જૂની પેંશન યોજનાને લઈ સરકારે મહત્વ પૂર્ણ નિર્ણય લીધો છે. જૂની પેંશન યોજનાને લઈ નાણાં વિભાગ દ્વારા સત્તાવાર ઠરાવ જાહેર કરવામાં આવ્યો છે. જે મુજબ 1-4-2005 પહેલા પસંદગી પામેલા અને ફિક્સ પેમાં રહેલા કર્મચારીઓ માટે જૂની પેંશન યોજના જાહેર કરવામાં આવી છે.

1-4-2005 પહેલા પસંદગી પામેલા અને ફિક્સ પેમાં રહેલા કર્મચારીઓ માટે જૂની પેંશન યોજના લાગુ રહેશે તેવો નાણાં વિભાગે સત્તાવાર ઠરાવ જાહેર કર્યો

રાજ્ય સરકારમાં વિવિધ સંવર્ગના જે અધિકારી-કર્મચારીઓ નવી પેન્શન યોજનાના અમલની તારીખ એટલે કે, તા. 01/04/2005 પહેલા ફિક્સ પગારમાં નિમણૂંક કરવામાં આવેલ હોય અને તેમની નિયમિત નિમણૂંક તા. 01/04/2005 પછી થઇ હોય અથવા તા.01/04/2005 પહેલા ભરતી પ્રક્રિયા પૂર્ણ થઇ ગયેલ હોય પરંતુ વહીવટી કારણોસર તેમની નિમણૂંક તા. 01/04/2005 પછીની હોય તેવા તમામને મળીને અંદાજીત 60,245 જેટલા અધિકારી-કર્મચારીઓને જૂની પેન્શન યોજના સ્વીકારવા માટે વન ટાઇમ વિકલ્પ આપવાની રજૂઆત વિવિધ કર્મચારી મંડળો દ્વારા કરવામાં આવી છે. જેનો સરકારે સકારાત્મક નિર્ણય લીધો છે

અમદાવાદની અસારવા સિવિલ હોસ્પિટલના પરિસરમાં આવેલી કિડની હોસ્પિટલમાં છેલ્લા 9 વર્ષ દરમિયાન 2634 કિડની, 469 લિવર ટ્રાન્સપ્લાન્ટ થયા છે. આ પૈકી કિડની ટ્રાન્સપ્લાન્ટ કરાવનારા 134, લિવર ટ્રાન્સપ્લાન્ટ કરાવનારા 173 હોસ્પિટલમાં જ મૃત્યુ પામ્યાની વિગતો સામે આવી છે. ટ્રાન્સપ્લાન્ટ કરાવ્યા બાદ મૃત્યુ આંક કેવી રીતે હજુ ઘટાડવો તેના માટે સમિતિની પણ રચના કરવાની વિચારણા ચાલી રહી છે.વર્ષ 2015થી વર્ષ 2023 દરમિયાન જે વ્યક્તિએ લિવર ટ્રાન્સપ્લાન્ટ કરાવ્યું હોય તેમના એકંદર મૃત્યુની ટકાવારી કિડની ટ્રાન્સપ્લાન્ટની મૃત્યુની ટકાવારી કરતાં ઘણી વધારે હતી. લિવર ટ્રાન્સપ્લાન્ટ અને કિડની ટ્રાન્સપ્લાન્ટ કરાવનારા વ્યક્તિઓમાં અનુક્રમે 28 ટકા અને બે ટકા લોકો ટ્રાન્સપ્લાન્ટ બાદ 3 મહિનામાં મૃત્યુ પામ્યા હતા.

