શાંતિ મંત્રણાના સસ્પેન્સ વચ્ચે કાલે યુદ્ધવિરામ ખતમ

અમેરિકાના સાત વિમાનોનો કાફલો ઇસ્લામાબાદમાં પહોંચ્યો, જે.ડી. વાન્સ અંગે શંકા, ઇરાને બેઠકમાં જોડાવાનો ઇનકાર કરી દેતા વિશ્ર્વભરમાં ઉત્તેજના

ઇરાન-અમેરિકા વચ્ચે યુધ્ધવિરામ માટે આજે પાકિસ્તાનમાં શરૂ થનાર મંત્રણાઓ અનિશ્ર્ચિતતાથી ઘેરાયેલી છે. બીજી તરફ આવતીકાલે કાલે યુધ્ધવિરામની ડેડલાઇન પુરી થઇ રહી છે ત્યારે ઇસ્લામાબાદમાં મંત્રણા સફળ થાય છે કે નિષ્ફળ જાય છે? તે તરફ વિશ્ર્વભરની નજર મંડાયેલી છે.

ઇસ્લામાબાદમાં આજથી અમેરિકા અને ઇરાન વચ્ચે થનાર મંત્રણા અંગે સસ્પેન્સ યથાવત છે. અમેરિકાના વાઇસ પ્રેસિડન્ટ ઇસ્લામાબાદ જવા નીકળી ગયાની વાતો વચ્ચે ઇસ્લામાબાદ એરપોર્ટ ઉપર સાત વિમાનોનો કાફલો પહોંચ્યો છે. પરંતુ જે.ડી. વાન્સ હજુ પહોંચ્યા નથી. બીજી તરફ ઇરાને શાંતિ મંત્રણા માટે ટ્રમ્પ દ્વારા મુકાયેલ શરતો ફગાવી દઇ બેઠકમાં જોડાવાનો ઇન્કાર કરી દેતા સસ્પેન્સ લંબાયો છે.

ઈરાન અને અમેરિકા વચ્ચે પરિસ્થિતિ વધુ વણસી રહી છે. આજે, 21 એપ્રિલ, ઈરાન અને અમેરિકા વચ્ચે બે અઠવાડિયાના યુદ્ધવિરામનો છેલ્લો દિવસ છે. તેને લંબાવવા અને સામાન્યતા જાળવી રાખવા માટે આજે ઇસ્લામાબાદમાં શાંતિ મંત્રણાનો બીજો રાઉન્ડ યોજાવાનો છે. ઈરાને ભાગ લેવાનો સ્પષ્ટ ઇનકાર કર્યો છે. દરમિયાન, અમેરિકાએ પોતાનું પ્રતિનિધિમંડળ પાકિસ્તાન મોકલ્યું છે.

આજે યુદ્ધવિરામનો છેલ્લો દિવસ છે. યુદ્ધવિરામ બુધવારે અમેરિકામાં EST રાત્રે 8 વાગ્યે અને ભારતમાં IST સવારે 5:30 વાગ્યે સમાપ્ત થશે. જોકે, તે પહેલાં, યુદ્ધવિરામ લંબાવવા માટે ઇસ્લામાબાદમાં વાટાઘાટોના બે રાઉન્ડ જરૂૂરી હોવા અંગે શંકા છે.

પાકિસ્તાન મધ્યસ્થી તરીકેની ભૂમિકામાં નિષ્ફળ રહ્યું હોય તેવું લાગે છે. ઈરાનના પ્રસ્તાવિત પ્રતિનિધિમંડળનું નેતૃત્વ કરનારા ઈરાની સ્પીકર ગાલિબાફના છેલ્લા ટ્વીટથી સ્પષ્ટ થાય છે કે ઈરાન અને અમેરિકા વચ્ચે મંગળવારે વાતચીત થશે નહીં. ગાલિબાફે લખ્યું છે કે ટ્રમ્પ ઇચ્છે છે કે આપણે વાટાઘાટોના નામે શરણાગતિ સ્વીકારીએ અમે આવી વાટાઘાટોને નકારીએ છીએ. ગાલિબાફે ધમકી આપી હતી કે અમે યુદ્ધમાં કેટલાક નવા પ્રયોગો કર્યા છે, જેનો ઉપયોગ આગામી યુદ્ધમાં કરવામાં આવશે.

હોર્મુઝ પર અમેરિકાના નૌકાદળના નાકાબંધી અને ત્યાં ઈરાની ધ્વજવંદન જહાજ જપ્ત કરવાથી ગુસ્સે ભરાયેલ ઈરાન, પાકિસ્તાનમાં અમેરિકા સાથે બીજા રાઉન્ડની વાટાઘાટોમાં ભાગ લેવાનો ઇનકાર કરવાનો સંકેત આપી રહ્યું છે.

ટ્રમ્પે પોતાના તરફથી વાટાઘાટોની જાહેરાત કરી છે, પરંતુ જે.ડી. વાન્સની ભાગીદારી અંગે શંકા છે. ટ્રમ્પના મતે, એક અમેરિકન ટીમ વાટાઘાટો માટે ઇસ્લામાબાદ આવી રહી છે, પરંતુ ટીમનું પ્રસ્થાન અને તેના સભ્યોની ઓળખ ગુપ્ત રાખવામાં આવી છે. યુએસએ જાહેરાત કરી છે કે તે ગુરુવારે ઇઝરાયલ અને લેબનોન વચ્ચે શાંતિ વાટાઘાટોનું આયોજન કરશે. જોકે, દક્ષિણ લેબનોન પર ઇઝરાયલી હવાઈ હુમલામાં ઓછામાં ઓછા છ લોકો ઘાયલ થયા છે. ત્યાં ચાલી રહેલા ઇઝરાયલી બોમ્બમારાથી પણ ઇસ્લામાબાદમાં વાટાઘાટોની શક્યતા નબળી પડી ગઈ છે.

ઓબામા-બાઇડનની ભૂલો સુધારવામાં આવશે: ટ્રમ્પ
અમેરિકા-ઈરાન યુદ્ધવિરામની ડેડલાઈન નજીક આવી રહી છે, પરંતુ બંને પક્ષો વચ્ચે શાંતિ વાટાઘાટો નિષ્ફળ જતી દેખાય છે. પાકિસ્તાનમાં શાંતિ વાટાઘાટો ફરી શરૂૂ થવા અંગે શંકાઓ હજુ પણ છે. દરમિયાન અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું છે કે શાંતિ વાટાઘાટો ફરી શરૂૂ કરવા માટે તેમના પર કોઈ દબાણ નથી. તેમણે કહ્યું હતું કે, “ઈરાન સાથે અમે જે ડીલ કરવા જઈ રહ્યા છીએ તે JCPOA કરતાં ઘણી સારી હશે.JCPOAને સામાન્ય રીતે ’ઈરાન પરમાણુ કરાર’ તરીકે ઓળખવામાં આવે છે, જે બરાક ઓબામા અને જો’ બાઈડન દ્વારા ઘડવામાં આવી હતી. તે આપણા રાષ્ટ્રની સુરક્ષા અંગે અત્યાર સુધીના સૌથી ખરાબ સોદાઓમાંનો એક હતો. તે પરમાણુ શસ્ત્રો મેળવવાનો એક નિશ્ચિત માર્ગ હતો. પરંતુ અમે જે ડીલ પર કામ કરી રહ્યા છીએ તે હેઠળ આવું થઈ શકે તેમ નથી.