શહેરના રામનાથપરામાં પગપાળા ચાલીને જતા શ્રમિક યુવાન ઉપર અજાણ્યા બે શખ્સોએ હુમલો કરી હાથ-પગ ભાંગી નાખી રૂા. 700ની લૂંટ ચલાવી નાશી ગયા હતા જેથી ઈજાગ્રસ્ત યુવાનને સારવાર માટે હોસ્પિટલે ખસેડાયો હતો. આ અંગે એ ડિવિઝન પોલીસે વધુ તપાસ હાથ ધરી છે.

જાણવા મળતી વિગત મુજબ મુળ ભાવનગરના ટોલકનગરનો વતની અને હાલ રાજકોટમાં રહી મજુરી કામ કરતો સુરેશ હીરાભાઈ સોલંકી (ઉ.વ.34) નામનો યુવાન ગઈકાલે સાંજે મજુરી કામ પરથી છુટી ચાલીને જતો હતો ત્યારે રામનાથપરા જૂની જેલ પાસે પહોંચતા અજાણ્યા બે શખ્સોએ તેને આંતરી લોખંડના પાઈપ વડે હુમલોકરી હાથ-પગમાં પાઈપના ઘા ઝીંકી દીધા હતા જેથી તેને ઈજાગ્રસ્ત હાલતમાં સારવાર માટે સિવિલહ ોસ્પિટલામં ખસેડાયો હતો. જ્યાં તેને હાથ-પગમાં ફેક્ચર થઈ ગયાનું જણાયું હતું.

પ્રાથમિક તપાસમાં સુરેશ કડિયા કામ અને ભંગાર વિણવાનું કામ કરે છે. તેના જણાવ્યા મુજબ ગઈ કાલે સાંજે ચાલીને જતો હતો ત્યારે અજાણ્યા બે શક્સોએ આવી હુમલો કરી તેની પાસે રહેલા રૂા. 700ની લૂંટ ચલાવી નાશી ગયાનું જણાવ્યું હતું.

આ અંગે સિવિલ ચોકીના સ્ટાફે પ્રાથમિક નોંધ કરી એ ડિવિઝન પોલીસને જાણ કરતા પોલીસે હોસ્પિટલે દોડી જઈ ઈજાગ્રસ્ત યુવાનનું નિવેદન નોંધી વધુ તપાસ હાથ ધરી છે.

રાજકોટમાં ગેરકાયદેસર હથિયાર વેચવા આવેલા કચ્છના મુન્દ્રાના કુખ્યાત શખ્સને ક્રાઈમ બ્રાન્ચે જામનગર રોડ પરના શિતલ પાર્ક મેઈન રોડ પરથી પિસ્તોલ અને તમંચા સાથે ઝડપી લીધો હતો. તેની પાસેથી પિસ્તોલ અને તમંચો કબજે કરી વધુ પુછપરછ શરુ કરી છે. હથીયાર વેચવા માટે સોશિયલ મીડિયાનો ઉપયોગ કરી રાજકોટમાં કેટલાક મિત્રોને બન્ને હથિયારના ફોટા શેર કર્યા હતા. કચ્છના મુંદ્રાના માંડવી તાલુકાના દશરડી ગામના મીયાણા કોલોનીમાં રહેતા કલ્પેશભારથી ઉર્ફે ગુરૂૂ ગોપાલભારથી ગોસ્વામીને ક્રાઈમ બ્રાંચે બાતમીના આધારે દેશી બનાવટના તમંચા અને દેશી બનાવટની પિસ્તોલ સાથે ઝડપી લીધો હતો.

તેની પાસેથી એક જીવતો કાર્ટીસ પણ મળી આવ્યો હતો. બંને હથિયારો, જીવતા કાર્ટીસ અને મોબાઇલ સહિત કુલ રૂૂા. 35100નો મુદામાલ કબ્જે કર્યો હતો. ક્રાઈમ બ્રાંચની તપાસમાં જાણવા મળ્યું કે, પકડાયેલ કલ્પેશભારથી લાંબો ગુનાઇત ઇતિહાસ ધરાવે છે. તેના વિરુધ્ધ અત્યાર સુધીમાં પશ્ચિમ ભુજ અને વિરપુર પોલીસ મથકમાં મારામારી, ચોરી, દારૂૂ અને માદક દ્રવ્યો સહિતના આઠ ગુના નોંધાયેલા છે. કલ્પેશભારથી કચ્છથી બંને હથિયાર વેચવા રાજકોટ આવ્યો હતો અને તેણે બન્ને હથિયારોના ફોટા રાજકોટના કેટલાક નામચીન શખ્સોને મોકલ્યા હતા.જેના આધારે ક્રાઈમ બ્રાંચની ટીમે તને જામનગર રોડ પરના શિતલ પાર્ક મેઈન રોડ પરથી ઝડપી લીધો હતો. કલ્પેશભારથી આ બન્ને હથિયાર કોની પાસેથી ખરીદ કર્યા હતા તે સહિતના મુદ્દે હવે ક્રાઈમ બ્રાંચના સ્ટાફે વધુ તપાસ આગળ ધપાવી છે.

