ભુજ એરફોર્સમાં ફરજ બજાવતા યુપીના જવાનએ 4 દિવસ પૂર્વે પોતાના રૂૂમમાં ફાંસો ખાઇ આપઘાત કરી લીધો હતો. તો, બીજીતરફ નખત્રાણા તાલુકાના નિરોણા ગામની વાડી વિસ્તારમાં 11 દિવસ પહેલા ઝેરી દવા પી લેનારા ઓરીરાના યુવાનનું સારવાર દરમિયાન મોત નીપજ્યું હતું.

પ્રાપ્ત વિગતો મુજબ મુળ ઉતર પ્રદેશના અને ભુજ એરફોર્સ સ્ટેશનમાં કોન્સ્પેબલ તરીકે ફરજ બજાવતા 24 વર્ષીય અનિલકુમાર રામ અવધ નામના જવાને પોતાના રૂૂમમાં પંખા પર ચાદર વળે ફાંસો ખાઇ આપઘાત કરી લીધો હતો. એ ડિવિઝન પોલીસ મથકના પીએસઆઇ ડી.જે.ઠાકોરે જણાવ્યું હતું કે, મરણજનાર જવાનના રૂૂમમાં રહેતા અન્ય ત્રણ જવાનો જામનગર ગયા હોઇ મરણજનાર રૂૂમમાં એકલો હતો. અને 1 નવેમ્બરના રોજ ફાંસો ખાઇ લીધો હતો. રૂૂમમાંથી વાસ આવતાં ઘટના અંગેની જાણ થઇ હતી. જવાને કયા કારણોસર આપઘાત કરી લીધો તે હજુ સામે આવ્યું નથી પોલીસે તપાસ હાથ ધરી છે.

પૂજારી માટે રૂમ બનાવવા મામલે માથાકૂટ થઇ હતી, માથામાં ગંભીર ઇજા પહોંચતા હોસ્પિટલે ખસેડાયા

લખપત તાલુકા ભાજપના પ્રમુખ અને અગ્રણી એવા વેસલજી મોડજી તુંવર ઉપર આશાપરમાં ઘાતક હુમલો થતાં ચકચાર પ્રસરી છે. ઘાયલને સારવાર અર્થે ખસેડાયા છે અને આરોપીને પોલીસે રાઉન્ડઅપ કરી લીધો છે. લખપત તાલુકા ભાજપ પ્રમુખ, કે.ડી.સી.સી. બેંકના ડાયરેક્ટર તેમજ ક્ષત્રિય અગ્રણી એવા વેસલજી મોડજી તુંવર ઉપર આશાપર ગામે યુવાન દ્વારા માથાના ભાગે ઘાતક હુમલો થતાં તેમને રક્તરંજિત હાલતમાં પ્રથમ દયાપર સી.એચ.સી., ત્યારબાદ વધુ સારવાર માટે ભુજ રિફર કરાયા હતા.

આ ચકચારી બનાવની પ્રાપ્ત વિગતો મુજબ બુધવારની બપોરે આશાપર શિવમંદિરે દાતા વેસલજી તુંવર તરફથી મંદિરની બાજુમાં પૂજારી માટે રૂૂમ બનાવવા બાંધકામનું કામ શરૂૂ કરાયું હતું. આશાપર ગામના અગ્રણીઓ દ્વારા બતાવેલી જમીન ઉપર કામ શરૂૂ કરતાં ત્યાં બલવંતસિંહ ભેરજી સોઢાએ સ્થળ ઉપર કામ કરતા કામદારો સાથે ગાળાગાળી કરી કામ બંધ કરાવ્યું હતું. આ વાતના સમાચાર મળતાં વેલસજી સ્થળ ઉપર પહોંચ્યા ત્યારે તેમના ઉપર હુમલો થતાં તેમને ગંભીર ઇજાઓ થઇ હતી.

આ બનાવના સમાચાર ફેલાતાં ભાડરા,આશાપર,માતાના મઢ, દયાપર સહિતના અગ્રણીઓ દયાપર હોસ્પિટલે દોડી આવ્યા હતા. દયાપરથી 108 દ્વારા ભુજ ખસેડતી વખતે તે એમ્બ્યુલન્સની સ્પીડ 50થી ઉપર ન હોતાં માતાના મઢથી ખાનગી વાહન દ્વારા ભુજ ખાતે વેસલજી દાદાને લઇ જવાયા હતા તેવું બળુભા તુંવરે જણાવ્યું હતું. બીજીબાજુ હુમલો કરનાર શખ્સને દયાપર પોલીસ દ્વારા રાઉન્ડઅપ કરી લીધાનું પી.એસ.આઇ. કુલદીપસિંહ જાડેજાએ જણાવ્યું હતું.

વડાપ્રધાન નરેન્દ્રભાઈ મોદીએ આજે કેવડિયા કોલોની સ્ટેચ્યુઓફ ુયનિટી ખાતે એકતા પરેડ સહિતના કાર્યક્રમોમાં હાજરી આપ્યા બાદ કચ્છ શરહદે ફરજ બજાવતા બીએસએફના જવાનો સાથે દિવાળીની ઉજવણી કરી હતી.

મળતી માહિતી મુજબ વડાપ્રધાન મોદી બપોરે કેવડિયાથી સીધા કચ્છના નલિયા ભૂજ થઈ એરબેઝ ઉપર પહોંચ્યા હતા. અને ત્યાં પાક. સરહદે ફરજ બજાવતા બીએસએફના જવાનો સાથે દિપાવલીની ઉજવણી કરી હતી. વડાપ્રધાન મોદી દર વર્ષે દિવાળીની ઉજવણી જવાનો સાથે કરે છે તે પરંપરા મુજબ આ વર્ષે કચ્છ સરદે દિવાળી ઉજવવાના હોય સુરક્ષા વ્યવસ્થા સઘન બનાવવામાં આવી છે. અને ઉચ્ચ અધિકારીઓ પણ પહોંચી ગયા છે.