ગુજરાત
સુરતની ઘટના બાદ રાજ્યભરમાં SRPની કુમકો ઉતારાઇ
ગણેશ મહોત્સવ અને ઇદના તહેવારોના પગલે વિશેષ તકેદારીના પગલાં
રાજ્ય પોલીસવડાએ તમામ પોલીસ કમિશનર, રેન્જ આઇ.જી. અને એસ.પી. સાથે યોજેલી તાકીદની વીડિયો કોન્ફરન્સ
સુરત અને વડોદરામાં ગઇકાલે ગણેશ મહોત્સવના પંડાલો ઉપર બનેલી કાંકરીચાળાની ઘટના બાદ રાજય સરકાર સતર્ક બની છે. રાજયના પોલીસવડા વિકાસ સહાયએ ગઇકાલે રાજયભરના પોલીસ અધિકારીઓની વીડીયો કોન્ફરન્સ યોજી હતી અને હાલ ચાલી રહેલા ગણેશ મહોત્વ તથા ઇદના તહેવારોને ધ્યાને લઇ રાજયમાં વાતાવરણ બગડે નહીં તે માટે રાજયભરમાં સંવેદનશીલ વિસ્તારોમાં એસઆરપીની 30 જેટલી કંપની તૈનાત કરવા સુચના આપી તહેવારોમાં વિશેષ તકેદારી રાખવા સુચના આપી છે.
ગુજરાતના પોલીસ મહાનિર્દેશક (ડીજીપી) વિકાસ સહાયે સુરત અને ખેડાના કાથલાલમાં ગણપતિની ઉજવણી દરમિયાન બનેલી ઘટનાઓ પછીની સ્થિતિની સમીક્ષા કરવા માટે તમામ પોલીસ કમિશનર, રેન્જ આઈજીપી અને ડીએસપી સાથે વિડિયો કોન્ફરન્સ યોજી હતી. ગણેશ વિસર્જન અને ઈદ-એ-મિલાદની ઉજવણી કોઈપણ અઘટિત ઘટના વિના શાંતિપૂર્ણ રીતે થાય તે માટે વિશેષ સૂચનાઓ જારી કરવામાં આવી છે. આ ઉપરાંત, રાજ્યભરમાં સ્ટેટ રિઝર્વ પોલીસ (એસઆરપી) ની 30 કંપનીઓ તૈનાત કરવામાં આવી છે, જેમાં વધારાના એસઆરપી યુનિટ સુરત મોકલવામાં આવ્યા છે.
સુરતમાં ગણેશ પંડાલ પર 6 સગીરો પર પથ્થરમારો કરવાનો આરોપ છે. આ ઘટનાઓએ ચિંતા વધારી છે કારણ કે ગણેશોત્સવ દરમિયાન આવી અથડામણો ભાગ્યે જ જોવા મળે છે. ડીજીપી સહાયે ભારપૂર્વક જણાવ્યું હતું કે રાજ્ય પોલીસ ગણેશ વિસર્જન અને ઈદ-એ-મિલાદ બંને માટે સંપૂર્ણ રીતે તૈયાર છે. સમગ્ર ગુજરાતમાં લગભગ 93,000 ગણેશ મૂર્તિઓ સ્થાપિત કરવામાં આવી છે, જેમાં 73,000 મૂર્તિઓનું 17 સપ્ટેમ્બરે વિસર્જન કરવામાં આવશે. કાર્યવાહી સુચારુ રીતે થાય તે માટે તૈયારીઓ કરવામાં આવી રહી છે, એમ પોલીસના એક સૂત્રએ જણાવ્યું હતું.
