ક્રાઇમ
બેંકના ખાતા ભાડે રાખી ઓનલાઈન નાણાં પડાવતી ટોળકી ઝડપાઈ
બેંક કર્મચારીની સાથે થયેલી રૂ.50.89 લાખની છેતરપિંડીનો ભેદ ઉકેલાયો
પૂછપરછમાં વધુ બેંક ખાતા ધારકોના નામ સાથે છેતરપિંડીનો આંક પણ વધશે
મોરબી રોડ ઉપર રાજલક્ષ્મી એવન્યુ સોસાયટીમાં રહેતા કોટક બેંકના કર્મચારીને ટેલીગ્રામમાં હોટલ તેમજ અન્ય કંપનીને રેટિંગ આપી ઓનલાઈન ટાસ્કમાં મોટી કમાણીની લાલચ આપી શરૂૂઆતમાં થોડી રકમ રિફંડ પેટે આપી રૂૂ.50.89 લાખ ખંખેરી લેતા સાઈબર ક્રાઈમ પોલીસમાં થયેલી ફરિયાદ બાદ આ મામલે પોલીસે રાજકોટ,ધોરાજી,જૂનાગઢ અને ભાવનારના પાંચ શખ્સોની ધરપકડ કરી છે. પકડાયેલ ટોળકીના સુત્રધારે અન્ય ચાર શખ્સોના ખાતામાં ભાડે રાખી છેતરપિંડીની રકમ ટ્રાન્સફર કરી હતી. ઝડપાયેલ ટોળકીના પાંચ સભ્યો રિમાન્ડની માંગ સાથે કોર્ટમાં રજુ કરાયા છે.પુછપરછમાં વધુ બેંક ખાતા ધારકોના નામ સાથે છેતરપિંડીનો આંક પણ વધશે તેમ પોલીસ સુત્રો જણાવ્યું હતું.
મોરબી રોડ પરની રાજલક્ષ્મી એવન્યુ સોસાયટીમાં રહેતા અને કાલાવાડ રોડ પર આવેલ કોટક સેક્યુરીટીમાં નોકરી કરતા જયમીન ચમનભાઈ પરસાણા (ઉ.વ.30)એ સાયબર ક્રાઈમ પોલીસ સ્ટેશનમાં ફરિયાદ નોંધાવી હતી. જયમીન પરસાણાએ ફરિયાદમાં જણાવ્યું હતું કે, તેના મોબાઇલ પર અજાણ્યા નંબર પરથી સોશિયલ મીડિયામાં મેસેજ આવ્યો હતો અને તેમાં મેસેજ કરનાર શખ્સે પોતાની ઓળખ ગૂગલમાંથી વાત કરતા હોવાનું કહી સાઈડ ઈન્કમ મેળવવા માગતા હોય તો ટાસ્ક મુજબ કામ કરવાથી કમાણી થશે તેમ કહ્યું હતું. જયમીનને ઓફર આકર્ષક લાગતા તેણે ઇચ્છા વ્યક્ત કરતા તે શખ્સે એક લિંક મોકલી હતી. લિંક ઓપન કરતા એક રિવ્યૂનો ટાસ્ક આપવામાં આવ્યો હતો. જે પૂરો કરતા જયમીનને એક રિવ્યૂના 50 મળી 3 રિવ્યૂના 150 આપવામાં આવ્યા હતા.
