Sports
ICC ચેમ્પિયન્સ ટ્રોફી રમવા ટીમ ઇન્ડિયા પાકિસ્તાન નહીં જાય
હાઇબ્રીડ મોડેલથી રમાશે ટૂર્નામેન્ટ, ફાઇનલ મેચ દુબઇમાં રમાવાની સંભાવના
પાકિસ્તાન ક્રિકેટ બોર્ડ ચેમ્પિયન્સ ટ્રોફી 2025ની તૈયારીઓમાં વ્યસ્ત છે. આ ઈંઈઈ ટૂર્નામેન્ટ આવતા વર્ષની શરૂૂઆતમાં રમાશે. જો કે ટીમ ઈન્ડિયાની ભાગીદારી અંગે હજુ સ્થિતિ સ્પષ્ટ નથી. ભારતીય ટીમે 2008થી પાકિસ્તાનનો પ્રવાસ કર્યો નથી. આવી સ્થિતિમાં ભારતીય ક્રિકેટ ટીમ 2025 ઈંઈઈ ચેમ્પિયન્સ ટ્રોફી માટે પાકિસ્તાન જવાની શક્યતાઓ નહિવત છે. આ દરમિયાન ચેમ્પિયન્સ ટ્રોફીની ફાઈનલને લઈને એક મોટું અપડેટ સામે આવ્યું છે. આ ટુર્નામેન્ટની ફાઈનલ મેચ પાકિસ્તાનની બહાર યોજાઈ શકે છે.
ભારત અને પાકિસ્તાન વચ્ચે છેલ્લા ઘણા સમયથી સંબંધો સારા નથી, જેના કારણે ભારતીય ટીમ આ દેશનો પ્રવાસ નથી કરતી. આને કારણે, બંને ટીમો વચ્ચે કોઈ શ્રેણી રમાતી નથી, માત્ર ઈંઈઈ ટૂર્નામેન્ટ અને એશિયા કપ દરમિયાન ભારત અને પાકિસ્તાન વચ્ચે મેચો રમાય છે. ટેલિગ્રાફના રિપોર્ટ અનુસાર, આ ટૂર્નામેન્ટ હાઈબ્રિડ મોડલ પર રમી શકાય છે. આ ટૂર્નામેન્ટની ફાઈનલ મેચ લાહોરમાં રમાવાની છે. પરંતુ જો ટીમ ઈન્ડિયા ફાઈનલમાં પહોંચશે તો ફાઈનલ મેચ પણ પાકિસ્તાનની બહાર જ થશે, આ મેચ દુબઈમાં યોજાય તેવી પૂરી શક્યતા છે.
આવી સ્થિતિમાં, એવું માનવામાં આવે છે કે ટીમ ઈન્ડિયા તેની તમામ ગ્રુપ સ્ટેજની મેચો પાકિસ્તાનની બહાર રમશે અને સેમીફાઈનલમાં પહોંચ્યા પછી સ્થળમાં ફેરફાર કરવામાં આવશે. હાલમાં બંને સેમીફાઈનલ પાકિસ્તાનમાં જ રમવાની છે. પાકિસ્તાનને એશિયા કપ 2023ની યજમાની પણ મળી છે. પરંતુ તેમ છતાં ભારતીય ટીમે પાકિસ્તાનનો પ્રવાસ કર્યો ન હતો. આ ટુર્નામેન્ટનું આયોજન હાઈબ્રિડ મોડલમાં કરવામાં આવ્યું હતું. ટીમ ઈન્ડિયાએ પોતાની તમામ મેચ શ્રીલંકામાં રમી હતી અને ફાઈનલ પણ અહીં જ યોજાઈ હતી. એટલે કે એ જ ફોર્મ્યુલા ફરી એકવાર અજમાવી શકાય.
