દારૂ વેચતા નજરે પડતા જુનાગઢ પોલીસે બંનેને 38 દારૂની બોટલ સાથે પકડી લીધા હતા. સામાન્ય રીતે લીલી પરિક્રમા જીવ અને શિવના મિલન માટેનુ ગણવામાં આવે છે જયા આધિ, વ્યાધિ અને ઉપાધિ છોડી દુનીયાથી અલિપ્ત થઇ ભજન, ભોજન અને ભકિતના ત્રિવેણી સંગમ માટેની આ લીલી પરિક્રમાને લોકો ગણે છે.

ત્યારે આજના જમાનામાં પુણ્યનુ ભાથુ બાંધવાના બદલે આ પરિક્રમામાં અસામાજીક તત્વોનો પ્રવેશ થઇ ચુકયો હોવાનુ પ્રકાશમાં આવ્યુ છે. જુનાગઢ પોલીસ વ્યસનને લગતુ તમામ વસ્તુઓ મુકીને જ આગળ વધવા તમામ ભકતો અને યાત્રિકોને સુચનાઓ આપી હોવા છતા રાજકોટમાં રહેતા જગદીશ ઉર્ફે મનીશ ધંધાણીયા અને ચોરવાડના રમેશ પંડીત બંને શખ્સો જીણાબાવાની મઢી નજીક દારૂનુ વેચાણ કરતા હોવાનુ સામે આવતા બંનેની બેગમાં તપાસ કરતા 38 દારૂની બોટલ મળી આવી હતી. બંનેની ધરપકડ કરી પોલીસે પ્રોહીબીશન એકટ હેઠળ ગુનો નોંધ્યો છે. તેમજ આ બનાવની તપાસ પીએસઆઇ એચ. પી. ગઢવી ચલાવી રહયા હોવાનુ જાણવા મળી રહયુ છે.