ગુજરાત
અમીન માર્ગ ઉપર કપડાંનો શો રૂમ ચલાવતી યુવતીને ભાગીદારે બેફામ ફટકારી
બે લાખ રૂપિયા રોકડા નહીં આપતા ઉશ્કેરાયેલા ચિરાગ ચંદારાણાએ માનેલી બહેનને રક્ષાબંધનના દિવસે જ પાંચ સેક્ધડમાં આઠ ફડાકા ઝીંકયા, સીસીટીવીમાં કંપારી છૂટી જાય તેવા દૃશ્યો
પોલીસે પણ ન્યાય આપવાના બદલે કલાકો સુધી યુવતીને ટોર્ચર કરી આરોપીની હાજરીમાં જ સમાધાન માટે દબાણ કર્યુ, કોલકાત્તાના નામે હાકોટા પાડતા શાસકોના ગાલે તમાચો મારતી રાજકોટની ઘટના
રાજકોટ શહેરના અમીનમાર્ગ પર કપડાનો શો રૂમ ચલાવતી એક માતા-પિતા વગરની યુવતીને તેના જ માનેલા ભાઇ એવા ભાગીદારે બે લાખ રૂપિયા બાબતે કપડાના શો રૂમમાં ગત તા.23 ઓગસ્ટના રોજ રક્ષાબંધનના દિવેસ જ બેફામ ફટકારી હતી અને સાંજે 4.56 કલાકે માત્ર પાંચ સેક્ધડમાં ધડાધડ આઠ ફડાકા ઝીંકી દીધા હતાં.
આ સમગ્ર ઘટના સીસીટીવીમાં કેદ થઇ હતી. આ સીસીટીવીના ફુટેજ વાયરલ થતાં જોનારાઓને પણ કંપારી છુટી જાય તેવા દ્રશ્યો જોવા મળે છે. સૌથી આશ્ર્ચર્યની વાત એ છે કે, કલકત્તામાં બનેલી દુષ્કર્મની ઘટનાને લઈ ગુજરાતના મુખ્યમંત્રી અને ગૃહમંત્રી હાકોટા પાડી રહ્યાં છે પરંતુ રાજકોટમાં બનેલી આ ઘટના અંગે ભોગ બનનાર યુવતીની ફરિયાદ લેવામાં પણ પોલીસે ભારે નિષ્કાળજી દાખવી હોવાનું બહાર આવ્યું છે. ફરિયાદ કરવા પહોંચેલી યુવતીને રીતસર દબાવવાના પ્રયાસો થયા હતા અને આરોપી યુવકની પણ અમારે ફરિયાદ નોંધવી પડશે તેવું જણાવી યુવતીને સમાધાન કરી લેવા જવાબદાર પોલીસ અધિકારીઓ દ્વારા દબાવવામાં આવી હતી. આ મામલે ભોગ બનનાર યુવતીએ મક્કમ રહી માલવીયા નગર પોલીસ મથકમાં તેના ભાગીદાર અને માનેલા ભાઇ સામે ફરિયાદ નોંધવતા પોલીસે ગુનો નોંધી આ શખ્સની ધરપકડ કરવા માટે તજવીજ હાથ ધરી છે.
