પાટીદાર સમાજે ચીલો ચાતર્યો, 62 નવયુગલને 2.5 લાખનો કરિયાવર, 24000 રૂા.ની સરકારી સહાય, જાનૈયા-પિયરિયાઓ માટે લગ્નસ્થળે આવવા વિનામૂલ્યે બસ અપાશે

ગુજરાતમાં પાટીદાર સમાજની સુખી સંપન્ન સમાજ તરીકેની ગણતરી થાય છે. આ સમાજના લોકો સામાજિક પહેલ લાવવામાં આગળ પડતા છે. પાટીદારો સમાજ સતત નવું કરવા પ્રયત્નશીલ હોય છે. ત્યારે હવે પાટણનું 42 લેઉવા પાટીદાર યુવા મંડળ એક સ્ટેપ આગળ વધ્યું છે. દેશમાં કોઈ સમાજે આવું નહિ કર્યું હોય તેવું પાટણના આ 42 લેઉવા પાટીદાર યુવા મંડળે કરી બતાવ્યું છે. મંડળ દ્વારા આયોજિત સમૂહલગ્નમાં જોડાયેલાં તમામ 62 નવયુગલનો 30-30 લાખનો વીમો ઉતરાવી આપ્યો છે. સાથે જ તેમને અનેક એવી સુવિધા અપાઈ છે.

હાલ પાટીદાર સમાજમાં 42 લેઉવા પાટીદાર યુવા મંડળ દ્વારા જે કરાયું તે ચર્ચામાં આવ્યું છે. આ મંડળ દ્વારા નલગ્ન કે સાથ ભી, લગ્ન કે બાદ ભીથ નામે એક પહેલ શરૂૂ કરવામાં આવી છે. મંડળ દ્વારા આયોજિત સમુહ લગ્ન દેશનો પહેલો એવો સમુહલગ્નોત્સવ હશે જેમાં વર અને ક્ધયા પક્ષને ઢગલાબંધ ભેટસોગાદો આપવામાં આવનાર છે. સાથે જ સમુહ લગ્નોત્સવથી પરિવારોના લગ્ન પ્રસંગ પાછળ થતા રૂૂપિયાના ખર્ચને ઓછો કરવાનો પણ પ્રયાસ કરાયો છે. 17 નવેમ્બરે ખોડલધામ સંડેર ખાતે 42 લેઉવા પાટીદાર યુવા મંડળ અને મહિલા સંગઠન દ્વારા સમૂહલગ્નનું આયોજન કરવામાં આવ્યું છે.

આમ, હાલ દેશભરમાં ક્યાંય ન થયા હોય તેવા આ સમુહલગ્ન બની રહેશે. આ વિશે યુવા મંડળના સંયોજક હાર્દિક પટેલનું કહેવું છે કે, આ પહેલથી તેમના પરિવાર ઉપર આર્થિક ભારણ ઘટશે. સમૂહલગ્નમાં દીકરીને એક પણ પૈસો લીધા વિના પરણાવવામાં આવશે. આ યુવા મંડળનો હેતુ પરિવારો દ્વારા થતા ભપાકાદાર લગ્નનો ખર્ચ ઘટાડવાનો છે.

સમુહલગ્ન માટે એક નિયમ, કોઈ પ્રીવેડિંગ નહિં થાય
42 લેઉવા પાટીદાર મહિલા સંગઠનના સામાજિક કુરિવાજો પાછળ થતાં ખર્ચ અટકાવવાના ભાગરૂૂપે પ્રી-વેડિંગ શૂટિંગ નહીં કરાવવાનો નિર્ણય કરાયેલો છે. જે મુજબ આ સમૂહલગ્નમાં જોડાયેલી તમામ 62 ક્ધયાઓ દ્વારા પ્રી-વેડિંગ શૂટિંગ નહીં કરાવવાનો સંકલ્પ કરવામાં આવ્યો છે.

વર અને વધૂને શું શું અપાશે
(1)તમામ 62 નવયુગલને રૂૂ. 2.50 લાખથી વધુનો કરિયાવર.
(2) ફ્રીજ, ઘરઘંટીથી માંડીને રસોડાસેટ સહિતની 135થી વધુ ચીજવસ્તુ.
(3) વર-ક્ધયાનો રૂૂ. 15-15 લાખનો વીમો આ માટે રૂૂ. 18.60 કરોડની પોસ્ટની ગ્રૂપ ગાર્ડ પોલિસી લેવાઈ છે. તેનું પ્રીમિયમ લગ્નના દિવસે ભરાશે.
(4) 1 વર્ષના રિસ્કકવરમાં તેમાં આકસ્મિક મૃત્યુ કે અકસ્માતના સંજોગોમાં કોઈ અંગને નુકસાન થાય તો પરિવારને આર્થિક મદદ મળશે
(5) વર અને ક્ધયાને ઘરેથી સમૂહલગ્ન સ્થળે આવવા-જવા માટે એક-એક લક્ઝરી બસની પણ વિનામૂલ્યે વ્યવસ્થા.
(6) સાત ફેરા સમૂહલગ્નના અને કુંવરબાઈનું મામેરું યોજના 24,000ની સહકારી સહાય તેમજ લગ્ન સર્ટિફિકેટ સ્થળ પર જ મળે તેવી વ્યવસ્થા
(7)સમૂહલગ્નમાં પધારવા સમાજના 9,000 ઘરોમાં કંકોત્રીથી આમંત્રણ