ભારતે કોમનવેલ્થ ગેમ્સ 2026ને કેટલીક મીઠી યાદો અને ઐતિહાસિક ક્ષણો સાથે વિદાય આપી હતી. ભારતે 2026 કોમનવેલ્થ ગેમ્સમાં કુલ 39 મેડલ જીત્યા હતા, જેમાં 13 ગોલ્ડ, 17 સિલ્વર અને 9 બ્રોન્ઝ મેડલનો સમાવેશ થાય છે. ભારતીય બોક્સરોએ 7 ગોલ્ડ સહિત 10 મેડલ જીતીને ઇતિહાસ રચ્યો હતો. 2022 માન્ચેસ્ટર ગેમ્સ પછી ભારત સતત 50 કે તેથી વધુ મેડલ જીત્યું છે, પરંતુ આ વખતે ભારતીય રમતવીરો 50 મેડલના આંકડા સુધી પહોંચવામાં નિષ્ફળ રહ્યા.
જોકે, અહીં મેડલની સંખ્યા ઓછી મહત્વપૂર્ણ છે, કારણ કે એથ્લેટિક્સથી લઈને બોક્સિંગ સુધીની રમતોમાં ઘણા ભારતીય ખેલાડીઓએ ઇતિહાસ રચ્યો હતો. આ વખતે કોમનવેલ્થ ગેમ્સમાંથી ઘણી રમતોને દૂર કરવામાં આવી હતી.
ભારતનો પહેલો મેડલ પેરા-પાવરલિફ્ટિંગમાં ઝંડુ કુમારે જીત્યો હતો, જેમણે બ્રોન્ઝ જીત્યો હતો. પહેલો ગોલ્ડ મીરાબાઈ ચાનુએ જીત્યો હતો, જેમણે કોમનવેલ્થ ગેમ્સમાં ગોલ્ડ મેડલની હેટ્રિક પણ મેળવી હતી. અસ્મિતા ડે કોમનવેલ્થ ગેમ્સમાં ગોલ્ડ મેડલ જીતનાર પ્રથમ ભારતીય જુડો એથ્લીટ બની, જ્યારે 22 વર્ષીય જાદુમણિ સિંહે બોક્સિંગમાં સિલ્વર મેડલ જીત્યો, પરંતુ તેમણે બતાવ્યું કે ભારતીય બોક્સિંગનું ભવિષ્ય ક્યાં જઈ રહ્યું છે.
ભારતે એથ્લેટિક્સમાં સૌથી વધુ 16 મેડલ જીત્યા, પરંતુ સૌથી વધુ ગોલ્ડ મેડલ બોક્સિંગમાં આવ્યા. 1 ઓગસ્ટના રોજ ભારતીય રમતવીરોએ કુલ 16 મેડલ જીતીને ઇતિહાસ રચ્યો. આ દિવસે ભારતીય રમતવીરોએ કુલ 16 મેડલ જીત્યા હતા.
2026 કોમનવેલ્થ ગેમ્સમાંથી ઘણી રમતોને દૂર કરવામાં આવી હતી. અગાઉ ઓસ્ટ્રેલિયાના વિક્ટોરિયામાં ગેમ્સનું આયોજન કરવાનું હતું પરંતુ સરકારે 2023માં જણાવ્યું હતું કે ગેમ્સનું આયોજન કરવાનો અંદાજિત ખર્ચ 6-7 બિલિયનથી વધુ હતો. ગ્લાસગોએ પછીના વર્ષે છેલ્લી ઘડીએ હોસ્ટિંગ ફરજો સંભાળી. તૈયારી અને માળખાગત બાંધકામ માટે મર્યાદિત સમયને કારણે ક્રિકેટ, કુસ્તી અને હોકી સહિતની ઘણી રમતોને પડતી મૂકવામાં આવી હતી.
ગ્લાસગોમાં ભારતના નકશામાંથી ‘નોર્થ ઈસ્ટ’ ગાયબ, બોક્સર લવલીના થઈ ગુસ્સે
ભારતીય બોક્સરોએ ગ્લાસગોમાં કોમનવેલ્થ ગેમ્સ 2026માં રિંગમાં પોતાના શક્તિશાળી પ્રદર્શનથી ઇતિહાસ રચ્યો. ભારતે અનેક ગોલ્ડ મેડલ મેળવીને અત્યાર સુધીનું શ્રેષ્ઠ બોક્સિંગ પ્રદર્શન કર્યું. ટોક્યો ઓલિમ્પિકમાં બ્રોન્ઝ મેડલ વિજેતા લવલીના બોર્ગોહેને 2026 કોમનવેલ્થ ગેમ્સમાં પણ શાનદાર ફોર્મ દર્શાવ્યું અને મહિલા 75 કિગ્રા કેટેગરીમાં પોતાનો પહેલો કોમનવેલ્થ ગેમ્સનો સિલ્વર મેડલ જીત્યો. જોકે, કોમનવેલ્થ ગેમ્સ 2026માં બોક્સિંગ ઇવેન્ટ્સ સમાપ્ત થતાં જ રિંગની બહાર એક મોટો વિવાદ શરૂૂ થયો. આ ઘટના ગ્લાસગોના ભારતીય રેસ્ટોરન્ટ ’મિસ્ટર સિંઘ્સ ઇન્ડિયા’માં બની હતી. આ રેસ્ટોરન્ટમાં ભારતીય ખેલાડીઓ ડીનર માટે ગયા હતા, પરંતુ ટેબલ પર નેપકિન જોતાં જ સેલિબ્રેશનનો માહોલ ગરમાઈ ગયો. આસામની સ્ટાર બોક્સર લવલીના બોરગોહેને જોયું કે રેસ્ટોરન્ટના નેપકિન પર છપાયેલા ભારતના નકશામાં સમગ્ર નોર્થ ઈસ્ટ ગાયબ છે. લવલીનાએ તરત જ આ ગંભીર અવગણના અંગે નારાજગી વ્યક્ત કરી. તેણે ભાર મૂક્યો કે ભારતનો દરેક ભાગ મહત્વપૂર્ણ છે અને દેશનો સાચો અને સંપૂર્ણ નકશો દરેક જગ્યાએ પ્રદર્શિત થવો જોઈએ.
કઈ રમતમાં કેટલા મેડલ?
એથ્લેટિક્સ – 16 મેડલ (3 ગોલ્ડ, 7 સિલ્વર, 6 બ્રોન્ઝ)
બોક્સિંગ – 10 મેડલ (7 ગોલ્ડ, 3 સિલ્વર)
વેઇટલિફ્ટિંગ – 8 મેડલ (1 ગોલ્ડ, 6 સિલ્વર, 1 બ્રોન્ઝ)
જુડો – 4 મેડલ (2 ગોલ્ડ, 1 સિલ્વર, 1 બ્રોન્ઝ)
પેરા પાવરલિફ્ટિંગ – 1 મેડલ (1 બ્રોન્ઝ)