લગભગ 8 વર્ષની રાહ જોયા બાદ ચેમ્પિયન્સ ટ્રોફી ફરી શરૂૂ થઈ રહી છે અને આ ટૂર્નામેન્ટ છેલ્લા 29 વર્ષમાં પાકિસ્તાનની ધરતી પર પ્રથમ ઈંઈઈ ઈવેન્ટ પણ છે. ડ્રાફ્ટ શેડ્યૂલ મુજબ ટીમ ઈન્ડિયાએ તેની તમામ મેચ લાહોરમાં રમવાની છે. ટીમ ઈન્ડિયા તેની પ્રથમ મેચ 20 ફેબ્રુઆરીએ બાંગ્લાદેશ સામે રમશે. આ પછી, 23 ફેબ્રુઆરીએ ન્યુઝીલેન્ડ સામે બીજી મેચ રમશે. ભારત 1 માર્ચે ટુર્નામેન્ટના યજમાન અનેકટ્ટર હરીફ પાકિસ્તાન સામે ગ્રુપ સ્ટેજની ત્રીજી અને છેલ્લી મેચ રમશે. પરંતુ જો ટીમ ઈન્ડિયા પાકિસ્તાનનો પ્રવાસ નહીં કરે તો આ તમામ મેચોના સ્થળોમાં ફેરફાર જોવા મળી શકે છે.
Sports
ઇંગ્લેન્ડના જો રૂટે રચ્યો ઇતિહાસ, વર્લ્ડ ટેસ્ટ ચેમ્પિયનશિપમાં 5 હજાર રન બનાવ્યા
પાકિસ્તાન સાથેની ટેસ્ટ દરમિયાન સિધ્ધિ મેળવી
આઈસીસી વર્લ્ડ ટેસ્ટ ચેમ્પિયનશિપમાં ઇંગ્લેન્ડના સ્ટાર બેટ્સમેન જો રૂૂટે રનોનો પહાડ ઊભો કરી દીધો છે. પાકિસ્તાન સામે રમાય રહેલી ટેસ્ટ સિરીઝ દરમિયાન તેણે એક એવો કીર્તિમાન રચ્યો છે જે અત્યાર સુધીમાં કોઈ બેટ્સમેન કરી શક્યો નહોતો. ઇંગ્લેન્ડના સ્ટાર જો રૂૂટ વર્લ્ડ ટેસ્ટ ચેમ્પિયનશિપમાં 5 હજાર રન બનાવનાર પહેલો બેટ્સમેન બની ગયો છે.
મુલ્તાનમાં પાકિસ્તાન અને ઇંગ્લેન્ડ વચ્ચે રમાઈ રહેલી પહેલી ટેસ્ટ દરમિયાન જો રૂૂટે મોટી સિદ્ધિ મેળવી છે. ટેસ્ટ ક્રિકેટમાં સતત રન બનાવી રહેલા આ બેટ્સમેનના નામે હવે વર્લ્ડ ટેસ્ટ ચેમ્પિયનશિપમાં 5 હજારથી વધુ રન થઈ ચૂક્યા છે. ટૂર્નામેન્ટમાં 59મી મેચ રમી રહેલા આ બેટ્સમેને અત્યાર સુધીમાં 16 સદી અને 20 અડધી સદી ફટકારી છે. મુલ્તાન ટેસ્ટની પહેલી ઇનિંગમાં બીજા દિવસે જો રૂૂટ 32 રન બનાવીને અણનમ રહ્યો છે. તેની પાસે ટીમને વધુ એક સદીની આશા હશે.
જો રૂૂટે 59 ટેસ્ટ મેચની 107મી ઇનિંગમાં 5000 રનનો આંકડો પાર કર્યો. 51.59ની સરેરાશથી બેટિંગ કરતા 16 સદી અને 20 અડધી સદી ફટકારી છે. ઓસ્ટ્રેલિયાના માર્નસ લાબુશેન લિસ્ટમાં બીજા નંબરે છે. તેણે 45 મેચ રમીને 11 સદી અને 19 અડધી સદી સાથે 3904 રન બનાવ્યાં છે. ત્રીજા નંબરે ઓસ્ટ્રેલિયાના સ્ટીવ સ્મિથ છે, જેણે 3486 રન બનાવ્યાં છે. ઇંગ્લેન્ડના કેપ્ટન બેન સ્ટોક્સ 3101 રનની સાથે ચોથા જ્યારે પાકિસ્તાનના બાબર આઝમ 2755 રન બનાવીને પાંચમાં નંબરે છે.
