લાલ ટેકરી ખાતે ફર્નીચરની દુકાનમાં કામ કરતા યુવાનને આડા સબંધને વહેમે કિશોર સહીત બે આરોપીઓએ છરીના ઉપરા ઉપરી ઘા મારી મોતને ઘાટ ઉતારી દીધો હોવાનું બનાવ સામે આવ્યો છે.જેમાં પોલીસે આરોપીને ઝડપી લીધો છે.

રામનગરીમાં રહેતા ફરિયાદી હરજી ખીમજી પરમારે ભુજ શહેર બી ડીવીઝન પોલીસ મથકે આરોપી રમેશ ખીમજી વાઘેલા અને કાયદાના સંઘર્ષમાં આવેલ કિશોર વિરુદ્ધ ગુનો નોધાવ્યો છે.ફરિયાદીના જણાવ્યા મુજબ તેમનો ભત્રીજો ગોવિંદ બુધવારે સવારે લાલ ટેકરી પર આવેલ ફર્નિચરની દુકાન પર કામ કરવા માટે ગયો હતો.જે બાદ રાત્રે નવ વાગ્યે ફરિયાદી પોતાના ઘરે હતા ત્યારે તેમનો ભત્રીજો ઈજાગ્રસ્ત હાલતમાં આવ્યો હતો.અને કહ્યું હતું કે પોતે ઘરે આવતો હતો એ દરમિયાન બન્ને આરોપીઓ તેની પાસે આવ્યા હતા.અને આરોપી મોહને પોતાની બહેન સાથેના આડા સબંધનો વહેમ રાખી ગાળો બોલવાનું ચાલુ કર્યું હતું.ફરિયાદીના ભત્રીજાએ ગાળો બોલવાની ના પાડતા ઉશ્કેરાયેલા બન્ને શખ્સોએ છરીથી પેટ અને છાતીના ભાગે ઘા માર્યા હતા.ત્યારે રાડારાડી થતા બન્ને આરોપીઓ ભાગી ગયા હતા.જે બાદ ફરિયાદી તેના ભત્રીજાને સારવાર માટે જી.કે.જનરલ હોસ્પિટલ ખાતે લઇ ગયા હતા.જ્યાં તેણે દમ તોડી દીધો હતો.

રાજકોટથી દિલ્હી જઇ રહેલી પોરબંદર- સરાઇરોહીલા ટ્રેન નં.20913ના ફર્સ્ટ એ.સી. કોચ નં.1માં આજે સવારે એક મુસાફરની ગંભીર બેદરકારીના કારણે આગ લાગતા ટ્રેન અટકાવી રેલવે સ્ટાફે તાબડતોબ આગ કાબુમાં લઇ લેતા દુર્ઘટના સહેજમાં અટકી હતી.

આ ટ્રેન આજે સવારે દિલ્હી અને ગુડગાંવ વચ્ચેથી પસાર થઇ રહી હતી ત્યારે ફસ્ટકલાસ એસી કોચ નં.1ની ડસ્ટબીનમાં અચાનક આગ ભભુકી ઉઠતા કોચમાં ધુમાડાના ગોટેગોટા ભરાઇ ગયા હતા અને મુસાફરોમાં અફરાતફરી મચી ગઇ હતી.

આ અંગે રેલવે સ્ટાફને જાણ કરાતા સ્ટાફે તાબડતોબ ધસી જઇ મહામહેનતે આગ કાબુમાં લીધી હતી.
કોઇ મુસાફરે સળગતી સિગાટેર કોચની કચરાપેટીમાં ફેંકતા કચરા પેટી સળગી ઉઠી હતી. જો કે, સદનશીબે મોટી દુર્ઘટના અટકી હતી.

આ ટ્રેનમાં કોચ નં.1માં જ મુસાફરી કરી રહેલા રાજકોટ ભાજપના અગ્રણી અને ટીબોર્ડ ઇન્ડીયાના અધ્યક્ષ દિનેશ કારીયાએ જણાવ્યું હતું કે, સવારે 7-30 વાગ્યા આસપાસ કચરાપેટી સળગી ઉઠતા આખો કોચ ધુમાડાથી ભરાઇ ગયો હતો. રેલવેના સ્ટાફે સમયસુચકતા વાપરી આગ કાબુમાં લઇ લેતા મોટી દુર્ઘટના ટળી હતી. આ ટ્રેનમાં રાજકોટ સહીત સૌરાષ્ટ્રના પણ અનેક મુસાફરો મુસાફરી કરી રહ્યા હતા.

નવેમ્બર મહિનો પુરો થવા જઈ રહ્યો છે ત્યારે ઠંડીએ પણ પોતાનું જોર પકડી લીધું છે. ગુજરાતમાં દિવસે ને દિવસે ઠંડીનો પ્રમાણ વધી રહ્યું છે. રાજ્યમાં તાપમાન ગગડી રહ્યું છે. ગુજરાતમાં 12 ડિગ્રી સુધી તાપમાન પહોંચી ગયું છે. આગામી દિવસોમાં 10 ડિગ્રી સુધી તાપમાન પહોંચવાની શક્યતાઓ હવામાન વિભાગે પણ સેવી છે. અત્યારે ગુજરાતમાં 12 ડિગ્રીથી લઈને 21.7 ડિગ્રી વચ્ચે લઘુતમ તપામાન નોંધાયું છે. નલિયા ગુજરાતનું સૌથી ઠંડુ શહેર બન્યું છે. આ ઉપરાંત રાજયના છ શહેરોનાં 15 ડીગ્રી કરતા નીચું તાપમાન નોંધાયું છે.

ગુજરાતમાં કડકડતી ઠંડી પડવાનું શરું થયું છે. તપામાન પણ દિવસે ને દિવસે ઘટી રહ્યું છે. ગુજરાતમાં તાપમાનની વાત કરીએ તો રાજ્યમાં ગુજરાતમાં 13 ડિગ્રીથી લઈને 24.3 ડિગ્રી વચ્ચે લઘુતમ તપામાન નોંધાયું છે. નલિયા 13 ડિગ્રી લઘુતમ તાપમાન ગુજરાતનું સૌથી ઠંડુ શહેર બન્યું છે.

અમદાવાદમાં બે દિવસમાં બે ડિગ્રી તાપમાન ઘટ્યું
ગુજરાતમાં ઠંડી પડવાની શરુઆત થઈ ગઈ છે ત્યારે રાજ્યમાં મોટા ભાગના શહેરોમાં તાપમાન 18 ડિગ્રી સુધી સરકી ગયું છે. અમદાવાદ શહેરની વાત કરીએ તો દિવસે ને દિવસે તાપમાન ઘટી રહ્યું છે. અમદાવાદમાં છેલ્લા બે દિવસમાં બે ડિગ્રી તાપમાન ઘટ્યું હતું. શહેરમાં 17.5 ડિગ્રી લઘુતમ તાપમાન નોંધાયું હતું. ઘટતા તાપમાનના કારણે શહેરમાં વહેલી સવારે અને મોડી સાંજ પછી ઠંડીનો ચમકોર અનુભવા છે.

કયા શહેરમાં કેટલું લઘુતમ તાપમાન નોંધાયું ?
નલિયા 12.2
ગાંધીનગર 12.4
અમરેલી 13.4
રાજકોટ 14.6
પોરબંદર 14.6
ડીસા 14.4
બરોડા 14.6
ભુજ 16.3
ભાવનગર 16.6