અમદાવાદ પોલીસે શાંતિપૂર્ણ ગણેશ વિસર્જન માટે એક્શન પ્લાન તૈયાર કર્યો છે. યોજના મુજબ, પોલીસ ઇન્સ્પેક્ટર અને વરિષ્ઠ અધિકારીઓ તહેવાર પૂરો થાય ત્યાં સુધી તેમના વિસ્તારોમાં રહેશે. મધ્યરાત્રિએ કંટ્રોલ રૂૂમ દ્વારા તેમના સ્થાનોને ટ્રેક કરવામાં આવશે કારણ કે પંડાલોમાં મોડી રાત્રે ધાર્મિક વિધિઓ ચાલુ રહે છે.
અધિકારીઓ સાંજે 7 વાગ્યાથી મધ્યરાત્રિ સુધી પેટ્રોલિંગ કરશે, પશી ટીમ્સથ નિયમિતપણે પંડાલોની મુલાકાત લેશે. હોમગાર્ડ પણ તૈનાત રહેશે. સીસીટીવી કેમેરા વોચ રાખશે, જ્યારે કેમેરા વગરના વિસ્તારો પર ડ્રોનનો ઉપયોગ કરીને નજર રાખવામાં આવશે. ડીસીપી અને એસીપી શાંતિ સભાઓ અંગે રિપોર્ટ કરશે અને સાયબર ક્રાઈમ ટીમ ઓનલાઈન નકલી વિડીયોના ફેલાવાને રોકવા માટે એલર્ટ પર છે.
પંડાલમાં બે આયોજકોને રાત્રી રોકાણ ફરજિયાત
સુરતના સૈયદપુરા વિસ્તારમાં ગણપતિ પંડાલ પર પથ્થરમારા જેવી ઘટના રાજકોટમાં ન બને તે માટે તકેદારીના ભાગરૂૂપે શહેર પોલીસ કમિશનર બ્રજેશ ઝાએ ગઈકાલે 324 જેટલા ગણપતિ પંડાલના આયોજકો સાથે મિટિંગ રાખી જરૂૂરી સૂચનાઓ આપી હતી.આ મિટીંગમાં ગણપતિ પંડાલના આયોજકોને સીસીટીવી કેમેરા રાખવા, પંડાલમાં 24 કલાક સ્વયંસેવકો રહે તેનું ધ્યાન રાખવા, ભીડભાડ ન થાય તે માટે એન્ટ્રી અને એકઝીટ ગેટ અલગ રાખવા સહિતની સૂચનાઓ આપવામાં આવી હતી. આ સમગ્ર ઘટના બાદ હવે અન્ય સ્થળે કોઈ અનિચ્છનીય ઘટના ન બને માટે રાજ્ય પોલીસ વડા વિકાસ સહાય દ્વારા દરેક શહેર અને જિલ્લા પોલીસ વડા ને સૂચનાઓ આપી કહેવામાં આવ્યું છે કે,ગણપતિ પંડાલોની આસપાસ સતત પોલીસ પેટ્રોલીંગ કરી રહેશે તેની ખાતરી આપવામાં આવી હતી.પોલીસને ગણપતિ પંડાલોમાં નિયમીત રીતે જઈ નિરીક્ષણ કરવા અને આયોજકોને કોઈ પ્રશ્નો હોય તો તેનો ત્વરીત નિકાલ કરવા પણ સૂચના આપવામાં આવી છે.જેના પગલે હવેથી ગણપતિ પંડાલો આસપાસ દરેક પોલીસ મથકોની પીસીઆર અને બાઈક પર પોલીસ પેટ્રોલીંગ કરવા અને સીસીટીવી મારફતે ખાસ નજર રાખવા કહેવાયું છે. તેમજ દરેક ગણપતિ પંડાલો પર બે આયોજકો એ ફરજિયાત રાત્રી રોકાણ કરવા જણાવાયુ છે.