મળતી વિગતો મુજબ, શહેરના અમીનમાર્ગ ઉપર રહેતી અને નજીકમાં જ કપડાનો શો રૂમ ચલાવતી યુવતીએ નોંધવેલી પોલીસ ફરિયાદમાં આરોપી તરીકે ગાંધીગ્રામ કર્ણશ્ર્વર કોમ્પ્લેક્ષ 302માં રહેતા ચીરાગ જગદીશ ચંદારાણાનું નામ આપ્યું છે. ફરિયાદમાં જણાવ્યા મુજબ યુવતીએ ચીરાગને પોતાનો ભાઇ માનયો હોય, ચીરાગ અગાઉ બેન્કમાં નોકરી કરતો હોય પરંતુ તેની આર્થિક સ્થિતિ સારી ન હોય જેથી પગભર બનાવવા માટે આ યુવતીએ ચીરાગને વગર રોકાણ કરીએ ધંધામાં ભાગીદાર બનાવી શો રૂમમાં સાથે રાખ્યો હતો અને છેલ્લા ત્રણ વર્ષથી બંન્ને વેપાર કરતા હતા. ભોગ બનનાર યુવતીના પિતા ન હોય, માતા અને બહેન સાથે રહેતી યુવતીએ પોતાના માનેલા ભાઇ ચીરાગ ચંદારાણાને પગભર કરવા માટે અલગ-અલગ કંપની સાથે કરાર કરી કપડાનો વેપાર શરૂ ર્ક્યો હોય અને જેમાં ચિરાગને નક્કી કરેલ ભાગ આપવાની તૈયારી બતાવી હતી. રક્ષાબંધનના દિવસે ચીરાગ શો રૂમે આવ્યો હતો અને તેણે 2 લાખ રૂપિયા રોકડા માગ્યા હતા. યુવતીએ આ રૂપિયા રોકાણ નહીં ચેકથી આપ્યાની તૈયારી બતાવી હતી.
જે બાબતે ચીરાગ ઉશ્કેરાઇ ગયો હતો અને તેને પોતાની માનેલી બહેનને રક્ષાબંધનના દિવસે જ બેફામ ફટકારી અત્યાચાર ગુજરાયો હતો.
આ મામલે યુવતીએ પોતાના મામા નિલેશભાઇ તથા પાડોશમાં રહેતા દંપતીને જાણ કરતા તેઓ શો રૂમ ખાતે દોડી આવ્યા હતા અને આ મામલે સમાધાન કરાવ્યું હતુ અને રક્ષાબંધનના દિવસે બનેલા બનાવમાં ભાઇ સામે બહેને ફરિયાદ કરવાનું ટાળ્યું હતું. ત્યાર બાદ ગત તા.5/9ના રોજ ચીરાગ ચંદારાણાણે ફરીથી રોકાણ રકમની માંગણી કરી હતી. ઘર વપરાશ માટે રૂ.3લાખની જરૂર હોય માનેલી બહેનને પોતાના ભાઇ ચિરાગને ત્રણ લાખ રૂપિયા આપ્યા હતા. ત્યાર બાદ બીજા દિવસે ચીરાગ દુકાને આવ્યો હતો અને ચોપડાના હિસાબમાં ભૂલ છે.
તેમ કહીં ચીરાગે દુકાનમાં થતા તમામ ખર્ચ પોતાના જાતે ચોપડામાં લખી અને બોલાચાલી કરી ગાળાગળી કરી હતી. અવાર-નવાર ભાગના રૂપિયા બાબતે ચિરાગે પોતાની માનેલી બહેનને પરેશાન કરી ત્રાસ ગુજારતો હોય આ મામલે અંતે યુવતીએ પોલીસનું શરણ લીધુ હતું અને માલવીયા નગર પોલીસ મથકમાં ફરિયાદ નોંધવતા પોલીસે ચિરાગ જગદીશ ચંદારાણા સામે ભારતીય ન્યાય સંહીતાની ક્લમ 115(2), 352, 351(3) મુજબ ગુનો નોંધી ચીરાગ ચંદારાણાની ધરપકડ કરવા તજવીજ હાથ ધરી છે.
સીસીટીવી જોનારાને કંપારી છૂટી જાય તેવા દૃશ્યો
અમીન માર્ગ ઉપર આવેલ કપડાના શો રૂમમાં રક્ષાબંધનના દિવસે બનેલી આ ઘટનાના સીસીટીવી ફુટેજ બહાર આવ્યા છે જેમાં જનૂનપૂર્વક યુવક યુવતી ઉપર તુટી પડે છે અને માત્ર પાંચ સેક્ધડમાં જ ઉપરાછાપરી બેરહેમીથી યુવતીને આઠ ફડાકા ઝીંકી દઈ ભુંડા બોલી ગાળો ભાંડતો સંભળાય છે. આ સીસીટીવી ફુટેજના આધારે રાજ્યના ગૃહમંત્રી હર્ષ સંઘવી પણ ધડો લઈ જવાબદાર આરોપી સામે કડક પગલાં ભરવાનો હુકમ કરે તેવી માંગણી ઉઠવા પામી છે. યુવતી માતા-પિતા વિહોણી અને નિરાધાર હોય જનુની આરોપી તેને પોલીસની ઓળખના જોરે ડરાવે ધમકાવે નહીં તે જોવાની જવાબદારી પણ સરકારની છે.
