રાજકોટના ગિનીસ બુક રેકોર્ડ હોલ્ડર કલાકાર નિકુંજ વાગડીયા દ્વારા અનેક મહિનાઓની અથાગ મહેનત, કળા વિષયક સાધના, પવિત્ર ઉપવાસ અને તપસ્યા બાદ; તેઓએ વિકસાવેલ ટેકનીક થકી, પેપર કટિંગ ટેકનિકથી લાલબાગચા રાજા ગણેશજીની એક અનોખી, વિશિષ્ટ 3ઉ કલાત્મકૃતિ તૈયાર કરી છે. આ કલાત્મકૃતિનું નિર્માણ કલાકાર દ્વારા પોતાના સ્વહસ્તે કરવામાં આવ્યું છે. કલાત્મકૃતિમાં લાલબાગચા રાજાના પ્રસાદી કુમકુમ સાથે શુદ્ધ સોનું તેમજ બહુમૂલ્ય રત્નો પન્ના, મોતી અને માણિકનો ઉપયોગ કરવામાં આવ્યો છે. આ કૃતિ તેઓએ વર્ષોની જહેમત બાદ વિકસાવેલ તકનીક દ્વારા તૈયાર કરી છે, જે તેઓની આગવી ઓળખ છે, અને આ પ્રકારની કૃતિ તૈયાર કરનાર તેઓ વિશ્વના એકમાત્ર કલાકાર છે. તેઓ તેઓના સ્વહસ્તે, કોઈપણ ફરમા કે ડાઇઝ વિના આ અનોખી કૃતિ તૈયાર કરે છે. ઘણા દિવસોના ઉપવાસ અને વ્રત દરમ્યાન તેઓને થયેલ ઇશ્વર પ્રેરણા મુજબ તેઓ ગણેશજીની મૂર્તિનું સ્વરૂૂપ તૈયાર કરે છે.
આ કૃતિને અત્યંત અનોખી અને દુર્લભ બનાવવાનો મુખ્ય હેતુ એ છે કે કોઈ વિશેષ ગણેશભક્ત પોતાના પૂજા સ્થાનમાં આ કલાત્મકૃતિને સ્થાપિત કરી શકે અને તેના દ્વારા ગણેશભક્તિ સાથે કલા અને સેવાનો સુંદર સમન્વય થઈ શકે. કલાત્મકૃતિમાં ઉપયોગમાં લેવાયેલી સામગ્રીનું કુલ મૂલ્ય ₹1,11,111/- રાખવામાં આવ્યું છે.
આ કલાત્મકૃતિ થકી પ્રાપ્ત થનાર રકમમાંથી લાલબાગચા રાજાની સેવા તેમજ ક્ધયા શિક્ષણ માટે યથાશક્તિ યોગદાન આપવાની યોજના પણ રાખવામાં આવી છે. કલાકાર નિકુંજ વાગડિયાએ જણાવ્યું હતું કે, આ માત્ર એક કલાત્મકૃતિ નથી, પરંતુ કલા, શ્રદ્ધા, ભક્તિ અને સેવાનો અનોખો સંગમ છે. ગણેશભક્તો સુધી આ અનોખી કૃતિની માહિતી પહોંચે અને કોઈ વિશેષ ગણેશભક્તને તેમાં રસ હોય તો તેઓ સંપર્ક કરી શકે છે.