ગુજરાત
ગોંડલમાં વોકિંગમાં નીકળેલા વૃદ્ધને આખલાએ ઢીંકે ચડાવતાં મોત
વૃદ્ધે સારવારમાં દમ તોડતા પરિવાર શોકમાં ગરકાવ
રાજકોટ સહિત રાજ્યભરમાં રખડતા ઢોરનો ત્રાસ દિવસે દિવસે વધી રહ્યો છે અને રખડતા ઢોરના કારણે અનેક લોકોને મુશ્કેલી ભોગવવી પડે છે એટલું જ નહીં પરંતુ અનેક લોકોએ જીવ ગુમાવ્યા હોવાની પણ ઘટનાઓ છાશવારે સામે આવી રહી છે.
ત્યારે વધુ એક બનાવમાં ગોંડલમાં વોકીંગમાં નીકળેલા વૃધ્ધને આખલાએ ઢીક મારી પછાડી દીધા હતાં. વૃધ્ધને ઈજા પહોંચતા સારવાર માટે ખસેડાયા હતાં. જ્યાં વૃધ્ધનું મોત નિપજતાં પરિવારમાં શોકની લાગણી પ્રસરી છે.
આ બનાવ અંગે પોલીસમાંથી જાણવા મળતી વિગત મુજબ, ગોંડલમાં જેતપુર રોડ પર આવેલી દાસીજીવણ સોસાયટીમાં રહેતા ઈશ્ર્વરભાઈ મનજીભાઈ પાડલીયા નામના 75 વર્ષના વૃધ્ધ સવારના સાતેક વાગ્યાના અરસામાં જેતપુર રોડ પર ચાલીને જતાં હતાં ત્યારે આખલાએ ઢીક મારી પછાડી દીધા હતાં.
ગંભીર રીતે ઘવાયેલા વૃધ્ધને તાત્કાલીક સારવાર માટે ગોંડલ બાદ વધુ સારવાર માટે રાજકોટ ખાનગી હોસ્પિટલમાં ખસેડવામાં આવ્યા હતાં. જ્યાં વૃધ્ધની સારવાર કારગત નિવડે તે પૂર્વે જ વૃધ્ધે હોસ્પિટલના બીછાને દમ તોડી દેતાં પરિવારમાં અરેરાટી સાથે ગમગીની છવાઈ જવા પામી છે.
પ્રાથમિક પુછપરછમાં મૃતક ઈશ્ર્વરભાઈ પાડલીયા બે ભાઈ ચાર બહેનમાં નાના હતા અને હાલ નિવૃત્ત જીવન જીવતાં હતાં અને તેમને સંતાનમાં એક પુત્ર અને બે પુત્રી છે.ઈશ્ર્વરભાઈ પાડલીયા સવારના વોકીંગમાં નીકળ્યા હતાં ત્યારે આખલાએ ઢીક મારી પછાડી દેતાં ગંભીર રીતે ઘવાયેલા વૃધ્ધનું મોત નિપજ્યું હોવાનું જાણવા મળ્યું છે. આ બનાવ અંગે ગોંડલ પોલીસે નોંધ કરી વધુ તપાસ હાથ ધરી છે.
ગુજરાત
વરસાદના કારણે ખેતરમાં ધોવાણ થતા આર્થિક સંકડામણથી ખેડૂતનો ઝેર પી આપઘાતનો પ્રયાસ
ચોટીલાના નાની મોલડી ગામની ઘટના: સંતાનોની ફીના રૂપિયાનો પણ મેળ નહીં પડતા પગલું ભર્યુ
રાજ્યભરમાં વરસેલા ભારે વરસાદને પગલે લોકોને હાલાકી ભોગવવી પડી હતી અને અતિશય વરસાદના કારણે ખેડૂતો પાયમાલ બન્યા હોય તેમ પાકમાં નુકસાન પહોંચ્યું છે સરકાર દ્વારા પણ નુકસાનીનો સર્વે કરવાનો આદેશ કરાયા છે ત્યારે રાજકોટ-અમદાવાદ હાઈવે પર આવેલા ચોટીલા તાલુકાના નાના મોલડી ગામે રહેતા ખેડૂતે ભારે વરસાદના કારણે ખેતરમાં ધોવાણ થતાં આર્થિક સંકડામણના કારણે સંતાનોની ફી ભરવાના રૂપિયાનો પણ મેળ નહીં પડતાં આર્થિક ભીંસથી કંટાળી ઝેરી દવા પી લીધી હતી. યુવકને ઝેરી અસર થતાં તાત્કાલીક સારવાર માટે રાજકોટ સરકારી હોસ્પિટલમાં ખસેડવામાં આવ્યો હતો.
