પોલીસે ઊંડી તપાસ શરૂ કરી, અપહરણની ફરિયાદ નોંધાઇ

તાલુકાના નાના વરનોરાના મદરેસામાં અભ્યાસ કરતા ભુજના બે કિશોર ગુમ થતાં વાલીએ અપહરણની ફરિયાદ નોંધાવી છે. આ અંગે માધાપર પોલીસ મથકે ભુજમાં રહેતા સલીમ દાઉદભાઇ કુંભારે નોંધાવેલી ફરિયાદ મુજબ તેમનો 15 વર્ષનો દીકરો હરસાન નાના વરનોરાના જામિયા મોહંમદમિયા સલ્ફીયા મદ્રેસામાં અભ્યાસ કરે છે.

ગત તા. 9/11ના બપોરથી તે તથા તેની સાથે અભ્યાસ કરતો ભુજનો 14 વર્ષીય કિશોર ઇરફાન ગુમ થતાં બે દિવસ પૂર્વે ગુમનોંધ નોંધાવી હતી, જેનો કોઇ અતોપત્તો ન મળતાં પોલીસે કોર્ટની માર્ગદર્શિકા મુજબ કોઇ અજાણ્યા ઇસમે ફરિયાદીના કાયદેસરના વાલીપણામાંથી અપહરણ કર્યાની ફરિયાદ નોંધાવી છે. પોલીસે તપાસ આદરી છે. આ બંને કિશોરની કોઇને જાણ થાય તો માધાપર પોલીસ મથક અથવા વાલીના મો.નં. 99256 25277, 97265 22738નો સંપર્ક કરવા વાલીએ અનુરોધ કર્યો છે.

શિયાળાની શરૂૂઆત થતાં જ જાણે ચોરોની સિઝન શરૂૂ થઈ હોય તેમ ખાસ કરીને વાગડ વિસ્તારમાં દેવ મંદિરોને નિશાન બનાવી તેમાં ચોરી કરવામાં આવી રહી ચ્હે. એક ચોક્કસ ગેંગ દ્વારા આ ચોરીઓને અંજામ અપાઈ રહ્યો હોય તેમ પહેલા ચિત્રોડ આસપાસના ગામોમાં 10થી વધુ મંદિરમાં ચોરી કર્યા બાદ હવે એ જ ગેંગ દ્વારા કાનમેરમાં સામુહિક રીતે 8 મંદિરોને તસ્કરોએ નિશાન બનાવતા લોકોમાં રોષ ફેલાયો છે.

હજુ થોડા દિવસ પહેલા જ ચિત્રોડ, મેવાસા અને જેઠાસરી સહિતના 3 ગામોમાં સામુહિક તસ્કરીનો બનાવ પ્રકાશમાં આવ્યો હતો. જેમાં પોલીસે જુદી જુદી જુદી ટિમ બનાવી ચોરોને ઝડપી લેવા પ્રયત્નો હાથ ધર્યા છે. ચિત્રોડ મંદિર ચોરી ખુદ પુર્વ કચ્છ પોલીસવડા પણ બનાવ સ્થળે માહિતી તથા ગુન્હાનો ભેદ ઉકેલાય તે માટે જૂરૂૂરી માર્ગદર્શન માટે પહોંચ્યા હતા.આ બનાવને હજુ 4 દિવસ માંડ થયા છે ત્યાં ફરી એ જ ગેંગ દ્વારા ચિત્રોડથી 27 કિમી દૂર અને ગાગોદર પોલીસની હદમાં જ રણકાંધીએ આવેલા કાનમેરના એક સાથે 8 મંદિરોને નિશાન બનાવી ચોરીને અંજામ આપ્યો હતો.

ગાગોદર પોલીસના જણાવ્યા મુજબ મંગલવારે રાત્રે 1 વાગ્યા આસપાસ કાનમેર ગામના વચ્છરાજ દાદાનું મંદિર, નારણદેવીનું મંદિર, મોમાઇ માતાજીનું મંદિર, રાજબાઈ માતાજીનું મંદિર, નાગબાઈ માતાજીનું મંદિર, ચામુંડા માતાજીનું મંદિર, રામજી મંદિર અને દાદાવારા ના મંદિરમાં સાળંગ દેવી મંદિર સહિત કુલ 8 મંદિરોમાં ચોરીનો બનાવ બન્યો હતો. જેમાં ચાંદીના છતર, ગાય, મુગટ સહિતનો મુદ્દામાલની ચોરી કરી જવામાં આવી હતી. જે બનાવમાં પોલીસને ચોરોના સીસીટીવી ફૂટેજ મળી આવ્યા હતા. આ બનાવમાં પોલીસને ચોરી થયાના અમુક સમયમાં જ જાણકારી મળી ગઈ હોવાથી લાકડીયા અને આડેસર પોલીસની મદદ લઈ ચોરી અન્યત્ર ભાગી જાય તે પહેલા જ ત્રણેય ચોરોને પકડી લેવામાં આવ્યા હોવાનું સૂત્રોએ જણાવ્યું હતું. જોકે આ બાબતે ગાગોદર પોલીસના પી.આઈ. સેંગલે સમર્થન આપ્યું ન હતું.

