ગુજરાત
સુરત યાર્ડના પૂર્વ ચેરમેનને 146 કરોડની રિકવરીની નોટિસ
બજાર સમિતિની જમીન હાઇકોર્ટને ફાળવી દેવાના કૌભાંડમાં અંતે રેલો આવ્યો
સુરતના એપીએમસી (બજાર સમિતિ)ની બદલાયેલી જગ્યામાં ફાઇવ સ્ટાર હોટેલ બાંધવાના નિર્ણયની સામે થયેલી જાહેરહિતની અરજીમાં હાઇકોર્ટ સમક્ષ સુનાવણી હાથ ધરાઇ હતી. જેમાં રાજ્ય સરકાર તરફથી આ સમગ્ર વિવાદમાં હાથ ધરાયેલી તપાસ અને તેનો રિપોર્ટ હાઇકોર્ટ સમક્ષ રજૂ કરવામાં આવ્યો હતો. જેમાં સમિતિના તત્કાલીન ચેરમેન રમણભાઇને ગેરરીતિ માટે દોષિત ઠરાવવામાં આવ્યા હોવાનું અને તેમની જોડેથી રૂૂ.
146 કરોડની રિકવરી કાઢવા માટે શો કોઝ નોટિસ પાઠવવામાં આવી હોવાનું જણાવવામાં આવ્યું હતું. જે તમામ મુદ્દા રેકોર્ડ પર લઇ હાઇકોર્ટના ચીફ જસ્ટિસની ખંડપીઠે જે ઠરાવો અને ડોક્યુમેન્ટ્સને તપાસ દરમિયાન ધ્યાને લેવાયા હતા, તેને કોર્ટ સમક્ષ રજૂ કરવાના નિર્દેશ આપવામાં આવ્યા છે.
હાઇકોર્ટની ખંડપીઠે આદેશમાં નોંધ્યું હતું કે,થબજાર સમિતિના તત્કાલિન સભ્યોને શો કોઝ નોટિસ પાઠવવામાં આવી હતી, બજારના ભંડોળમાં ગેરરીતિ મામલે તપાસ હાથ ધરવામાં આવી હતી. તમામને જુલાઇ અને ઓગસ્ટમાં તેમનો પક્ષ રજૂ કરવાની તક આપવામાં આવી હતી. જેના આધારે ડિરેક્ટર દ્વારા રિપોર્ટ તૈયાર કરવામાં આવ્યો હતો અને તેને કોર્ટ સમક્ષ સોગંદનામા મારફતે રજૂ કરવામાં આવ્યો હતો.
માર્કેટ કમિટી દ્વારા ઠરાવ કરવામાં આવ્યો હતો અને એના અંતર્ગત ફાઇવ સ્ટાર હોટેલ બાંધવામાં આવી હતી. જોકે, એ તમામ ઠરાવને સાઇડ પર મૂકતા ડિરેક્ટર દ્વારા જે તપાસ કરવામાં આવી હતી, બજાર સમિતિના તત્કાલીન ચેરમેન ચેરમેન અથવા ડિરેક્ટર તરીકે બજાર સમિતિના 1995થી 2023 સુધી રહ્યા હતા, તેમણે ફાઇવ સ્ટાર હોટેલના બાંધકામ માટેની પ્રક્રિયા હાથ ધરી હતી. જેનો કોન્ટ્રાક્ટ હવે રદ કરી દેવામાં આવ્યો છે. તેથી એવી રજૂઆત કરવામાં આવી હતી કે, તમામ સંબંધિતોને રજૂઆતની તક આપ્યા હતા હાઇકોર્ટના આદેશ મુજબ તત્કાલીન ચેરમેનને દોષિત ગણવામાં આવ્યા છે. સરકારે ઉક્ત મુદ્દા કોર્ટ સમક્ષ રજૂ કર્યા છે. હાઇકોર્ટ હવે ડિરેક્ટરે તપાસ રિપોર્ટમાં જે ઠરાવને ધ્યાનમાં લીધા છે અને એને ચકાસશે. એગ્રિકલ્ચર માર્કેટિંગ એન્ડ રૂૂરલ ફાઈનાન્સ આ મામલે સોગંદનામું રજૂ કરે અને બજાર સમિતિના એ તમામ ઠરાવ રજૂ કરે જેને તપાસ દરમિયાન ધ્યાનમાં લેવામાં આવ્યા હતા. સરકારે તત્કાલીન બજાર સમિતિના ચેરમેન કે જેને દોષિત ઠરાવવામાં આવ્યા તેમની જોડેથી શા માટે રૂૂ. 146 કરોડ વસૂલવામાં ન આવે તે માટે શો કોઝ નોટિસ પણ પાઠવી છે.