બાદમાં મોટા ટાસ્ક માટે રકમ જમા કરાવવાનું કહેતા જયમીને રૂૂ.1 હજાર ટ્રાન્સફર કરતા તેને લિંક મોકલવામાં આવી હતી અને રૂૂ.1 હજારના બદલામાં રૂૂ.1500 રિફંડ અપાયું હતું. ત્યારબાદ યુવકે રૂૂ.3500 ટ્રાન્સફર કર્યા હતા જેના બદલામાં તેને રૂૂ.5850 રિફંડઅપાયું હતું જેથી જયમીનને વિશ્વાસ બેસતા તે વધુ ને વધુ રકમ ટ્રાન્સફર કરવા લાગ્યો હતો. અલગ ટાસ્ક આપવામા આવેલ જેમાં રૂૂ.5 હજાર ટ્રાન્સફર કરેલ જેમા પણ નજીવું રીટર્ન મળેલ જેથી સામેવાળા વ્યક્તી પર વિશ્ર્વાસ આવી જતા તેમના કહેવા પ્રમાણેના બેંક ખાતા નંબર અને યુપીઆઈ આઈડીમાં કટકે-કટકે કરી કુલ રૂૂ.50.89 લાખ ટ્રાન્સફર કરેલ હતાં. બાદમાં રિફંડ આપવાનું બંધ કરી દેવાયું હતું. જયમીને પોતે આપેલી રકમ પરત માગતા વધુ રકમની માંગ કરાતા જયમીનને પોતાની સાથે છેતરપિંડી થયાનું માલુમ પડતા આ મામલે સાઈબર ક્રાઈમ પોલીસમાં ફરિયાદ નોંધાવતા પોલીસે તપાસ કરી જે એકાઉન્ટમાં રકમ ટ્રાન્સફર થઇ હતી તે એકાઉન્ટ ધારકોની વિગતો મેળવી આ મામલે રાજકોટના રૈયા ગામ લાઈટ હાઉસમાં ફ્લેટ નંબર 1304 માં રહેતા રિક્ષા ચાલક સુત્રધાર અરમાન રૂૂશ્તમ શેખ સાથે સાહિલ ફિરોઝ કોચલીયા તેમજ ધોરાજીના જાવીદ કાદર બીડીવાલા, જૂનાગઢના ધવલ દિનેશ મુછડિયા,ભાવનગરના અરવિંદ લઘરા સોલંકીની ધરપકડ કરી હતી.
ઝડપાયેલ ટોળકીના પાંચ સભ્યો રિમાન્ડની માંગ સાથે કોર્ટમાં રજુ કરી વધુ પુછપરછ કરતા જાણવા મળ્યું કે, રિક્ષા ચાલક સુત્રધાર અરમાન રૂૂશ્તમ શેખે ચાર ખાતા ધારકોને લાલચ આપી બેંક ખાતા ભાડે લઇ છેતરપીંડીની રકમ ટ્રાન્સફર કરવી હતી. સાઈબર ક્રાઈમની તપાસમાંમાં વધુ બેંક ખાતા ધારકોના નામ સાથે છેતરપિંડીનો આંક પણ વધશે.
સાઈબર ક્રાઈમ પોલીસ મથકના ઇન્ચાર્જ એસીપી ભરત બી.બસીયાની સુચનાથી પી.આઈ આર.જી.પઢીયાર સાથે સ્ટાફના સત્યજીતસિંહ ગોહિલ,હર્ષરાજસિંહ જાડેજા,જયપાલસિંહ સોલંકી,પૃથ્વીસિંહ ચૌહાણે કામગીરી કરી હતી.
ક્રાઇમ
લ્યો બોલો , હવે ફાકી ખવડાવવા મામલે માથાકૂટ થઇ, ગારીડાના યુવાન પર ત્રણ શખ્સોની ધોલધપાટ
રાજકોટ શહેરમાં અવાર નવાર નજીવી બાબતે મારામારીની ઘટનાઓ પોલીસે ચોપડે નોંધાય છે. ત્યારે ગઇકાલે રાજકોટ-કુવાડવા હાઇવે પર આવેલા ગરીડા ગામે પાનની કેબીને ફાકી ચોળતા યુવાન પાસેથી ફાકી ખાવા માંગતા યુવાને ફાકી આપવાનીના પાડતા ત્રણ શખ્સોએ મારમારતા એરપોર્ટ પોીલસમાં ફરિયાદ નોંધવામાં આવી છે.
બનાવની મળતી વિગતો અનુસાર, ગારીડા ગામે રહેતા દિનેશભાઇ ધરમશીભાઇ ધરજીયા નામના યુવાનની ફરિયાદ પરથી અરવિંદ ચના કુંજાણી, ગોરધન લીંબાભાઇ અને શીવી લીંબાભાઇ ઝાપડીયાનું નામ આપતા તેમની સામે એરપોર્ટ પોલીસ મથકમાં ફરિયાદ નોંધવામાં આવી છે. દિનેશે ફરિયાદમાં જણાવ્યું હતુ કે, પોતે છુટક મજુરી કામ કરે છે.
