અમરેલી યાર્ડમાં નાફેડ દ્વારા ખરીદીનો વીડિયો વાઇરલ

ગુજરાત ભરમાં આજે મગફળીનો ટેકાના ભાવે ખરીદીનો પ્રારંભ થયો છે. ત્યારે ટેકાના ભાવથી ખરીદીનો પ્રારંભ કરાવતી વખતનો રાજકોટના સાંસદ પરસોત્તમ રૂપાલાનો એક વીડિયો વાઇરલ થયો છે.

આ અંગે જાણવા મળતી વિગતો પ્રમાણે ખેડૂતોને મગફળી પાકના પોષણક્ષમ ભાવો મળી રહે તે માટે રાજયના 160 કેન્દ્રો ખાતે ખરીદીનો પ્રારંભ કરવામાં આવ્યો છે. જેમાં અમરેલી યાર્ડ ખાતે રાજકોટના સાંસદ પરોસત્તમ રૂપાલા, ઇફકોના ચેરમેન દિલિપ સંઘાણી, અમરેલીના ધારાસભ્ય કૌશિક વેકરીયા સહિતના નેતાઓએ મગફળી ખરીદીનો પ્રારંભ કરાવ્યો હતો. આ કાર્યક્રમમાં બધા નેતાઓ મગફળીના ઢગલા પાસે ઊભા દેખાય છે. અને પરોસત્તમ રૂપાલા પૂછી રહ્યા છે કે, ‘આ બાઇટીંગનો માલ ને’? પરસોત્તમ રૂપાલાની વાત સાંભળીને ઉભેલા સૌ કોઇ નેતાઓ હસવા લાગે છે.સોશિયલ મીડિયામાં વાઇરલ થયેલ વીડિયોના પગલે લોકોમાં ભારે કૌતુક ફેલાયું છે. કે આ શબ્દોનો અર્થ શુ સમજવો?

એક સાથે 12 સિંહોનું ઝૂંડ નીકળી પડયું, કોવાયા ગામના મકાનમાં પણ ઘુસણખોરી

રાજુલાના કોવાયા ગામમાં વનરાજોના ટોળાએ હાઇ-વેથી માંડી ગામની શેરીઓ-ગલીઓમાં લટાર મારતા લોકોમાં ભયનું લખલખુ છૂટીગયુ હતુ.રાજુલા તાલુકાના કોવાયા ગામ નજીક પાવર પ્લાન્ટ કંપની પાસે આવેલ માર્ગ ઉપર 12 સિંહનું ગ્રુપ રસ્તા પરથી પસાર થતું જોવા મળ્યું હતું. થોડીવાર માટે રસ્તા પર દોડધામ કર્યા બાદ બાવળની ઝાડીમાં જતા રહ્યા છે. રસ્તા પર એક સાથે 12 જેટલા સિંહ નીકળતા વાહનોના પૈડાં થંભી ગયા હતા.આ દરમિયાન કોવાયા ગામમાં એક રહેણાંક મકાનમાં સિંહ પરિવાર ઘૂસી આવ્યો હતો.

સુરેશભાઈ અગ્રવાતના રહેણાંક મકાનમા અડધી રાતે સિંહ પરિવાર દીવાલ ઉપર છલાંગ લગાવી અંદર પ્રવેશ્યા હતા. જેનો વીડિયો વાયરલ થયો છે. આ વીડિયોમાં જોઈ શકાય છે કે, એક સિંહ પરિવાર ગ્રામ્ય વિસ્તારમાં લટાર મારવા પહોંચી જાય છે. જ્યા દિવલ ઉપર છલાંગ લગાવી એક રહેણાંક મકાનમાં આખો સિંહ પરિવાર ઘૂસી જાય છે. જે બાદ ત્યા જ લટાર મારે છે. જોકે, રૂૂમના દરવાજા બંધ હતા જેથી રૂૂમની અંદર તો સિંહ જઈ શક્યા ન હતા. આ દરમિયાન બહાર શ્વાન પર ફરી રહ્યો હતો. તે સમયે જ આસપાસના લોકો જાગી ગયા હતા. જેથી સિંહ પરિવાર બહાર નીકળવા દોડધામ કરી રહ્યો હતો. સિંહો ચારે તરફ દોડધામ કરતા જોવા મળ્યા હતા.

અંતે આસપાસના લોકોએ ગેટ ખોલી દેતા સિંહો છલાંગો મારી બહાર નીકળી જતા લોકોએ રાહતનો શ્વાસ લીધો હતો. આ ઘટના 2 દિવસ પહેલાની છે. 2 દિવસ પહેલા 12 જેટલા સાવજનું ગ્રુપ કોવાયા ગામના માર્ગ ઉપર દોડધામ કરતા જોવા મળ્યા હતા. આ ઘટનાનો પણ વીડિયો સોશિયલ મીડિયામાં વાયરલ થયો હતો. સિંહની અવર જવર વધતા હવે ગ્રામજનોમાં ફફડાટ ફેલાયો છે. રાજુલા તાલુકાના કોવાયા ગામના આગેવાન મીઠાભાઈ લાખણોત્રાએ જણાવ્યું કે, વન્યપ્રાણી અમારા ગામમાં તો જ્યારે ને ત્યારે આવતા જ પરંતુ હવે તો ઘરમાં આવી જાય છે, ત્યારે વનવિભાગને વિનંતી છે કે, આ સિંહોને અહિંથી દૂર લઈ જાય.

50,000ની ચોરી : અજાણ્યા તસ્કર સીસીટીવી કેમેરામાં કેદ

અમરેલી જિલ્લામા રાજુલા તાલુકાના ચોત્રા ગામે મંદિરની આખી દાન પેટીની ચોરી કરતા ઈઈઝટમા તસ્કરો કેદ થયા રાજુલા તાલુકાના ચોત્રા ગામ નજીક આવેલ મોમાઈ માતાજીના મંદિરમાં રાત્રીના સમયે તસ્કરો ત્રાટકયા આ દાનપેટીમાં રૂા.50,000ની અજાણીયા ઈસમો ચોરી ગ્યાની રાજુલા પોલીસ સ્ટેશનમાં ફરીયાદ નોંધવામાં આવી આ મંદિરના પુજારીએ રાજુલા પોલીસ સ્ટેશનમાં ફરીયાદ નોંધાવી છે કે અજાણ્યા શખ્સો દ્વારા મંદિરમાં ચોરી કરવામાં આવી છે.

તસ્કરો દાનપેટીને ઉઠાવવા માટે કેવી રીતે પ્લાન કરી આખી દાન પેટી ઉઠાવી લાઈવ સીસીટીવી ફૂટેજ પોલીસે કબજે કરી છે અને આ બાબતે તપાસનો શરૂ સીસીટીવી કેમેરાના આધારે પોલીસ દ્વારા જુદી જુદી દિશામાં તપાસનો ધમધમાટ શરૂૂ તસ્કરો બુકાની ધારી બની ચોરી કરવા મંદિરમાં આવ્યા રાજુલા પોલીસ અને લોકલ ક્રાઇમ બ્રાન્ચની ટીમો દ્વારા ચોરી કરનારા ઇસમોને શોધવા કવાયત હાથ ધરવામાં આવી મોમાઇ માતાજી નું મંદિર સમગ્ર બાબરીયાવાડ પંથકમાં આસ્થાનું કેન્દ્ર છે ત્યારે મંદિર માં ચોરી થતા લોકો માં રોષ જોવા મળ્યો.