Sports
બાંગ્લાદેશને 86 રને હરાવીને ટીમ ઈન્ડિયાએ સીરીઝ જીતી
નીતિશ રેડ્ડી અને રિંકુ સિંહની શાનદાર બેટિંગ
સૂર્યકુમાર યાદવની કપ્તાનીમાં ભારતીય ટીમે શાનદાર પ્રદર્શન કર્યું હતું. બુધવારે (9 ઓક્ટોબર) દિલ્હીના અરુણ જેટલી સ્ટેડિયમમાં બાંગ્લાદેશ સામે રમાયેલી મેચમાં ટીમે 86 રનથી જીત મેળવી છે. આ જીત સાથે ભારતીય ટીમે 3 મેચની ટી20 શ્રેણી 2-0થી જીતી લીધી છે.
આ મેચના હીરો બેટ્સમેન નીતિશ રેડ્ડી અને રિંકુ સિંહ હતા, જેમણે તાબડતોબ બેટિંગ કરીને અર્ધસદી ફટકારી હતી. જેના કારણે ભારતીય ટીમે બાંગ્લાદેશને 222 રનનો ટાર્ગેટ આપ્યો હતો. આ પછી બોલરોએ બાંગ્લાદેશી બેટ્સમેનોને રડાવ્યા અને આખી ટીમ 9 વિકેટે 135 રન જ બનાવી શકી.
બાંગ્લાદેશ માટે પોતાની છેલ્લી સિરીઝ રમી રહેલા મહમુદુલ્લાહે શાનદાર બેટિંગ કરી અને 41 રન બનાવ્યા હતા. તેના સિવાય અન્ય કોઈ બેટ્સમેન 20 રનના આંકડાને સ્પર્શી શક્યો નહોતો. આ મેચમાં ભારતીય બોલરોએ સાથે મળીને શાનદાર પ્રદર્શન કર્યું હતું. નીતિશ રેડ્ડી અને વરુણ ચક્રવર્તીએ 2-2 વિકેટ લીધી હતી. જ્યારે અર્શદીપ સિંહ, વોશિંગ્ટન સુંદર, અભિષેક શર્મા, મયંક યાદવ અને રેયાન પરાગને 1-1 સફળતા મળી હતી.
Sports
મહિલા T-20 વર્લ્ડ કપમાં ભારતે શ્રીલંકાને હરાવીને પોઈન્ટ ટેબલમાં સ્થાન મજબુત કર્યુ
કેપ્ટન હરમનપ્રીત કૌર અને સ્મૃતિ મંધાનાએ ફિફ્ટી ફટકારી
મહિલા ટી-20 વર્લ્ડ કપ 2024ની 12મી મેચ બુધવારે (9 ઓક્ટોબર) ભારત અને શ્રીલંકા વચ્ચે રમાઈ હતી. આ મેચ 82 રને જીતીને ભારતીય ટીમે સેમીફાઈનલમાં પહોંચવાની આશા અકબંધ રાખી છે. આ મેચમાં ભારતીય ટીમે ટોસ જીતીને પ્રથમ બેટિંગ કરીને 173 રનનો લક્ષ્યાંક આપ્યો હતો. જવાબમાં શ્રીલંકાની ટીમ માત્ર 90 રન પર જ સિમિત રહી હતી.
પ્રથમ બેટિંગ કરતા ભારતીય ટીમે 3 વિકેટે 172 રન બનાવ્યા હતા. ટીમ માટે કેપ્ટન હરમનપ્રીત કૌર અને વાઈસ કેપ્ટન સ્મૃતિ મંધાનાએ અર્ધસદી ફટકારી હતી. હરમને 27 બોલમાં અણનમ 52 રનની શાનદાર ઇનિંગ રમી હતી. જ્યારે મંધાનાએ 38 બોલમાં 50 રન બનાવ્યા હતા. આ સિવાય ઓપનર શેફાલી વર્માએ 40 બોલમાં 43 રન બનાવ્યા હતા. હરમન અને મંધાનાએ મેચમાં 1-1 સિક્સ ફટકારી હતી. જેમિમાહ રોડ્રિગ્ઝે 16 રન અને રિચા ઘોષે 6 રન બનાવ્યા હતા. શ્રીલંકા તરફથી કેપ્ટન ચમારી અટાપટ્ટુ અને અમા કંચનાએ 1-1 વિકેટ લીધી હતી. ગ્રુપ અમાં ભારત અને શ્રીલંકા બંને માટે આ ટૂર્નામેન્ટની ત્રીજી મેચ હતી. ભારતીય ટીમે અત્યાર સુધીમાં 2 મેચ જીતી છે અને એકમાં હારનો સામનો કરવો પડ્યો છે. ભારતે છેલ્લી મેચમાં પાકિસ્તાનને 6 વિકેટે હરાવ્યું હતું. શ્રીલંકા પાંચમા સ્થાને છે. તેણે ટુર્નામેન્ટમાં એક પણ જીત નોંધાવી નથી. આ મેચ જીતીને ભારતીય ટીમ પોઈન્ટ ટેબલમાં બીજા સ્થાને પહોંચી ગઈ છે. સાથે જ ટીમનો નેટ રન રેટ પ્લસ 0.576 પર પહોંચી ગયો છે. જ્યારે મેચ પહેલા તે મુખ્યમાં -1.217 હતો. ઓસ્ટ્રેલિયા અત્યારે 2 જીત સાથે પોઈન્ટ ટેબલમાં ટોચ પર છે. તેનો નેટ રન રેટ 2.524 છે.