આ બનાવ અંગે પોલીસમાંથી જાણવા મળતી વિગત મુજબ, ચોટીલા તાલુકાના નાની મોલડી ગામે રહેતા રમેશભાઈ મંગાભાઈ ચૌહાણ નામનો 30 વર્ષનો યુવાન પોતાના ઘરે હતો ત્યારે બપોરના ત્રણેક વાગ્યાના અરસામાં ઝેરી દવા પી લીધી હતી. યુવકને ઝેરી અસર થતાં તાત્કાલીક સારવાર માટે રાજકોટ સિવિલ હોસ્પિટલમાં ખસેડવામાં આવ્યો હતો. આ અંગે રાજકોટ સિવિલ હોસ્પિટલ પોલીસ ચોકીના સ્ટાફે ચોટીલા પોલીસને જાણ કરતાં ચોટીલા પોલીસ મથકનો સ્ટાફ તાત્કાલીક રાજકોટ સિવિલ હોસ્પિટલ ખાતે દોડી આવ્યો હતો અને પોલીસે ઝેરી દવા પી લેનાર યુવકનું નિવેદન નોંધ્યું હતું.
પ્રાથમિક પુછપરછમાં ઝેરી દવા પી આપઘાતનો પ્રયાસ કરનાર રમેશભાઈ ચૌહાણ બે ભાઈ અને ત્રણ બહેનમાં વચેટ છે અને તેને સંતાનમાં બે પુત્ર અને એક પુત્રી છે. રમેશભાઈ ચૌહાણ ખેતીકામ કરી પરિવારનું ગુજરાન ચલાવે છે. ભારે વરસાદના કારણે રમેશભાઈ ચૌહાણના ખેતરમાં ધોવાણ થઈ ગયું હતું. ભારે વરસાદના કારણે થયેલી નુકસાનીથી રમેશભાઈ ચૌહાણ પાસે વાવણી કરવા અને છોકરાઓની ફી ભરવાના રૂપિયાનો મેળ નહીં પડતાં આર્થિક ભીંસમાં સપડાયેલા રમેશભાઈ ચૌહાણે ઝેરી દવા પી આપઘાતનો પ્રયાસ કર્યો હોવાનું જાણવા મળ્યું છે. આ બનાવ અંગે ચોટીલા પોલીસે નોંધ કરી વધુ તપાસ હાથ ધરી છે.
ગુજરાત
આંદોલનની વાત જ નથી, ક્ષત્રિય આંદોલન પૂરું થઈ ગયું : શંકરસિંહ
આગામી 20 સપ્ટેમ્બરના રોજ અમદાવાદના ગોતા ખાતે ક્ષત્રિય સમાજનું સંમેલન યોજાવા જઈ રહ્યું છે. જેમાં ગુજરાતભરમાંથી મોટી સંખ્યામાં ક્ષત્રિય સમાજના આગેવાનો હાજર રહેવાના છે. જેને લઈને ગઈકાલે રાજકોટ ખાતે પૂર્વ મુખ્યમંત્રી શંકરસિંહ વાઘેલાની અધ્યક્ષતામાં બેઠકનું આયોજન કરવામાં આવ્યું હતુ. આ બેઠક બાદ શંકરસિંહ વાઘેલાએ ક્ષત્રિય આંદોલનને લઈને મોટું નિવેદન આપ્યું છે. અને પત્રકારોએ પુછેલા પ્રશ્ર્નના જવાબમાં શંકરસિંહે જણાવ્યું કે, આંદોલનની વાતજ નથી, આંદોલન પુરુ થઈ ગયું છે. સમાજમાં બીજા સમાજનું જોઈને શીખવાનો સવાલ છે.
