ટ્રમ્પની મધ્યસ્થીથી રશિયા-યુક્રેન યુધ્ધવિરામ માટે તૈયાર: યુક્રેનને સુરક્ષાની અમેરિકાની ખાતરી

યુરોપીન સંઘના પૈસાથી યુક્રેન 90 બિલિયન ડોલરના અમેરિકી શસ્ત્રો ખરીદશે, ટેલીફોન પર પુતિનને પણ શાંતિ મંત્રણા માટે મનામણાં

અમેરિકાના રાષ્ટ્રપતિ ડોનાલ્ડ ટ્રમ્પે ગઈકાલે યુક્રેનના રાષ્ટ્રપતિ વોલોદિમિર ઝેલેન્સ્કી અને યુરોપિયન નેતાઓ સાથે વ્હાઇટ હાઉસમાં મહત્વપૂર્ણ બેઠક કરી. ટ્રમ્પે આ દિવસને ‘સફળ દિવસ’ગણાવ્યો. આ બેઠકમાં રશિયા સાથે યુદ્ધવિરામ માટે ટ્રમ્પે આશાવાદ વ્યક્ત કર્યો છે. આ બેઠકની સૌથી ચોંકાવનારી ઘટના એ હતી કે, જ્યારે તેમણે બેઠકને વચ્ચે રોકીને રશિયન રાષ્ટ્રપતિ વ્લાદિમિર પુતિનને ફોન કર્યો હતો.

આ ઉપરાંત મીટીંગ પછી ટ્રમ્પે ખાતરી આપી હતી કે યુક્રેનની સુરક્ષા માટે અમેરિકા કટિબધ્ધ છે. યુક્રેને 90 બીલીયન ડોલરના શસ્ત્રો ખરીદવાની ઓફર કરી છે. તેમણે યુરોપીયન દેશોને યુક્રેનની સુરક્ષા માટે મદદ કરવા આહવાન કર્યુ હતું.

આ કોલ તે સમયે થયો જ્યારે ટ્રમ્પ અને પુતિનની 15 ઓગસ્ટે અલાસ્કામાં મુલાકાત થઈ હતી.
તે બેઠકમાં બંને નેતાઓએ રશિયા-યુક્રેન યુદ્ધ પર લગભગ ત્રણ કલાક ચર્ચા કરી હતી. ત્યારથી જ ટ્રમ્પ એક ત્રિપક્ષીય શાંતિ બેઠક યોજવાનો પ્રયાસ કરી રહ્યા છે, જેમાં પુતિન, ઝેલેન્સ્કી અને પોતે ટ્રમ્પ પણ સામેલ થશે.
વ્હાઇટ હાઉસમાં બેઠક પછી ડોનાલ્ડ ટ્રમ્પે ટ્રુથ સોશિયલ પર લખ્યું કે, તેમણે પુતિનને ફોન કરીને નબેઠક માટેની તૈયારીઓ શરૂૂ કરી છેથ, જેથી પુતિન અને ઝેલેન્સ્કી સામસામે બેસી શકે. ત્યારબાદ તે બંને રાષ્ટ્રપ્રમુખો સાથે ત્રિપક્ષીય બેઠકમાં સામેલ થશે. જોકે, તેમણે હજી સુધી આ સંભવિત બેઠકની તારીખ અથવા સ્થળની જાહેરાત કરી નથી.

જર્મન અખબાર બિલ્ડે આ સમાચારને સૌથી પહેલા જાહેર કર્યા હતા. રિપોર્ટ અનુસાર, ટ્રમ્પે પુતિનને યુરોપિયન નેતાઓ સાથે થયેલી ચર્ચાઓનો વિગતવાર અહેવાલ આપ્યો અને વાતચીત પછી જ બેઠક ફરી શરૂૂ થઈ. સૂત્રોના જણાવ્યા મુજબ, યુરોપિયન નેતાઓ તે સમયે રૂૂમમાં હાજર નહોતા, જ્યારે ટ્રમ્પ અને પુતિન વચ્ચે વાતચીત થઈ. આ ફોન કોલ લગભગ 40 મિનિટ સુધી ચાલ્યો. રશિયન રાષ્ટ્રપતિના કાર્યાલય ક્રેમલિનએ બંને વચ્ચેની વાતચીતની પુષ્ટિ કરી છે.

અમેરિકાના રાષ્ટ્રપતિ ડોનાલ્ડ ટ્રમ્પે સોમવારે રાષ્ટ્રપતિ વોલોડીમીર ઝેલેન્સ્કીને કહ્યું હતું કે રશિયાના યુદ્ધને સમાપ્ત કરવા માટેના કોઈપણ કરારમાં યુક્રેનની સુરક્ષાની ખાતરી આપવામાં યુનાઇટેડ સ્ટેટ્સ મદદ કરશે, જોકે કોઈપણ સહાયની હદ તાત્કાલિક સ્પષ્ટ નહોતી. ટ્રમ્પે વ્હાઇટ હાઉસ ખાતે એક અસાધારણ સમિટ દરમિયાન આ વચન આપ્યું હતું, જ્યાં તેમણે શુક્રવારે અલાસ્કામાં ટ્રમ્પ અને રશિયન રાષ્ટ્રપતિ વ્લાદિમીર પુતિનને મળ્યાના દિવસો પછી ઝેલેન્સ્કી અને યુરોપિયન સાથીઓના જૂથનું આયોજન કર્યું હતું.

જ્યારે સુરક્ષાની વાત આવે છે, ત્યારે ઘણી મદદ મળશે, ટ્રમ્પે પત્રકારોને જણાવ્યું હતું કે, યુરોપિયન દેશો તેમાં સામેલ થશે. નસ્ત્રતેઓ સંરક્ષણની પ્રથમ હરોળ છે કારણ કે તેઓ ત્યાં છે, પરંતુ અમે તેમને મદદ કરીશું. ઝેલેન્સ્કીએ આ વચનને એક મોટું પગલું ગણાવ્યું, ઉમેર્યું કે ગેરંટી આગામી અઠવાડિયાથી 10 દિવસમાં કાગળ પર ઔપચારિકસ્ત્રસ્ત્ર કરવામાં આવશે અને કહ્યું કે યુક્રેને લગભગ 90 બિલિયન મૂલ્યના યુએસ શસ્ત્રો ખરીદવાની ઓફર કરી છે.