આ કેસમાં એગ્રિકલ્ચર માર્કેટિંગ એન્ડ રૂૂરલ ફાઈનાન્સ દ્વારા 5-10-24ના રોજ શો કોઝ નોટિસ પાઠવવામાં આવી છે જેનું સોગંદનામું સરકારે રજુ કર્યું હતું. પૂર્વ ચેરમેન રમણભાઇ પટેલે હાઇકોર્ટમાં પક્ષકાર બનવા અરજી કરી હતી.
આ કેસની વિગત એવી છે કે, સુરત બજાર સમિતિમાં સહારા વિસ્તારમાં(શહેરના વિસ્તારમાં) કાર્યરત હતી. ટ્રાફિક વગેરેના કારણ 1998માં બજાર સમિતિ શહેરની બહાર લઇ ગયા હતા. જૂની જગ્યા વિશાળ હતી એટલે સાતથી આઠ વર્ષ પડી રહી. 2006માં એવો નિર્ણય કર્યો કે મોટું શોપિંગ સેન્ટર બનાવીએ જેથી કાયમી વાર્ષિક આવક રહે અને ફાઇવ સ્ટાર કક્ષાની હોટેલ બનાવીએ. કૃષિ બજાર નામનું શોપિંગ સેન્ટર બનાવી દીધું છે અને માસિક 45 લાખ ભાડાની આવક છે. ખેડૂત તરીકે દુકાન મળી, પરંતુ બીજા કામ માટે આપી હતી. તે સિવાય બાજુની જગ્યાએ હોટેલ પ્રોજેક્ટ બિલ્ડિંગ બનાવ્યું. શિલ્પીને 50 વર્ષનો લિઝનો કોન્ટ્રાક્ટ આપ્યો હતો. જેને જાહેરહિતની અરજીમાં પડકારવામાં આવ્યો છે.
ગુજરાત
હોલસેલ વેપારીઓને ત્યાં મનપા ત્રાટક્યું, વધુ 50 કિલો પ્રતિબંધિત પ્લાસ્ટિક જપ્ત
ગંદકી સબબ 85 આસામીઓને રૂા. 38,950નો દંડ
રાજકોટ મહાનગરપાલિકા દ્વારા પ્લાસ્ટિક વેસ્ટ મેનેજમેન્ટ (એમેન્ડમેન્ટ) રૂૂલ્સ2021 અન્વયે તારીખ 08/10/2024ના રોજ ત્રણેય ઝોન વિસ્તારઅલગ અલગ મુખ્ય માર્ગો પર સોલીડ વેસ્ટ મેનેજમેન્ટ વિભાગની ટીમ દ્રારા પ્રતિબંધિત પ્લાસ્ટિક જપ્ત કરવાનીતથા ગંદકી કરતા આસામી પાસેથી દંડ વસુલ કરવાની કામગીરી હાથ ધરવામાંઆવી હતી. જેમાં તા. 08/10/2024 ના રોજ ત્રણેય ઝોનમાંથી કુલ 85 આસામીઓ પાસેથી 50.08 કી.ગ્રા. પ્રતિબંધિત પ્લાસ્ટિક જપ્ત કરી તથા ગંદકી કરતા આસામી પાસેથી રૂૂ. 38950/-નો વહીવટી ચાર્જ વસુલ કરવામાં આવ્યો હતો.
