આરોપીઓની ધરપકડ, પાકિસ્તાન વિરૂધ્ધ વિરોધ પ્રદર્શન થઇ રહ્યો છે તેવામાં વાંકાનેર પોલીસે ગંભીરતા દાખવી
મોરબીના વાંકાનેર શહેરમાં 26 એપ્રિલની રાત્રે જકાતનાકા તરફના માર્ગ પર ત્રણ કારચાલકોએ વિવાદ સર્જ્યો છે. આ ત્રણ કારચાલકો પૈકી એકે સ્વિફ્ટ કાર પર પેલેસ્ટાઇનનો ઝંડો અને અન્ય બે કાર પર લીલા રંગના ઝંડા લગાવવામાં આવ્યા હતા.
આ ઘટનાનો વિડિયો સોશિયલ મીડિયા પર વાયરલ થયા બાદ પોલીસે તપાસ શરૂૂ કરી હતી. વિડિયોમાં દેખાતી કારોમાં મહિન્દ્રા થાર GJ-3-MH-5510, , સ્વિફટ GJ-3-PD-9211 અને એક નંબર પ્લેટ વગરની કાર સામેલ છે.
જમ્મુના પહેલગામમાં થયેલા આતંકવાદી હુમલા બાદ સમગ્ર દેશમાં આક્રોશ છે અને પાકિસ્તાન વિરુદ્ધ વિરોધ પ્રદર્શનો થઈ રહ્યા છે. આવા સમયે આ પ્રકારની પ્રવૃત્તિને ગંભીરતાથી લેતા વાંકાનેર સિટી પોલીસે ત્રણેય કારચાલકો સામે આઇપીસી કલમ 281 અને 125 હેઠળ ગુનો નોંધ્યો છે. પોલીસે આરોપીઓની ધરપકડ માટે કાર્યવાહી શરૂૂ કરી છે.