એક્ટિવામાં આવેલા ચીટરો સીસીટીવીમાં કેદ, પોલીસે આરોપીને પકડવા ટીમો બનાવી

સોશિયલ મીડીયાના માધ્યમથી અલગઅલગ લોભામણી જાહેરાતો કરી લોકોને છેતરવાના કિસ્સાઓ અવારનવાર સામે આવી રહ્યા છે તેવામાં ઇન્સ્ટાગ્રામના માધ્યમથી એક લાખના દોઢ લાખ કરી આપવાની લાલચ આપી નાસીકના કોન્ટ્રાક્ટરને ભુજમાં બોલાવી એક્ટીવા પર આવેલા બે ચીટરો લોકોની સતત અવરજવર વાળા જ્યુબિલી સર્કલ પરથી રૂૂપિયા 3 લાખ ભરેલી થેલી ઝુંટવી ગયા હોવાનો બનાવ સામે આવ્યો છે.સમગ્ર ઘટનાનો સીસીટીવી ફૂટેજ મેળવી પોલીસે આરોપીઓને ઝડપી લેવા કવાયત હાથ ધરી છે.

પ્રાપ્ત વિગતો મુજબ મુળ નખત્રાણાના નાના કાદીયાના અને હાલ નાસીકમાં રહેતા ફરિયાદી કિશોરભાઈ અરવિંદભાઈ પટેલે ભુજ શહેર બી ડીવીઝન પોલીસ મથકે આરોપી વિવેક પંડ્યા અને એક અજાણ્યા વ્યક્તિ વિરુદ્ધ ગુનો નોધાવ્યો છે.ફરિયાદીના જણાવ્યા મુજબ પંદરેક દિવસ અગાઉ આરોપીની ઇન્સ્ટાગ્રામ આઈડી પર રૂૂપિયા 500 ની નોટોના બંડલ અને એક લાખના દોઢ લાખ કરવાની જાહેરાત જોઈ હતી.લાલચમાં આવેલા ફરિયાદીએ સંપર્ક કરતા આરોપીએ પોતે માધાપરનો હોવાનું કહ્યું હતું.જે બાદ અવારનવાર વોટ્સએપ કોલ પર વાતચીત થતી હતી.એ દરમિયાન આરોપીએ ઓછામાં ઓછા ત્રણ લાખ રૂૂપિયા હોય તો દોઢ ગણા કરી આપવામાં આવશે તેવું કહ્યું હતું.જેથી ફરિયાદીએ આ બાબતે તેના મિત્ર ભૌતિક ઈશ્વરભાઈ ભગતને વાત કરી હતી.

જે બાદ 8 નવેમ્બરના ફરિયાદી પોતાના બે લાખ રૂૂપિયા અને મિત્રના એક લાખ રૂૂપિયા સાથે માધાપર આવવા નીકળ્યા હતા.અને શનિવારે સાંજે માધાપર પહોચ્યા બાદ આરોપીનો સંપર્ક કરતા અલગઅલગ જગ્યાએ ફેરવી અંતે જ્યુબિલી સર્કલ બોલાવ્યા હતા.જ્યાં એક્ટીવા પર આવેલા બન્ને આરોપીઓએ ફરિયાદીને પોતાની રોકડ બતાવવાનું કહ્યું હતું ત્યારે રૂૂપિયા 3 લાખ ભરેલી થેલી બતાવતા જ આરોપીઓ ઝુંટવી લઇ ભાગી છુટ્યા હતા. પીઆઈ વી.બી.પટેલે જણાવ્યું કે,લુંટની ઘટના સીસીટીવીમાં કેદ થઇ છે પોલીસે ચક્રો ગતિમાન કર્યા છે.