સેન્ટ્રલ ઝોનનાવિવિધ મુખ્ય માર્ગો પર ઝુંબેશરૂૂપે પ્રતિબંધીત પ્લાસ્ટીકનું વેચાણ કરતા 34 આસામીઓ પાસેથી 14.935 કિ.ગ્રા. પ્રતિબંધિત પ્લાસ્ટીક જપ્ત કરી તથા ગંદકી કરતા આસામી પાસેથી રૂૂ 9250/-નો વહીવટી ચાર્જ વસુલવામાં આવેલ છે.
વેસ્ટ ઝોનના વિવિધ મુખ્ય માર્ગો પર ઝુંબેશરૂૂપે પ્રતિબંધીત પ્લાસ્ટીકનું વેચાણ કરતા 19 આસામીઓ પાસેથી 29.075 કિ.ગ્રા. પ્રતિબંધિત પ્લાસ્ટીક જપ્ત કરી તથા ગંદકી કરતા આસામી પાસેથી રૂૂ 15000/-નો વહીવટી ચાર્જ વસુલવામાં આવેલ છે.
ઈસ્ટ ઝોનનાવિવિધ મુખ્ય માર્ગો પરઝુંબેશરૂૂપે પ્રતિબંધીત પ્લાસ્ટીકનું વેચાણ કરતા 32 આસામીઓ પાસેથી 6.07 કિ.ગ્રા.પ્રતિબંધિત પ્લાસ્ટીકજપ્ત કરીતથા ગંદકી કરતા આસામી પાસેથી રૂૂ.14700 /-નો વહીવટી ચાર્જ વસુલવામાં આવેલ છે.
ઉપરોક્ત કામગીરી મ્યુનિસિપલ કમિશનરશ્રીની સુચના અને નાયબ મ્યુનિસિપલ કમિશનરશ્રીના માર્ગદર્શન હેઠળ પર્યાવરણ ઈજનેર તેમજ ત્રણેય ઝોનના નાયબ પર્યાવરણ ઇજનેરશ્રીના સુપરવિઝનમાં આસી. 5ર્યાવરણ ઇજનેર/ સેનીટેશન ઓફિસરહાજરીમાં સેનેટરી ઇન્સ્પેકટર/ સેનેટરી સબ ઇન્સ્પેકટર દ્રારા કરવામાં આવેલ.
ગુજરાત
લગ્નના 15 દી’ પૂર્વે યુવકનો આપઘાત
રાજકોટ શહેરના 150 ફુટ રીંગ રોડ શીતલપાર્કમાં રહેતા યુવાને ગળેફાંસો ખાઇ આપઘાત કરી લીધો હતો. આ મામલે ગાંધીગ્રામ પોલીસે બનાવનું કારણ જાણવા તજવીજ શરૂ કરી છે. પોલીસમાંથી જાણવા મળ્યું હતુ કે, મૃતકના 15 દિવસ બાદ લગ્ન નક્કી થયા હતા. લગ્ન પૂર્વે જ યુવાને આ પગલું ભરી લેતા પરિવારમાં શોક છવાયો છે.
બનાવની પ્રાપ્ત વિગતો અનુસાર, મોચીનગર શેરી નં.6 પોલ્ટ નં.281માં રહેતા અફઝલ અઝીમભાઇ બેલીમ (ઉ.વ.39)એ પોતાના ઘરે છતનાં હુકમાં દૂપટો બાંધી ગળેફાંસો ખાઇ આપઘાત કરી લીધો હતો.
અફ્ઝલ કપડાનો ધંધો કરતો હતો અને પોતે અપરિણીત હતો આ ઘટનાને લઇ પોલીસે બનાવનું કારણ જાણવા ગાંધીગ્રામ પોલીસમાં પીએસઆઇ ટી.ડી.જાડેજા અને સ્ટાફે તપાસ શરૂ કરી છે. પોલીસ સુત્રોમાંથી જાણવા મળ્યું હતું કે, મૃતક અફઝલ બે ભાઇમાં નાનો હતો અને તેમના લગ્ન પંદર દિવસ બાદ નક્કી થયા હતા. યુવાનના મૃત્યુનું કારણ જાણવા પોલીસે મૃતકના પરિવારજનોન પૂછપરછ શરૂ કરી છે.