Sports
ઇંગ્લેન્ડના જો રૂટે રચ્યો ઇતિહાસ, વર્લ્ડ ટેસ્ટ ચેમ્પિયનશિપમાં 5 હજાર રન બનાવ્યા
પાકિસ્તાન સાથેની ટેસ્ટ દરમિયાન સિધ્ધિ મેળવી
આઈસીસી વર્લ્ડ ટેસ્ટ ચેમ્પિયનશિપમાં ઇંગ્લેન્ડના સ્ટાર બેટ્સમેન જો રૂૂટે રનોનો પહાડ ઊભો કરી દીધો છે. પાકિસ્તાન સામે રમાય રહેલી ટેસ્ટ સિરીઝ દરમિયાન તેણે એક એવો કીર્તિમાન રચ્યો છે જે અત્યાર સુધીમાં કોઈ બેટ્સમેન કરી શક્યો નહોતો. ઇંગ્લેન્ડના સ્ટાર જો રૂૂટ વર્લ્ડ ટેસ્ટ ચેમ્પિયનશિપમાં 5 હજાર રન બનાવનાર પહેલો બેટ્સમેન બની ગયો છે.
મુલ્તાનમાં પાકિસ્તાન અને ઇંગ્લેન્ડ વચ્ચે રમાઈ રહેલી પહેલી ટેસ્ટ દરમિયાન જો રૂૂટે મોટી સિદ્ધિ મેળવી છે. ટેસ્ટ ક્રિકેટમાં સતત રન બનાવી રહેલા આ બેટ્સમેનના નામે હવે વર્લ્ડ ટેસ્ટ ચેમ્પિયનશિપમાં 5 હજારથી વધુ રન થઈ ચૂક્યા છે. ટૂર્નામેન્ટમાં 59મી મેચ રમી રહેલા આ બેટ્સમેને અત્યાર સુધીમાં 16 સદી અને 20 અડધી સદી ફટકારી છે. મુલ્તાન ટેસ્ટની પહેલી ઇનિંગમાં બીજા દિવસે જો રૂૂટ 32 રન બનાવીને અણનમ રહ્યો છે. તેની પાસે ટીમને વધુ એક સદીની આશા હશે.
જો રૂૂટે 59 ટેસ્ટ મેચની 107મી ઇનિંગમાં 5000 રનનો આંકડો પાર કર્યો. 51.59ની સરેરાશથી બેટિંગ કરતા 16 સદી અને 20 અડધી સદી ફટકારી છે. ઓસ્ટ્રેલિયાના માર્નસ લાબુશેન લિસ્ટમાં બીજા નંબરે છે. તેણે 45 મેચ રમીને 11 સદી અને 19 અડધી સદી સાથે 3904 રન બનાવ્યાં છે. ત્રીજા નંબરે ઓસ્ટ્રેલિયાના સ્ટીવ સ્મિથ છે, જેણે 3486 રન બનાવ્યાં છે. ઇંગ્લેન્ડના કેપ્ટન બેન સ્ટોક્સ 3101 રનની સાથે ચોથા જ્યારે પાકિસ્તાનના બાબર આઝમ 2755 રન બનાવીને પાંચમાં નંબરે છે.
Sports
ICC ચેમ્પિયન્સ ટ્રોફી રમવા ટીમ ઇન્ડિયા પાકિસ્તાન નહીં જાય
હાઇબ્રીડ મોડેલથી રમાશે ટૂર્નામેન્ટ, ફાઇનલ મેચ દુબઇમાં રમાવાની સંભાવના
પાકિસ્તાન ક્રિકેટ બોર્ડ ચેમ્પિયન્સ ટ્રોફી 2025ની તૈયારીઓમાં વ્યસ્ત છે. આ ઈંઈઈ ટૂર્નામેન્ટ આવતા વર્ષની શરૂૂઆતમાં રમાશે. જો કે ટીમ ઈન્ડિયાની ભાગીદારી અંગે હજુ સ્થિતિ સ્પષ્ટ નથી. ભારતીય ટીમે 2008થી પાકિસ્તાનનો પ્રવાસ કર્યો નથી. આવી સ્થિતિમાં ભારતીય ક્રિકેટ ટીમ 2025 ઈંઈઈ ચેમ્પિયન્સ ટ્રોફી માટે પાકિસ્તાન જવાની શક્યતાઓ નહિવત છે. આ દરમિયાન ચેમ્પિયન્સ ટ્રોફીની ફાઈનલને લઈને એક મોટું અપડેટ સામે આવ્યું છે. આ ટુર્નામેન્ટની ફાઈનલ મેચ પાકિસ્તાનની બહાર યોજાઈ શકે છે.