સૂત્રોના જણાવ્યાનુસાર, ટ્રાન્સપ્લાન્ટ પછી ફોલો-અપ માટે ન આવેલા દર્દીઓની સ્થિતિ જાણવા માટે આઈકેડીઆરસીમાં કોઈ જ સિસ્ટમ ઉપલબ્ધ નથી. ટૂંકા ગાળામાં જ મૃત્યનું મુખ્ય કારણ ટ્રાન્સપ્લાન્ટ બાદ અંગોના અસ્વીકારને કારણે થયું હતું. ટૂંકા ગાળામાં અંગ ટ્રાન્સપ્લાન્ટ પછી દર્દીના મૃત્યુનું કારણ જાણવા એક સમિતિની રચના કરવા પણ વિચારણા ચાલી રહી છે. કિડની ટ્રાન્સપ્લાન્ટ અને લિવર ટ્રાન્સપ્લાન્ટ બાદ દર્દીઓએ ડોક્ટરો દ્વારા આપવામાં આવતી પરેજી પાળવી ખૂબ જ જરૂૂરી છે. ઘણાં દર્દીઓ ટ્રાન્સપ્લાન્ટ બાદ ડાયેટનું પાલન કરતા નથી અને તેના લીધે તેમનું સ્વાસ્થ્ય કથળવાનું જોખમ વધી જાય છે.

શહેરના નાનામવા રોડ પર દેવનગરમાં રહેતો પરિવાર દિવાળીની રજાઓમાં રાજસ્થાન ફરવા જતા પાછળથી તેમના બંધ મકાનને નિશાન બનાવી અહીંથી રોકડ રકમ અને સોના ચાંદીના-દાગીના સહિત 1.13 લાખની મત્તા ચોરી કરી લીધી હતી.

મળતી વિગતો મુજબ,નાનામવા મેઈન રોડ પર વાત્સલ્ય હોસ્પિટલ પાસે દેવનગર શેરી નંબર છ માં રહેતા રાહુલ રમેશભાઈ દાફડા(ઉ.વ 26) નામના યુવાને માલવિયાનગર પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, ગત તા.4/11 ના બપોરના સમયે તે તથા તેમના પિતા તેમના માતા અને પત્ની સહિતનાઓ મીની બસમાં રાજસ્થાન ફરવા માટે ગયા હતા.દરમિયાન 7/11 ના તેઓ જેસલમેર હતા.ત્યારે સવારે પાડોશી અને સંબંધી અનિલભાઈ વાઘેલાનો ફોન આવ્યો હતો અને કહ્યું હતું કે, તારા ઘરમાં તાળા તૂટેલા છે અને ચોરી થઈ હોય તેવું લાગે છે. જેથી આ બાબતે યુવાને તેના ભાઈ લલિત દાફડા તથા મામા આદિત્ય પરમારને ફોન કરી જાણ કરી હતી. જેથી બંને પોલીસ સ્ટેશન ગયા હતા અને યુવાન તથા તેનો પરિવાર રાજકોટ આવવા માટે નીકળી ગયો હતો.

ગઈકાલે રાત્રિના અઢી વાગ્યે તેઓ ઘરે પરત આવ્યા બાદ અહીં આવી જોતા ઘરનો દરવાજો ખુલ્લો હોય હોલમાં પડેલ ફરિયાદીના માતાની પતરાની તિજોરી તથા રૂૂમમાં રહેલી તિજોરી તૂટેલી હાલતમાં હતી જેથી તપાસ કરતા માલુમ પડ્યું હતું કે, ફરીયાદીના પત્ની કોમલબેનએ તિજોરીમાં રાખેલ સોનાની વીંટી, ચાંદીનો કંદોરો તથા ગલ્લામાં રાખેલ રૂૂપિયા 40 હજાર રોકડ તેમજ તેમના માતાએ તિજોરીમાં તપાસ કરતા સોનાના જુના પાટલા તથા વીંટી અને ચાંદીની જૂની ઝાંઝરી જોવા મળી ન હતી. આમ કુલ રૂૂપિયા 1.13 લાખની મત્તાની ચોરી થઈ હોવાનું માલુમ પડ્યું હતું.

ત્યારબાદ પાડોશીના ઘરમાં લગાવેલા સીસીટીવી કેમેરા ચેક કરતા એક શખ્સ મોઢે રૂૂમાલ બાંધી અહીં ઘર પાસે પસાર થતો હોવાનું દેખાયું હતું અને તે રાજનગર ચોક તરફ ગયાનું માલુમ પડ્યું હતું. જેથી આ મામલે યુવાને ફરિયાદ નોંધાવતા માલવીયાનગર પોલીસે ગુનો નોંધી તપાસ શરૂૂ કરી છે.