મારી નવી પાર્ટી બનાવવાની વાતો થઈ રહી છે, પરંતુ જેને જે વાતો કરવી હોય તે કરે. જ્યારે સમાજનું બંધન હોય, ત્યારે જે સંસ્થા હોય, ત્યાં રાજકીય જોડા બહાર કાઢીને જવાનું. સમાજમાં માત્ર સમાજની જ વાત કરવાની.
ક્ષત્રિય સંમેલનને લઈને રાજકોટમાં સમાજની એક બેઠકમાં શંકરસિંહ વાઘેલા પહોંચ્યા હતા. આ બેઠકમાં ક્ષત્રિય સમાજના અગ્રણીઓ તેમજ સંસ્થાના અગ્રણી આગેવાનો તેમજ ક્ષત્રિય સંકલન સમિતિના સભ્યો હાજર રહ્યા હતા.
જો કે ક્ષત્રિય સમાજની બેઠકમાં પદ્મિનીબા દેખાયા નહતા. પદ્મિનીબા વાળાને સર્કિટ હાઉસ ખાતે અલગ બેઠક માટે બોલાવવામાં આવ્યા હતા. જ્યાં પદ્મિની બા અને શંકરસિંહ વાઘેલા સાથે 15 મિનિટ સુધી ચર્ચા થઈ હતી.
આ બેઠક બાદ પત્રકારોના પ્રશ્નનો જવાબ આપતા શંકરસિંહ વાઘેલાએ જણાવ્યું કે, બેઠકમાં કોઈ રાજકીય મુદ્દા પર ચર્ચા કરવામાં આવી નથી. આ બેઠકમાં સમાજનું કલ્યાણ કેમ થાય અને સમાજ કેવી રીતે આગળ આવે? તેવા મુદ્દા પર ચર્ચા થઈ હતી.
-
રાષ્ટ્રીય1 day ago
ઈદ મિલાદ ઉન નબી પર કર્ણાટકમાં હિંસા ફાટી નીકળી, VHP અને બજરંગ દળના લોકો રસ્તા પર ઉતર્યા, જુઓ વિડીયો
-
રાષ્ટ્રીય1 day ago
VIDEO: કાશ્મીરમાં આતંકવાદીઓને ઠાર મારવાના લાઈવ દ્રશ્યો આવ્યા સામે, મોતના ડરથી ભાગતા જોવા મળ્યા
-
રાષ્ટ્રીય1 day ago
‘રાઈડ ઓફ પ્રાઈડ’ ગણાતી બુલેટનું પહેલાના સમયની કિંમત જાણો, બિલ જોઈને લોકો થયા આશ્ચર્યચકિત
-
ગુજરાત21 hours ago
મુખ્યમંત્રી ભૂપેન્દ્ર પટેલ પુત્રની સારવાર માટે અમેરિકા જશે, એક મહિનાની રજા માગી
-
ગુજરાત21 hours ago
મનપા દ્વારા વૃક્ષારોપણ ઝુંબેશનો કાલથી પ્રારંભ
-
રાષ્ટ્રીય1 day ago
સપ્તાહના પ્રથમ દિવસે શેરબજારે નવી ઊંચાઈ હાસલ કરી, સેન્સેક્સ-નિફ્ટી ઓલટાઈમ હાઈ, સ્મોલકેપ-મીડકેપ શેર્સમાં પણ તેજી
-
રાષ્ટ્રીય21 hours ago
બજાજના આઈપીઓમાં એકના ડબલ, રૂા.14,980 સામે 17,120ની કમાણી
-
ધાર્મિક19 hours ago
ઘરમાં ભૂલથી પણ આ જગ્યાએ ન રાખવી જોઈએ પિતૃની તસવીર, નહીંતર સુખ શાંતિ હણી જશે