તા.15ના ગઇકાલે દિનેશભાઇ કામ પર જવા નીકળાત્યારેે ગામમાં આવેલી વિજયભાઇની પાનની દુકાને ફાકી ખાવા માટે ઉભો હતો ત્યારે ત્યાં ફાકી ચોળતી વખતે અરવિંદ ત્યાં આવ્યો અને કીધુ કે મને ફાકી ખવડાવ જેથી દિનેશ ફાકી આપવાની ના પાડી દીધી હતી. આ મામલે અરવિંદ ઉશ્કેરાય ગયો હતો અને દિનેશને માર માર્યો હતો અને આ જોઇ ગામના ગોરધનભાઇ અને શીવાભાઇ પણ ત્યાં આવી પહોચ્યા હતા.
તેમણે પણ દિનેશને માર મારતા ત્યાંના લોકોએ દિનેશને બચાવ્યો હતો. આ મામલે દિનેશને આરોગ્ય કેન્દ્રમાં સારવાર અર્થે ખસેડવામાં આવ્યો હતો.
ક્રાઇમ
બૂટલેગરની પુત્રીનું દારૂ સપ્લાયનું નવું નેટવર્ક, પાણીની બોટલમાં 200 એમએલ દારૂનો વેપલો
શહેરના આંબેડકર નગરમાં નામચીન બુટલેગરની રિસામણે આવેલી પુત્રીએ દારૂનો નવતર કિમીયો અજમાવી વેપલો શરૂ કર્યો હોય જેની બાતમી પીસીબીને મળતા પીસીબીની ટીમે દરોડો પાડી દારૂની 6 મોટી બોટલ તેમજ પ્લાસ્ટિકની પાણીની બોટલમાં 200 એમએનલની દારૂ ભરેલી 19 બોટલ કબ્જે કરી હતી. મોટાભાગે બુટલેગરો 750 એમએલ કે, 180 એમએલની બોટલ વહેંચતા હોય છે. પરંતુ બુટલેગરની પુત્રીએ પ્યાસીઓને જરૂર મુજબ નાની બોટલોમાં દારૂ સપ્લાયનું નેટવર્ક શરૂ કર્યુ હતું.
પીસીબીના પીએસઆઈ એમ.જે. હુણની ટીમના વાલજીભાઈ જાડાને મળેલી બાતમીના આધારે આંબેડકનર નગર શેરી નં. 5 માં એસટી વર્કશોપ પાછળ રહેતી કાજલબેન જિતેન્દ્રભાઈ મુછડિયાના ઘરે દરોડો પાડવામાં આવ્યો હતો. નામચીન બુટલેગર વિઠ્ઠલની પુત્રી કાજલ હાલ રિસામણે આવી હોય અને તેણે પોતાના પિતાના પગલે પગલે જ દારૂનો વેપલો શરૂ કર્યો હતો. પરંતુ અન્ય બુટલેગરો કરતા અલગ નોટવર્કથી દારૂનો વેપલો કાજલે શરૂ કર્યો હતો. કાજલે પ્યાસીઓ માટે પ્લાસ્ટિકની 200 એમએલની પાણીની બોટલમાં દારૂ ભરીને વહેંચવાનું શરૂ કર્યુ હતું. પોલીસ દરોડા વખતે આવી નાની 19 બોટલમાં દારૂનો જથ્થો તેમજ 750 એમએલની મોટી 16 બોટલ દારૂ મળી આવ્યો હતો. પોલીસે આ દારૂમાં મીલાવટ થતી હતી કે કેમ તે બાબતે પણ તપાસ શરૂ કરી છે. પ્યાસીઓ માટે નાની 200 એમએલની બોટલમાં જરૂરિયાત મુજબનો દારૂ વહેંચતી હતી.