પોલીસ કમિશ્નર બ્રજેશકુમાર ઝા, પોલીસ કમિશ્નર મહેન્દ્ર બગરીયા,ડીસીપી (ક્રાઇમ) ડો.પાર્થરાજસિંહ ગોહિલ સાહેબ તથા એસીપી (ક્રાઇમ) ભરત બી.બસીયાની સુચના અને માર્ગદર્શન હેઠળ ક્રાઇમ બ્રાન્ચના પી.આઈ એમ.આર.ગોંડલીયા,પી.આઈ એમ.એલ.ડામોર સાથે પીએસઆઈ વી.ડી.ડોડીયા તથા એ.એસ.આઇ. પ્રદિપસિંહ જાડેજા તથા પોલીસ હેડ કોન્સ. સંજયભાઇ રૂૂપાપરા, અમીતભાઇ અગ્રાવત, મયુરભાઇ મિયાત્રા, યુવરાજસિંહ ઝાલા, દિપકભાઇ ચૌહાણ, રાજેશભાઇ જળું તથા પો.કોન્સ. અશોકભાઇ ડાંગર, પ્રદિપસિંહ જાડેજા દ્વારા કામગીરી કરવામાં આવેલ છે. રંગાર, પ્રદિપસિંહ જાડેજાએ કામગીરી કરી હતી.

ચોમાસાના વિદાયની ઘડીઓ ગણાઇ રહી છે. ત્યારે જ ગઇકાલે રાત્રીના 12 વાગ્યા બાદ ભારે પવન અને વિજળીના કડાકા ભડાકા સાથે સંબેલાધારે વરસાદ તુટી પડ્યો હતો. પંદર મીનિટમાં એક ઇંચથી વધુ પાણી વરસી જતા રોડ ઉપર નદીઓ વહેતી જોવા મળી હતી.

વાદળછાયું વાતાવરણ સવારે પણ રહેતા બપોર સુધીમાં ઝાપટા સ્વરૂપે વધુ પાણી વરસી ગયું હતું અને બપોર સુધીમાં સવા ઇંચ વરસાદ વરસી જતા સીઝનનો કુલ વરસાદ 52 ઇંચને પાર થઇ ગયો છે.

રાજકોટમાં દિવસ દરમિયાન સતત બફારો રહ્યા બાદ રાત્રીના વરસાદ આવસે તેવું લાગી રહ્યુ હતુ લોકો નિરાતે સુઇ ગયા બાદ બાર વાગ્યે કડાકા ભડાકા સાથે મુશળદાર વરસાદ શરૂ થયો હતો અને ફક્ત પંદર મિનીટમાં 1 ઇંચથી વધુ પાણી વરસી ગયું હતું. તેમજ સવારથી બપોર સુધી પણ ઝાપટાઓ ચાલુ રહેતા સવા ઇંચ વરસાદ વરસ્યાનું ફાયર વિભાગે જણાવ્યું હતું. રાત્રીના વરસાદ વરસતા સેન્ટ્રલ ઝોનમાં 24 મીમી, વેસ્ટ ઝોનમાં 16 મીમી અને ઇસ્ટ ઝોનમાં 27 મીમી વરસાદ નોંધાયો હતો. સેન્ટ્રલ ઝોનનો કુલ વરસાદ 1282 મીમી તથા વેસ્ટ ઝોનનો કુલ વરસાદ 1204 મીમી અને ઇસ્ટ ઝોનનો કુલ વરસાદ 961 મીમી નોંધાતા સિઝનનો કુલ વરસાદ 52 ઇંચને પાર થઇ ગયો છે.