ગુજરાત
અગ્નિકાંડમાં તારીખ પે તારીખ: જાપતા સાથે આરોપીને હાજર નહીં રખાતા પાંચમી મુદત
વકીલ નહીં રોકો તો લીગલમાંથી ફાળવી ટ્રાયલ ચલાવવાની કોર્ટની ટકોર બાદ આરોપીઓને વધુ સમય મળ્યો: 23મીએ સુનાવણી
દેશભરમાં ભારે ચકચાર જગાવનાર રાજકોટના ટીઆરપી ગેમ ઝોન અગ્નિકાંડના બનાવમાં પકડાયેલા 15 આરોપી સામેનો કેસ ચાર્જશીટ મુકાઇ જતા સેશન્સ કમિટ થયાની ત્રીજી મુદતમાં પણ 9 આરોપીઓએ વકીલો રોકવા સેશન્સ કોર્ટમાં મુદત માગવામાં આવતા અદાલત દ્વારા આગામી તા.8 સપ્ટેમ્બર સુધીમાં વકીલ નહી રોકવામાં આવે તો લીગલ એઇડમાંથી વકીલની ફાળવણી કરી કેસની ટ્રાયલ આગળ ચલાવવામાં આવશે તેવી સૂચના આપવામાં આવી હતી. પરંતુ ચોથી મુદતે કોઈ કારણોસર પોલીસ જાપતા નહીં મળતા આરોપીઓને કોર્ટમાં રજૂ નહિ કરાતા વધુ એક મુદત પડી છે. હવે આગામી તા.23 ઓક્ટોમ્બરના રોજ કેસ મુદત પડી છે.
વધુ વિગત મુજબ શહેરના કાલાવડ રોડ નજીક નાના મવા વિસ્તારમાં આવેલા ટીઆરપી ગેમ ઝોનમાં ગઇ તારીખ 28/ 5/2024ના રોજ આગ ફાટી નીકળતા નાના બાળકો અને ગેમઝોનના કર્મચારીઓ સહિત 27 લોકો ભડથું થઈ ગયા હતા. આ બનાવવાળી જગ્યાનું ફાયર એનઓસી લેવામાં આવેલ ન હોવા છતાં તંત્ર દ્વારા ગેમ ઝોનના ભાગીદારો અને તંત્રના જવાબદાર અધિકારીની સાંઠગાંઠ હોવાના કારણે આ દુ:ખદ ઘટના બની હોવાનું બહાર આવ્યું હતું. આ બનાવને ગંભીરતાથી લઇ રાજ્ય સરકાર દ્વારા એસ.આઇ.ટી.ની રચના કરવામાં આવી હતી. જે તપાસમાં ટીઆરપી ગેમ ઝોનના ભાગીદારો, સંચાલકો અને મહાનગર સહિતના જવાબદાર અધિકારીઓ સહિત 15 શખ્સો સામે ગુનો નોંધી ધરપકડ કરી તપાસ પૂર્ણ થતા અદાલતમાં ચાર્જશીટ રજૂ થતા આ કેસ સેશન્સ કમિટ થયા બાદ 3 સપ્ટેમ્બરે સેશન્સ કોર્ટમાં પ્રથમ સુનાવણીમાં કુલ 15 પૈકીના કેટલાક આરોપીઓને વકીલ રોકવાના બાકી હોવા બાબતે સમય માંગવામાં આવ્યો હતો.