પીસીબીનીટીમે અન્ય પાડેલા દરોડામાં થોરાળા પોલીસ મથક વિસ્તારમાંથી દેશીદારૂની ભઠ્ઠી જડપી પાડી હતી. આ ભઠ્ઠી ચલાવતી મહિલા બુટલેગર દિવાળીબેન જતીનભાઈ સોલંકીની ધરપકડ કરી હતી. કુબલિયાપરાની દિવાળીબેનને ત્યાંથી રૂા. 20000ની કિંમતનો 800 લિટર આથો અને 75 લિટર દેશી દારૂ સહિતનો મુદ્દામાલ કબ્જે કર્યો હતો. અન્ય દરોડામાં માલવિયાનગર પોલીસે મવડી પ્લોટ આનંદ બંગલા ચોકમાંથી જયદિપસિંહ ઉર્ફે રમજુભા સજુભા જાડેજા અને ભરત રમેશ ડાભીને મોટરસાયકલ નં. જીજે 3 એચએફ 5775માં 180 એમએલના 23 ચપલા સાથે ઝડપી લીધા હતાં.
ક્રાઇમ
કારખાનેદાર વ્યાજખોરોની ચુંગાલમાં ફસાયો, વ્યાજખોરોએ કહ્યું, પૈસા નહીં આપ તો તારી જિંદગી બગાડી નાખીશ
ધંધામાં મંદી આવતા કારખાનેદાર પૈસા ભરી ન શક્યો, નાણાં ચૂકવવા સમય માગ્યો’તો ધમકી મળી
વ્યાજખોરોએ ઇમિટેશનના કારખાનાની મશીનરીનું નોટરાઇઝ લખાણ કરાવી લીધું, બે આરોપી સામે ગુનો દાખલ
મોરબી રોડ પર સેટેલાઇટ ચોકમાં આવેલી રાજમોતી રેસીડેન્સીમાં રહેતા અને માર્કેટિંગ યાર્ડની સામે શક્તિ સોસાયટી શેરી નં. 2માં ઇમીટેશનનું કારખાનુ ધરાવતા વિશાલ કાંતિભાઈ પટેલ (ઉ.વ.30) વ્યાજખોરોની ચુંગાલમાં ફસાતા આખરે બી ડીવીઝન પોલીસ મથકમાં ધીરૂૂભાઈ ટોળીયા (રહે. આર્યનગર) અને પ્રદીપ ચૌહાણ (રહે. સંત કબીર રોડ) વિરૂૂધ્ધ ફરિયાદ નોંધાવી હતી. પોલીસે બંને આરોપીઓ વિરૂૂધ્ધ મની લેન્ડ સહિતની કલમો હેઠળ ગુનો દાખલ કરી તપાસ આગળ ધપાવી છે.
વિશાલે જણાવ્યું છે કે 2018માં તેને ધંધા માટે પૈસાની જરૂૂર પડતાં પિતાના જૂના મિત્ર ધીરૂૂભાઈ ટોળીયાને વાત કરતાં તેણે તેના ભાઈ પોપટભાઈ કે જે કુવાડવા રોડ પર ચાની હોટલ ધરાવે છે, તેની પાસેથી 5 લાખ 3 ટકા વ્યાજે લઇ આપ્યા હતા. જેનું તે દર મહિને 15 હજાર વ્યાજ આપતો હતો.જુલાઇ-2022માં તેને વધુ રૂૂપિયા એક લાખની જરૂૂર પડતાં ધીરૂૂભાઈએ મિત્ર તેજારામ પ્રજાપતિ પાસેથી 4 ટકા વ્યાજે રકમ અપાવી હતી. જેનું દર મહિને 4 હજાર વ્યાજ ચૂકવતો હતો. તેણે ધીરૂૂભાઈ હસ્તક કુલ રૂૂા. 6 લાખ વ્યાજે લીધા હતા. જેની સામે તેણે 12.50 લાખ કરતાં પણ વધુ રકમ ચૂકવી દીધી હતી.ધંધો સરખો ચાલશે તો તમારા પૈસા કટકે-કટેક આપી દઇશ.તેમ કહેતા વખતે ધીરૂૂભાઈએ કહ્યું કે તને આપેલા તમામ પૈસા મારા છે, બીજા કોઇના નથી, એટલે તારે મને વ્યાજ તો આપવું પડશે. અત્યારે નહીં તો પછી પણ વ્યાજ તો આપવું જ પડશે. બાદમાં તેને ગાળો ભાંડી ઝગડો કર્યો હતો.