ભારત અને પાકિસ્તાન વચ્ચે છેલ્લા ઘણા સમયથી સંબંધો સારા નથી, જેના કારણે ભારતીય ટીમ આ દેશનો પ્રવાસ નથી કરતી. આને કારણે, બંને ટીમો વચ્ચે કોઈ શ્રેણી રમાતી નથી, માત્ર ઈંઈઈ ટૂર્નામેન્ટ અને એશિયા કપ દરમિયાન ભારત અને પાકિસ્તાન વચ્ચે મેચો રમાય છે. ટેલિગ્રાફના રિપોર્ટ અનુસાર, આ ટૂર્નામેન્ટ હાઈબ્રિડ મોડલ પર રમી શકાય છે. આ ટૂર્નામેન્ટની ફાઈનલ મેચ લાહોરમાં રમાવાની છે. પરંતુ જો ટીમ ઈન્ડિયા ફાઈનલમાં પહોંચશે તો ફાઈનલ મેચ પણ પાકિસ્તાનની બહાર જ થશે, આ મેચ દુબઈમાં યોજાય તેવી પૂરી શક્યતા છે.
આવી સ્થિતિમાં, એવું માનવામાં આવે છે કે ટીમ ઈન્ડિયા તેની તમામ ગ્રુપ સ્ટેજની મેચો પાકિસ્તાનની બહાર રમશે અને સેમીફાઈનલમાં પહોંચ્યા પછી સ્થળમાં ફેરફાર કરવામાં આવશે. હાલમાં બંને સેમીફાઈનલ પાકિસ્તાનમાં જ રમવાની છે. પાકિસ્તાનને એશિયા કપ 2023ની યજમાની પણ મળી છે. પરંતુ તેમ છતાં ભારતીય ટીમે પાકિસ્તાનનો પ્રવાસ કર્યો ન હતો. આ ટુર્નામેન્ટનું આયોજન હાઈબ્રિડ મોડલમાં કરવામાં આવ્યું હતું. ટીમ ઈન્ડિયાએ પોતાની તમામ મેચ શ્રીલંકામાં રમી હતી અને ફાઈનલ પણ અહીં જ યોજાઈ હતી. એટલે કે એ જ ફોર્મ્યુલા ફરી એકવાર અજમાવી શકાય.
લગભગ 8 વર્ષની રાહ જોયા બાદ ચેમ્પિયન્સ ટ્રોફી ફરી શરૂૂ થઈ રહી છે અને આ ટૂર્નામેન્ટ છેલ્લા 29 વર્ષમાં પાકિસ્તાનની ધરતી પર પ્રથમ ઈંઈઈ ઈવેન્ટ પણ છે. ડ્રાફ્ટ શેડ્યૂલ મુજબ ટીમ ઈન્ડિયાએ તેની તમામ મેચ લાહોરમાં રમવાની છે. ટીમ ઈન્ડિયા તેની પ્રથમ મેચ 20 ફેબ્રુઆરીએ બાંગ્લાદેશ સામે રમશે. આ પછી, 23 ફેબ્રુઆરીએ ન્યુઝીલેન્ડ સામે બીજી મેચ રમશે. ભારત 1 માર્ચે ટુર્નામેન્ટના યજમાન અનેકટ્ટર હરીફ પાકિસ્તાન સામે ગ્રુપ સ્ટેજની ત્રીજી અને છેલ્લી મેચ રમશે. પરંતુ જો ટીમ ઈન્ડિયા પાકિસ્તાનનો પ્રવાસ નહીં કરે તો આ તમામ મેચોના સ્થળોમાં ફેરફાર જોવા મળી શકે છે.
-
રાષ્ટ્રીય15 hours ago
પિતા-ભાઈથી લઈને પરદાદા સુધી…જાણો કોણ કોણ છે રતન ટાટાના પરિવારમાં
-
રાષ્ટ્રીય1 day ago
પોલીસની હાજરીમાં જ ભાજપના ઘારાસભ્યને માર્યો ફડાકો, જુઓ VIDEO
-
ક્રાઇમ1 day ago
શેરબજારમાં મોટા વળતરના નામે સાત હજાર કરોડનું ફૂલેકું
-
રાષ્ટ્રીય1 day ago
દિલ્હીના સીએમ આવાસને કરાયું સીલ,આતીશિની વસ્તુઓ બહાર ફેક્વાનો આપનો આરોપ, જાણો શું છે સમગ્ર મામલો
-
ગુજરાત1 day ago
અગ્નિકાંડમાં તારીખ પે તારીખ: જાપતા સાથે આરોપીને હાજર નહીં રખાતા પાંચમી મુદત
-
ગુજરાત1 day ago
હાથીખાનામાં એક પુરુષ કોલેરા પોઝિટિવ, કુલ 10 કેસ
-
ગુજરાત1 day ago
હિરાસર એરપોર્ટ બનતા ગરીબોનો આશરો છીનવાયો
-
ગુજરાત1 day ago
લગ્નના 15 દી’ પૂર્વે યુવકનો આપઘાત