ગુજરાત
જુગારમાં 1.39 કરોડ હારી જતાં કારખાનેદારનો આપઘાતનો પ્રયાસ
જુગાર ક્લબમાં રમવા લઈ જનાર રવિ વેકરિયા સહિતના પાંચ શખ્સો નાણાની પઠાણી ઉઘરાણી કરતાં’ તા
નામચીન રવિ વેકરિયા વિરુદ્ધ જેલમાંથી છૂટ્યા બાદ વધુ એક ગુનો નોંધાયો
શહેરના એક કારખાનેદાર જુગાર ક્લબમાં રૂૂ.1.39 કરોડ હારી ગયા હતા. જેની સામે તેણે રૂૂ.62.90 લાખ ચૂકવી દીધા હતા, બાકીના રૂૂ.77 લાખની જુગારીઓએ પઠાણી ઉઘરાણી કરી મારકૂટ કરી ત્રાસ આપતા કારખાનેદારે એસિડ પી આપઘાતનો પ્રયાસ કર્યો હતો. અંતે પોલીસે પાંચ શખ્સ સામે ગુનો નોંધ્યો હતો.
કોઠારિયા રોડ પરની આલોક રેસિડેન્સીમાં રહેતા અને માંડાડુગર પાસે બાલાજી ઇન્ડસ્ટ્રિયલ એરિયામાં જય બાલાજી સ્ટીલ નામે કારખાનું ધરાવતાં નિતેશ હસમુખભાઇ ટીંબડિયા (ઉ.વ.35)એ આજી ડેમ પોલીસ સ્ટેશનમાં નોંધાવેલી ફરિયાદમાં આરોપી તરીકે રવિ વેકરિયા, કપિલ પટેલ, બાદશાહ, ચિરાગ મોલિયા અને કાનો કાકડિયાના નામ આપ્યા હતા. નિતેષ ટીંબડિયાએ ફરિયાદમાં જણાવ્યું હતું કે, છ મહિના પહેલાં કપિલ પટેલ સાથે મુલાકાત થયા બાદ મિત્રતા થઇ હતી. કપિલ અલગ અલગ જગ્યાએ જુગાર રમવા જતો હતો અને નિતેશને પણ વારંવાર જુગાર રમવા આવવાનું કહેતો હતો. કપિલની સાથે નિતેશ ગોંડલ નજીક વાડી વિસ્તારમાં ચાલતી રવિ વેકરિયાની ક્લબમાં રમવા ગયો હતો.
એક મહિના બાદ કપિલ ફરીથી રવિ વેકરિયાની મવડીની વગડ ચોકડી પાસે ફ્લેટમાં ચાલતી રવિ વેકરિયાની ક્લબે લઇ ગયો હતો અને ત્યાં એક જ દિવસમાં નિતેશ ટીંબડિયા રૂૂ.46.50 લાખ હારી ગયો હતો. જુગારમાં હારેલી રકમ પેટે રૂૂ.10 લાખ કપિલ પટેલને સોરઠિયા વાડી સર્કલ નજીક આપ્યા હતા ત્યારે બાદશાહ પણ સાથે હતો, રૂૂ.3 લાખનો ચેક આપ્યો હતો અને બાદમાં રૂૂ.5 લાખ આનંદ બંગલા ચોકમાં ચૂકવ્યા હતા. બાકીના રૂૂપિયા વસૂલવા ચેકબુક લઇ ગયા હતા અને રવિની ઓફિસે બોલાવી પઠાણી ઉઘરાણી કરતા હતા.
થોડા દિવસો બાદ કપિલે કહ્યું હતું કે, જુગારની બાકી રકમ ચૂકવવા માટે મેટોડામાં કાના કાકડિયાની ચાલતી જુગાર ક્લબમાં જુગાર રમીને ત્યાંથી જીતીને પૈસા ચૂકવી દેજે. કપિલની વાતમાં ફસાઇને નિતેશ જુગાર રમવા ગયો હતો અને ત્યાં રૂૂ.80 લાખ હારી ગયો હતો. નિતેશે હારેલી રકમમાંથી રૂૂ.19 લાખ કાના કાકડિયાને ભાવનગર રોડ પર ચાની હોટેલે ચૂકવ્યા હતા. ત્યારબાદ રૂૂ.8 લાખ, રૂૂ.5 લાખ, રૂૂ.3 લાખ, રૂૂ.1 લાખ, રૂૂ.3 લાખ, રૂૂ.9.50 લાખ મળી કુલ રૂૂ.48.50 લાખ ચૂકવ્યા હતા અને બાકીના રૂૂ.31.50 લાખ માટે જુગાર ક્લબના સંચાલકોએ બે મહિનાનો સમય આપ્યો હતો. નિતેશ ટીંબડિયા ત્રણ વખતમાં કુલ રૂૂ.1.39 કરોડ હારી ગયો હતો જેની સામે તેણે રૂૂ.62.90 લાખ ચૂકવ્યા હતા બાકીના રૂૂ.77 લાખ માટે ઉપરોક્ત તમામ આરોપીઓ બેફામ બન્યા હતા.
ગત તા.10ના આરોપીઓ નિતેશના કારખાને પહોંચ્યા હતા ત્યાં મારકૂટ કરી આખો દિવસ ગોંધી રાખ્યો હતો અને ધમકી આપી હતી કે, મરવું હોય તો મરી જજે પણ પૈસા તો આપવા જ પડશે.તેમજ સોમવાર સુધીમાં ગમે તેમ કરીને રૂૂપિયા આપવા માટે અલ્ટીમેટમ આપતા ત્રાસથી કંટાળી ગઈ તા. 10ના તેના કારખાને એસીડ પી આપઘાતનો પ્રયાસ કરતાં સિવિલમાં ખસેડાયા હતાં. તેમ ફરિયાદમાં જણાવાતા આજીડેમ પીઆઇ એ.બી. જાડેજા અને ટીમે પાંચ શખ્સો સામે ગુનો દાખલ કરી તપાસ હાથ ધરી છે. આ ગુનામાં સામેલ રવિ વેકરિયા થોડા દિવસો પૂર્વે જ નાણાની ઉઘરાણી મામલે જેલમાંથી છૂટ્યો હતો અને છૂટ્યા બાદ વધુ એક વખત પોલીસ મથકમાં ગુનો દાખલ થતાં તેની ધરપકડની તજવીજ શરૂ કરવામાં આવી છે.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