એટલું જ નહીં ગઇ તા. 2 સપ્ટેમ્બરના રોજ ફોન કરી ગાળો ભાંડી કહ્યું કે વ્યાજ નહીં આપતો અસલીયત ઉપર આવી જઇશ, તારી જિંદગી બગાડી નાખીશ તેવી ધમકી પણ આપી હતી. ઓગસ્ટ-2021માં તેણે મિત્ર પ્રદીપ ચૌહાણ પાસેથી રૂૂા. 5 લાખ 5 ટકા વ્યાજે લીધા હતા.જેનું દર મહિને 25 હજાર વ્યાજ ચૂકવતો હતો.પૈસાના બદલામાં પ્રદીપે તેના કારખાનાની મશીનરીનું નોટરાઇઝ લખાણ તેના કાકા લાલજીભાઈ પાસે કરાવી લીધું હતું. તેના ધંધાના કામનું કેમીકલ પ્રદીપ વેચતો હતો.જેથી તેની પાસેથી ઉધારમાં કેમિકલ લીધું હતું. આ રીતે કુલ આઠેક લાખનો માલ ઉધારમાં લીધો હતો.જે માટે છ લાખ રૂૂપિયાનું 5 ટકા વ્યાજ ચડાવી તેની ઉઘરાણી કરી હતી.થોડા સમય બાદ પ્રદીપને રૂૂા. 5 લાખ આપી દીધા હતા.બાકીના 6 લાખનું વ્યાજ રેગ્યુલર ચૂકવતો હતો.ધંધામાં મંદી આવતા તેને કારખાને બોલાવી વ્યાજ નહીં આપી શકું તેવી આજીજી કરી હતી. તે વખતે પ્રદીપે પણ કહ્યું કે વ્યાજ તો મારે વ્હેલા મોડુ જોઇશે જ, હું વ્યાજ કે મુદલ છોડીશ નહીં. બાદમાં તેને ગાળો ભાંડી, ઝગડો કરી જતો રહ્યો હતો. આ ઉપરાંત ફોન કરી વ્યાજ માટે અવારનવાર ધાક ધમકી આપતો હોવાથી આખરે બંને વિરૂૂધ્ધ ફરિયાદ નોંધાવી હતી.
-
ક્રાઇમ1 day ago
ક્ષત્રિય મહિલા અગ્રણી પદ્મિનીબા વાળાનો પુત્ર સાથે મળી પતિ ઉપર પાઇપ વડે હુમલો
-
આંતરરાષ્ટ્રીય1 day ago
SCO સમિટ માટે વિદેશ મંત્રી એસ. જયશંકર ઇસ્લામાબાદ પહોંચ્યા, 9 વર્ષ બાદ પાકિસ્તાન પહોંચનાર પ્રથમ નેતા
-
ગુજરાત1 day ago
પ્રકૃતિના વિકાસમાં સહકાર પણ ખેડૂતોના ભોગે નહીં: કિસાન સંઘ
-
ગુજરાત1 day ago
આનંદનગર કોલોનીની તરૂણી બે દિવસથી તાવમાં પટકાયા બાદ મોત
-
ગુજરાત1 day ago
વીજચોરી અંગે તપાસમાં ગયેલા પીજીવીસીએલના કર્મચારી ઉપર છેડતીનો આરોપ મૂકી હુમલો
-
ગુજરાત1 day ago
ત્રણેય ઝોનમાં 84 આસામી પાસેથી 12.74 કિલો પ્રતિબંધિત પ્લાસ્ટિક જપ્ત કરાયું
-
આંતરરાષ્ટ્રીય1 day ago
ચૈન્નઇ-તમિલનાડુ ફરી જળબંબાકાર, શાળા-કોલેજોમાં રજા
-
આંતરરાષ્ટ્રીય1 day ago
પાકિસ્તાન: પૂર્વ ISI ચીફ ફૈઝ હમીદની ધરપકડ