જે અનુસંધાને અદાલત દ્વારા પક્ષકારોની સાથે ચર્ચા વિચારણા કરીને તા.10 મી સપ્ટેમ્બરે સેશન્સ કોર્ટમાં તમામ આરોપીઓને કોર્ટમાં હાજર કરતા ફરી આરોપીઓએ વકીલ રોકવા મુદત માંગી હતી. જેને પગલે કોર્ટે તમામ આરોપીઓને વકીલ રોકવા ખાસ સૂચના આપી હતી. આગામી તા.24ના રોજ કેસની ટ્રાયલ ચલાવવા મુકરર કરી હતી. સેશન્સ કોર્ટમાં ટ્રાયલ ચાલવાની ત્રીજી મુદતે તમામ આરોપીઓને પોલીસ જાપતા સાથે કોર્ટમાં રજૂ કરવામાં આવ્યા હતા. જેમાં જમીન માલિક અશોકસિંહ જગદીશસિંહ જાડેજા, કિરીટસિંહ જગદીશસિંહ જાડેજા મનપાના ટીપીઓ મનસુખ સાગઠિયા, આસિસ્ટન્ટ ટીપીઓ મુકેશ મકવાણા, આસિસ્ટન્ટ ફાયર ઓફિસર ઈલેશ ખેર અને ગેમઝોન સંચાલક ધવલ ઠક્કરના વકીલ હાજર રહ્યા હતા. જ્યારે અન્ય 9 આરોપીએ હજુ પોતાના બચાવ પક્ષે વકીલ નહીં રોકતા સેશન્સ કોર્ટના ન્યાયાધીશ આગામી તા.8 ઓક્ટોમ્બર સુધીમાં તમે વકીલ નહીં રોકો તો લીગલ એઇડમાંથી વકીલ ફાળવી દેવામાં આવશે તેવી કડક સૂચના આપવામાં આવી હતી. પરંતુ ચોથી મુદતે કોઈ કારણોસર પોલીસ જાપતા સાથે આરોપીઓને કોર્ટમાં રજૂ નહિ કરાતા વધુ એક મુદત પડી છે. આગામી તા.23 ઓક્ટોમ્બરના રોજ કેસની ટ્રાયલ ચલાવવા મુકરર કરી છે. જેથી આરોપીઓને વકીલ રોકવા માટેનો વધુ સમય મળ્યો છે.
આ કેસમાં સરકાર પક્ષે સ્પે.પી.પી. તુષાર ગોકાણી અને એડિશનલ પી.પી. નીતેષ કથીરીયા તેમજ હતભાગી પરિવારો વતી રાજકોટ બાર એસો.ના ઉપ પ્રમુખ સુરેશ ફળદુ સહિતના હોદ્દેદારો અને ડિસ્ટ્રીકટ બાર એસોસિએશનના પ્રમુખ નરેન્દ્રસિંહ જાડેજા રોકાયા છે.
-
રાષ્ટ્રીય1 day ago
આવતા અઠવાડિયે આવશે દેશ માં સૌથી મોટો આઈપીઓ ,તો જાણો કેટલી હશે એક શેરની કિંમત
-
ગુજરાત2 days ago
વડોદારામાં ગરબા દરમિયાન ખેલૈયાઓ વચ્ચે થઇ છુટ્ટાહાથની મારામારી, આયોજકોએ મામલો થાળે પાડ્યો, જુઓ VIDEO
-
મનોરંજન1 day ago
માંડ માંડ બચી તુલસી કુમાર!!! શૂટિંગ દરમિયાન સિંગર પર પડી દીવાલ, જુઓ VIDEO
-
રાષ્ટ્રીય15 hours ago
પોલીસની હાજરીમાં જ ભાજપના ઘારાસભ્યને માર્યો ફડાકો, જુઓ VIDEO
-
રાષ્ટ્રીય2 days ago
ચૂંટણીના પરિણામો વચ્ચે શેર બજારમાં તેજી, Nifty 100 પોઈન્ટથી વધુ તો સેન્સેક્સમાં 350થી વધુનો ઉછાળો
-
ગુજરાત1 day ago
ગરબા રમવા બાબતે પિતાએ ઠપકો આપતા નવપરિણીત પુત્રએ ફાંસો ખાઇ જીવ ટૂંકાવ્યો
-
ગુજરાત1 day ago
કોઠારિયા રોડ ઉપર બાઇક અકસ્માતમાં વેપારીનું મોત
-
ગુજરાત1 day ago
RTO દ્વારા ટુ વ્હિલર માટે GJ-03-NSમાં ગોલ્ડન તથા સિલ્વર નંબરનું ઓક્શન