પુતિનને મળવાની તૈયારી સાથે ધમકી પણ આપી
અમેરિકાના પ્રમુખ તરીકે શપથ લીધા પછી તરત જ ડોનાલ્ડ ટ્રમ્પે ઝડપી નિર્ણયોથી દુનિયાને આશ્ચર્યચકિત કરી દીધી છે. વ્હાઇટ હાઉસમાં પહેલા જ દિવસે તેમણે દેશની દક્ષિણ સેના પર ઈમરજન્સી લાદવાથી લઈને હુ અને પેરિસ ક્લાયમેટ એગ્રીમેન્ટમાંથી ખસી જવા સુધીના અનેક એક્ઝિક્યુટિવ ઓર્ડર પર હસ્તાક્ષર કર્યા.
આ દરમિયાન તેમણે રશિયાના પ્રમુખ પુતિનને ચેતવણી પણ આપી હતી. ટ્રમ્પે તેમના રાષ્ટ્રપતિ કાર્યકાળના પહેલા દિવસે પ્રેસ કોન્ફરન્સ યોજી હતી અને ઘણા પ્રશ્નોના જવાબ આપ્યા હતા. તેમણે કહ્યું કે જો વ્લાદિમીર પુતિન યુક્રેન યુદ્ધ અંગે વાટાઘાટો કરવા ટેબલ પર નહીં આવે તો અમે રશિયા પર પ્રતિબંધો લાદીશું.
અમેરિકન પ્રમુખે કહ્યું કે હું ગમે ત્યારે રશિયન રાષ્ટ્રપતિ પુતિનને મળવા માટે તૈયાર છું.પરંતુ તેમણે ચેતવણી પણ આપી હતી કે જો પુતિન યુક્રેન મુદ્દા પર વાટાઘાટોના ટેબલ પર નહીં આવે તો રશિયા પર પ્રતિબંધો લાદવામાં આવશે. યુક્રેન યુદ્ધ શરૂૂ કરવાની જરૂૂર જ નહોતી. જો અમેરિકામાં પ્રમુખ સક્ષમ હોત તો આ યુદ્ધ ન થયું હોત.
ટ્રમ્પે કહ્યું કે હું પુતિન સાથે સારા તાલમેલ ધરાવું છું. જો હું પહેલો રાષ્ટ્રપતિ હોત, તો રશિયા ક્યારેય યુક્રેન પર હુમલો ન કરત. આવું ક્યારેય બન્યું ન હોત. પુતિને બાઈડેનનો અનાદર કર્યો છે. તે ખૂબ જ હોશિયાર છે. જોકે, તેમણે સ્પષ્ટતા કરી કે રશિયા પર વધારાના પ્રતિબંધો લાદવામાં આવે તેવી શક્યતા છે.થપુતિન વાતચીત નહીં કરે તો બેન લગાવી દઈશ.
