નેધર્લેન્ડની રાજધાની એમ્સટર્ડમમાં ગુરુવારે રાત્રે ઈઝરાયેલના સમર્થકો પર થયેલા હુમલામાં આશરે એક ડઝન લોગો ઈજાગ્રસ્ત થયા છે. આ પૈકી પાંચ લોકોને હોસ્પિટલમાં દાખલ કરવામાં આવ્યા છે. આ હુમલો એક ફુટબોલ મેચ સમયે શરૂૂ થયો હતો, જે સ્ટેડિયમની બહાર પણ જારી રહ્યો હતો.

યુરોપ લીગની આ મેચ અષફડ્ઢ અને ખફભભફબશ ઝયહ અદશદ ટીમો વચ્ચે હતી. સમગ્ર મેચ દરમિયાન ખૂબ જ ઘોંઘાટ અને લડાઈ જોવા મળી હતી. પોલીસે 62 હુમલાખોરોની ધરપકડ કરી છે. એવું જાણવા મળ્યું છે કે એમ્સ્ટરડેમમાં ભારે પોલીસ તૈનાત હોવા છતાં ઇઝરાયેલ ટીમના સમર્થકો પર ઘણી જગ્યાએ હુમલો કરવામાં આવ્યો હતો.પોલીસે ઈઝરાયેલ સમર્થકોને બચાવ્યા અને તેમની હોટલોમાં લઈ ગયા હતા. આ હુમલાઓમાં ઈઝરાયેલના અનેક નાગરિકો ઘાયલ થયા છે.

મેયરે મેચ પહેલા ફૂટબોલ સ્ટેડિયમ નજીક પેલેસ્ટાઈનના સમર્થનમાં પ્રસ્તાવિત પ્રદર્શનની પરવાનગી આપવાનો ઈન્કાર કર્યા બાદ હુમલા થયા હતા. મેચ દરમિયાન પેલેસ્ટાઈન સમર્થકોએ વિસ્તારમાં સરઘસ કાઢવાનો પ્રયાસ પણ કર્યો હતો, પણ પોલીસે તણાવ વધવાના ડરથી લોકોને આગળ વધવા દીધા ન હતા. આગેવાનોએ હુમલાની નિંદા કરી હતી.

પાકિસ્તાનના બલૂચિસ્તાન પ્રાંતના ક્વેટા રેલવે સ્ટેશન પર શનિવારે મોટો વિસ્ફોટ થયો હતો. આ બ્લાસ્ટમાં 25 લોકોના મોત થયા છે. જ્યારે 30થી વધુ લોકો ઘાયલ થયા છે. ઘાયલોની સંખ્યા હજુ વધી શકે છે. બોમ્બ ડિસ્પોઝલ સ્ક્વોડ અને સ્થાનિક પોલીસની ટીમ ઘટનાસ્થળે પહોંચી ગઈ છે.

બલૂચ લિબરેશન આર્મીએ આ હુમલાની જવાબદારી લીધી છે. તાજેતરમાં પાકિસ્તાનના ઉત્તર-પશ્ચિમમાં આતંકવાદી હુમલામાં વધારો થયો છે.આ સિવાય અહીં અલગતાવાદી બળવો પણ વધી રહ્યો છે.

વરિષ્ઠ પોલીસ અધિક્ષક (ઓપરેશન્સ) મુહમ્મદ બલોચે જણાવ્યું હતું કે, રેલ્વે સ્ટેશનની અંદર વિસ્ફોટ ત્યારે થયો જ્યારે પેશાવર જતી એક્સપ્રેસ તેના ગંતવ્ય માટે રવાના થવાની હતી. વિસ્ફોટની માહિતી મળતા જ પોલીસ અને બચાવકર્મીઓ વિસ્ફોટના સ્થળે પહોંચી ગયા હતા. આ સિવાય ક્વેટાની સિવિલ હોસ્પિટલમાં ઈમરજન્સી લાદી દેવામાં આવી છે. આ દરમિયાન ઘાયલોની સારવાર માટે વધારાના ડોકટરો અને સહાયક સ્ટાફને બોલાવવામાં આવ્યા છે.

ન્યૂઝ અહેવાલ દર્શાવે છે કે ટ્રેન પ્લેટફોર્મ પર પહોંચે તે પહેલા જ રેલવે સ્ટેશનની બુકિંગ ઓફિસમાં બ્લાસ્ટ થયો હતો. રેલવે અધિકારીઓએ જણાવ્યું કે જાફર એક્સપ્રેસ સવારે 9 વાગ્યે પેશાવર જવા રવાના થવાની હતી. સ્ટેશન પર ભીડને જોતા મૃત્યુઆંક વધવાની આશંકા છે. તેમણે વધુમાં કહ્યું કે આ ઘટના આત્મઘાતી વિસ્ફોટ જેવી લાગે છે, પરંતુ કંઈપણ કહેવું વહેલું છે. વિસ્ફોટનું સ્વરૂૂપ જાણવા માટે તપાસ ચાલી રહી છે. અગાઉ, બચાવ સેવાના વડા ઝીશાને કહ્યું હતું કે વિસ્ફોટ રેલ્વે સ્ટેશનની અંદરના પ્લેટફોર્મ પર થયો હતો.

ટૂંક સમયમાં 1 લાખ ડોલરને પાર થવાની શકયતા

અમેરિકાની ચૂંટણીમાં ડોનાલ્ડ ટ્રમ્પની ઐતિહાસીક જીતને પગલે બીટ કોઈનમાં નવી તેજી સર્જાઈ છે અને કિંમત નવી-નવી રેકોર્ડબ્રેક ઉંચાઈએ પહોંચવા લાગી છે. બિટકોઈનની કિંમત હવે $76951 ના નવા સ્તરે પહોંચી છે. ઉતાર-ચઢાવ વચ્ચે તેનુ મુલ્ય ટુંકા ગાળામાં એક લાખ ડોલરને પાર થઈ જવાનું અનુમાન નિષ્ણાંતો દર્શાવી રહ્યા છે.

બિટકોઈનની તેજી પાછળનૂું મુખ્ય કારણ અમેરિકન ચૂંટણીમાં ડોનાલ્ડ ટ્રમ્પની જીતનું છે તેઓએ ગોલ્ડ રીઝર્વની જેમ ક્રિપ્ટો કરન્સીનો વ્યુહાત્મક ભંડાર બનાવવાનું પ્રચાર દરમ્યાન જાહેર કર્યું હતું.

અમેરિકામાં બાઈડન સરકારે ઓપરેશન ચોકપોઈન્ટ ઉપરાંત ક્રિપ્ટો કંપનીઓ સામે વ્યવહાર કરનારી બેંકો પર કેસ કર્યા હતા તેને કારણે ક્રિપ્ટો ઉદ્યોગ ભયભીત બન્યો હતો અને મનોબળ નબળુ પડયુ હતું.

ટ્રમ્પે પ્રચાર દરમ્યાન ક્રિપ્ટોને પ્રોત્સાહન આપવા તથા તે માટેની નીતિ ઘડવાનું વચન આપ્યું હતું અને હવે તેઓ વિજેતા બનતા તેજી થઈ છે. આ સિવાય અમેરિકામાં ચાર વર્ષે વ્યાજદર ઘટાડાની સાયકલ શરૂૂ થઈ છે.ફેડરલ રીઝર્વે ઉપરાઉપરી બે વખત વ્યાજદરમાં કુલ 0.75 ટકાનો ઘટાડો કર્યો છે.