Sports
સચિન તેંડુલકર અમેરિકાની નેશનલ ક્રિકેટ લીગમાં જોડાયા
આગામી પેઢીને માર્ગદર્શન અને કોચિંગ આપશે
સચિન તેન્ડુલકર અમેરિકાની નેશનલ ક્રિકેટ લીગ (ગઈક)ના માલિકી જૂથમાં જોડાયો છે અને આ પગલાથી આગામી વર્ષોમાં અમેરિકામાં ક્રિકેટને વેગ મળવાની અપેક્ષા છે. ક્રિકેટજગતના દિગ્ગજો આ ટુર્નામેન્ટ દરમ્યાન આગામી પેઢીના ખેલાડીઓને માર્ગદર્શન અને કોચિંગ આપશે.
સચિન પ્રારંભિક ગઈક ટુર્નામેન્ટમાં વિજેતા ટીમને ચેમ્પિયનશિપ ટ્રોફી આપશે. આ જાહેરાત બાદ સચિન તેન્ડુલકરે કહ્યું હતું કે ક્રિકેટ મારા જીવનની સૌથી મોટી સફર રહી છે અને અમેરિકામાં રમતગમત માટે આવા રોમાંચક સમયે નેશનલ ક્રિકેટ લીગમાં જોડાઈને મને આનંદ થાય છે.
ગઈકનો ઉદ્દેશ વિશ્વકક્ષાના ક્રિકેટ માટે એક પ્લેટફોર્મ બનાવવાનો છે અને ક્રિકેટ-ફેન્સની નવી પેઢીને જોડાવા માટે પ્રેરિત કરવાનો છે. હું આ નવી પહેલનો ભાગ બનવા અને અમેરિકામાં ક્રિકેટના વિકાસને જાતે જ જોવા માટે ઉત્સુક છું.
Sports
બાંગ્લાદેશને 7 વિકેટે હરાવી ટીમ ઈન્ડિયાનો T-20માં વિજયી પ્રારંભ
હાર્દિક પંડ્યાએ 16 બોલમાં 5 ફોર અને 2 સિક્સ સાથે અણનમ 39 ફટકાર્યા
ભારતે બાંગ્લાદેશને ટી20 સિરીઝના પ્રથમ મેચમાં 7 વિકેટે પરાજય આપ્યો છે. આ સાથે ત્રણ મેચની સિરીઝમાં 1-0ની લીડ મેળવી લીધી છે. ભારત માટે હાર્દિક પંડ્યા અને સૂર્યકુમાર યાદવે આક્રમક બેટિંગ કરી હતી. મેચની વાત કરીએ તો બાંગ્લાદેશ પ્રથમ બેટિંગ કરતા 19.5 ઓવરમાં 127 રન બનાવી ઓલઆઉટ થઈ ગયું હતું. જેના જવાબમાં ભારતે માત્ર 11.5 ઓવરમાં લક્ષ્ય હાસિલ કરી લીધો હતો.
ટીમ માટે અભિષેક શર્મા અને સંજૂ સેમસન ઓપિંગ કરવા આવ્યા હતા. પરંતુ અભિષેક જલ્દી રનઆઉટ થઈ ગયો હતો. તેણે 7 બોલમાં 2 ચોગ્ગા અને 1 સિક્સની મદદથી 16 રન બનાવ્યા હતા. સંજૂ સેમસને 19 બોલમાં 29 રન ફટકાર્યા હતા. તેણે છ ચોગ્ગા માર્યા હતા. કેપ્ટન સૂર્યકુમાર યાદવે પણ આક્રમક બેટિંગ કરી હતી. સૂર્યાએ 14 બોલમાં 29 રન બનાવ્યા હતા. આ દરમિયાન ત્રણ ફોર અને બે સિક્સ ફટકારી હતી.
