અમરેલી જિલ્લાના બાબરા શહેરમાં ACB દ્વારા સફળ ટ્રેપ ગોઠવી બાબરા નગરપાલિકાના જુનિયર ક્લાર્કને લાંચ લેતા રંગેહાથ ઝડપી પાડવામાં આવ્યા છે. આ કાર્યવાહીમાં આરોપી પાસેથી લાંચની રકમ પણ કબજે કરવામાં આવી છે.
આરોપી નનુ મામૈયા ગમારા (ઉ.વ. 54) બાબરા નગરપાલિકામાં જુનિયર ક્લાર્ક અને ઇન્ચાર્જ સબ-રજિસ્ટ્રાર (જન્મ-મરણ નોંધણી) તરીકે ફરજ બજાવે છે. તેમણે ફરિયાદીના મિત્રની દીકરીનો જન્મનો દાખલો કાઢી આપવા માટે રૂૂ. 5,000ની લાંચની માંગણી કરી હતી. રકઝકના અંતે રૂૂ. 4,000માં સોદો નક્કી થયો હતો. ફરિયાદી લાંચ આપવા ઇચ્છતા ન હોવાથી તેમણે અમરેલી ACB પોલીસ સ્ટેશનનો સંપર્ક કરી ફરિયાદ નોંધાવી હતી. આ ફરિયાદના આધારે ACB દ્વારા ટ્રેપ ગોઠવવામાં આવ્યો હતો.
ટ્રેપ દરમિયાન, બાબરા બાયપાસ નજીક આવેલી ઠાકરઘણી હોટલ ખાતે આરોપીએ ફરિયાદી સાથે હેતુલક્ષી વાતચીત કરી રૂૂ. 4,000ની લાંચની માંગણી કરી સ્વીકારી હતી. તે સમયે અઈઇની ટીમે તાત્કાલિક કાર્યવાહી કરી આરોપીને રંગેહાથ ઝડપી લીધો હતો. આરોપી પાસેથી લાંચ તરીકે સ્વીકારેલી રૂૂ. 4,000ની રકમ પણ કબજે કરવામાં આવી હતી. આ ટ્રેપની કાર્યવાહી અમરેલી ACB પોલીસ સ્ટેશનના ઇન્ચાર્જ પીઆઇ ટી.એસ. રિઝવી અને તેમની ટીમ દ્વારા હાથ ધરવામાં આવી હતી. અઈઇએ આરોપી વિરુદ્ધ ભ્રષ્ટાચાર નિવારણ અધિનિયમ હેઠળ ગુનો નોંધી વધુ તપાસ હાથ ધરી છે.