મહિલાની ફરિયાદ લેવામાં પોલીસે ક્લાકો રઝળાવી
અમીનમાર્ગ પર કપડાનો શો રૂમ ધરાવતી યુવતીને તેના માનેલા ભાઇએ રક્ષાબંધનના દિવસે હિસાબ બાબતે બેફામ ફટકારી હોય, ભાઇ સામે રક્ષાબંધનના દિવસે બનેલા બનાવની ફરિયાદ કરવાનું બહેનને ટાળ્યુ હતું અને ત્યાર બાદ ચીરાગ ચંદરાણાએ સતત માનસિક ત્રાસ આપતા યુવતી ગત તા.23/8ના રોજ પોલીસ કમિશનર કચેરીએ આ બાબતે ફરિયાદ માટે પહોંચી હતી. પરંતુ તેની હાલત બગડી જતા પોલીસ કમિશનર કચેરીમાં બેભાન થઇ ગઇ હતી અને સી.પી.કચેરીએથી 108 મારફતે સારવાર માટે ખાનગી હોસ્પિટલમાં ખસેડાઇ હતી. આ બનાવ બાદ સમાધાનની વાત ચાલતી હોય જેથી કોઇ ફરિયાદ કરાઇ ન હતી. બાદમાં ગઇકાલે ફરી ચીરાગ ચંદારાણાએ ઝઘડો કરતા આ મામલે ડી.સી.પી.ઝોન-2 જગદીશ બાંગરવાને રૂબરૂ મળતા માલવીયા નગર પોલીસને ગુનો નોંધવા ડીસીપીએ હુકમ ર્ક્યો હતો. સાંજે 4 વાગ્યાથી રાત્રીના 10 વાગ્યા સુધી માલવીયા નગર પોલીસ મથકને યુવતીને બેસાડી રાખવામાં આવી હતી અને પોલીસે આ બાબતે સામસામી ફરિયાદની વાત કરતા યુવતી ગભરાઇ ગઇ હતી. કલાકો સુધી યુવતીને રઝળાવ્યા બાદ પોલીસ મથકમાં જ યુવતી બેભાન થઇ જતા 108ને બોલવામાં આવી હતી અને અંતે મોડી રાત્રે આ બાબતની પોલીસે ફરિયાદ નોંધી હતી.
સી.પી.ઓફિસ અને પોલીસ સ્ટેશનમાં ભારે ગભરાટ અને આઘાતના કારણે યુવતી બેભાન થઈ ગઈ
રાજકોટની આ ચોકાવનારી ઘટના બન્યા બાદ ગત તા.24નાં રોજ યુવતી અરજી લઈને પોલીસ કમિશ્નર કચેરીએ પહોંચી હતી. પરંતુ અરજી આપે તે પહેલા ગભરાટ અને આઘાતના કારણે યુવતી બેભાન થઈ જતાં 108 મારફત હોસ્પિટલે ખસેડવામાં આવી હતી. ત્યારબાદ ગઈકાલે માલવીયાનગર પોલીસ સ્ટેશનમાં યુવતી ફરિયાદ કરવા પહોંચી ત્યારે તેને ભયંકર ટોચર કરવામાં આવતાં ગભરાયેલી યુવતી વધુ એક વખત બેભાન થઈ ગઈ હતી અને ત્યાંથી પણ 108 મારફત સિવિલ હોસ્પિટલે સારવાર માટે ખસેડવી પડી હતી. જો કે મોડી રાત્રે પોલીસે આરોપી સામે ગુનો દાખલ કર્યો હતો. આરોપી પણ મોડી રાત સુધી પોલીસ સ્ટેશનમાં હાજર હોવા છતાં પોલીસે તેની અટકાયત કરવાના બદલે સમાધાન માટે સતત યુવતી ઉપર દબાણ કર્યુ હતું.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