હાર્દિક પંડ્યા અને નીતીશ રેડ્ડી મળી ભારતને જીત અપાવી હતી. હાર્દિક પંડ્યાએ 16 બોલમાં 5 ફોર અને બે સિક્સ સાથે અણનમ 39 રન બનાવ્યા હતા. જ્યારે નીતીશ રેડ્ડીએ 15 બોલમાં એક સિક્સ સાથે અમનમ 16 રન બનાવ્યા હતા.
બાંગ્લાદેશની ટીમ પ્રથમ બેટિંગ કરતા 19.5 ઓવરમાં 127 રન બનાવી ઓલઆઉટ થઈ ગઈ હતી. આ દરમિયાન મેહદી હસન મિરાઝે 35 રન બનાવ્યા હતા. તેણે 32 બોલનો સામનો કરતા ત્રણ ચોગ્ગા ફટકાર્યા હતા. કેપ્ટન શાંતોએ 25 બોલમાં 27 રનનું યોગદાન આપ્યું હતું. તેણે એક ફોર અને એક સિક્સ ફટકારી હતી. તસ્કીન અહમદે 12 તો લિટન દાસ 4 રન બનાવી આઉટ થયા હતા.
ભારત માટે અર્શદીપ સિંહે ઘાતક બોલિંગ કરી હતી. તેણે 14 રન આપી ત્રણ વિકેટ લીધી હતી. તો વરૂૂણ ચક્રવર્તીએ 31 રન આપી ત્રણ સફળતા મેળવી હતી. હાર્દિક પંડ્યા અને વોશિંગટન સુંદરને પણ એક-એક વિકેટ મળી હતી. મયંક યાદવે પણ શાનદાર પર્દાપણ કર્યું છે. તેણે 4 ઓવરમાં 21 રન આપી એક બેટરને આઉટ કર્યો હતો.
-
રાષ્ટ્રીય1 day ago
આવતા અઠવાડિયે આવશે દેશ માં સૌથી મોટો આઈપીઓ ,તો જાણો કેટલી હશે એક શેરની કિંમત
-
ગુજરાત1 day ago
વડોદારામાં ગરબા દરમિયાન ખેલૈયાઓ વચ્ચે થઇ છુટ્ટાહાથની મારામારી, આયોજકોએ મામલો થાળે પાડ્યો, જુઓ VIDEO
-
મનોરંજન1 day ago
માંડ માંડ બચી તુલસી કુમાર!!! શૂટિંગ દરમિયાન સિંગર પર પડી દીવાલ, જુઓ VIDEO
-
રાષ્ટ્રીય7 hours ago
પોલીસની હાજરીમાં જ ભાજપના ઘારાસભ્યને માર્યો ફડાકો, જુઓ VIDEO
-
ગુજરાત1 day ago
ગરબા રમવા બાબતે પિતાએ ઠપકો આપતા નવપરિણીત પુત્રએ ફાંસો ખાઇ જીવ ટૂંકાવ્યો
-
રાષ્ટ્રીય1 day ago
ચૂંટણીના પરિણામો વચ્ચે શેર બજારમાં તેજી, Nifty 100 પોઈન્ટથી વધુ તો સેન્સેક્સમાં 350થી વધુનો ઉછાળો
-
ગુજરાત1 day ago
કોઠારિયા રોડ ઉપર બાઇક અકસ્માતમાં વેપારીનું મોત
-
ગુજરાત1 day ago
RTO દ્વારા ટુ વ્હિલર માટે GJ-03-NSમાં ગોલ્ડન તથા સિલ્વર નંબરનું ઓક્શન